جاپوندار الەمدى تاعى ءبىر تاڭعالدىردى. بۇل جولى قۇرىلىسشىلار كوزگە ءتۇستى. ولار فۋكۋوكا قالاسىنىڭ ورتالىعىنداعى كوپ جولاقتى جولدا پايدا بولعان ۇلكەن شۇڭقىردى بىرنەشە كۇندە بىتەگەن, - دەپ جازادى
The Guardian.
جولدىڭ بەتى 8 قاراشا كۇنى مەترو جەلىسىن جۇرگىزۋ بويىنشا جەر استى جۇمىستارىنا بايلانىستى
وپىرىلىپ تۇسكەن. وقيعا سالدارىنان ەلەكتر سىمدارى, تەلەفون جەلىلەرى ءۇزىلىپ, گاز جانە سۋ قۇبىرى جارىلعان.
جاپون باق-تارىنىڭ جازۋىنشا, ەنى 30 دا 27, ال تەرەڭدىگى 15 مەتردى قۇرايتىن شۇڭقىردى ەكى كۇندە بىتەگەن. ال جولدى تولىقتاي جوندەپ بىتىرۋگە ءبىر اپتا عانا ۋاقىت كەتكەن. جۇمىس تاۋلىك بويى توقتاماعان.
فۋكۋوكي اكىمى سويتيرو تاكاسيما كەلتىرىلگەن قولايسىزدىقتار ءۇشىن ەل الدىنا شىعىپ تۇرىپ, تۇرعىنداردان كەشىرىم سۇرادى. ول جول بولىگى بۇرىنعىسىنان ەندى 30 ەسە مىقتى ەكەنىن ايتتى.
