قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى № 201

2016 جىلعى 31 تامىز № 201 الماتى بانكارالىق اقشا اۋدارىمدارى جۇيەسىنىڭ جۇمىس ىستەۋ قاعيدالارىن بەكىتۋ تۋرالى «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى, «تولەمدەر جانە تولەم جۇيەلەرى تۋرالى» 2016 جىلعى 26 شىلدەدەگى قازاقستان رەسپۋبليكاسىنىڭ زاڭدارىنا سايكەس, بانكارالىق اقشا اۋدارىمدارى جۇيەسىنىڭ جۇمىس ىستەۋ ءتارتىبىن بەلگىلەۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قوسا بەرىلىپ وتىرعان بانكارالىق اقشا اۋدارىمدارى جۇيەسىنىڭ جۇمىس ىستەۋ قاعيدالارى بەكىتىلسىن. 2. «بانكارالىق اقشا اۋدارىمدارى جۇيەسىنىڭ جۇمىس ىستەۋ قاعيدالارىن بەكىتۋ جانە «قازاقستان رەسپۋبليكاسىنىڭ ۇلتتىق بانكى مەن بانكتەر, سونداي-اق بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار اراسىندا كوررەسپوندەنتتىك قاتىناستاردى ورناتۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 3 اقپانداعى № 14 قاۋلىسىنا وزگەرىس ەنگىزۋ تۋرالى قازاقستان رەسپۋبليكاسى ۇلتتىق بانكى باسقارماسىنىڭ 2015 جىلعى 31 جەلتوقسانداعى №259 قاۋلىسىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 13078 تىركەلگەن, 2016 جىلعى 14 ناۋرىزدا «ادىلەت» قازاقستان رەسپۋبليكاسىنىڭ نور­ماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسىندە جاريالانعان) 1-تارماعىنىڭ كۇشى جويىلدى دەپ تانىلسىن. 3. تولەم جۇيەلەرى دەپارتامەنتى (اشىكبەكوۆ ە.ت.) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) زاڭ دەپارتامەنتىمەن (سارسەنوۆا ن.ۆ.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى قاۋلىنى «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا: قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا; قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەن كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىنە, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋگە جىبەرۋدى; 3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن. 4. قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جانە سىرتقى كوممۋنيكاتسيالار باسقارماسى (تەرەنتەۆ ا.ل.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن. 5. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى ع. و. پىرماتوۆقا جۇكتەلسىن. 6. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ۇلتتىق بانك توراعاسى د. اقىشەۆ قازاقستان رەسپۋبليكاسى ۇلتتىق بانكى باسقارماسىنىڭ 2016 جىلعى 31 تامىزداعى № 201 قاۋلىسىمەن بەكىتىلگەن بانكارالىق اقشا اۋدارىمدارى جۇيەسىنىڭ جۇمىس ىستەۋ قاعيدالارى 1-تاراۋ. جالپى ەرەجەلەر 1. وسى بانكارالىق اقشا اۋدارىمدارى جۇيەسىنىڭ جۇمىس ىستەۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى (بۇدان ءارى – ۇلتتىق بانك تۋرالى زاڭ), «تولەمدەر جانە تولەم جۇيەلەرى تۋرالى» 2016 جىلعى 26 شىلدەدەگى (بۇدان ءارى – تولەمدەر جانە تولەم جۇيەلەرى تۋرالى زاڭ) قازاقستان رەسپۋبليكاسىنىڭ زاڭدارىنا سايكەس ازىرلەندى جانە وپەراتورى قازاقستان رەسپۋبليكاسىنىڭ ۇلتتىق بانكى (بۇدان ءارى – ۇلتتىق بانك) بولىپ تابىلاتىن بانكارالىق اقشا اۋدارىمدارى جۇيەسىنىڭ (بۇدان ءارى – جۇيە) جۇمىس ىستەۋ ءتارتىبىن بەلگىلەيدى. جۇيەنىڭ وپەراتسيالىق ورتالىعى «قازاقستان رەسپۋبليكاسى ۇلتتىق بانكىنىڭ قازاقستان بانكارالىق ەسەپ ايىرىسۋ ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى (بۇدان ءارى – ورتالىق) بولىپ تابىلادى. بانكارالىق اقشا اۋدارىمدارى جۇيەسىنىڭ جۇمىس ىستەۋ قاعيدالارىنا جۇيەگە قاتىسۋ تالاپتارى, جۇيەنىڭ جۇمىس ىستەۋىنىڭ قۇقىقتىق نەگىزىن, ۇلتتىق بانك پەن ورتالىق جۇيەدە كورسەتەتىن قىزمەتتەر جانە پايدالانۋشىنىڭ جۇيەمەن ءوزارا ءىس-ارەكەتى, اقپاراتتىق قاۋىپسىزدىك راسىمدەرى, وپەراتسيالىق كۇننىڭ اشىلۋى, وپەراتسيالىق كۇن ىشىندە جۇيەنىڭ جۇمىس ىستەۋى, كەزەك, جۇيەدەگى تولەمدەر جانە (نەمەسە) اقشا اۋدارىمىنىڭ اياقتالۋى (تۇپكىلىكتىلىگى), وپەراتسيالىق كۇن ىشىندە جۇيەگە اقشا قابىلداۋ جانە جۇيەدەن اقشا الۋ, جۇيە ارقىلى ترانسشەكارالىق تولەمدەردى جانە (نەمەسە) اقشا اۋدارىمدارىن جۇزەگە اسىرۋ, وپەراتسيالىق كۇندى جابۋ, وپەراتسيالىق كۇن ىشىندە جانە سوڭىندا اقپاراتتىق حابارلار بەرۋ, جۇيەدەگى تاۋەكەلدەردى باسقارۋ جۇيەسى كىرەدى. 2. جۇيە ونىڭ قاتىسۋشىلارى (پايدالانۋشىلارى) اراسىندا تولەمدەردى جانە (نەمەسە) اقشا اۋدارىمدارىن, ونىڭ ىشىندە قازاقستان رەسپۋبليكاسى باعالى قاعازدار نارىعىنا جانە (نەمەسە) قازاقستان رەسپۋبليكاسىنىڭ ۆاليۋتا نارىعىنا قاتىسۋشىلارىنىڭ اقشا مىندەتتەمەلەرى بويىنشا تولەمدەردى جانە (نەمەسە) اقشا اۋدارىمدارىن, ۇلتتىق بانكتىك مەملەكەتتىك اقشا-كرەديت ساياساتىن جۇرگىزۋى ماقساتىندا تولەمدەردى جانە (نەمەسە) اقشا اۋدارىمدارىن جۇزەگە اسىرۋعا ارنالعان تولەم جۇيەسى بولىپ تابىلادى. جۇيەدە تولەمدەر جانە (نەمەسە) اقشا اۋدارىمدارى ۇلتتىق بانكتە اشىلعان كوررەسپوندەنتتىك شوتتاردان جۇيەگە اۋدارىلعان اقشانى پايدالانا وتىرىپ جۇرگىزىلەدى. 3. جۇيەدە تولەمدەردى جانە (نەمەسە) اقشا اۋدارىمدارىن جۇزەگە اسىرۋ ونىڭ پايدالانۋشىسىنىڭ ءاربىر نۇسقاۋىن جەكە ورىنداۋ ارقىلى جۇيەدە تولەمدەردى جانە (نەمەسە) اقشا اۋدارىمدارىن ناقتى ۋاقىت رەجيمىندە نەمەسە اعىمداعى وپەراتسيالىق كۇننىڭ اياعىنا دەيىن اياقتالۋىنا كەپىلدىك بەرە وتىرىپ جۇرگىزىلەدى. 4. قاعيدالاردا تولەمدەر جانە تولەم جۇيەلەرى تۋرالى زاڭدا, «ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى» 2003 جىلعى 7 قاڭتارداعى جانە «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭدارىندا كوزدەلگەن ۇعىمدار, سونداي-اق مىناداي ۇعىمدار پايدالانىلادى: 1) اۋديتورلىق ءىز – جۇيەدە ەلەكتروندىق حابارلاردى وڭدەۋ جونىندەگى وقيعالاردى جۇيەلى تىركەۋ, جۇيە جانە جۇيە پايدالانۋشىلارى بويىنشا ساقتايتىن اقپارات; 2) اۋتەنتيفيكاتسيا – تولەم جانە اقپاراتتىق حابارلار الماسۋ كەزىندە جۇيە پايدالانۋشىلارىنىڭ تۇپنۇسقالىعىن راستاۋ ءۇشىن, سونداي-اق تولەم جانە اقپاراتتىق حابارلارتۇپنۇسقالىعىن راستاۋ ءۇشىن شارالار كەشەنى; 3) الەۋمەتتىك باعىتتاعى تولەمدەر – مەملەكەتتىك بيۋدجەتتەن نەمەسە مەملەكەتتىك الەۋمەتتىك ساقتاندىرۋ قورىنان تولەنەتىن زەينەتاقى تولەمدەرى جانە (نەمەسە) جاردەماقى تولەمدەرى, الەۋمەتتىك جانە وزگە تولەمدەر, بيۋدجەتتەن تولەنەتىن تۇرعىن ءۇي تولەمدەرى جانە وزگە تولەمدەر; 4) باعدارلامالىق-تەحنيكالىق جۇيە كەشەنى – جۇيەنىڭ جۇمىسىن قامتاماسىز ەتەتىن, اقپاراتتىق جۇيەدەن, سەرۆەردەن جانە جۇيە تەرمينالىنان, كوممۋنيكاتسيا قۇرالدارىنان (دەرەكتەردى بەرۋدەن) تۇراتىن تەحنيكالىق, باعدارلامالىق نەمەسە باسقا دا قۇرالدار; 5) باعدارلامالىق-تەحنيكالىق جۇيە كەشەنىنىڭ نەگىزگى ورتالىعى (بۇدان ءارى – نەگىزگى ورتالىق) – جۇيەنىڭ ادەتتەگى (كۇندەلىكتى) رەجيمدەگى جۇمىسىن قامتاماسىز ەتەتىن باعدارلامالىق-تەحنيكالىق