وتۋنباەۆاعا اقش سىيلىعى تاپسىرىلدى

اقش مەملەكەتتىك حاتشىسى حيللاري كلينتون 8 ناۋرىز كۇنى ۆاشينگتوندا 10 ەلدىڭ وكىلىنە, اراسىندا قىرعىزستاننىڭ وتپەلى كەزەڭدەگى پرەزيدەنتى روزا وتۋنباەۆا دا بار, «ايەل ەرلىگى ءۇشىن» سىيلىعىن تاپسىردى. سالتاناتتى راسىمگە قوناق رەتىندە اقش-تىڭ ءبىرىنشى حانىمى ميشەل وباما قاتىستى.  ءوز ەلى اۆتوريتاريزمنەن ارىلۋعا تال­پىنىس جاساعان كەزدە  باستى تۇلعا رەتىندە ارەناعا شىعا وتىرىپ, وتۋنباەۆا ورتالىق ازيا­دا­عى  جانە نەگىزىنەن مۇسىلماندار تۇرا­تىن ەلدە تۇڭعىش ايەل-ۇكىمەت باس­شى­سى بولدى, دەپ اتاپ كورسە­تىل­گەن اقش مەملەكەتتىك دەپارتامەنتى تاراتقان حاباردا. تولقۋلار تولاستار ەمەس يەمەننىڭ استاناسى سانادا پوليتسەيلەردىڭ ەرەۋىلشىلەرگە قارسى وق اتۋىنان كەمىندە 50 ادام جاراقات الدى, دەپ حابارلادى كاتارلىق «ءال جازيرا» تەلەارناسى. ۇلكەندىگى جاعىنان ءتورتىنشى سانالاتىن حودەيدا قالاسىندا دا قارسىلىق اكتسيالارى ءوتىپ, ەرەۋىلشىلەر ءتارتىپ ساقشىلارىنا تاس لاقتىرعان. ال پوليتسەيلەر بولسا, سانكتسيالانباعان ەرەۋىلدى توقتاتۋ ءۇشىن قولشوقپار قولدانۋعا ءماجبۇر بولعان. باتىستىڭ بىرقاتار ەلدەرى ءوز ازاماتتارىن تولقۋلار باستالعان ەلدەن كەتۋگە شاقىرۋدا. ايتا كەتۋ كەرەك, ەل پرەزيدەنتى الي ابداللا سالەحتىڭ شۇعىل تۇردە وتستاۆكاعا كەتۋىن تالاپ ەتكەن يەمەندەگى تولقۋلار اقپان ايىندا باستالعان بولاتىن. جاعالاۋ تولى ءولى بالىق اقش-تىڭ اتىشۋلى لوس-اندجەلەس قالاسى ەكولوگيالىق اپات الدىندا تۇر. جاعالاۋداعى ايلاقتاردىڭ بىرىندە ميلليونداعان ءولى بالىقتار قالقىپ تۇرعان كورىنەدى. توڭىرەكتەگى ساسىعان بالىق يىسىنەن دەم الۋ مۇمكىن ەمەس. ولگەن بالىقتارعا جەمتىك رەتىندە شاعالالار, بىرقازان­دار, ءتىپتى يتبالىقتارعا دەيىن جان-جاقتان جينالۋدا. شاعىن ايلاق­تاعى توننالاعان بالىقتاردى كاليفورنيانىڭ ىستىق كۇنى تەز-اق شىرىتۋدە. ال ونىڭ سۋدى زاقىمداپ, ءتۇرلى جۇقپالى اۋرۋلار تاراتۋى ءمۇم­كىن دەگەن بولجام ايتۋدا جەرگىلىكتى ماماندار.  سۋدى ولگەن بالىق­تاردان تازارتۋ ىسىمەن ءورت سوندىرۋشىلەر مەن پوليتسەيلەر اينالىسۋدا.   مۇناي ءوندىرۋ كولەمىن ۇلعايتپاق باعانىڭ ءوسۋىن توقتاتۋ ءۇشىن وپەك-كە مۇشە ەلدەر مۇناي ءوندىرىسى قارقىنىن ارتتىرا تۇسپەك, دەپ حابارلايدى Financial Times گازەتى. اتاپ ايتقاندا, كۋۆەيت, بىرىككەن اراب امىرلىكتەرى جانە نيگەريا ءساۋىر ايىنىڭ باسىنا تامان ءوندىرىستى كۇنىنە شامامەن 250000-350000 باررەلگە دەيىن ۇلعايتپاق.  ساۋد ارابياسىنىڭ مۇناي ءوندىرىسىن كۇنى­نە 700000 باررەلگە دەيىن ۇلعايتاتىنىن قوسا العاندا, ءوندىرىستىڭ بۇل كولەمى ليۆيا ەكسپورتىنىڭ قۇلدىراۋىنا بايلانىستى ورىن العان ول­قى­لىقتىڭ ورنىن تولتىرۋعا ءتيىس دەپ ەسەپتەيدى, جوعارىدا اتالعان باسىل­ىم. سونىمەن بىرگە, تريپوليگە قارسى حالىقارالىق سانكتسيا­لار­دىڭ ەنگىزىلۋىنە وراي ءىرى مۇناي كومپانيالارى ليۆيا مۇنايىن ساتىپ الۋدان مۇلدە باس تارتىپ وتىر.   جول سالۋدان تۋعان جانجال ماسكەۋ-سانكت-پەتەربۋرگ جۇردەك  اۆتوماگيسترالى قۇرىلى­سى جاڭا جانجالعا سەبەپكەر بولىپ وتىر. سويتسە, تراسسانىڭ ماسكەۋ تۇبىندەگى كلين اۋدانىندا ورنالاسقان كەز كەلگەن قۇرىلىس جۇمىستارىن جۇرگىزۋگە تىيىم سالىنعان «زاۆيدوۆو» ۇلتتىق پاركى ارقىلى وتەتىنى بەلگىلى بولعان. بۇل پاركتە سونداي-اق رەسەي پرەزيدەنتىنىڭ رەزيدەنتسياسى دا ورنالاسقان ەكەن. ءمالىم  بولعانىنداي, 2005 جىلى جولدى جوبالاعان كەزدە تراسسا «زاۆيدوۆو» پاركىنىڭ جانىنان عانا وتەتىن بولعان. بىراق 2007 جىلى رەسەي پرەزيدەنتى بولىپ تۇرعان كەزىندە ۆ.پۋتين ۇلتتىق پاركتىڭ الاڭىن ۇلعايتقان, ءسويتىپ تراسسا وتۋگە ءتيىس جەر پارك اۋماعىنا ەنىپ كەتكەن. ينتەرنەت ماتەريالدارى نەگىزىندە ازىرلەندى.