ماسليحاتتارعا 30 دەپۋتات سايلاندى

Cايلاۋ زاڭناماسىنا سايكەس, 30 قازاندا ەلىمىزدىڭ 10 وڭىرىندەگى 30 سايلاۋ وكرۋگىندە ءماسليحاتتاردىڭ شىعىپ قالعان دەپۋتاتتارىنىڭ ورنىنا سايلاۋ وتكەن ەدى. كەشە ونىڭ قورىتىندى ناتيجەسىنە بايلانىستى ورتالىق سايلاۋ كوميسسياسى توراعاسىنىڭ ورىنباسارى ۆلاديمير فووس پەن كوميسسيا مۇشەسى ءلاززات سۇلەيمەن بريفينگ وتكىزدى. ۆلاديمير فووستىڭ حاباردار ەتۋىنشە, سايلاۋدى ۇيىمداستىرۋ مەن وتكىزۋگە 10 وبلىستىق, 6 قا­لالىق, 17 اۋداندىق, 30 وكرۋگتىك ءجا­نە 160 ۋچاسكەلىك سايلاۋ كوميسسياسى تارتىلعان. سايلاۋ ناۋقانى بارىسىندا بارلىعى 101 كانديدات ۇسىنىلدى. ولاردىڭ ىشىندە 16-سى وبلىستىق ماسليحاتقا, 35-ءى قالالىق ماسليحاتقا جانە 50-ءى اۋ­داندىق ماسليحاتقا داۋىسقا ءتۇستى. «31 ۇمىتكەردى ساياسي پارتيا­لار, ال 70 ازا­مات ءوزىن-ءوزى ۇسىندى, – دەدى وسك توراعاسىنىڭ ورىنباسارى. – وك­رۋگتىك سايلاۋ كوميسسيالارى ءماسليحاتتار دەپۋتاتتىعىنا كان­­ديداتتار رەتىندە 96 ادامدى تىركەدى. سايلاۋ بيۋللەتەندەرىنە 92 كان­­دي­داتتىڭ تەگى ەنگىزىلدى. ور­تاشا باسەكەلەستىك ءبىر دەپۋتات­تىق مانداتقا شامامەن 3 ۇمىتكەردى قۇرادى». ال ل.سۇلەيمەن سايلاۋ ۇدەرىسىنە توقتالدى. ونىڭ ايتۋىنشا, داۋىس بەرۋ 2016 جىلعى 30 قازان كۇنى 160 سايلاۋ ۋچاسكەسىندە ءوتتى. سايلاۋشىلاردىڭ كەلۋى 79,6%-دى قۇرادى. داۋىس بەرۋ قو­رى­تىندىلارىنا سايكەس وبلىستىق ءماسلي­حاتتىڭ 4 دەپۋتاتى, قالالىق ءماسلي­حاتتىڭ 10 دەپۋتاتى جانە اۋدان­دىق ءماسليحاتتىڭ 16 دەپۋتاتى سايلان­دى. داۋىس بەرۋ بارىسى مەن داۋىس­تاردى ساناۋ ءراسىمىن بايقاۋدى كاندي­داتتاردىڭ سەنىم بىلدىرىلگەن ادامدارى, ساياسي پارتيالاردىڭ, قوعامدىق ءبىر­لەستىكتەردىڭ جانە باق وكىلدەرى – بار­لىعى 396 ادام جۇزەگە اسىرعان. «ءماس­ليحاتتاردىڭ سايلانعان دەپۋتاتتارىنىڭ قۇرامىندا 29 ەر ادام جانە ءبىر ايەل بار, – دەپ جالعاستىردى ءسوزىن وسك مۇشەسى. – ءماسليحاتتاردىڭ سايلانعان دەپۋ­تات­تارىنىڭ ورتاشا جاسى – 45. ەڭ جاس دەپۋتات باتىس قازاقستان وبلىسى, سىرىم اۋدانىنىڭ №6 سايلاۋ وك­رۋ­گىندە سايلاندى. ونىڭ جاسى 24-تە. ەڭ ەگدەسى 63 جاستاعى دەپۋتات قاراعاندى قالا­سى ءماسليحاتىنىڭ №30 سايلاۋ وكرۋگىنەن سايلاندى». بريفينگتى وتكىزۋشىلەردىڭ اتاپ ءوت­كەنىندەي, سايلانعان دەپۋتاتتاردىڭ 96,67% جوعارى ءبىلىمدى, 3,33%-ىنىڭ ارنايى ورتا ءبىلىمى بار. ال 40%-ى مەملەكەتتىك مەكەمەلەردە, ۇيىمدار مەن كاسىپورىنداردا, 53,3%-ى كوممەرتسيالىق قۇرىلىمداردا قىزمەت ىستەيدى, 6,7%-ى ساياسي پارتيالار مەن ۇكىمەتتىك ەمەس ۇيىمداردىڭ قىزمەتكەرلەرى. سايلاۋ ناۋقانى سايلاۋ زاڭناماسى نورمالارىنىڭ تالاپتارىنا سايكەس وتكەن. ورتسايلاۋكومعا شاعىمدار مەن وتىنىشتەر تۇسپەگەن. ءاليسۇلتان قۇلانباي, «ەگەمەن قازاقستان»