قازاقستان كولونيالارىندا سوتتالۋشىلاردىڭ 60%-ى جۇمىسپەن قامتىلدى

كولونياعا بيزنەستى تارتۋدا رەسپۋبليكانىڭ پەنيتەنتسيارلىق جۇيەسى زامانعا ساي جۇمىستار اتقارۋدا. بۇل تۋرالى قر ءىىم قىلمىستىق-اتقارۋ جۇيەسى (قاج) كوميتەتىنىڭ ءباسپاسوز قىزمەتى حابارلادى. «قاج كوميتەتىنىڭ القا ماجىلىسىنەن ءمالىم بولعانىنداي, مەتالل ونىمدەرىن, كەڭسە جانە مەكتەپ جيھازدارىن, قۇرىلىس ماتەريالدارىن, تىگىن جانە اۋىل شارۋاشىلىعى ونىمدەرىن قايتا وڭدەۋمەن قاتار, مەكەمەدە بيىل ىسكە قوسىلعان جاڭا ءوندىرىس تۇرلەرى دە دامىپ جاتىر. ءبىرىنشى كەزەكتە, قۇس شارۋاشىلىعى, كونديتەرلىك ونىمدەر دايىنداۋ جانە دەزينفەكتسيالايتىن قۇرالدار شىعارۋ», - دەپ اتاپ ءوتتى رەسپۋبليكالىق پەنيتەنتسيارلىق جۇيە مەكەمەسىنىڭ ءباسپاسوز قىزمەتى. ماڭعىستاۋ, سولتۇستىك قازاقستان, قاراعاندى, شىعىس قازاقستان, جامبىل جانە اقمولا وبلىستارىنىڭ قاج مەكەمەلەرىندە بيزنەستى تارتۋ بويىنشا وڭ ناتيجەلەر بايقالدى. قازىرگى ۋاقىتتا 174 جەكە كاسىپكەر رەسپۋبليكانىڭ قاج جۇيەلەرىندەگى تۇتقىندارىن جۇمىسپەن قامتىپ, ءوندىرىستى تابىسپەن دامىتىپ جاتىر. ماسەلەن, 2016 جىلى پاۆلودار وبلىسىنىڭ ەكى كولونياسىندا قوسىمشا جابىنعىلار شىعارۋ اعاش وڭدەۋ اشىلدى. ال اقمولا وبلىسىنىڭ ەتس-166/25 مەكەمەسىندە شاعىن ارحيتەكتۋرالىق قالىپتار ازىرلەۋ سەكىلدى ءوندىرىستىڭ جاڭا ءتۇرى يگەرىلدى. بۇل قالىپتار قۇرىلىس نىساندارىن تاپسىرۋدا بالالار الاڭقايى مەن سپورتتىق الاڭدارعا مىندەتتى تۇردە ورناتىلادى. «ودان بولەك, 21 سوتتالۋشى (قىزىلوردا, سقو, ماڭعىستاۋ جانە شقو) جەكە ەڭبەكپەن اينالىسادى», - دەپ تولىقتىردى قاج كوميتەتى.