«نۇرلى جولدىڭ» كولىك-لوگيستيكا جوبالارى 75 مىڭ جۇمىس ورنىن قامتىدى

«كولىك-لوگيستيكا ينفراقۇرىلىمىن دامىتۋ جونىندەگى جوسپارلار بۇگىنگى كۇنى «نۇرلى جول» مەملەكەتتىك باعدارلاماسى ارقىلى ىسكە اسىرىلادى. باعدارلامادا سالاعا قاتىستى 16 جوبا كوزدەلگەن, ولاردىڭ نەگىزگى ۇلەسىندە رەسپۋبليكالىق ماڭىزى بار اۆتوموبيل جولدارىن سالۋ جانە رەكونسترۋكتسيالاۋ جۇمىستارى كوزدەلگەن. «نۇرلى جول» باعدارلاماسىنداعى جوبالاردىڭ 11-ءى اۆتوموبيل جولدارى سالاسىندا, 2-ەۋى تەمىر جول سالاسىندا, سۋ, ازاماتتىق اۆياتسيا جانە لوگيستيكا سالاسىندا 2 جوبا بار», دەدى بۇگىن ۇكىمەت وتىرىسىندا كولىك-لوگيستيكا ينفراقۇرىلىمىن دامىتۋ جونىندە بايانداعان ينۆەستيتسيالار جانە دامۋ ءمينيسترى ج.قاسىمبەك. جۇمىس «باتىس ەۋروپاباتىس قىتاي», «ورتالىق-وڭتۇستىك» (استانا-الماتى), «ورتالىق-شىعىس» (استانا-وسكەمەن), ورتالىق-باتىس (اقتوبە-اتىراۋ-اقتاۋ), الماتى-تالدىقورعان, استانا-پەتروپاۆل جوبالارىندا جۇزەگە اسىرىلۋدا. مەملەكەتتىك باعدارلامانىڭ جوبالارىن جۇزەگە اسىرۋ الەۋمەتتىك ماڭىزعا يە. بۇگىنگى تاڭدا 75 مىڭ جۇمىس ورنى قۇرىلدى. اۆتوجولداردىڭ قۇرىلىسى بارىسىندا جەرگىلىكتى قامتۋدىڭ دەڭگەيى 95% قۇرايدى.