جۇيە كەشەنى; 6) باعدارلامالىق-تەحنيكالىق جۇيە كەشەنىنىڭ رەزەرۆ ورتالىعى (بۇدان ءارى – رەزەرۆ ورتالىعى) – قالىپتى ەمەس جاعدايلار تۋىنداعان نەمەسە نەگىزگى ورتالىقتا جوسپارلى تەست جۇمىستارى جۇرگىزىلگەن كەزدە جۇيەنىڭ جۇمىسىن قامتاماسىز ەتەتىن رەزەرۆتىك باعدارلامالىق-تەحنيكالىق جۇيە كەشەنى; 7) بەيرەزيدەنت قارجى ۇيىمى – قازاقستان رەسپۋبليكاسىنان تىسقارى قۇرىلعان, تىركەلگەن مەملەكەتتىڭ زاڭناماسى بويىنشا بانك وپەراتسيالارىن جۇزەگە اسىرۋعا قۇقىعى بار, جۇيەنىڭ پايدالانۋشىسى بولىپ تابىلمايتىن جانە پايداسىنا ترانسشەكارالىق تولەم جانە (نەمەسە) اقشا اۋدارىمى جىبەرىلەتىن نە ودان الىنعان جەكە نەمەسە زاڭدى تۇلعاعا قىزمەت كورسەتەتىن قارجى ۇيىمى (بانك); 8) دەبەتتىك اۋدارىم – پايدالانۋشى-باستاما جاساۋشى پايدالانۋشى-بەنەفيتسيار بولىپ تابىلاتىن اقشا اۋدارىمى; 9) جيىنتىق تولەم حابارى – پايدالانۋشىلار كليەنتتەرىنىڭ بىرنەشە تولەم قۇجاتتارىنىڭ (نۇسقاۋلارىنىڭ) نەگىزىندە پايدالانۋشى قالىپتاستىرعان تولەم حابارى; 10) جۇيەلىك تاۋەكەل – ءبىر نەمەسە بىرنەشە پايدالانۋشىنىڭ مىندەتتەرىن ورىنداماۋىنان تۋىنداعان, ءبىر نەمەسە بىرنەشە اقشا اۋدارىمى بويىنشا ءبىر نەمەسە بىرنەشە پايدالانۋشى مىندەتتەمەلەرىنىڭ ورىندالماۋ تاۋەكەلى; 11) جۇيەنiڭ پايدالانۋشىسى (بۇدان ءارى – پايدالانۋشى) – جۇيە قاتىسۋشىسى, ۇلتتىق بانك جانە (نەمەسە) باسقا تولەم جۇيەسىنىڭ وپەراتورى (وپەراتسيالىق ورتالىق); 12) كەزەك – پايدالانۋشى-اقشا جونەلتۋشىنىڭ پوزيتسياسىندا اقشا سوماسى بولماعان نە جەتكىلىكسىز بولعان كەزدە تولەم حابارلارى وپەراتسيالىق كۇن ىشىندە پايدالانۋشىنىڭ پوزيتسياسىنا قاجەتتى اقشا سوماسى تۇسكەننەن كەيىن ەسەپ ايىرىسۋ ءساتىن كۇتۋدە كەزەككە تۇراتىن تاۋەكەلدەردى باسقارۋ تەتىگى; 13) كرەديتتىك اۋدارىم – پايدالانۋشى-باستاما جاساۋشى پايدالانۋشى-اقشا جونەلتۋشى بولىپ تابىلاتىن اقشا اۋدارىمى; 14) كرەديتتىك تاۋەكەل – قارسى اگەنتتىڭ ءوز مىندەتتەمەلەرىن تولىق كولەمدە ۋاقتىلى ورىنداماۋىنىڭ (ورىنداماۋىنىڭ) مۇمكىن بولۋىمەن بايلانىستى تاۋەكەل; 15) وپەراتسيالىق تاۋەكەل – اقپاراتتىق جۇيەلەردىڭ نەمەسە ىشكى پروتسەستەردىڭ كەمشىلىكتەرىمەن, ادامداردىڭ قاتەلىكتەرىمەن, جۇيەنى باسقارۋداعى, ونىڭ ىشىندە سىرتقى وقيعالاردىڭ سالدارىنان بولاتىن ىركىلىستەرمەن نەمەسە بۇزۋشىلىقتارمەن بايلانىستى تاۋەكەل; 16) ورتالىقتاعى جۇيەنىڭ پوزيتسياسى – ورتالىقتا وڭدەلەتىن جانە پايدالانۋشىلار ۇلتتىق بانكتە جۇيەنىڭ شوتىنا اۋدارىلعان اقشانىڭ جانە جۇيەدەگى پايدالانۋشىلار اۋدارىمدارىنىڭ جالپى سوماسىن باقىلاۋعا ارنالعان پوزيتسيا; 17) وتىمدىلىك تاۋەكەلى – پايدالانۋشى-اقشا جونەلتۋشىنىڭ اقشا اۋدارۋ جونىندەگى ءوز مىندەتتەمەلەرىن تولىق كولەمدە ۋاقتىلى ورىنداماۋىنىڭ (ورىنداماۋىنىڭ) مۇمكىن بولۋىمەن بايلانىستى تاۋەكەلى; 18) پايدالانۋشىنىڭ جۇيەدەگى پوزيتسياسى (بۇدان ءارى – پايدالانۋشىنىڭ پوزيتسياسى) – جۇيە پايدالانۋشىسىنىڭ جۇيە ارقىلى تولەمدەر مەن اقشا اۋدارىمىن جۇزەگە اسىرۋ ءۇشىن ۇلتتىق بانكتە اشىلعان تەڭگەدەگى كوررەسپوندەنتتىك شوتتان (بۇدان ءارى – پايدالانۋشىنىڭ كوررەسپوندەنتتىك شوتى) ءوزى اۋدارعان اقشا سوماسىن ەسەپكە الۋعا ارنالعان پوزيتسيا; 19) پايدالانۋشى-اقشا جونەلتۋشى – پوزيتسياسىنان اقشا اۋدارىلاتىن (ەسەپتەن شىعارىلاتىن) پايدالانۋشى; 20) پايدالانۋشى-باستاما جاساۋشى – تولەم حابارىن جۇيەگە جىبەرگەن پايدالانۋشى. پايدالانۋشى-باستاما