ساعىنتاەۆ اۋعانستانمەن ەكىجاقتى ىنتىماقتاستىق ماسەلەلەرىن تالقىلادى

بۇگىن بىشكەكتەگى شىۇ مۇشە مەملەكەتتەردىڭ ۇكىمەت باسشىلارى كەڭەسىنىڭ جۇمىسى اياسىندا قازاقستان رەسپۋبليكاسى پرەمەر-ءمينيسترى باقىتجان ساعىنتاەۆ اۋعانستان يسلام رەسپۋبليكاسىنىڭ اتقارۋشى بيلىگىنىڭ باسشىسى ابدۋللا ابدۋللامەن كەزدەستى, دەپ حابارلايدى egemen.kz قر ۇكىمەتىنىڭ ءباسپاسوز قىزمەتىنە سىلتەمە جاساپ. تاراپتار ساۋدا-ەكونوميكالىق, گۋمانيتارلىق سالالارداعى جانە وڭىرلىك قاۋىپسىزدىكتەگى ەكىجاقتى ىنتىماقتاستىق ماسەلەلەرىن تالقىلادى. ءمالىم بولعانداي, قازاقستان اۋعانستانعا پراكتيكالىق قولداۋ كورسەتۋدى جالعاستىرىپ كەلەدى. اتاپ ايتقاندا, قازاقستان ترانسشەكارالىق تەمىر جول جەلىلەرىن كەڭەيتۋ, CASA-1000 ەلەكتر ەنەرگياسىن وتكىزۋدىڭ جوعارعى ءۆولتتى جەلىلەرى جانە ورتالىق ازيا ەلدەرىنەن وڭتۇستىك باعىتتاعى قۇبىر جەلىسى جوبالارىن قوسا العاندا اۋعانستاننىڭ قاتىسۋىمەن وڭىرلىك ينفراقۇرىلىمدى دامىتۋعا باعىتتالعان باستامالاردى ىلگەرىلەتۋگە جاردەمدەسۋدە. بۇدان وزگە, قازاقستان اۋعانستانعا ەكىجاقتى جانە كوپجاقتى دەڭگەيدە تەحنيكالىق جانە گۋمانيتارلىق كومەك كورسەتۋدە. قازىرگى ۋاقىتتا قازاقستاندىق وقۋ ورىندارىندا بەيبىت ماماندىقتار بويىنشا جوعارى جانە ورتا كاسىپتىك-تەحنيكالىق ءبىلىم الۋ مۇمكىندىگى 994 اۋعان ستۋدەنتىنە بەرىلدى. قر ۇكىمەتى اۋعانستاندا مەكتەپتەر, اۋرۋحانالار جانە جولدار سالۋعا 2,3 ملن دوللار ءبولدى. 20 مىڭ تونناعا جۋىق ازىق-ت ۇلىك كولەمىندە گۋمانيتارلىق جەتكىزىلىمدەر جۇزەگە اسىرىلدى (جالپى 17 ملن دوللاردان استام سوماعا). قازاقستان بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقسىز مۇشەسى رەتىندە وڭىرلىك قاۋىپسىزدىكتى قامتاماسىز ەتۋ سالاسىنداعى مۇددەلەردىڭ ورتاقتىعىن ەسكەرە وتىرىپ, اۋعانستان يسلام رەسپۋبليكاسىنىڭ قاتىسۋىمەن جانجالداردى رەتتەۋ جانە الدىن الۋ ماسەلەلەرىنە بەلسەندى قاتىسادى.