6-7 ناۋرىز كۇندەرى فۋتبولدان قازاقستان چەمپيوناتى باستالدى

تازا جەڭىس بۇل كۇندەرى ماتچتار ورداباسى» – «توبىل», «شاحتەر» – «قايسار», «لوكوموتيۆ» – «جەتىسۋ», «ۆوستوك» – «قاي­رات», «اقتوبە» – «اتىراۋ», «تاراز» – «ەرتىس» كوماندالارى ارا­سىندا ءوتتى. ءبىرىنشى تۋردىڭ ويىندارىندا 9 گول سوعىلدى. بار­لىق ويىندار «قۇرعاق» جە­ڭىس­پەن ءبىتتى. وندا ماۋسىمنىڭ العاشقى گو­لىن ءوز الاڭىندا قوستانايدىڭ «تو­بىل» كلۋبىن قابىلداعان «ورداباسى» كو­مان­­داسىنىڭ شا­بۋىل­شىسى ازات نۇر­عاليەۆ سوقتى. ول ەسەپتى 33 مي­نوتتە اش­تى. ال تارازدىق قورعاۋشى دانيار مەمشەۆيچ 15 مينوتتە ءوز قاقپاسىنا گول سا­لىپ, العاشقى اۆتوگولدىڭ اۆتورى اتان­دى. وسى تۋردا 3 گولدى ۇلتتىق قۇراما­نىڭ ويىن­شىلارى سوقسا, ويىنشى­لار­عا 21 ەسكەرتۋ قاعازى كور­سەتىلدى. سونىڭ ءىشىن­دە «تو­بىل» مەن «ەر­تىستىڭ» ويىن­شى­­لارى 10 رەت ءتارتىپ بۇ­زىپ, ارقايسىسى بەس-بەستەن سارى قاعاز ال­دى. وسىعان قاراپ ماتچتىڭ قى­زىق­تى جانە تارتىستى ءوت­كە­نىن كورۋگە بولادى. دەگەنمەن, باسقا دا ويىنداردىڭ قىزىقتى ءوتۋى­نە بايلا­نىس­تى بۇل تۋرداعى بولعان ورتا­لىق ويىند­ى ايتۋ قيىن. تەك «جەتىسۋدىڭ» اس­تاناعا كەلىپ, «لوكوموتيۆتى» جەڭ­گەنى بول­ماسا, باس­قا سەنساتسيا دەۋگە تۇرارلىق ەش­ت­ەڭە بول­عان جوق. سو­ن­ىڭ ىشىندە بىل­تىر­عى چەمپيون «توبىل» مەن سۋپەر­كۋبوك­تى يەلەن­گەن «لوكوموتيۆ» العاشقى ويىن­دارىن جەڭى­لىس­تەن باس­­تاسا دا سەنساتسيا دەۋگە بول­ماي­تىن سياق­تى. تاعى ءبىر ايتا­تىن نارسە, وسى تۋر­داعى «شاحتەر» مەن «قاي­سار» ارا­سىن­داعى كەزدەسۋ قارا­عان­­دى الا­ڭى­نىڭ قا­زاق­­ستان فۋتبول فە­دەراتسيا­سى­نىڭ تا­لاپتارىنا ساي كەل­مە­گەندىكتەن استانادا ءوتتى. مۇن­داي جاع­داي ەكىن­­شى تۋردا دا قايتا­لاناتىن بولا­دى. ياعني, «اتى­راۋ» مەن «شاحتەر» اراس­ىنداعى ماتچ اتى­راۋ­داعى اۋا رايى­نىڭ قولايسىزدىعىنا باي­لا­نىستى استا­نا­عا اۋىستى­رى­لادى. ءسوي­تىپ, «شاحتەر» ەكىنشى ويىن­دى دا سىرت الاڭدا وتكىزۋگە ءماج­بۇر بولىپ وتىر. جالپى, ءبىرىنشى تۋردىڭ ويىندارى مى­ناداي ناتيجەمەن اياقتالدى. «ور­دا­باسى» – «توبىل» – 1:0. قاجىمۇقان اتىن­­داعى ورتالىق ستاديوندا وتكەن بۇل كەزدەسۋگە 3 500 ادام جينالدى. قازىر شىم­كەنت­تىك كوماندانىڭ قۇرا­مىنا فارحاتبەك ىرىس­مەتوۆ پەن ازات نۇرعاليەۆ قايتىپ كەلدى. سول ازات, جو­عارىدا ايت­قانى­مىز­داي, كەزدەسۋدىڭ 33 ءمينوتىن­دە چەمپيو­نات­تىڭ العاشقى گو­لىن سوقتى. ال «تو­بىل­دىڭ» بۇل جەڭى­لى­سى كەزدەيسوق دەپ ايتا ال­ماي­مىز. قوس­تانايلىقتار العاشقى ماتچتا جەڭىلگەنى­مەن, جاڭا ماۋسىمدا چەم­پيوندىق اتاقتى قورعاۋعا تاس-ءتۇيىن دايىن تۇر. باس باپكەر راۆيل ءسابيتوۆتىڭ ايتۋىن­شا, كوماندادا كادر ماسەلەسى جوق. كوماندا جا­ڭار­تىلىپ, جاڭا ويىنشىلار الىندى. قا­زىر سولاردىڭ ىشىندە تەك بوس­نيالىق فورۆارد بەكريچ قانا ەڭبەك ۆيزا­سىن الما­عان­دىقتان ويناي الماي ءجۇر. ال باسقا­لارى كوماندا ساپىندا دا­يىندالۋدا. «لوكوموتيۆ» – «جەتىسۋ» – 0:2. بۇل ويىندى «اس­تانا-ارەنا» ستاديونىنا كەلگەن 2 500 ادام تا­ما­­شالادى. ماتچتا گول­دى سەرىكجان مۇجىقوۆ پەن سەرگەي وس­تاپەنكو سوقتى. «جەتىسۋدىڭ» باس باپكەرى اس­قار قو­جا­بەرگەنوۆ كەزدەسۋ سوڭىندا وتكەن باس­پا­سوز ءماسليحاتىندا شاكىرت­تەرى­نىڭ ونەرىنە ريزا ەكەنىن, قورعاۋشىلار اق­جول سەرىكجانوۆ پەن زاحار كوروبوۆتىڭ ماتچ­قا قاتىسا الماسا دا باسقا ويىن­شى­لاردىڭ جاقسى  قورعانىپ, ۇتىمدى شا­بۋىل­­­دار ج­ا­ساي العانىن اتاپ ءوتتى. «تەمىر­جول­شى­لاردىڭ» باس باپكەرى حولگەر فاح بولسا, ويىنعا اندرەي كار­پو­ۆي­چتىڭ «توبىلمەن» ەل سۋپەر­كۋبوگى ءۇشىن وتكەن سوڭعى ويىندا اۋىر جارا­قات العانىنا بايلانىستى قاتىسا الماعانىن, ول ەندى ءبىر اي بويى جارا­قا­تىن ەمدەيتىنىن ايتتى. ال ويىن تۋ­رالى ول قار­سىلاستارىنىڭ جەڭىسكە دەگەن قۇلشىنى­سىن باعالايتىنىن جەتكىزدى. «ۆوستوك» – «قايرات» – 1:0. كەزدەسۋدە جال­عىز دوپتىڭ اۆتورى ساشا دوبريچ اتان­دى. وسكەمەننىڭ «ۆوستوك» ستاديو­نىن­دا 1 300 جانكۇيەردىڭ كوز ال­دىندا وتكەن بۇل ماتچتا جەرگىلىكتى كوماندا جەڭىس­كە جەتۋ ءۇشىن بار كۇش-جىگەرىن سال­دى. كو­مان­دانىڭ باس باپ­كەرى ۆاحيد ما­سۋ­دوۆ تا «تا­ماعى اۋىر­­­عان­شا» الاڭ­نىڭ جيەگىندە تۇ­رىپ, ويىن­شى­لا­رىن قاي­راۋ­مەن بۇكىل ۋا­قى­تىن وتكىز­دى. جال­پى, قازىر جان­كۇيەرلەر اراسىن­دا مى­نا­داي ءاڭ­گىمە ءجۇر. ماۋسىم باس­تا­لار الدىندا وب­لىس اكى­مى بەردىبەك ساپارباەۆ كوماندا قۇرا­مى­مەن كەزدەسىپ, ەگەر ولار «قاي­راتتى» جەڭسە, فۋتبولشىلار 1 ملن. تەڭگە كولە­مىن­دە قو­سىمشا ۇستەماقى الا­دى دەپ ۋادە بەرگەن كو­رى­نەدى. ال «ۆوستوك» كومان­دا­سىندا ال­عاش­قى گول­دىڭ اۆ­تورى اتان­عان ويىنشىعا قوسىمشا 100 مىڭ تەڭگە سىي­اقى تاعا­يىندالاتىن بو­لىپ­­تى. ەندى ساشا دوب­ريچتىڭ ۇستەم­اقى­مەن بىرگە قوسىمشا سىي­اقى دا الاتىن ءتۇرى بار. «قايراتقا» كەلسەك, بۇل كەزدەسۋگە يى­عى­نا العان جاراقاتىنا بايلانىستى رۋسلان بالتيەۆ قاتىسا المادى. جال­پى, ال­ماتىلىقتار بيىلعى ماۋ­سىمدا التىلىق­قا ەنۋدى