ءسىم قىزمەتكەرلەرى نيدەرلاندىدا تاعىلىمدامادان وتەدى

نيدەرلاندىداعى قر ەلشىسى ماعجان ءىلياسوۆ «Clingendael» نيدەرلاندى حالىقارالىق قاتىناستار ينستيتۋتىنىڭ ديرەكتورى رون تونمەن كەزدەستى, دەپ حابارلايدى egemen.kz قر ءسىم ءباسپاسوز قىزمەتىنە سىلتەمە جاساپ. كەزدەسۋدە قازاقستان مەن نيدەرلاندى حالىقارالىق قاتىناستار ينستيتۋتى اراسىنداعى ىنتىماقتاستىق اتاپ ءوتىلدى. گوللانديالىق تاراپ 1993 جىلدان قازاقستان مەن وزگە دە ورتالىق ازيا ەلدەرىنىڭ جاس ديپلوماتتارىنىڭ بىلىكتىلىگىن ارتتىرۋ بويىنشا باعدارلامانى جۇزەگە اسىرىپ كەلەدى.  ىنتىماقتاستىقتىڭ 23 جىلىندا ينستيتۋتتا 100-گە جۋىق قازاقستاندىق ديپلومات پەن حالىقارالىق قاتىناستار سالاسىنداعى ماماندار وقىپ شىقتى. اعىمداعى جىلدىڭ قاراشا-جەلتوقسان ايلارىندا قر ءسىم قىزمەتكەرلەرى ينستيتۋتتا بىلىكتىلىگىن ارتتىرادى. رون تون بىرلەسىپ زەرتتەۋ جۇرگىزۋ,  تاعىلىمدامادان ءوتۋ مەن تاجىريبە الماسۋ اياسىندا قازاقستاندىق جوو-مەن ىنتىماقتاستىق ورناتۋعا قىزىعۋشىلىق تانىتتى.