جاساۋشى پايدالانۋشى-اقشا جونەلتۋشى نەمەسە پايدالانۋشى-بەنەفيتسيار بولىپ تابىلادى; 21) پايدالانۋشى-بەنەفيتسيار – پوزيتسياسىنا اقشا اۋدارىلاتىن پايدالانۋشى; 22) پايدالانۋشى-دەلدال – پايدالانۋشىلار مەن بەيرەزيدەنت قارجى ۇيىمدارىنىڭ اراسىندا ترانسشەكارالىق تولەمدەر جانە (نەمەسە) اقشا اۋدارىمدارى بويىنشا اقشا اۋدارۋدى جۇزەگە اسىراتىن پايدالانۋشى; 23) تولەم نۇسقاۋى – پايدالانۋشىنىڭ كوررەسپوندەنتتىك شوتىنان ۇلتتىق بانكتەگى جۇيەنىڭ شوتىنا نە ۇلتتىق بانكتەگى جۇيەنىڭ شوتىنان ونىڭ كوررەسپوندەنتتىك شوتىنا اقشا اۋدارۋعا نۇسقاۋى; 24) ترانسشەكارالىق تولەم جانە (نەمەسە) اقشا اۋدارىمى – اقشا جونەلتۋشى باستاما جاساعان نەمەسە ونىڭ اتىنان باستاما جاسالعان, اقشا جونەلتۋشىنىڭ جانە بەنەفيتسياردىڭ تولەم قىزمەتتەرىن جەتكىزۋشىلەر ءارتۇرلى مەملەكەتتەردە ورنالاسقان تولەم نەمەسە اقشا اۋدارىمى جونىندەگى نۇسقاۋ; 25) ۇلتتىق بانكتەگى جۇيەنىڭ شوتى – ۇلتتىق بانكتە اشىلعان جانە پايدالانۋشىلار جۇيەدە اقشا اۋدارىمىن جۇزەگە اسىرۋ ءۇشىن پايدالانىلاتىن اقشاسىن ەسەپكە الۋعا جانە اقشانى جۇيەگە (جۇيەدەن) اۋدارۋ بويىنشا پايدالانۋشىلار پوزيتسيالارىنىڭ سالدوسىن اۋدارۋعا ارنالعان شوت; 26) ەلەكتروندىق اقپاراتتىق حابار (بۇدان ءارى – اقپاراتتىق حابار) – ەلەكتروندىق تسيفرلىق قولتاڭباسى بار, تولەم حابارلارىنا جاتپايتىن جانە اقپاراتتىق سيپاتتاعى, ونىڭ ىشىندە ءۇزىندى-كوشىرمەلەر بار ەلەكتروندىق حابار; 27) ەلەكتروندىق تولەم حابارى (بۇدان ءارى – تولەم حابارى) – جۇيەدەگى پايدالانۋشىلاردىڭ پوزيتسيالارى بويىنشا اقشا اۋدارىمدارىن جۇزەگە اسىرۋعا نەگىز بولاتىن, ەلەكتروندىق تسيفرلىق قولتاڭباسى بار ەلەكتروندىق حابار; 28) ەلەكتروندىق حابار – ورتالىق ۇلتتىق بانكتىكتىڭ كەلىسىمى بويىنشا ازىرلەگەن فورماتتاعى ەلەكتروندىق تۇردەگى اقپارات جيىنتىعى. قاعيدالاردا پايدالانىلاتىن تاۋەكەلدەر ۇعىمى قاعيدالار شەڭبەرىندەگى جۇيەگە قاتىستى قولدانىلادى جانە حالىقارالىق ەسەپ ايىرىسۋ بانكىنىڭ تولەمدەر مەن نارىقتىق ينفراقۇرىلىمدار جونىندەگى كوميتەتى (بازەل, شۆەيتساريا, 2003 جىلعى ناۋرىز) ازىرلەگەن تولەم جانە ەسەپ ايىرىسۋ جۇيەلەرىندە پايدالانىلاتىن تەرميندەر گلوسساريىنە سايكەس جازىلعان. 5. ۇلتتىق بانك جۇيەنىڭ جۇمىس ىستەۋىن جانە باسقارۋدى ۇيىمداستىرادى جانە قامتاماسىز ەتەدى, تولەمدەر جانە تولەم جۇيەلەرى تۋرالى زاڭدا بەلگىلەنگەن جۇيە وپەراتورىنىڭ باسقا دا فۋنكتسيالارىن ورىندايدى. 6. وپەراتسيالىق جانە تەحنولوگيالىق فۋنكتسيالاردى, ونىڭ ىشىندە پايدالانۋشىلارمەن جۇيەدە تولەم جانە اقپاراتتىق حابارلار وڭدەۋ جانە بەرۋ جونىندە شارت (بۇدان ءارى – جۇيەدە قىزمەت كورسەتۋ تۋرالى شارت) جانە جۇيەنىڭ جۇمىس ىستەۋى ءۇشىن قىزمەتتەر كورسەتەتىن ءۇشىنشى تۇلعالارمەن ۇلتتىق بانكتىڭ تاپسىرماسى بويىنشا شارتتار جاساسۋدى ورتالىق جۇزەگە اسىرادى. 7. جۇيەدە اقشا اۋدارۋ پايدالانۋشىلاردىڭ تولەم حابارلارىن وتكىزۋ, پايدالانۋشى-اقشا جونەلتۋشىنىڭ پوزيتسياسىنان ەسەپتەن شىعارۋ جانە اقشانى پايدالانۋشى-بەنەفيتسياردىڭ پوزيتسياسىنا ەسەپكە الۋ ارقىلى ولاردى وڭدەۋ جولىمەن جۇزەگە اسىرىلادى. 2-تاراۋ. جۇيەگە قاتىسۋ تالاپتارى 8. ۇلتتىق بانكتە اشىلعان پايدالانۋشىنىڭ ۇلتتىق ۆاليۋتاداعى كوررەسپوندەنتتىك شوتىنىڭ بولۋى پايدالانۋشىنىڭ مارتەبە الۋى ءۇشىن مىندەتتى تالاپ بولىپ تابىلادى. 