2016 جىلدىڭ 1-قاراشاسىنان باستاپ «قازاقستان» رترك» اق ماڭعىستاۋ وبلىستىق فيليالىنىڭ ديرەكتورى جاناحمەت جانىبەك ۇلى اعىباەۆ «قازاقستان» ۇتا ديرەكتورى قىزمەتىنە تاعايىندالدى, دەپ حابارلايدى egemen.kz kaztrk.kz سايتىنا سىلتەمە جاساپ.
جاناحمەت اعىباەۆ 1974 جىلى 2-قاراشادا قىزىلوردا وبلىسىندا دۇنيەگە كەلگەن. ەڭبەك جولىن 1998 جىلى قىزىلوردا قالالىق «اقمەشىت اقشامى» گازەتىندە ءتىلشى بولىپ باستاعان. كەيىن 1998-2000 جىلدارى اتالعان گازەتتە جاۋاپتى حاتشى, باس رەداكتوردىڭ ورىنباسارى قىزمەتتەرىن اتقاردى.
ال, 2000-2002 جىلدار ارالىعىندا «قازاقستان» ۇتا-دا ءتىلشى, رەداكتور, 2002-2006 جىلدارى «حابار» اگەنتتىگىندە ءتىلشى, 2006-2007 جىلدارى «جايىق پرەسس» جشس باس ديرەكتورىنىڭ ورىنباسارى, «ورال ءوڭىرى» گازەتىنىڭ باس رەداكتورى بولدى.
سونىمەن قاتار, 2007-2008 جىلدارى «قازاگرو» حولدينگى, «اگرارلىق نەسيە كورپوراتسياسى» اق ءباسپاسوز حاتشىسى, 2008-2009 جىلدارى الماتى قالالىق «وڭتۇستىك استانا» تەلەارناسىنىڭ باس ديرەكتورى, 2010 جىلى الماتى وبلىستىق «جەتىسۋ» تەلەارناسىنىڭ باس پروديۋسەرى بولىپ قىزمەت ەتتى.
2010-2012 جىلدارى «الماتى» الەۋمەتتىك-كاسىپكەرلىك كورپوراتسياسى ۇلتتىق كومپانياسى» اكتسيونەرلىك قوعامى باسقارما توراعاسىنىڭ كەڭەسشىسى قىزمەتىن اتقاردى.
2012 جىلدىڭ قاڭتار ايىنان 2016 جىلدىڭ 1-قاراشاسىنا دەيىن «قازاقستان» رترك» اق ماڭعىستاۋ وبلىستىق فيليالىنىڭ ديرەكتورى بولدى.
