«ەنيسەي-1200» شۋدا شىعارىلادى

شۋ لوكوموتيۆ جوندەۋ زاۋى­تى – ەلىمىزگە جانە جاقىن شەت ەلدەرگە سەرۆيستىك قىزمە­تى­مەن كەڭىنەن تانىمال كاسىپورىن. ەندى, مىنە, وسى كاسىپورىن جا­قىندا تاعى ءبىر جاڭا جوبانىڭ تۇساۋىن كەستى. ورىس ەلىنىڭ كراسنويار قا­لاسىنداعى كومباين زاۋىتى­مەن كەلىسىم-شارتقا وتىر­عان لوكوموتيۆشىلەر ەندى «ەنيسەي-1200» كوم­بايندارىن قازاق ەلىندە قۇ­راس­­تىرۋعا قول جەتكىزدى. رەسەيلىك «تراكتور زاۋىتى كونتسەرنى» جشس ديرەكتورى اندرەي ۆولف «شۋ لوكوموتيۆ جوندەۋ زاۋىتى» كاسىپورى­نى­نىڭ باسشىسى دياس سۇلەي­مە­نوۆ­تىڭ قۋاتتى كومباينداردى قازاق ەلىندە دە قۇراستىرۋ ءجو­نىندەگى ۇسى­نىسىن قۇلشىنا قولداعان. كوپ ۇزاماي شۋ لوكوموتيۆ جوندەۋ زاۋىتىمەن تا­نىسىپ, كاسىپورىن­نىڭ كومباين قۇراستىرۋعا تولىق مۇمكىندىگى بار ەكەنىنە كوزى جەتكەن. «ەنيسەي-1200» ماركالى كوم­باينى زامان تالابىنا ساي قۋات­تى تەحنيكا بولىپ تابى­لا­دى. ول قۋاتتىلىعىنا قارا­ماس­تان باسقا­رۋ­عا جەڭىل جانە دوڭ­عالاقتاردى ۇستاپ تۇراتىن كۇ­شەي­تىلگەن بەلتەمىرى كەز كەلگەن اۋىرلىققا شىداس بەرەدى. استىق جينايتىن بۋنكەرى دە كەڭ. سونداي-اق, تەحنيكا استىق جيناۋ, سۇرىپتاۋ, قوراپ­قا قۇيۋ, سا­بانداردى تەكشەلەپ شومەلەلەۋ سياقتى جۇمىستاردىڭ ءبارىن ات­قا­رادى. شۋ زاۋىتىندا قۇراس­تى­رىلاتىن ءبىر كومبايننىڭ قۇنى شا­مامەن  12 ميلليون تەڭگەنى قۇ­راماق. رەسەيلىك ماماندار كومباين­نىڭ ساپاسىنا كەپىلدىك بەرىپ وتىر. شۋ لوكوموتيۆ جوندەۋ زاۋى­تىنىڭ دايىن ينفراقۇ­رى­لىمى, قۋاتتى اۋىر ماشينەلەر جاساۋعا قاجەتتى قۇرال-جاب­دىق­تارىنىڭ بولۋى بۇ­عان دەگەن سەنىمدى ۇلعايتا تۇسەدى. ونىڭ ۇستىنە, كومباينعا قاجەتتى قوس­ال­قى بولشەكتەردىڭ 30%-ى شۋ لوكوموتيۆ جوندەۋ زاۋىتىنىڭ وزىندە جاسالماق. شۋ قالاسى تەمىر جولدار توعىساتىن توراپتىڭ ءبىرى بولعاندىقتان كومبايننىڭ نەگىزگى بولشەكتەرىن تاسىمالداۋ دا وڭاي جانە ارزانعا تۇسەدى. شۋ لوكوموتيۆ جوندەۋ زاۋىتى باسشىلارىنىڭ ەسەپتەۋىنشە, كوم­باين قۇراستىرۋ جونىندەگى جوبا تولىق قۋاتىندا جۇمىس ىستەي باستاعان ۋاقىتتا بيۋدجەتكە ءبىر جىلداعى سالىق ءتۇسىمى 180 ميلليون تەڭگەگە جەتپەك. جاڭا جوبا  ماقساتى دا وسى, ساپالى كوم­باين­داردى كوپتەپ وتكەرۋ ارقىلى كا­سىپورىن تابىسىن ۇلعايتۋ, وبلىس جانە اۋدان ەكونوميكاسىن جاق­سارتۋعا ۇلەس قوسۋ جانە قا­لاداعى تالاپتى جاستاردى جاڭا جۇمىسقا تارتۋ. بۇگىنگە دەيىن كاسىپورى­ن­نىڭ 10 مامانى كراس­نويار قالا­سىنداعى كومباين زاۋىتىندا بولىپ, ءماشي­نە قۇراستىرۋ جونىنەن بىلىكتىلىكتەرىن جەتىلدىرىپ قايتتى. رەسەي كومباين جاساۋ­شى­لا­رى ەۋروپا ەلدەرىندە دە كوپ­تەگەن تەحنيكا قۇراستىرۋ تسەح­تا­رىن اشقان. ال «ەنيسەي-1200» اتتى قۋاتتى كومباينداردى بۇگىندە بولگاريا, قىتاي, ۆەتنام, يراك, مەكسيكا سياقتى ەل­دەردىڭ ەگىس القاپتارىنان كو­رۋگە بولادى. كراسنويار كومباين زاۋىتى ماماندارىنىڭ بۇدان باسقا دا اۋىل شارۋاشىلىعى تەحنيكالا­رىن شىعارۋعا مۇمكىندىكتەرى بار. سۇرانىس بولسا, كوممۋ­نال­دىق جانە وزگە دە ءىرى كاسىپ­ورىن­دارعا قاجەتتى ۇلكەن دوڭعالاقتى  جانە شىنجىر تاباندى تراك­تورلاردى جاسايدى. بۇل كا­سىپورىن, سونىمەن بىرگە, الەم­دىك دەڭگەيدەگى زاماناۋي تالاپ­تارعا جاۋاپ بەرەتىن اسكەري اۋىر تەحنيكالاردى جاساۋىمەن دە بەلگىلى. بيىل شۋ لوكوموتيۆ زاۋى­تىندا «ەنيسەي-1200» كوم­باينى­نىڭ 150 داناسىن قۇراس­تىرۋ جوسپارلانۋدا. ونىڭ ال­عاشقى «قارلىعاشى»  ءساۋىردىڭ ال­عاشقى اپتاسىندا دايىن بول­ماق. كوسەمالى ساتتىباي ۇلى, جامبىل وبلىسى, شۋ اۋدانى.