9. جۇيەدە قىزمەتتەر كورسەتۋ تۋرالى شارت جاساسۋ ءۇشىن زاڭدى تۇلعا ورتالىققا مىناداي قۇجاتتار ۇسىنادى: 1) جۇيەگە قوسۋعا ارنالعان ەركىن نىسانداعى ءوتىنىش; 2) ۇلتتىق بانكپەن كوررەسپوندەنتتىك شوت شارتىنا (بۇدان ءارى – كوررەسپوندەنتتىك شوت شارتى) قوسۋعا ارنالعان ءوتىنىشتىڭ كوشىرمەسى ۇلتتىق بانكپەن جاسالعان تولەم جۇيەسىنە قاتىسۋ تۋرالى شارتتىڭ (بۇدان ءارى – قاتىسۋ تۋرالى شارت) كوشىرمەسىن. كوررەسپوندەنتتىك شوت شارتىنىڭ جانە قاتىسۋ تۋرالى شارتتىڭ تالاپتارى قامتىلعان ارالاس شارت جاساۋعا رۇقسات بەرىلەدى. 10. ۇلتتىق بانك ءوزىنىڭ تولەمدەر جانە (نەمەسە) اقشا اۋدارىمدارىن جانە كليەنتتەردىڭ نۇسقاۋلارى بويىنشا تولەمدەر جانە (نەمەسە) اقشا اۋدارىمدارىن جۇرگىزگەن كەزدە جۇيەگە پايدالانۋشى رەتىندە قاتىسادى جانە ورتالىقپەن جاسالعان جۇيەدە قىزمەت كورسەتۋ تۋرالى شارت نەگىزىندە جۇيەنىڭ پايدالانۋشى مارتەبەسىن الادى. 3-تاراۋ. جۇيەنىڭ جۇمىس ىستەۋىنىڭ قۇقىقتىق نەگىزى 11. تولەمدەر جانە تولەم جۇيەلەرى تۋرالى زاڭ, قاعيدالار, قاتىسۋ تۋرالى شارتتار, جۇيەدە قىزمەت كورسەتۋ تۋرالى شارتتار جۇيەنىڭ جۇمىس ىستەۋىنىڭ قۇقىقتىق نەگىزىن قۇرايدى. 12. قاتىسۋ تۋرالى شارت, جۇيەدە قىزمەت كورسەتۋ تۋرالى شارت مىنالاردى قامتيدى: 1) شارتتىڭ ءمانى; 2) تاراپتاردىڭ قۇقىقتارى مەن مىندەتتەرى; 3) تاراپتاردىڭ شارتتىڭ تالاپتارىن ورىنداماعانى ءۇشىن جاۋاپكەرشىلىگى; 4) شارت تالاپتارىن وزگەرتۋ جانە بۇزۋ ءتارتىبى; 5) داۋلاردى شەشۋ ءتارتىبى; 6) تاراپتاردىڭ كەلىسۋى بويىنشا باسقا تالاپتار. قاتىسۋ تۋرالى شارتتا قوسىمشا جۇيەدە تولەمدەر جانە (نەمەسە) اقشا اۋدارىمدارىن جۇزەگە اسىرۋدىڭ نەگىزگى تالاپتارى, تولەمدەر جانە (نەمەسە) اقشا اۋدارىمدارىن اياقتاۋ (تۇپكىلىكتى ەتۋ) ءتارتىبى مەن تالاپتارى جازىلادى. جۇيەدە قىزمەت كورسەتۋ تۋرالى شارتتا قوسىمشا ورتالىقتىڭ قىزمەت كورسەتۋگە اقى تولەۋ ءتارتىبى, اقپاراتتىق قاۋىپسىزدىك, كونفيدەنتسيالدىلىق, بانكتىك قۇپيانى قورعاۋ جانە دەربەس دەرەكتەردى قورعاۋ رەجيمىن ساقتاۋ جازىلعان. 13. قاتىسۋ تۋرالى شارتتىڭ جەكەلەگەن ەرەجەلەرىنىڭ قولدانىلۋى كوررەسپوندەنتتىك شوت شارتىندا كوزدەلگەن نەگىزدەمەلەر بويىنشا ۋاقىتشا توقتاتىلا تۇرادى. قاتىسۋ تۋرالى شارتتىڭ جەكەلەگەن ەرەجەلەرىن ۋاقىتشا توقتاتا تۇرۋ پايدالانۋشىنى زاڭدى تۇلعا مارتەبەسىنەن ايىرمايدى. 4-تاراۋ. ۇلتتىق بانكتىڭ جانە ورتالىقتىڭ جۇيەدە كورسەتەتىن قىزمەتتەرى جانە وپەراتسيالار تۇرلەرى 14. ۇلتتىق بانك تولەمدەر جانە تولەم جۇيەلەرى تۋرالى زاڭنىڭ 8-بابىندا بەلگىلەنگەن جۇيە وپەراتورىنىڭ فۋنكتسيالارىنا سايكەس قىزمەتتەر, ونىڭ ىشىندە مىناداي: 1) پايدالانۋشىنىڭ نۇسقاۋى بويىنشا نە قاعيدالاردا بەلگىلەنگەن جاعدايلاردا دەربەس پايدالانۋشىنىڭ كوررەسپوندەنتتىك شوتىن اشقان, جاپقان كەزدە نە وپەراتسيالىق كۇن ىشىندە پايدالانۋشىنىڭ كوررەسپوندەنتتىك شوتىنان اقشانى جۇيەگە (جۇيەدەن) كوررەسپوندەنتتىك شوتقا اۋدارۋ بويىنشا; 2) جۇيەنىڭ وپەراتسيالىق كۇنىن ۇزارتۋ بويىنشا; 3) ورتالىقتاعى جۇيە پوزيتسياسى سالدوسىن, ۇلتتىق بانكتەگى جۇيە شوتىن جانە جۇيەدەگى پايدالانۋشىلاردىڭ پوزيتسيا سالدوسىنىڭ جالپى سوماسىن جانە پايدالانۋشىلاردىڭ پوزيتسيالارىنىڭ دەبەت جانە كرەديت اينالىمدارى سومالارىنىڭ تەڭ بولۋىن باقىلاۋ بويىنشا; 4) جۇيەدەگى تاۋەكەلەردى باسقارۋ جۇيەسىن ايقىنداۋ جانە قولدانۋ بويىنشا قىزمەتتەر كورسەتەدى. ورتالىق جۇيەدە قىزمەتتى پايدالانۋشىعا: 1) تولەم حابارلارىن قابىلداۋ مەن وڭدەۋ جانە ولاردىڭ نەگىزىندە پايدالانۋشى-اقشا جونەلتۋشىنىڭ پوزيتسياسىنان پايدالانۋشى-بەنەفيتسيار پوزيتسياسىنا اقشا اۋدارۋدى جۇزەگە اسىرۋ بويىنشا; 2) جاسالعان وپەراتسيالار بويىنشا پايدالانۋشىلارعا اقپاراتتىق حابارلاردى قابىلداۋ, وڭدەۋ جانە ۇسىنۋ بويىنشا; 3) جۇيەنىڭ جۇمىس ىستەۋىن قامتاماسىز ەتۋدە تولەمدەر جانە تولەم جۇيەلەرى تۋرالى زاڭنىڭ 8-بابىندا ايقىندالعان وپەراتسيالىق جانە تەحنولوگيالىق فۋنكتسيالاردى ورىنداۋ بويىنشا قىزمەتتەر كورسەتەدى. 