كوزدەپ وتىر. ەگەر بۇدان دا جاق­سى وينايتىن بولسا, ۇشتىككە ىلىگىپ ۋەفا جارىس­تارىنا قاتىسۋدان دا كەت ءارى ەمەس. «تاراز» – «ەرتىس» – 0:1. تارازدىقتار ءبىرىنشى تۋر­دا «لوكوماتيۆتەن» كەيىن ءوز الاڭىندا جەڭىلگەن ەكىنشى كوماندا بول­دى. ءسويتىپ, «جاستار» ستاديو­نى­نا جي­نال­عان جانكۇيەرلەردىڭ العاشقى ءۇش ۇپاي­­دى ءوز الاڭىمىزدا الامىز با دەگەن ءۇمىتى اقتال­ما­دى. بىلتىر ۆويت تال­عاەۆ­تىڭ شاكىرتتەرى كەرەكۋلىكتەرمەن ءۇش رەت كەزدەسىپ, تاعى ءبىر رەت قازاقستان كۋبوگى ءۇشىن جارىستا جەڭىسكە جەتكەن بولاتىن. ەندى «ەرتىستەن» ايلاسىن اسىرا الماي ۇتىلىپ وتىر. بۇل ويىندا كوزگە تۇسكەن ءبىر فۋتبولشىنى ايتۋعا بولادى. ول بيىلعى ماۋسىمدا «ەرتىسكە» كەرەگى بول­ماي قالعان «تارازدىڭ» قورعاۋشىسى ۆياچەسلاۆ سوبولەۆ. بۇكىل ويىن بويى ول پاۆلوداردان كەتكەننەن كەيىن قارسى­لاستارىنا قارسى جانىن اياماي وينادى. «اقتوبە» – «اتىراۋ» – 2:0. بۇل كورشى وڭىرلەردىڭ كەزدەسۋى ادەتتەگىدەي تارتىستى ءوتتى. ستاتيستيكاعا قاراساق, ەكى كلۋبتىڭ اراسىنداعى ويىنداردىڭ ءبارىن­دە كوپ گولدار سوعىلادى ەكەن. سوعان قا­راپ, كور­شى جاتقان وبلىس­تار­دىڭ ارا­سىن­دا ءبىر باسەكەلەستىكتىڭ بارى بايقا­لا­دى. قازىر ايتارى جوق, بۇل باسەكەدە «اقتو­بە­نىڭ» اتى وزىپ تۇرعانى ءسوزسىز. وسى جولعى كەزدەسۋگە «اقتوبە» تو­لىق قۇراممەن شىقتى. ال «اتىراۋ» سا­پىندا ءبىراز وزگەرىستەردىڭ جاسالعانى كو­رى­نىپ تۇر­دى. ءپىرالى اليەۆ, رۋسلان سا­قال­باەۆ سياق­تى ويىنشىلاردىڭ ورنى­نا جاڭا فۋت­بول­شى­لار وينادى. بۇل جەردە كەزىندە ءماس­كەۋد­ىڭ «سپارتاك» كو­مان­دا­سىن­دا وي­نا­عان تاجىك باپكەرى را­ميز  ما­مەدوۆتىڭ لەگيونەرلەرگە ار­قا سۇيەي­تىنىن اڭعارۋ قيىن ەمەس. وعان ارگەن­تي­نالىق قورعاۋشى لەون يگناسيو, گوللان­ديالىق حاۆبەك كيرانىڭ كوماندا قۇرا­مى­نا قو­سىلعانى دالەل بولا الادى. ءبىرىنشى تۋردىڭ ەڭ سوڭعى ويىنى 7 ناۋرىز كۇنى «شاح­تەر» مەن «قايسار» كوماندالارى اراسىندا ءوتتى. كەزدەسۋ 2:0 ەسەبىمەن العاشقىلاردىڭ پايداسىنا شەشىلدى. بۇل ويىندا «توبىلدىڭ» باي­قاۋى­نان وتپەگەن راشكوۆيچ پەن دوس­ما­عانبەتوۆ گول سوقتى. وسى ويىندا قارا­عاندىلىق كوماندا بيىلعى ماۋ­سىم­دا التىلىققا ەنۋ ءۇشىن كۇش سالاتىنىن كورسەتتى. ول ءۇشىن كوماندا قۇرامىنا ليت­ۆالىق حاۆبەك ۆيچيۋس, بوسنيالىق دجيديچ, شا­بۋىلشىلار اندرەي فينونچەنكو, ماقسات بايجانوۆ, قانات اليەۆ, قايرات وتەباەۆ, ۆياچەسلاۆ ەربەس شا­قىرىلىپ وتىر. كەلەسى تۋر 12 ناۋرىز كۇنى وتەدى. داستان كەنجالين.