19 جاسار قازاقستاندىق ايسۇلتان سەيىتوۆتىڭ ءفيلمى HOLLYWOOD BOULEVARD FILM FESTIVAL «رەجيسسۋرا» اتالىمىندا ۇزدىك دەپ تانىلدى, دەپ حابارلايدى egemen.kz BNews.kz - كە سىلتەمە جاساپ.
1 قاراشادا لوس-اندجەلەستە جىل سايىنعا كينو مايتالماندارىن ماراپاتتايتىن HOLLYWOOD BOULEVARD FILM FESTIVAL بولدى. فەستيۆالدە قازاقستاندىق ايسۇلتان سەيىتوۆتىڭ «قورقاۋ قاسقىر» ءفيلمى «ۇزدىك رەجەسسۋرا» اتالىمىندا جەڭىسكە جەتتى. ءفيلمنىڭ كارتيناسى «ۇزدىك فيلم», «ۇزدىك رەجيسسۋرا» جانە «ۇزدىك وپەراتور جۇمىسى» اتالىمدارىنا ۇسىنىلعان.
«وسى فەستيۆالدە ءوز ەلىمدى تانىستىرا العانىما قۋانىشتىمىن. ءوز ەلىمدە «قورقاۋ قاسقىر» وسىنداي مارتەبەگە يە بولماعانى وكىنىشتى. بىراق, مەن ءالى جاسپىن – 20 جاسقا دا تولعان جوقپىن. كۇش-جىگەرىم دە, يدەيام دا كوپ. قازاقستاندىقتاردى تالاي قۋانتامىن دەگەن سەنىمدەمىن», – دەدى ايسۇلتان سەيىتوۆ.
«قورقاۋ قاسقىر» قىسقا مەتراجدى فيلمدە الماتى ماڭىندا وسكەن بالانىڭ قيىن تاعدىرى باياندالادى. ول قىلمىس الەمى مەن ءوز وتباسىنىڭ ورتاسىندا قالادى. دراما ءومىردىڭ ءمانى مەن قۇندىلىقتارى, ساتقىندىق سياقتى تاقىرىپتاردى قوزعايدى.
بيىلعى «ەۋرازيا» كينوفەستيۆالىندە كارتينانىڭ پرەمەراسى بولدى.
