"تاۋەلسىز قازاقستان" پويىزى قاراعاندىعا جەتتى

قاراعاندىنىڭ تەمىرجول ۆوكزالىندا «تاۋەلسىز قازاقستان» پويىزىن سالتاناتتى جاعدايدا قارسى الدى. پويىزدىڭ كەلۋ قۇرمەتىنە ارنالعان سالتاناتتى جيىنعا قاراعاندى تۇرعىندارى, سونىڭ ىشىندە وبلىستىق قازاقستان حالقى اسساملەياسىنىڭ وكىلدەرى قاتىستى. «ءبىز سىزدەردى ءوز جەرىمىزدە قارسى العانىمىزعا قۋانىشتىمىز.  قازاقستان تاۋەلسىزدىگىنىڭ 25 جىلدىعى - بۇل بارشا قازاقستاندىق ءۇشىن ۇلى مەرەكە. مەرەيتويلىق جىل اسا اۋقىمدى جوسپارلاردىڭ باستالۋىمەن, ءجۇرىپ وتكەن تابىستار مەن جەڭىستەرگە تولى جولىمىزدىڭ العا ارشىندى قادام باسۋىمەن ماڭىزدى», - دەپ اتاپ ءوتتى ءوز قۇتتىقتاۋىندا قاراعاندى اكىمى نۇرلان اۋباكىروۆ. «پويىزىمىز العاشقى ايالداماسىن قاراعاندىدا جاساعانى قۋانتارلىق. قاراعاندى وبلىسى يندۋستريا ورتالىعى عانا ەمەس, ۇلتارالىق قارىم-قاتىناستاردىڭ ۇلگىسى, حالىقتار دوستىعىنىڭ كورسەتكىشى. قاراعاندى - بۇل قازاقستاننىڭ تۇڭعىش پرەزيدەنتى نۇرسۇلتان نازارباەۆ ەڭبەك جولىن باستاعان جەر ەكەندىگىن ۇمىتپاۋىمىز ءتيىس», - دەدى قاراعاندى جۇرتى الدىندا سويلەگەن سوزىندە پويىز شتابىنىڭ جەتەكشىسى ءامىرجان الپەيىسوۆ. ء"بىزدىڭ دەلەگاتسيانىڭ قۇرامىندا 271 ادام, ولاردىڭ 70-تەن استامى -مەديتسينا قىزمەتكەرلەرى, حالىققا كەڭەستەرىن بەرەتىن بولاتىن جوعارى بىلىكتى ماماندار. بۇل ەڭ الدىمەن, اۋىلدىقتار ءۇشىن ماڭىزدى", - دەدى ول. پويىز قاراعاندىدا ەكى تاۋلىك بولادى. باعدارلامادا جەكە قابىلداۋلار, ءبىلىم بەرۋ, مەديتسينا, الەۋمەتتىك قامتاماسىز ەتۋ سالالارىنداعى ماسەلەلەر بويىنشا كەڭەستەر بەرۋ بار. سونداي-اق دوستىق ۇيىندە كەزدەسۋ ءوتىپ, «ماڭگىلىك ەل» ۇلتتىق يدەياسىنا ارنالعان اڭگىمەلەر, دارىستەر وتكىزىلەدى.  قاراعاندىدان پويىز اقتوعاي اۋدانىنا بەت الادى. بۇعان دەيىن حابارلانعانداي, پويىز 1 قاراشا كۇنى استانا قالاسىنان شىقتى. ولار جولدا بارلىعى 43 كۇن بولىپ, 35 قالا مەن ەلدى مەكەندەرگە ات باسىن تىرەيدى. پويىز 14 جەلتوقسان كۇنى الماتىعا جەتىپ, وندا قر تاۋەلسىزدىگىنىڭ 25 جىلدىعىنا ارنالعان اۋقىمدى كونتسەرت وتەتىندىگى جوسپارلانعان. پويىز سەگىز ۆاگوننان تۇرادى. اكتسيا قۇرامىندا قر مەملەكەتتىك حاتشىسى - گۇلشارا ابدىحالىقوۆا, قحا توراعاسىنىڭ ورىنباسارى -ەرالى توعجانوۆ, قر پارلامەنت ءماجىلىسى توراعاسىنىڭ ورىنباسارى ۆلاديمير بوجكو باستاعان پارلامەنت دەپۋتاتتارى, قازاقستان حالقى اسسامبلەياسىنىڭ مۇشەلەرى, مادەنيەت جانە سپورت قايراتكەرلەرى, مەديتسينا قىزمەتكەرلەرى, الەۋمەتتىك سالا مەن ۇلتتىق كومپانيالاردىڭ وكىلدەرى بار.