15. جۇيە ارقىلى كرەديتتىك جانە دەبەتتىك اۋدارىمدار جۇزەگە اسىرىلادى. 16. ورتالىق جۇيە پايدالانۋشىلارى اراسىندا اقشا اۋدارىمىن جۇزەگە اسىرادى جانە جۇيەدە پايدالانۋشىلار اقشاسىنىڭ قالدىعىن ەسكەرە وتىرىپ, ولاردىڭ كەزەگىندە تۇرعان تولەم حابارلارى سومالارىنىڭ ءوزارا ەسەبىن ورىندايدى. 5-تاراۋ. پايدالانۋشىنىڭ جۇيەمەن ءوزارا ءىس-ارەكەتى, اقپاراتتىق قاۋىپسىزدىك راسىمدەرى 17. جۇيەدە تولەمدەر مەن اقپاراتتىق حابارلار بەرۋ جانە قابىلداۋ ەلەكتروندىق تاسىلمەن جۇزەگە اسىرىلادى. 18. پايدالانۋشىلار ۇلتتىق بانكپەن كەلىسۋ بويىنشا ورتالىق ازىرلەگەن جانە جۇيەدە قولدانىلاتىن حابارلارمەن الماسۋ راسىمدەرىنە جانە فورماتتارىنا (بۇدان ءارى – راسىمدەر) سايكەس ەلەكتروندىق حابارمەن الماسادى. 19. ورتالىقتىڭ رەسمي سايتىنا جاريالاۋ ارقىلى رەسىمدەردى ورتالىققا جۇيەدە قىزمەتتەر كورسەتۋ تۋرالى شارتتا بەلگىلەنگەن مەرزىمدەردە پايدالانۋشىلارعا جىبەرەدى. 20. جۇيەدە ءبىر اقشا جىبەرۋشى جانە ءبىر بەنەفيتسيار كورسەتىلگەن جيىنتىق تولەم حابارى وڭدەلەدى. 21. ەلەكتروندىق حابارلاردى بەرۋ فاكتىسىن ايقىنداۋ جانە ولاردى بەرۋ كەزىندە قاتەلەردى انىقتاۋ ءۇشىن جۇيەدە ورتالىق بەلگىلەگەن اقپاراتتىق قاۋىپسىزدىك راسىمدەرى ساقتالادى. 22. ورتالىق ەلەكتروندىق حابارلاردى اۋتەنتيفيكاتسيالاۋ ءتارتىبىن ازىرلەيدى. 23. ورتالىق جانە پايدالانۋشىلار اقپاراتتىڭ ساقتالۋىن قامتاماسىز ەتەدى جانە جىبەرىلەتىن جانە الىناتىن ەلەكتروندىق حابارلارىنىڭ مونيتورينگىن جۇزەگە اسىرادى. ورتالىق جانە پايدالانۋشىلار وڭدەگەن بارلىق ەلەكتروندىق حابارلاردىڭ ورتالىقتىڭ جانە پايدالانۋشىلاردىڭ ىشكى باعدارلامالىق جۇيەلەرىندە اۋديتورلىق ءىزى قالادى. 24. ورتالىق تولەم حابارلارىن وڭدەگەن كەزدە ولاردى وزگەرتۋگە جول بەرمەيدى. 25. ەلەكتروندىق حابارلارمەن الماسۋ كەزىندە ورتالىق جانە پايدالانۋشىلار اقپاراتتى كريپتوگرافيالىق قورعاۋ قۇرالىن جانە ورتالىق پايدالانۋشىعا بەرەتىن تىركەۋ كۋالىگىن پايدالانادى. ورتالىق جانە پايدالانۋشىلار كونفيدەنتسيالدىلىقتى, تۇتاستىقتى, اۆتورلىقتىڭ راستالۋىن جانە ەلەكتروندىق تاپسىرمالاردىڭ تۇپنۇسقالىلىعىن قامتاماسىز ەتۋ ءۇشىن اقپاراتتى كريپتوگرافيالىق قورعاۋ قۇرالىن قولدانادى. 26. جۇيەدە پايدالانۋشى دا جانە ورتالىق تا اۋتەنتيفيكاتسيالايتىن ەكىجاقتى اۋتەنتيفيكاتسيا كريپتو-حاتتاماسىندا قۇرىلعان پايدالانۋشىلاردى اۋتەنتيفيكاتسيا قولدانىلادى. پايدالانۋشى اۋتەنتيفيكاتسيادان كەيىن ورتالىق پەن پايدالانۋشى اراسىندا اقپاراتپەن الماسۋ جۇرگىزىلەدى. كونفيدەنتسيالدىلىقتى قامتاماسىز ەتۋ ءۇشىن جۇيە جانە پايدالانۋشىلار وسى اقپاراتقا رۇقساتسىز كىرۋدەن قورعاۋعا كەپىلدىك بەرەتىن جانە اقپاراتتىڭ بۇرمالانۋىن بولدىرماۋعا مۇمكىندىك جاسايتىن اقپاراتتىڭ اشىق ارنالارى بويىنشا ساقتالاتىن نەمەسە بەرىلەتىن شيفرلەۋ جۇرگىزىلەدى. 6-تاراۋ. وپەراتسيالىق كۇندى اشۋ 27. جۇيەدەگى اقشا اۋدارىمى ۇلتتىق بانك تولەم قۇجاتتارىن قابىلداۋ مەن وڭدەۋ كەستەسىنە سايكەس (بۇدان ءارى – كەستە) ايقىنداعان وپەراتسيالىق كۇن ىشىندە جۇرگىزىلەدى. 