ءدىن ىستەرى جانە ازاماتتىق قوعام مينيسترلىگىندە اتالمىش ۆەدومستۆو باسشىسى نۇرلان ەرمەكباەۆتىڭ توراعالىق ەتۋىمەن قر ۇكىمەتىنىڭ «دارىن» مەملەكەتتىك جاستار سىيلىعىن تاعايىنداۋ جونىندەگى كوميسسيانىڭ قورىتىندى وتىرىسى ءوتتى, دەپ حابارلادى ءدىن ىستەرى جانە ازاماتتىق قوعام مينيسترلىگىنىڭ ءباسپاسوز قىزمەتى.
«دارىن» مەملەكەتتىك جاستار سىيلىعى جەمiستi عىلىمي, شىعارماشىلىق جانە قوعامدىق قىزمەتi ءۇشىن دارىندى جاستاردى مەملەكەتتىك قولداۋ ماقساتىندا ەكى جىلدا ءبىر رەت ءارتۇرلى نوميناتسيالار بويىنشا بەرiلەدi.
ۇستىمىزدەگى جىلدىڭ 4 تامىزىندا قازاقستان رەسپۋبليكاسى ۇكىمەتىنىڭ «دارىن» مەملەكەتتىك جاستار سىيلىعىن بەرۋ جونىندە كونكۋرس جاريالانعان بولاتىن. ۇمىتكەرلەردەن وتىنىمدەر اعىمداعى جىلدىڭ 12 قىركۇيەگى مەن 25 قازانى ارالىعىندا قابىلداندى. ناتيجەسىندە بارلىعى 126 ءوتىنىم كەلىپ ءتۇستى. ونىڭ ىشىندە «تەاتر جانە كينو» نوميناتسياسى بويىنشا - 20, «جۋرناليستيكا» - 9, «ادەبيەت» - 6, «سپورت» - 13, «ەسترادا» - 13, «كلاسسسيكالىق مۋزىكا» - 11, «حالىق شىعارماشىلىعى» - 9, «ديزاين جانە بەينەلەۋ ونەرى» - 9, «عىلىم» - 23, «قوعامدىق قىزمەت» 13 ءوتىنىم.
2016 جىلعى 1-9 قاراشا ارالىعىندا اتالعان نوميناتسيالار بويىنشا («ەسترادا, كلاسسيكالىق مۋزىكا, حالىق شىعارماشىلىعى», «ديزاين جانە بەينەلەۋ ونەرى», «عىلىم جانە قوعامدىق قىزمەت», «سپورت») سەكتسيا وتىرىستارى وتكىزىلدى.
