ءمامي: كاسىبي بىلىكتى بولۋ – سۋديانىڭ باستى مىندەتى

جوعارعى سوت توراعاسى قايرات ءمامي سوت تورەلىگى اكادەمياسىنىڭ ماگيسترانتتارىمەن جانە پروفەسسورلىق-وقىتۋشىلار قۇرامىمەن كەزدەسىپ, مەملەكەت باسشىسىنىڭ تاپسىرماسى  بويىنشا «100 ناقتى قادام» ۇلت جوسپارىنىڭ 18-قادامىن ورىنداۋ ماڭىزىن ەرەكشە اتادى, دەپ حابارلادى جوعارعى سوتتىڭ ءباسپاسوز قىزمەتى. جوعارعى سوت جانىنان اكادەميانىڭ قۇرىلۋى جانە جۇمىس ىستەۋى زاڭ ۇستەم­دىگىن قامتاماسىز ەتۋدىڭ ماڭىزدى قادام­دارىنىڭ ءبىرى رەتىندە ايقىندالعان. ونى قۇرۋ كەزىندە حالىقارالىق تاجىريبەلەر زەردەلەندى, ەىدۇ مەن ەۋروپا سۋديالارى حارتياسىنىڭ ۇسىنىمدارى, حالىقارالىق سۋديالار قاۋىمداستىعىنىڭ جانە ەۋروپا سۋديالارى كونسۋلتاتسيالىق كەڭە­سىنىڭ قورىتىندىلارى نازارعا الىن­دى. وسىلايشا جوعارعى سوت اكادە­ميا­مەن بىرلەسىپ, بارلىق قاجەتتى نورما­تيۆ­تىك-قۇقىقتىق بازا دايىندالدى, پرو­فەس­سورلىق-وقىتۋشىلار قۇرامى قالىپ­تاستىرىلدى, قارجى جانە ماتەريالدىق-تەحنيكالىق قامتاماسىز ەتۋ ماسەلەلەرى شەشىلدى. بۇگىن اكادەميا ءوزىنىڭ الدىندا تۇرعان مىندەتتەردى شەشۋگە تولىعىمەن دايىن. 2016 جىلعى ماگيسترانتتارعا ءسوزىن ارناي وتىرىپ, ق.ءمامي ولاردىڭ زاڭگەرلىك ماماندىق بويىنشا جەتكىلىكتى جۇمىس تاجىريبەسىنىڭ بارىنا جانە ءتۇسۋ ەمتيحاندارى بارىسىندا ءجىتى ىرىك­تەۋ­دەن وتكەنىنە ەرەكشە توقتالدى. «جوعار­عى سوت جانىنداعى سوت تورەلىگى اكادە­ميا­سىنىڭ العاشقى, سوندىقتان ايرىقشا تۇلەكتەرى: سوت جۇيەسىن تىڭعىلىقتى تەورەتيكالىق دايىندىعى بار, بىلىمدەرىن ءىس جۇزىندە دۇرىس قولدانا الاتىن جاڭا فور­ماتسياداعى كادرلارمەن تولىقتىرۋعا ءتيىس. قازىردەن باستاپ ادىلدىككە قىزمەت ەتۋشى­لەرگە جۇكتەلەتىن جاۋاپكەرشىلىكتى تەرەڭ سەزىنۋ قاجەت», دەدى جوعارعى سوت­تىڭ توراعاسى. اكادەميانىڭ پروفەسسورلىق-وقىتۋ­شىلار قۇرامىمەن كەزدەسۋ كەزىندە جاڭا فورماتسياداعى زاڭگەر كادرلارىن دايارلاۋ ەلدىڭ يندۋستريالىق-يننوۆاتسيالىق دامۋىن قامتاماسىز ەتۋدىڭ جانە زيات­كەرلىك الەۋەتىن ارتتىرۋدىڭ ماڭىزدى شارتتارىنىڭ ءبىرى بولىپ تابىلادى. ال اكادەميانىڭ جاڭا مارتەبەدەگى نەگىزگى مىندەتى سوت قىزمەتىنىڭ ەرەكشەلىگىن ەسكەرە وتىرىپ, وقۋ پروتسەسىن وزگەرتۋ بولىپ تا­بى­لادى. بۇگىنگى كۇنى باسىمدىق اقپارات بەرۋدەن سۋديانىڭ كاسىبي بىلىكتى­لىگىن قالىپتاستىرۋعا جاسالۋعا ءتيىس. اي­رىقشا مارتەبەگە يە بولا وتىرىپ, اكا­دەميانىڭ ءوزى دەربەس ءبىلىم بەرۋ, عىلى­مي جانە ادىستەمەلىك سالادا نەگىزگى ەرەجە­لەردى ازىرلەپ, پراكتيكاعا ەنگىزۋگە, مامان­دار دايىنداۋدىڭ جاڭا باعىتتارىن ايقىن­داۋعا, ولاردى وقىتۋدىڭ مەرزىمى مەن نىساندارىن بەلگىلەۋگە قۇقىلى. ق.ءمامي: «سوت تورەلىگىن جۇزەگە اسىرۋ ءۇشىن تىڭداۋشىنى پسيحولوگيالىق ءجا­نە مورالدىق-ەتيكالىق دايىنداۋ ماڭىز­دى بولىپ تابىلادى. ءبىرىنشى كەزەكتە, وقۋ جوسپارلارى مەن باعدارلامالارى تىڭ­داۋ­شىلاردى قۇقىق قولدانۋعا ماشىق­تاندىرۋعا ءتيىس», دەپ اتاپ ءوتتى. اكادەميانى ودان ءارى دامىتۋ پەرسپەكتيۆاسى سوت ءبىلىمىنىڭ 2017-2020 جىلدارعا ارنالعان ستراتەگياسىنىڭ جوباسىندا كوزدەلگەن. قازىرگى كەزدە ول تالقىلاۋ جانە پىسىقتاۋ كەزەڭىنەن وتۋدە.