كولىكتەرگە ارنالعان گاز باللوندارى

بىلتىر كۇزدە قازاقستاننىڭ جانە رەسەيدىڭ بىرلەسكەن كا­سىپ­ورىن­دارى استىقتى ولكەدە «بيوپلانت فلورا» ورگانيكالىق-مي­نەرالدى تىڭايتقىشتار شىعاراتىن زاۋىتتىڭ قۇرىلىسىن باس­تاعان ەدى. ونىڭ ءبىرىنشى كەزەگىن جازدا قوسىپ, جىلىنا 12 مىڭ توننا ءونىم ءوندىرۋ بەلگىلەنگەن. تولىق قۋاتىنا جەتكەن جاع­دايدا ونىمدىلىك 60 مىڭ تونناعا دەيىن ارتاتىن بولادى. جاقىندا «Goldhein invest­ments limited» كومپانياسىنىڭ باس­شىلارى قىزىلجار وڭىرىنە اتباسىن تىرەپ, تاعى ءبىر تىڭ جوبا اكەلدى. «گاز باللوندارىن شى­عا­را­تىن زاۋىت» ينۆەستي­تسيالىق جو­باسىنىڭ تانىستىرۋ راسىمىنە وبلىس اكىمى سەرىك ءبى­لالوۆ, ۆەدوموستۆو, كاسىپورىن باسشىلارى قاتىسىپ, باعدار­لاما جان-جاقتى وي ەلەگىنەن وتكىزىلدى. كومپانيا جەتەكشىسى داۆيد ۆاراگيان تىڭ­ايت­قىشتار زاۋىتى كەشەنىنە 5 مىڭ باس ءىرى قارا مالىن بور­دا­قىلايتىن فەر­ما, كوكونىس وسىرە­تىن جىلى­جايلار, مۇناي وندىرە­تىن كاسىپ­ورىن كىرەتىنىن, بۇل ماق­ساتتار ءۇشىن 8 ميلليارد دوللار ينۆەستيتسيا قۇيىلعانىن ايتا كەلىپ, گەرمانيانىڭ جانە يتاليا­نىڭ وزىق تەحنولوگياسىنا نەگىزدەلگەن جاڭا جوبانىڭ ارتىقشى­لىق­تارىن اڭگىمەلەدى. ونىڭ ءسو­زىنە قاراعاندا, ايىنا اۆتوموبيلدەرگە ارنالعان جوعارى قى­سىمدى 12 مىڭ دانا گاز باللون­دارىن شىعاراتىن زاۋىت الەم­نىڭ 20 ەلىندە عانا بار كورىنەدى. سەرۆيستىك قىزمەتتەردى قوسا ەسەپ­تەگەندە قوسىمشا 500 جۇ­مىس ور­نىن اشۋ مۇمكىندىگى بار. قۇرال-جاب­دىق­تار­دى ورناتۋ, قۇ­راس­تىرۋ سونشالىقتى كوپ ۋا­قىتتى الماي­تىنعا ۇقسايدى. ىسكە دەرەۋ كىرىسسەك, ءتورت ايدىڭ ءىشىن­دە العاشقى ونىمدەر ءسولتۇس­تىك­­قازاقستاندىق تۇتىنۋشى­لار­مەن قا­تار شەت ەلدەرگە دە جول تابار ەدى, دەدى ءسوزى­نىڭ سوڭىندا د.ۆاراگيان. «IGVI» كومپانياسى باسقارماسى­نىڭ ءتور­­اعاسى ساركيس گاۆريەليان الدى­مەن وزىمەن الا كەلگەن بەينەفيلمدى جي­نال­عاندار نازارىنا ۇسىندى. وندا ەرەۆانداعى گاز باللون­دارىن شىعاراتىن زاۋىت­تىڭ تى­نىس-تىرشىلىگى بەينەلەنىپتى. جو­بانىڭ قۇنى 30 ميلليون دول­لار­دى قۇرايدى. ارنايى قون­دىر­عىلاردى كولىكتىڭ كەز كەلگەن ءتۇ­رىنە ورناتۋعا بولادى. سولتۇستىك وڭىرگە قارجى قۇيۋعا بەكىنگەن ينۆەستورلاردىڭ پىكىرلەرى مۇقيات تىڭدالعاننان كەيىن تاڭداۋ نەلىكتەن وسىندا ءتۇستى دەگەن ساۋال تاستالدى. وعان شيكىزاتتى رەسەيدەن ارمە­نياعا تاسىمالداۋ قولاي­سىز. ماسەلەن, شيكىزاتتىڭ ءبىر تون­نا­سى 300 دوللارعا تۇسسە, سول­تۇستىك قازاقستانعا جەتكىزۋ ون ەسەدەي ارزان. الدىمەن ەكونو­مي­كالىق جاعى جەتە ەسكەرىلدى. سۇ­را­نىس جايىنا كەلسەك, ودان دا ۇتىلماسىمىز انىق. تابيعي گاز­دى پايدالانۋ جانار-جاعارماي جانە ديزەل وتىندارىنا قارا­عاندا ارزان ءارى ەكولوگيالىق جا­عىنان تازا دەگەن جاۋاپ بەرىلدى. سەرىك سۇلتانعازى ۇلى ءوز ءسو­زىندە نىسان تولىق پايدالانۋعا بەرىلگەندە جەر­گىلىكتى تۇرعىن­دا­ر­دىڭ جۇمىس­قا ورنالاساتى­نىن, سا­لىق كوزدەرى كەڭەيەتىنىن باسا ايتتى. زاۋىتتى پەتەرفەلد اۋى­لىنا ەمەس, وب­لىس ورتالىعىنا ورنالاستىرۋ قاي جاعىنان ءتيىمدى كەلەتىنىن ناق­تى مىسالدارمەن دالەلدەدى. جي­ىندا ينۆەستورلاردىڭ ۇسى­نى­سى قابىل الىنىپ, عيمارات ءبولۋ, باسقا دا اعىمدىق ءما­سە­لەلەردى جەدەل شەشۋ ءۇشىن ءتيىستى ورىن­دارعا تاپسىرمالار بەرىلدى. زاۋىت­تىڭ العاشقى ءونىم­دەرى ماۋسىمدا شىعارىلاتىن بولدى. ءومىر ەسقالي. سولتۇستىك قازاقستان وبلىسى.