جالاعا جول جوق

كەشە سىرتقى ىستەر مينيسترلىگىنىڭ رەسمي وكىلى اسقار ابدراحمانوۆتىڭ بۇقارالىق اقپارات قۇرالدارى وكىلدەرى­مەن ءداستۇرلى اپتالىق بريفينگى بولىپ ءوتتى. وندا ەلىمىزدىڭ سىرتقى ساياساتىندا تاياۋدا جۇزەگە اسىرىلاتىن شارالار تۋرالى اقپارات بەرىلدى. بريفينگتە 17 ناۋرىزدا قا­زاقستان رەسپۋبليكاسىنىڭ پرە­زيدەنتى ن.نازارباەۆتىڭ رەسەي فەدەراتسياسىنىڭ استاناسى ءماس­كەۋگە جۇمىس ساپارىن جاساي­تىنى ايتىلدى.  كورشىلەس مەملەكەت باسشىلىعىمەن وتەتىن كەلىس­سوز­دەر بارىسىندا تاراپتار قا­زاق­ستان مەن رەسەي اراسىنداعى ەكىجاقتى جانە كوپجاقتى پىشىندەگى ىنتىماقتاستىقتىڭ وزەكتى ماسەلەلەرىن تالقىلايدى دەپ كۇتىلۋدە. رەسمي وكىل, سونداي-اق 17 ناۋ­رىزدا استانادا شانحاي ىنتى­ماقتاستىق ۇيىمىنا (شىۇ) قا­زاقستاننىڭ توراعالىعى شەڭبە­رىن­دە ۇيىمعا مۇشە مەملەكەتتەر قورعانىس مينيسترلەرىنىڭ كەزەكتى كەڭەسى وتەتىنىن اتاپ كورسەتتى. جيىنعا شىۇ حاتشىلىعىنىڭ جانە ايماقتىق تەرروريزمگە قار­سى قۇرىلىمنىڭ باسشىلارى قا­تى­ساتىن بولادى. الداعى وتىرىس بارىسىندا حالىقارالىق جانە ايماقتىق قاۋىپسىزدىك ماسە­لە­لە­رىن, شىۇ-عا مۇشە مەملەكەت­تەر­دىڭ قورعانىس ۆەدومستۆولارى اراسىنداعى ىنتىماقتاستىقتى ءارى قاراي دامىتۋ جولدارىن تال­قىلاۋ جوسپارلانعان. بريفينگ بارىسىندا جۋرناليستەر تاراپىنان رەسمي وكىلگە قازاقستان مەن قىتاي اراسىنداعى «قۇپيا كەلىسىمدەرگە» قاتىستى سۇراق قويىلدى. وعان اسقار ابدراحمانوۆ  بىلاي جاۋاپ قاي­تار­دى: «بىرقاتار بۇقارالىق اقپارات قۇرالدارى مەن ينتەرنەتتە تا­را­تىلىپ وتىرعان قازاقستان جاعى قىتاي تارابىمەن «اسكەرلەردى ەنگىزۋ» مەن «جەردى جالعا بەرۋ» جونىندە جاسىرىن كەلىسسوزدەر جاساپتى-مىس دەگەن سوزدەرگە بايلانىستى مينيسترلىك اتالعان اقپاراتتىڭ شىندىققا مۇلدەم جاناسپايتىندىعىن رەسمي تۇردە مالىمدەيدى. وسى تەكتەس اقپارات­تىڭ تاراتىلۋى قوعامدىق پىكىرگە بەلگىلى ءبىر ماقساتپەن تەرىس ىقپال ەتۋدى جانە ارانداتۋدى كوز­دەيدى. ءبىز باق وكىلدەرىن مۇنداي اقپارات كوزدەرى مەن وسىنداي جالعان مالىمەتتەردى جاريالاۋدا اسا جاۋاپكەرشىلىك پەن ۇستام­دى­لىق تانىتۋعا شاقىرامىز. پرەزيدەنت ساپارىنىڭ بارىسىندا قازاقستان مەن قىتاي اراسىندا قول قويىلعان قۇجاتتاردىڭ تولىق تىزىمىمەن مينيسترلىكتىڭ ۆەب-سايتىندا تانىسۋعا بولادى». كورشى ەلگە تاياۋداعى رەسمي ساپار بارىسىندا قانداي قۇجات­تار­عا قول قويىلعانى تۋرالى «ەگەمەن قازاقستان» گازەتىنىڭ بەتىندە دە جان-جاقتى جازىلعانىن قاپەرگە سالعاندى ءجون كورىپ وتىرمىز. ول كەلىسىمدەر ەكى ەلدىڭ دە مۇددەسىنە سايكەس كەلەدى. مۇنى ءبىر دەسەك, ەكىنشىدەن, مەملەكەت باسشىلارى دەڭگەيىندەگى كەلىس­سوزدەر بارىسىندا ەشقانداي دا قۇپيالىق بولمايتىنىن ەرەكشە اتاپ كورسەتكىمىز كەلەدى. مۇنداي جالعان, شىندىققا ءۇش قايناسا سورپاسى قوسىلمايتىن اقپارات تاراتۋدىڭ ءوزىن ساتقىن­دىقتىڭ ەڭ سوراقى ءتۇرى دەپ ايىپتاعان ءجون. «وتىرىكتىڭ قۇيرىعى ءبىر-اق تۇتام», دەيدى حالىق دانالىعى. جالاعا جول جوق ەكەندىگىن سىرت­قى ىستەر مينيسترلىگىندەگى اتال­عان بريفينگ بارىسىندا قاي­تا­رىلعان جاۋاپ تاعى دا  كورسەتىپ بەرىپ وتىر. «ەگەمەن-اقپارات».