ناسيحات جۇمىستارى قىزا ءتۇستى

ەل پرەزيدەنتتىگىنەن ۇمىتكەرلەر قاتارىندا قازاقستاننىڭ كوممۋنيستىك حالىقتىق پار­تيا­سىنان جامبىل احمەتبەكوۆتىڭ تىركەلۋى ءبىزدى جاڭا ىستەرگە قۇلشىندىرىپ وتىر. ءبىزدىڭ ءوڭىر­دە پارتيانىڭ 4,5 مىڭ مۇشەسى بار. ءبىز پرەزيدەنتتىككە كانديداتتاردى قولداۋشىلاردىڭ قول­دارىن جيناۋدا جيناقىلىق تانىتتىق, بۇل ىستە پارتيا مۇشە­لە­رىنە كوم­سومولدار كوپ قول­عابىس جاسادى. قكحپ-دان پرەزيدەنتتىككە كان­ديدات جام­بىل اح­مەتبەكوۆتىڭ وب­لىستىق شتابى قۇرىلىپ, ساي­لاۋال­دى جۇمىستارى­نىڭ جوس­پارى جاسال­دى. شتاب­تى ءوزىم باس­قارامىن, 6 ادام جۇ­مىس ىستەيدى. كاندي­دات­تىڭ سەنىم ءبىل­دىرىلگەن وكىلدەرى انىق­تالىپ, قانداي جۇ­مىستار اتقارا­تىن­دارى تانىستىرىلدى. بۇگىندە ءبىزدىڭ كاندي­دات­تىڭ سايلاۋالدى ۇگىت-ناسيحات جۇ­مىس­تارىنا قاجەتتى ماتەريالدار تولىق قولى­مىزدا. بۇل ماتە­ريال­داردى سايلاۋالدى ۇگىت-ناسيحات جۇمىس­تا­رىندا ءتيىمدى جانە ىقپالدى پايدالانا باستادىق. سونداي-اق, وسىنداي پارمەندى جۇ­­مىستاردى حا­لىق­تىڭ قا­­لىڭ ورتاسىندا ءجۇر­گىزۋ ءۇشىن «گازەل» شاعىن اۆتو­بۋ­سىن ۇگىت پويىزى ەتىپ جاراقتاندىردىق. پرەزيدەنتتىككە كانديدات جامبىل احمەت­بەكوۆتىڭ سايلاۋالدى باعدارلاماسى حالىقتىڭ كوكەيىندەگى ماسەلەلەردى قوزعايدى. سايلاۋالدى كۇرەسكە تۇسكەن ءبىزدىڭ پارتيا اراداعى بەس جىلدا حالىق ءۇشىن تاۋار يمپورتىن 25-30% كەمىتۋگە, ەنەرگەتيكا, مۇناي, تاۋ-كەن بايىتۋ, تەمىر جول, اۋە كولىگى سالالارىن مەملەكەتتىك مەنشىككە قايتارۋعا, ماقتانى, تەرىنى, تەرى ونىمدەرىن, اعاشتى سىرتقا شىعارۋدى توقتاتىپ, ءتۇستى جانە قارا مەتالدى سىرتقا شىعارۋعا كۆوتا ەنگىزۋگە, حالىقتىڭ ءال-اۋقاتىنىڭ ارتۋىنا جانە ەكونوميكالىق الەۋەتتىڭ وسۋىنە اسەرىن تيگىزەتىن شيكىزاتتىق جانە تابيعي رەسۋرستاردى پايدالانۋدىڭ ءتيىمدى جولىن تابۋعا, قازاقستان حالىقتارىنىڭ بىرلىگىن نىعايتۋعا جانە باسقا باعىتتاردا جۇمىستاناتىن بولادى. شىنايى حالىق بيلىگىن قۇرۋداعى ساياسي كۇشتەردىڭ ءرولى  بيىكتەۋى ءتيىس. ال جالپى, ءبىزدىڭ پارتيانىڭ وڭىردەگى بەدەلى جوعارى. جەرگىلىكتى بيلىك وبلىستىق كوميتەتتىڭ ۇسىنىستارىنا قۇلاق اسىپ, قوزعالعان ماسەلە­لەر­دى شەشىپ ءجۇر. مىسالى, «وڭتۇستىك باتىس» اۋدانىن­داعى كەڭەس وداعىنىڭ باتىرى ءىدىرىس ۇرگەنىشباەۆ اتىنداعى كوشەگە باتىردىڭ ەسكەرتكىش تاقتاسىن ورناتۋعا, قاتتى جامىلعى ءتو­سەۋگە ءبىز مۇرىندىق بولدىق. سونداي-اق, پار­تيانىڭ تانىمدىلىعىن جاقسارتۋ ءۇشىن حالىقتى تولعانتقان ماسەلەلەر بويىنشا ءتۇرلى اكتسيالار وتكىزدىك. اقتوبەلىكتەردىڭ ساياسي بەلسەندىلىگى جوعارى ەكەنىن بىلەمىن. بۇل جولى دا حالىقتىڭ پرەزيدەنتتىك سايلاۋعا تۇگەلدەي كەلىپ, دۇرىس تاڭداۋ جاسايتىنىنا سەنەمىن. قازىرگى كەزدە سايلاۋال­دى ۇگىت-ناسيحات جۇمىستارىنىڭ «قىزۋى» كوتەرىلە ءتۇستى. بۇل باعىتتا ءبىز دە ءوز كانديدا­تۋرامىزدىڭ بايگەدەن وزىپ كەلۋىنىڭ قولدان كەلەر مۇمكىندىگىن جاساپ جاتىرمىز. جانات مولداشەۆ, قكحپ اقتوبە وبلىستىق كوميتەتىنىڭ حاتشىسى,  وبلىستىق شتاب باستىعى.