تالانتتى قىزدىڭ تاماشا تابىسى

8 جاسار الماتىلىق ايشا زاكىروۆا شاحماتتان الەم چەمپيونى اتاندى گرۋزيانىڭ باتۋمي قالاسىندا 8, 10, 12 جاستاعى بالالار اراسىندا شاحماتتان وتكەن الەم ءبىرىن­شى­لىگىندە 8 جاسار قازاقستاندىق ايشا زاكىروۆا الەم چەمپيونى اتاندى. تۋرنيرگە 66 مەملەكەتتەن 728 جاس شاحماتشى كەلگەن. جارىس شۆەيتساريالىق جۇيە بويىنشا 11 تۋردان تۇردى. جەڭىمپاز اتانعان ايشا 6 جاسىنان باستاپ شاحمات ويناپ كەلەدى. ول – الماتىداعى حالىق­ارالىق كاسىبي شاحمات مەكتەبىنىڭ ۇزدىك شاكىرتتەرىنىڭ ءبىرى. سوڭعى جىلدارى شاكەي جانە كاۋسار باۋىرجان سەكىلدى جاتتىقتىرۋشىلاردىڭ ءتالىمىن العان. شاكىرتىنىڭ جارقىن جەڭى­سىمەن بولىسكەن كاۋسار ءوز ءسوزىن­دە جارىسقا تىڭعىلىقتى دايىن­دالعاندىقتارىن ايتتى. – ءبىز وتە باقىتتىمىز. اي­شانى ءبىر جىلعا جۋىق جات­تىق­تىردىم. قازىر ونىڭ رەسمي جاتتىقتىرۋشىسى مەنىڭ اكەم. ءبىز شاحماتتى باسىنان باستاپ, ەكى جۇرىسپەن مات قويۋعا دەيىن ۇيرەتتىك. ول وزىنە سەنىمدى شاحماتشى بولىپ قالىپتاسىپ كەلەدى. ءبىز ونىڭ جەڭىمپاز اتانۋىن قاتتى قالادىق, ىشتەي وعان سەندىك. قازاقستان شاحمات فەدەرا­تسياسىنىڭ پرەزيدەنتى عالىمجان ەسەنوۆتىڭ ايتۋىنشا, ايشانىڭ جەڭىسى – شارشاماي ەڭبەكتەنىپ, وقىپ, جاتتىعىپ, كەز كەلگەن ماقساتتى جۇزەگە اسىرۋعا بولا­تىندىعىنىڭ ايقىن دالەلى. الەم چەمپيونى بولۋ تەك شاح­ماتشىلاردىڭ جەكە جانە جاتتىق­تىرۋشىلار مەن اتا-انا ەڭبەگىنىڭ مويىندالۋى عانا ەمەس, بۇل ءوز ەلىڭنىڭ الدىنداعى زور ماق­تانىش پەن ۇلكەن جاۋاپ­كەرشىلىك. جارىستا ايشاعا موڭعو­ليالىق سپورتشى ۋنۋرزۋل دا­ۆااك­حۋ تەگەۋرىندى قارسىلىق كورسەتكەن. تۋرنير بارىسىندا ەكى شاحماتشى دا بىردەي 9 ۇپاي جيناعاندىقتان, جەڭىمپاز جەكە كەزدەسۋدە انىقتالعان. ايشا قاتىسقان العاشقى ماڭىزدى تۋرنير ازيا چەمپيوناتى اياسىندا وڭتۇستىك كورەيادا وتكەن. وندا ول حالىقارالىق جا­رىستارداعى تاجىريبەنىڭ جەتىس­پەۋىنەن كوزگە تۇسە الما­دى. ەندى مىنە كەلەسى سىندا بىردەن چەمپيوندىق اتاق­قا يە بولدى. بۇل 8 جاسار الما­تى­لىق شاح­ماتشىنىڭ اسا دارىن­دى­لىعىنان حابار بەرسە كەرەك. وسىدان ەكى كۇن بۇرىن قازىر رەسەي اتىنان جارىستارعا قاتى­سىپ جۇرگەن ءبيبىسارا اساۋ­باە­ۆانىڭ 12 جاسقا دەيىنگىلەر اراسىندا الەم چەمپيونى اتانعانى تۋرالى دا حابار كەلگەن ەدى. مەلىس سەيداحمەتوۆ الماتى