28. وپەراتسيالىق كۇننىڭ باسىندا كەستەدە بەلگىلەنگەن ۋاقىتتا ۇلتتىق بانك پايدالانۋشىنىڭ تولەم نۇسقاۋى نەگىزىندە پايدالانۋشىنىڭ كوررەسپوندەنتتىك شوتىنان ونداعى قالدىق سوماسى شەگىندە جۇيە ۇلتتىق بانكتەگى شوتىنا اقشا اۋدارادى, سونداي-اق ورتالىقتىڭ پايدالانۋشىنىڭ پوزيتسياسىنا بۇدان ءارى وسى سومانى كورسەتۋى ءۇشىن ورتالىققا ءتيىستى اقپاراتتىق حابار جىبەرەدى. 29. كوررەسپوندەنتتىك شوت شارتى بويىنشا پايدالانۋشىنىڭ كوررەسپوندەنتتىك شوتىنان جۇيەنىڭ ۇلتتىق بانكتەگى شوتىنا اقشا اۋدارۋعا تولەم نۇسقاۋى ورتالىقتىڭ پايدالانۋشىنىڭ پوزيتسياسىنا ودان ءارى اۋدارۋى ءۇشىن پايدالانۋشىنىڭ كوررەسپوندەنتتىك شوتىنان جۇيەنىڭ ۇلتتىق بانكتەگى شوتىنا اقشا اۋدارۋعا ارنالعان, قاعيدالارعا قوسىمشاعا سايكەس نىسان بويىنشا تۇراقتى قولدانىلاتىن نۇسقاۋ (بۇدان ءارى – تۇراقتى قولدانىلاتىن نۇسقاۋ) رەتىندە ۇسىنىلادى. 30. تۇراقتى قولدانىلاتىن نۇسقاۋدا پايدالانۋشىنىڭ كوررەسپوندەنتتىك شوتىنداعى اقشا قالدىعى سوماسىنىڭ پايىزدىق اراقاتىناسى نەمەسە پايدالانۋشىنىڭ كوررەسپوندەنتتىك شوتىنان جۇيەنىڭ ۇلتتىق بانكتەگى شوتىنا اقشا اۋدارۋ ءۇشىن قاجەتتى بەلگىلەنگەن سوما كورسەتىلەدى. 31. تۇراقتى قولدانىلاتىن نۇسقاۋ ۇلتتىق بانكتىڭ پايدالانۋشىدان ونى كەرى قايتارىپ الۋ تۋرالى ەركىن نىساندا ۇسىنىلعان جازباشا نۇسقاۋىن العانعا دەيىن قولدانىستا بولادى. 32. تۇراقتى قولدانىلاتىن نۇسقاۋ پايدالانۋشى جاڭا تۇراقتى قولدانىلاتىن نۇسقاۋدى ۇلتتىق بانككە بەرگەن كۇننەن كەيىنگى ءبىرىنشى جۇمىس كۇنى كۇشىن جويادى. 33. ۇلتتىق بانك پايدالانۋشىلاردىڭ كوررەسپوندەنتتىك شوتتارىنان جۇيەنىڭ شوتىنا اقشا اۋدارۋدى اياقتاعان سوڭ ورتالىققا: 1) پايدالانۋشىلاردىڭ ءوز كوررەسپوندەنتتىك شوتتارىنان پايدالانۋشىلاردىڭ پوزيتسياسىنا بۇدان ءارى كورسەتۋ ءۇشىن جۇيەنىڭ ۇلتتىق بانكتەگى شوتىنا اۋدارىلعان اقشا سومالارى تۋرالى; 2) پايدالانۋشىنىڭ كەزەگىنە قويۋعا جاتاتىن تولەم حابارلارىنىڭ بارىنشا رۇقسات ەتىلگەن سوماسى تۋرالى اقپارات بار اقپاراتتىق حاباردى بەرەدى. 34. ورتالىق ۇلتتىق بانكتەن الىنعان اقپاراتتىق حابار نەگىزىندە ءتيىستى پايدالانۋشىلاردىڭ پوزيتسيالارى بويىنشا جازبالار جۇرگىزەدى. 35. وپەراتسيالىق كۇننىڭ باسىندا پايدالانۋشىنىڭ جۇيەدەگى پوزيتسياسىنداعى اقشا سوماسى تۇراقتى قولدانىلاتىن نۇسقاۋدا كورسەتىلگەن جانە جۇيە ارقىلى اقشا اۋدارۋدى جۇزەگە اسىرۋ ءۇشىن پايدالانۋشىنىڭ ءوز كوررەسپوندەنتتىك شوتىنان اۋدارعان سوماسىنا تەڭ بولادى. 36. وپەراتسيالىق كۇن ىشىندە جۇيەنىڭ ورتالىقتاعى پوزيتسياسىنداعى اقشا سوماسى جۇيەنىڭ ۇلتتىق بانكتەگى شوتىنداعى اقشا سوماسىنا تەڭ بولادى. 7-تاراۋ. جۇيەنىڭ وپەراتسيالىق كۇن ىشىندە جۇمىس ىستەۋى 37. جۇيەدە اقشا اۋدارۋ پايدالانۋشى ءوزىنىڭ كوررەسپوندەنتتىك شوتىنان پوزيتسياعا اۋدارعان جانە پايدالانۋشى جىبەرگەن جانە جۇيەدە باسقا پايدالانۋشىلاردان الىنعان تولەمدەر سالدوسى ەسەبىنەن قالىپتاستىرىلعان پايدالانۋشى پوزيتسياسىنداعى اقشا سوماسى شەگىندە جۇزەگە اسىرىلادى. 38. ورتالىق جۇيەدە اقشا اۋدارۋدى پايدالانۋشى-باستاما جاساۋشىدان كەلىپ تۇسكەن تولەم حابارىن تەكسەرگەن سوڭ جۇزەگە اسىرادى. 