اسىراندى بۇركىتتەر ەركىندىككە جىبەرىلدى

بەس جىلدان بەرى الماتىداعى «سۇڭقار» جابايى قۇستار تالىمباعىندا جوعالۋعا جاقىن قىران تەكتەس قۇستاردىڭ تۇرلەرى قولدان كوبەيتىلىپ, جابايى تابيعات اراسىنا جىبەرىلىپ كەلەدى. تاياۋ كۇندەرى كەزەكتى رەت وسى تالىمباقتاعى بۇركىت بالاپاندارى بوساتىلدى. وسىمەن جيىرماسىنشى رەت ازاتتىققا شىققان قۇستار لەگى ءبىلىم جانە عىلىم مينيسترلىگى عىلىم كوميتەتىنىڭ زوولوگيا ينستيتۋتىنىڭ باقىلاۋىندا بولادى.  ياعني ءاربىر بۇركىت ارنايى ورناتىلعان ەلەكتروندى چيپ ارقىلى قايدا جۇرگەنى, ءتىرى-ءولىسى زەرتتەلىپ وتىرىلادى. وسى ارادا ءاربىر ءچيپتىڭ باعاسى 3 مىڭ ەۋرو تۇراتىنىن جانە ءار قۇستى باقىلاۋ, زەرتتەۋ جىلىنا 30 مىڭ اقش دوللارىنا دەيىن باراتىنىن ايتۋعا بولادى. الايدا تابيعاتتا سيرەپ بارا جاتقان سۇڭقار تۇرلەرىنىڭ باعاسى جوق. – ال تالىمباقتا كوبەيتىلگەن قۇستار كەيىن جابايى تابيعاتقا شىققاننان كەيىن ادام كومەگىنسىز تاماعىن تاۋىپ جەۋ ءۇشىن مۇندا كوپ جۇمىس جۇرگىزىلەدى. قۇستار كەڭ قانات جايا الاتىن ورىنداردا تىشقان, قويان, تاۋىقتى ءوز بەتىنشە الۋعا ۇيرەتىلەدى, – دەيدى «سۇڭقار» تالىمباعىنىڭ ديرەكتورى اشوت انزوروۆ. مۇنداي عىلىمي سىناقتى زوولوگيا ينستيتۋتىنىڭ عالىم­دا­رى مەن «سۇڭقار» جابايى قۇس­­­تار ءتا­لىمباعى 2012 جىل­دىڭ شىلدە­سىندە باستاعان بولاتىن. ادام فاكتورى بارىن­شا ازاي­­­­تىلعان عىلىمي سىناق­تار بۇركىت­تەردىڭ جابايى تابيعات­تاعى ومىرشەڭ­دى­گىنە اناعۇرلىم جاق­­سى اسەر ەتە­تىن­دىگىنە كوز جەت­كى­زىلۋدە. سونىمەن 1989 جىلدان بەرى جۇمىس ىستەپ كەلە جاتقان «سۇڭ­قار» تالىمباعىندا, بۇركىت, قى­ران, يتەلگى سياقتى 450-دەي قۇس بار.  بۇل قۇستاردى ازىقتاندىرىپ, ءتۇر­لەرىن كوبەيتۋگە بۇل كۇندە «ەفەس قازاقستان» كومپانياسى «ءوز ۇلەسىڭدى قوس. تابيعاتتى ساقتاپ قال» اتتى بۇركىتتەردى قورعاۋ باعدارلاماسى اياسىندا  قارجىلىق قولداۋ كورسەتىپ وتىر. وسى جولى ەركىندىككە بەس بالاپان بۇركىت جىبەرىلدى. «ءوز ۇلەسىڭدى قوس. تابيعاتتى ساق­تاپ قال» جوباسىنىڭ جۇزەگە اسى­رىلىپ جاتقانىنا بيىل بەس جىل بولدى.  بۇل جۇمىستار جۇرتشىلىقتىڭ نازارىن سيرەك قۇستار مەن جانۋارلاردىڭ ازايۋ ماسە­لەسىنە اۋدارتۋعا كومەكتەسەدى دەپ ويلايمىز. ءبىزدىڭ كومپانيا كورپوراتيۆتىك الەۋمەتتىك جا­ۋاپ­كەرشىلىككە ۇلكەن ءمان بەرە­تىن­دىكتەن, ءبىز بۇل جوباعا ءارى قا­راي دا قولداۋ كورسەتۋدى جوس­پارلاپ وتىرمىز. ءبىزدىڭ ۇلتتىق تا­بي­عي برەندىمىزگە اينالعان بۇركىتتەردى ساقتاپ, ولاردىڭ ءارى قاراي دا قازاقستاننىڭ ماق­تانىشى جانە ۇلتتىق نىشانى بول­عانىن قالايمىز, – دەدى «ەفەس قازاقستان» شس اق كورپوراتيۆتىك قاتىناستار دەپارتامەنتىنىڭ ديرەكتورى شىڭعىس قاسكەەۆ. ايناش ەسالي, «ەگەمەن قازاقستان» الماتى