ونەر ىشىندەگى ورنەكتىسى

قازاقستان پرەزيدەنتتىگىنەن ۇمىتكەر عاني قاسىموۆتىڭ كينوعا ىقىلاسى ەرەكشە پارتيالىق پايىم-پىكىرىنە ساي عاني قاسىموۆ ءوزىنىڭ سايلاۋ الدىنداعى ساياسي تۇعىرناماسىندا ونەر-مادەنيەتتى وركەندەتۋ ماسەلەلەرىنە ۇلكەن كوڭىل بولگەنى بەلگىلى. ناق سونىڭ ايعاعىنداي, ايەلدەر مەرەكەسى قارساڭىندا پرەزيدەنتتىككە كانديدات شاكەن ايمانوۆ اتىنداعى «قازاقفيلم» كينوستۋديا­سىن­دا ءوتىپ جاتقان دەرەكتى كينو فەستيۆالىندە بولدى. پاتريوتتار پارتيا­سى­نىڭ كوشباسشىسى كينونىڭ ونەر ىشىندەگى ەڭ ماڭىزدىسى دەگەن قاعيداتتىڭ ەسكىرمەيتىندىگىن ەسكەرىپ, حالىق مادە­نيە­تى مەن تاريحي مۇرانى قايتا جاڭ­عىر­تۋ ورايىندا شۇعىل شارالار قول­دانۋ قاجەتتىگىن ايتىپ ءوتتى. قازاقستاندىقتاردىڭ ءوز-وزىنە, ەلدىڭ ۇزدىكسىز ءوسۋ مۇمكىندىگىنە سەنۋى, ناعىز وتانشىلدار بولۋى وتە ماڭىزدى. مەملەكەتتە دوستىق, تاتۋلىق پەن كەلىسىم, بارلىق ۇلتتار مەن ۇلىستاردى قولداۋ, سونداي-اق ولاردىڭ مادەنيەتى مەن ۇلت­تىق داستۇرلەرىن قولپاشتاۋ قامتاماسىز ەتىلۋى ءتيىس, دەپ اتاپ كورسەتتى ع.قاسى­موۆ كينوستۋديادا بولعان كەزىندە. سوڭعى جىلدارى قازاقستاننىڭ كينو ءوندىرىسى العا باسىپ كەلەدى. الۋان جانر­لى كوركەم فيلمدەردى شى­عارۋ قاي­تا­دان بەل الىپ, جىل سايىن ءما­دە­نيەتكە, مۋ­زى­­كاعا, عىلىم­عا جانە باسقا تا­قىرىپتارعا ارنالعان 30-40 شاقتى دەرەكتى تاسپالار تۇسىرىلۋدە. پرەزيدەنتتىكتەن ۇمىتكەر كەلىپ وتىرعان جاڭا دەرەكتى كينو فەستيۆالى قازاقستان مەن ورتالىق ازيا ەلدەرىندە تۇڭعىش ءوت­كى­زىلىپ وتىر. اپتا بويى كورەرمەندەر اسا كورنەكتى قازاق عالىمدارىنىڭ, جازۋ­شى­لارىنىڭ, ساز­گەر­لەرىنىڭ قىزمەتىمەن تانىسۋعا ءمۇم­كىندىك الدى. مۇحتار اۋەزوۆ, ءابىش كەكىلباەۆ, باسقا دا بەلگىلى تۇلعالار, سون­داي-اق رەسپۋبليكا مادەنيەتى مەن ونە­رى­نىڭ قايراتكەرلەرى جايىنداعى كينو­تۋىن­دىلار ىقىلاسپەن تاماشالاندى. «تسەزار» كينوتەاترىندا كورەرمەن­دەر­مەن كەزدەسۋگە فيلم كەيىپكەرلەرى مەن كينوگەرلەردىڭ وزدەرى كەلدى. وسىنداي ءبىر ارەدىكتە عاني قاسىموۆ اتاقتى عالىم, اكادەميك ت.شارمانوۆپەن كەزدەستى. دەنساۋلىق ساقتاۋ ىسىنە قوس­قان زور ۇلەسى ءۇشىن وعان دۇنيە­جۇ­زى­لىك دەنساۋلىق ساقتاۋ ۇيىمىنىڭ جو­عا­رى ماراپاتى تابىس ەتىلگەن. رەجيسسەر باقىت قايىربەكوۆ جاساعان «الەم ازا­ما­تى» فيلمىندە وسى جاعداي پاش ەتىلگەن. پرەزيدەنتتىككە كانديدات ءفيلمدى كورگەننەن كەيىن: «ءبىزدىڭ ەلىمىزدە ماق­تان تۇتۋعا لايىقتى الەمدىك دەڭگەيدەگى زاڭعار تۇلعالار ەڭبەك ەتەدى. سولاردىڭ ىشىندە تورەگەلدى شارمانوۆ, ولجاس ءسۇ­لەيمەنوۆ, سالىق زيمانوۆ, ءابدىجامىل نۇرپەيىسوۆ جانە باسقالارىن اتار ەدىم. ولار – ۇلتتىڭ ماقتانىشى. ولاردىڭ قىزمەتى ءبىزدىڭ ارقايسىمىزدى شىعار­ما­شىلىق تۇرعىدان وسۋگە تالاپتان­دىرىپ, قياعا قانات سەرمەتەدى», دەدى. سونداي-اق, عاني قاسىموۆ قازاق­ستان­نىڭ ەل داڭقىن اسىراتىن دارىن­دارعا باي ەكەندىگىن اتاپ كورسەتتى. وسىنداي زاڭعار تۇلعالار ەلدى وركەن­دە­تىپ, عىلىم مەن مادەنيەتتە, قوعامنىڭ باسقا سالالا­رىن­دا جاۋھار قۇندى­لىق­تار جاسايدى. مىنە, ءبىزدىڭ ەلىمىزدە بو­لا­شاقتا وسىنداي ادامدار تاربيەلەنۋى ءتيىس. قورعانبەك امانجول. سۋرەتتى تۇسىرگەن بوريس بۋزين.