ەلىمىزدىڭ ەڭ كىشكەنتاي زەرتتەۋشىلەرى

الماتىدا ەرەكشە بايقاۋ مارەگە جەتتى. ءبىلىم مەن عىلىمعا بوي ۇرعان كىپ-كىشكەنتاي بۇلدىرشىندەر وزدەرىنىڭ تىرناقالدى زەرتتەۋ جۇمىستارىن قورعادى. باستاۋىش سىنىپ قابىرعاسىنداعى جەتكىنشەكتەردىڭ زەرتتەۋشىلىك قادامدارىن قۇپتاپ, قاناتتاندىرۋدى كوزدەگەن كونكۋرستا قازىلار القاسىن ءتانتى ەتكەن جاس تالانتتاردىڭ ارقايسىسى دا ماراپاتقا لايىق ەدى. العاشقى جەڭىس, العاشقى جەڭىلىستەر بالالاردى قۋانتتى دا, جىلاتتى دا. سونىمەن ءبىرىن­شى ورىندى «بيدايدىڭ تۇزعا توزىمدىلىگىن زەرتتەۋ» ەڭبەگى بويىنشا الماتىداعى №175 مەكتەپ-گيمنازياسىنىڭ وقۋشىسى ايىم وقان الدى. ء«تىرى تابيعات» نوميناتسياسى بويىنشا ءبىرىنشى ورىندى وسى مەكتەپتىڭ 3 سىنىپ وقۋشىسى داريا جولداس «شامپينون ساڭى­راۋقۇلاقتارى» جۇمىسىمەن جەڭىپ الدى. ال «ماتەماتيكا, عىلىم جانە تەحنيكا» نوميناتسيا­سى بويىنشا ءبىرىنشى ورىن №148 مەكتەپ-گيمنازياسىنىڭ 2 سىنىپ وقۋشىسى سەرىباي ءىلياستىڭ «شاحمات – ءومىر ءسۇرۋ مودەلى» زەرتتەۋىنە بۇيىردى. سوڭعى جىلدارى «ورلەۋ» بىلىك­تىلىكتى ارتتىرۋ ۇلتتىق ورتالىعى» اق فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ باستاماسىمەن وتكىزىلىپ جۇرگەن «مەن الەمدى تانيمىن» اتتى باستاۋىش سىنىپ وقۋشىلارىنىڭ زەرتتەۋ جوبالارىنىڭ قالالىق كونكۋرسى شىنىندا دا قىزىقتى. ومىرلەرىندەگى العاشقى جارىسقا بالالار ۇلكەن قۇلشىنىسپەن دايىندالدى. ماسەلەن, وسى ينستيتۋتتىڭ ديرەكتورى, پەداگوگيكا عىلىم­دارىنىڭ دوكتورى راي­سا سا­دۋاقاسوۆا قازاقستان تاۋەل­سىزدىگىنىڭ 25 جىلدىعىن مەرەكەلەۋ قارساڭىندا وتكىزىلگەن كون­كۋرستىڭ وقۋشىلاردىڭ تاۋداي تالابىن قولداۋدا ءارى باستاۋىش سىنىپ مۇعالىمدەرىنىڭ كاسىبي شەبەرلىگىن شىڭداۋدا ماڭىزى زور ەكەندىگىن ايتادى. سالتاناتتى تۇردە مارەگە جەتكەن جارىستا رايسا ادجارقىزى وسىناۋ بايقاۋعا شاكىرتتەرىن دايىن­داعان ۇستازدارعا, باي­قاۋدى وتكىزۋگە قولداۋ كورسەت­كەن ءبىلىم بەرۋ جۇيەسىنىڭ قىز­مەتكەرلەرىنە العىسىن بىلدىرە وتىرىپ, جۇرەكتەرى ءلۇپىل قاققان, كوزدەرىنەن ءۇمىت وتى جارقىلداعان ەلىمىزدىڭ ەڭ جاس زەرتتەۋشىلەرىنە ءبىلىم جولىندا ورلەي بەرۋىنە تىلەكتەستىگىن ءبىلدىردى. مازمۇنى جاڭارتىلعان ءبىلىم بەرۋ باعدارلاماسىنىڭ اياسىندا باستاۋىش سىنىپ وقۋشىلارىنىڭ ىزدەنۋ قابىلەتىن دامىتۋ ماقسا­تىندا وتكىزىلگەن بايقاۋعا اۋدان­دىق ىرىكتەۋدەن وتكەن 59 زەرتتەۋ جوبالارى ۇسىنىلعان. بۇل سايىسقا تاجىريبەلى ما­مان­دار, تانىمال پەداگوگ-عا­لىم­دار تارتىلعانىن ايتا كەتۋ كەرەك. ماسەلەن, ء«تىرى تابيعات» نوميناتسياسى بويىنشا قازىلار القاسىنا اباي اتىنداعى قا­زاق ۇلتتىق پەداگوگيكالىق ۋنيۆەر­سيتەتىنىڭ وقىتۋشىسى, پەداگو­گيكا عىلىمدارىنىڭ دوكتورى ازيا جۇماباەۆا, «ما­تەماتيكا, عىلىم جانە تەحنيكا» نوميناتسياسى بويىنشا قازىلار القاسىنا ءال-فارابي اتىنداعى قازاق ۇل­تتىق ۋني­ۆەرسيتەتىنىڭ دوتسەنتى ءلاز­زات ورازبەكوۆا, «مەن جانە مەنىڭ الەمىم» نوميناتسياسى بويىنشا قازاق مەملەكەتتىك قىزد­ار پەداگوگيكالىق ۋنيۆەر­سي­تەتىنىڭ پروفەسسورى قازىنا ايم­اعام­بەتوۆا توراعالىق جاسادى. ەندىگى جەردە كىشكەنتاي «عا­لىمداردىڭ» الەۋمەتتىك تاپسىرىستى شەشۋگە باعىتتالعان جوبالارى اۋدان, قالا, رەسپۋبليكا دەڭگەيىندە قولدانىلۋى عاجاپ ەمەس. ۇلكەن جەڭىستەن ءۇمىت كۇتكەن باستاۋىش سىنىپتىڭ بالالارى كادىمگى ەرەسەكتەرشە قازىلاردىڭ الدىندا سىناق تاپسىردى. سۇي­سىنەسىڭ. ءوز تاقىرىپتارى بو­يىنشا كورنەكى قۇرالدارى, زەرت­تەۋ جۇمىستارى, ناتيجەنى ايقىن­دايتىن ناقتى دالەلدەرى بار وقۋ­شىلاردىڭ اراسىنان جەڭىم­پازدى تاڭداۋ تورەشىلەرگە دە وڭاي بولعان جوق. جەڭىمپازداردى ماراپات­تاۋ سالتاناتىندا قازىلار القا­سى­نىڭ توراعاسى قازىنا ايماعام­بەتوۆا بالدىرعاندارعا عى­لىم­­نىڭ بيىك اسۋلارىنا جول سىلتەيتىن وسىنداي ماڭىزدى ءىس-شا­رانى ۇيىمداستىرعان «ورلەۋ» باۇو» اق فيليالى الماتى قالاسى بويىنشا پەداگوگيكالىق قىز­مەتكەرلەردىڭ بىلىكتىلىگىن ارتتىرۋ ينستيتۋتىنىڭ باسشىلىعىنا ريزاشىلىعىن ءبىلدىردى. ايناش ەسالي, «ەگەمەن قازاقستان» الماتى