ءادىل وتكەن سايلاۋدان سايلاۋشى ۇتادى

ءتۇرلى دەڭگەيدەگى ءماسليحاتتاردىڭ شىعىپ قالعان دەپۋتاتتارىنىڭ ورنىنا دەپۋتات سايلاۋ قوستاناي وبلىسىنداعى ءتورت اۋدان مەن ءبىر قالادا ءوتتى. سايلاۋ وتكەن توعىز ۋچاسكەنىڭ بارلىعى دا بۇل ساياسي ناۋقانعا تىڭعىلىقتى دايىندالدى. مۇنى وسى سايلاۋعا ارنايى كەلگەن ورتالىق سايلاۋ كوميسسياسىنىڭ مۇشەسى سابيلا مۇستافينا دا اتاپ ءوتتى. – مەن سايلاۋ بولاردان ءبىر كۇن بۇرىن قوستاناي اۋدانىنداعى سايلاۋ ۋچاسكەلەرىندە بولىپ, سايلاۋشىلاردىڭ داۋىس بەرۋىنە دايىندىعىن كوردىم. ساي­لاۋ ۋچاسكەلەرىندەگى ۇيىمداستىرۋ جۇ­مىستارى قانداي دارەجەدە, ۋچاسكەلىك سايلاۋ كوميسسيالارىنىڭ مۇشەلەرى زاڭ­نامالاردى قانشالىقتى بىلەدى, سايلاۋ ۋچاسكەلەرى قالاي بەزەندىرىلگەن دەگەن كوپتەگەن ماسەلەلەرگە جاۋاپ ىزدەدىم. ونى ۇيىمداستىرۋشىلاردىڭ سونشالىقتى ىج­داعاتتىلىقپەن, ساۋاتتىلىقپەن اتقا­را­تىنىنا ريزا بولدىم, – دەدى ءسابيلا سا­پارقىزى جۋرناليستەرمەن كەزدەسۋىندە. ءماسليحاتتاردىڭ شىعىپ قالعان دەپۋتاتتار ورنىنا دەپۋتاتتار سايلاۋى وبلىستا قوستاناي, سارىكول, دەني­سوۆ, تاران اۋداندارى مەن ارقا­لىق قالا­سىن­داعى سايلاۋ ۋچاسكەلەر­ىندە ءوتتى. بار­لىق ۋچاسكەلەردە باقىلاۋ­شىلار قاتىس­تى.ورتالىق سايلاۋ كوميس­سياسىنىڭ ءمۇ­شەسى ءسابيلا مۇستافينا دەنيسوۆ جانە تاران اۋداندارىنداعى سايلاۋدىڭ ءوتۋىن ءوز كوزىمەن كورىپ قايتتى. ساياسي ناۋ­قاننىڭ ءىرىلى-ۋاقتىعىنا قاراماي «قا­زاقستان رەسپۋبليكاسىنىڭ سايلاۋ تۋرالى» زاڭىنىڭ تولىق جۇزەگە اسقانىنىڭ كۋاسى بولدى. – ارينە, ءماسليحاتتاردىڭ شىعىپ قالعان دەپۋتاتتارى ورنىنا دەپۋتاتتار سايلاۋىنداعى سايلاۋشىلاردىڭ بەل­سەندىلىگىن ەلىمىزدە ساياسي ناۋقانعا اينال­عان ۇلكەن سايلاۋلارمەن سالىستىرۋعا بولمايدى. سوندىقتان كۇندىز تۇرعىندار شامالاپ كەلدى دە, تۇستەن كەيىن ولاردىڭ بەل­سەندىلىگى ارتا ءتۇستى. ءبىز بولعان دەني­سوۆ, تاران اۋداندارىندا كەشكە قاراي سايلاۋشىلاردىڭ 60 پايىزىنا جۋىعى ءوز قالاۋلارىن جاسادى, – دەيدى ءسابيلا ساپارقىزى. سىرتكوز بايقاعانداي, ءماسليحاتتاردىڭ شىعىپ قالعان دەپۋتاتتارىنىڭ ورنىنا ۇمىتكەرلەرىن ۇسىنۋدا «نۇر وتان» پارتيا­سىنان باسقا پارتيالار اسا بەلسەندىلىك تانىتقان جوق. دەگەنمەن, جەرگىلىكتى تۇر­عىندار ماسليحاتتارعا كىم كورىنگەننىڭ بارۋىن قالامايدى, حالىقتىڭ قالاۋلىلارى, بەلسەندى, ساۋاتتى ادامداردىڭ سايلانعانىن دۇرىس كورەدى. ماسليحاتتارعا بەلسەندى, حالقىنىڭ, اۋىلىنىڭ قامىن ويلايتىن دەپۋتاتتار بارسا, سول وڭىردە اۋىز سۋ, كو­گىلدىر وتىن, جايىلىم, تاعى باسقا الەۋمەتتىك جانە ەكونوميكالىق ماسەلەلەر جونىندە وڭ وزگەرىستەردىڭ بولاتىنى قازىر كوپشىلىككە ءمالىم. سوندىقتان سايلاۋدى ۇيىمداستىرۋشىلار دا, داۋىس بەرەتىن سايلاۋشىلار دا سايلاۋدىڭ ءادىل وتكەنىن ماقسات ەتەدى. ويتكەنى, ءادىل سايلاۋدان تەك سايلاۋشىلار ۇتادى. ءنازيرا جارىمبەتوۆا, «ەگەمەن قازاقستان» قوستاناي