«قايرات» پەلە ويناعان «سانتوستى» جەڭدى

«تورتەۋدىڭ فينالى» دەپ اتالاتىن 2011 – ۋەفا كۋبوگىنىڭ فۋتزال بويىنشا فينالدىق كەزەڭى العاش رەت الماتىدا وتكەنى جانكۇيەرلەر ءۇشىن ايتا جۇرەرلىكتەي وقيعا بولدى.  شەشۋشى ماتچتاردىڭ جەرەبە تاس­تاۋىندا الماتىلىق «قايرات» اڭىزعا اينالعان برازيليالىق «سانتوس» كومانداسىمەن جولداستىق ويىندا باسەكەگە ءتۇسىپ, جەڭىسكە جەتتى. «قايرات» الەمدىك فۋتبولدا بايا­عى­­دان بەرى كەلە جاتقان مىقتى كلۋب «سانتوسپەن» جولداستىق ماتچ­تا وي­نا­دى. «سانتوس»  «ءۇل­كەن» فۋتبولدا وتكەن عاسىردىڭ ەڭ مىقتى فۋتبول ويىنشىسى پەلە ويناعان كلۋب. ال قازىر ونىڭ فۋتزالدى كوماندا­سى­نىڭ نامى­سىن ەكى مارتە الەمنىڭ فۋت­زال بويىنشا ەڭ جاقسى ويىن­شىسى اتانعان فالكاو قورعادى. اتى جەر جارعان برازيليالىق كوماندامەن كەزدەسۋ الدىندا «قاي­راتتىڭ» باس جاتتىقتىرۋ­شىسى جواو كارلوس باربوزا: – «سانتوس» – ۇلى كوماندا! الەم­دىك فۋتبول قاۋىمىنىڭ كوپ­تەگەن سۇيىكتىلەرى وسى كلۋبتىڭ تۇلەكتەرى نەمەسە ويىنشىلارى. ءوز وتانىندا وسىنداي كوماندامەن ويناۋ اركىمگە بەرىلە بەرمەگەن مۇمكىندىك,– دەگەن بولاتىن. كەزدەسۋ باستالماي تۇرىپ-اق, «قايرات» باسشىلىعى ءباسپاسوز ءماسليحاتىندا «سانتوسپەن» كەزدەسۋ قازاقستاندىق فۋتبولشىلار ءۇشىن ماڭىزدى وقيعا بولادى دەپ سانايتىنىن مالىمدەدى. ەۋروپا­لىق فۋتزالدىڭ قۇرمەتتى كومان­داسىندا ۋەفا كۋبوگىن جەڭىپ الۋ­دى ماقسات تۇتقان وسىنداي قار­سىلاسپەن كەزدەسۋ – «تورتەۋدىڭ فينالى» الدىنداعى جاقسى دا­يىن­دىق بولادى دەپ كۇتىلگەن ەدى. وسىلايشا, ءۇمىت ارتقان «قاي­راتىمىز» 8 ناۋرىز كۇنى العاشقى  ماتچتى جانكۇيەرلەرسىز وتكىزىپ, 5:3 ەسەبىمەن جەڭىلسە دە, ەكىنشى ماتچ تىكەلەي ەفيردەن كورسەتىلىپ, جەرلەستەرىمىز 3:1 ەسەبىمەن جەڭىس­كە جەتتى. جانكۇيەرلەردىڭ قول­داۋى دەگەن وسى بولار؟! قارسىلاستارىنا وڭايلىقپەن دەس بەرمەيتىن برازيليالىقتار «قاي­­­راتتىڭ» ءوز الاڭىندا كەزدەسۋ «قوناق­قا» كەلگەننەن وزگەشە بولعانىن مو­يىندادى. تۇڭعىش رەت قازاقستاندىق كوماندا ءوز تاريحىندا برازيليا­لىقتاردى تىزە بۇكتىردى دەپ قۋاندى «قاي­راتتىڭ» پرەزيدەنتى قايرات ورازبەكوۆ. «قايرات» تۋرالى ەندى اڭگىمە بولەك. «قايرات» ەۋروپانىڭ فۋتزال بويىنشا باستى جارىستىڭ شەشۋشى بولىگىنىڭ تۇراقتى قاتى­سۋ­شىسى بولىپ كەلە جاتقانىنا, مىنە 7 جىل بولدى. وسى جىلى تاريحتا العاش رەت الماتىنىڭ بالۋان شولاق اتىنداعى سپورت سارايىندا قۇرلىقتىڭ ەڭ جاقسى ءتورت كلۋبى شاعىن-فۋتبول دەگەن اتپەن بەلگىلى سپورتتىڭ تانىمال تۇرىندە «ءتور­تەۋدىڭ فينالىن» وينادى. ال ماتچتار وسى جىلدىڭ 29 ساۋىرىنەن 1 مامىرىنا دەيىنگى ارالىقتا وتەدى. ءتۋرنيردىڭ شەشۋشى كەزەڭىن قابىلداۋ مارتەبەسىنە قازاقستان الماتىلىق «قايرات­تىڭ» ەۋروارەنالارداعى كوپ جىل­عى جەتىستىكتەرىنىڭ ارقاسىندا يە بولىپ وتىر. ەۋروپالىق فۋتبول ەليتاسىنا ەنەتىن, ۋەفا رەيتينگىندە ءتورتىنشى ورىن الاتىن كلۋب, بىرنەشە جىل بويى ەلىمىزدىڭ ەڭ جاقسى كلۋبى اتىنان ايىرىلماي كەلەدى. ءتۇرلى دەڭگەيدەگى جارىس­تار­دا الماتىلىق كوماندا ءوز جەتىستىكتەرىمەن قازىرگى قازاقستان­دىق سپورتتىڭ مۇمكىندىكتەرىن كور­سەتە بىلۋدە. سونىڭ ناتيجەسىندە  «قاي­راتتىڭ» قانجىعاسىندا ۋەفا كۋ­بوگىنىڭ قولا ناگرادالارى جانە قۇرلىقتىڭ ەڭ جاقسى 8 كومانداسى قۇرامىندا پلەي-وفقا تۇراقتى ءتۇسىپ وتىرۋ بار. ايناش ەسالي, الماتى.