ۇمىتكەرىنەن ۇمىتتەرى ۇلكەن

قازاقستان رەسپۋبليكاسى پرەزيدەنتتىگىنەن ۇمىتكەرلەردىڭ ساي­لاۋالدى ۇگىت-ناسيحات جۇمىستارى باستالىپ كەتتى. «قازاقستاننىڭ پاتريوتتار پارتياسى» قوعامدىق بىرلەستىگى ۇسىنعان عاني قا­سىموۆ­تىڭ ەسىمى مۇنىڭ الدىنداعى پرەزيدەنتتىك سايلاۋعا قاتىسۋىمەن, پارلامەنت سەناتىنىڭ دەپۋتاتى رەتىندەگى قىزمەتىمەن كوپشىلىككە جاقسى تانىس. «قازاقستاننىڭ پاتريوتتار پارتياسى» قوعامدىق بىرلەستىگى وبلىستىق فيليالىنىڭ حاتشىسى نيكولاي ۆىحودەتستىڭ ايتۋىنشا, قازىردىڭ وزىندە پارتيا­نىڭ وبلىستىق سايلاۋ شتابى جۇ­مىس ىستەۋدە. ازىرگە ءوز ۇمىتكەرلەرىن قولداۋ جونىندەگى ۇگىت-ناسيحات جۇمىس­تارىنا دايىندىق شارالارى دا تياناقتالىپ قالىپتى. شتاب قۇ­را­مى 10 ادامنان تۇرادى. ونىڭ جا­نىنان 50-گە جۋىق ۇگىتشىلەر انىق­تالعان كورىنەدى. ولاردىڭ ارا­سىندا ەسىمدەرى وڭىرگە بەلگىلى عالىم ۇكىتاي بايجومارتوۆ, ەڭبەك ارداگەرى دۇكەنباي يمانعاليەۆ سەكىلدى تانىمال ازاماتتار بار. قازىردىڭ وزىندە ۇگىت-ناسيحات جۇمىستارىن جۇرگىزۋ كەزىندە كەرەكتى كورنەكىلىكتەر جەتكىزىلگەن. پارتيانىڭ اتريبۋتتارىمەن, جالاۋ جانە جالاۋشالارمەن قامتا­ما­سىز ەتىلگەن. ۇگىت-ناسيحات ما­تەريالدارى جاپسىرىلاتىن جەر­لە­ر­دىڭ مەكەن-جايلارى حابارلان­عان. مۇنداي شتابتار اۋدانداردا دا اشىلىپتى. فيليال حاتشىسى جالپى وب­لىستاعى 40 مىڭعا جۋىق پارتيا مۇشەلەرىنەن باسقا دا قول­داۋ­شىلار بولاتىنىنا سەنىمدى. وعان پرەزيدەنتتىكتەن ۇمىتكەر عاني قاسىموۆتى قولداپ قول جيناۋ بارىسىندا جاناشىرلىق تا­نىت­قانداردىڭ كوپ بولعانىن ءدا­لەل رەتىندە العا تارتتى. – ءبىزدىڭ ۇرانىمىز «ءبىز ح­ا­لىق­پەن بىرگەمىز» بولعان­دىق­تان, بىزگە بۇيرەگى بۇراتىندار كوبەيە تۇسەدى دەپ ويلايمىن. ازىرگە ءبىز­دىڭ پارتيانىڭ ۇمىتكەرى ءوڭىرى­مىزگە قاشان كەلەتىنىن حابارلاي قويعان جوق. سوندا دا ءبىز قامسىز ەمەسپىز, ۇگىت-ناسيحات جۇ­مىس­تا­رىن ەندى-ەندى جانداندىرا تۇسە­مىز. بۇل باعىتتا وتكەن ساي­لاۋ­داعى تاجىريبەمىزدى دە پاي­دالا­نا­مىز, – دەيدى ن.ۆىحودەتس. «قازاقستاننىڭ پاتريوتتار پار­تياسى» قوعامدىق بىرلەستىگى وبلىس­ت­ىق فيليالى جانىنان اشىل­عان سايلاۋ شتابى ساي­لاۋال­­دى ۇگىت-نا­سي­حات جۇمىستارىن ءجۇر­گىزۋگە دا­يىن. شتاب جۇمىسى پرەزيدەنتتىك ساي­لاۋدىڭ ءادىل جانە اشىق وتكىزى­لۋىنە باعىتتالماق. فيليال حاتشى­سى نيكولاي ۆى­حو­دەتس ساياسي ناۋقان­نىڭ ەلدى بۇ­رىنعىدان گورى دە ىن­تىماق­تاس­تىرا تۇسەتىنىن ءما­لىم­دەپ وتىر. ول مۇنداي بالامالى ساي­لاۋ­دىڭ ەلىمىزدەگى دەموكراتيا­نىڭ جار­­قىن كورىنىسى ەكەنىن اتاپ ءوتتى. ساتىبالدى ءساۋىرباي, اقتوبە وبلىسى.