39. ورتالىقتىڭ تولەم حابارىن تەكسەرۋدىڭ ولشەمشارتى مىنالار بولىپ تابىلادى: 1) اۋتەنتيفيكاتسيادان ءوتۋ; 2) پايدالانۋشى-باستاما جاساۋشىدا پايدالانۋشى مارتەبەسىنىڭ بولۋى; 3) بەيرەزيدەنت قارجى ۇيىمىنا ترانسشەكارالىق تولەمدى جانە (نەمەسە) اقشا اۋدارىمىن جىبەرۋ كەزىندە, الۋشى-دەلدالدا پايدالانۋشى مارتەبەسىنىڭ بولۋى, ول بولماعان كەزدە بەنەفيتسيار بانكتە پايدالانۋشى مارتەبەسىنىڭ بولۋى; 4) بەيرەزيدەنت قارجى ۇيىمىنان ترانسشەكارالىق تولەمدى جانە (نەمەسە) اقشا اۋدارىمىن الۋ كەزىندە, الۋشى-دەلدالدا پايدالانۋشى مارتەبەسىنىڭ بولۋى, ول بولماعان كەزدە الۋشى بانكتە پايدالانۋشى مارتەبەسىنىڭ بولۋى; 5) تولەم حابارىندا كورسەتىلگەن سومانى پايدالانۋشى-اقشا جونەلتۋشىنىڭ پوزيتسياسىنا ەسەپتەن شىعارۋ مۇمكىندىگى; 6) دەبەت اۋدارىمىن جۇرگىزۋ كەزىندە پايدالانۋشى-اقشا جونەلتۋشىنىڭ الدىن الا كەلىسىمىنىڭ بولۋى. وسى تارماقتىڭ ءبىرىنشى بولىگى 5) تارماقشاسىنىڭ تالاپتارى ورىندالماعان كەزدە, بىراق 1), 2), 3) جانە 4) تارماقشالارىنىڭ تالاپتارى ساقتالعان كەزدە تولەم حابارى قاعيدالاردىڭ 40-تارماعىندا كوزدەلگەن جاعدايلاردى قوسپاعاندا, پايدالانۋشى-اقشا جونەلتۋشىنىڭ كەزەگىنە جىبەرىلەدى. ورتالىق تولەم حابارىن كەزەككە قويۋ كەزىندە پايدالانۋشى-باستاما جاساۋشىعا تولەم حابارىن جۇرگىزبەگەنى جانە ونى كەزەككە قويۋ تۋرالى اقپاراتتىق حاباردى جىبەرەدى. وسى تارماقتىڭ ءبىرىنشى بولىگى 1), 2), 3), 4) جانە 6) تارماقشالارىنىڭ تالاپتارى ورىندالماعان كەزدە ورتالىق تولەم حابارىن ورىنداۋدان جانە كەزەككە تىركەۋدەن باس تارتادى. ورتالىق تولەم حابارىن ورىنداۋدان نەمەسە كەزەككە تىركەۋدەن باس تارتقان جاعدايدا, پايدالانۋشى-باستاما جاساۋشىعا سەبەپتەرىن كورسەتە وتىرىپ, تولەم حابارىن جۇرگىزبەگەنى تۋرالى اقپاراتتىق حاباردى جىبەرەدى. 40. پايدالانۋشى-باستاما جاساۋشى بولىپ تابىلاتىن ورتالىق دەپوزيتاريدىڭ تولەم حابارى, پايدالانۋشى-اقشا جونەلتۋشىنىڭ پوزيتسياسىندا تولەم حابارىن ورىنداۋ ءۇشىن جەتكىلىكتى اقشا سوماسىنىڭ بولماۋ سالدارىنان قاعيدالاردىڭ 39-تارماعىنىڭ ءبىرىنشى بولىگى 5) تارماقشاسىنىڭ تالاپتارى ورىندالماعان جاعدايدا, كەزەككە تىركەلمەيدى جانە ونى ورتالىق ورىندامايدى. ورتالىق وسى تولەم حابارىن ورىنداۋدان باس تارتقان كەزدە ورتالىق دەپوزيتاريگە سەبەپتەرىن كورسەتە وتىرىپ, تولەم حابارىن جۇرگىزبەگەنى تۋرالى اقپاراتتىق حاباردى جىبەرەدى. 41. ورتالىق تولەم حابارىن تەكسەرگەننەن كەيىن ورتالىق پايدالانۋشى-اقشا جونەلتۋشىنىڭ پوزيتسياسىن تۇسكەن تولەم حابارى نەگىزىندە دەبەتتەيدى. 42. پايدالانۋشى-اقشا جونەلتۋشىنىڭ پوزيتسياسىنان پايدالانۋشى-بەنەفيتسياردىڭ پوزيتسياسىنا اۋدارۋ كەزىندە ورتالىق پايدالانۋشى-بەنەفيتسياردىڭ پوزيتسياسى بويىنشا اقشا سوماسىن كورسەتۋدى جانە ونىڭ پوزيتسياسىن كرەديتتەۋ تۋرالى راستامامەن قوسا وعان ەلەكتروندىق حاباردى جىبەرۋدى قامتاماسىز ەتەدى. 43. تولەم حابارى ونى ورتالىق تەكسەرگەننەن كەيىن جانە دەبەتتەگەننەن كەيىن پايدالانۋشى-اقشا جونەلتۋشىنىڭ پوزيتسياسى كەرى قايتارىلمايتىن تولەم دەپ سانالادى. 44. قاعيدالاردىڭ 13-تارماعىندا كوزدەلگەن جاعدايدا ورتالىق ۇلتتىق بانكتەن پايدالانۋشىمەن جاسالعان قاتىسۋ تۋرالى شارتتىڭ جەكەلەگەن ەرەجەلەرىن ۋاقىتشا توقتاتا تۇرۋ تۋرالى حات العان كەزدە ورتالىق پايدالانۋشىنىڭ پايداسىنا اقشا سوماسىن قابىلداۋ (ەسەپتەۋ) وپەراتسيالارىن قوسپاعاندا, وسى پايدالانۋشىنىڭ پوزيتسياسى بويىنشا وپەراتسيالاردى توقتاتادى. 45. ورتالىق وپەراتسيالىق كۇننىڭ ىشىندە ورتالىقتا جۇيەنىڭ پوزيتسياسى بويىنشا قالدىق سوماسىنىڭ جۇيە پايدالانۋشىلارىنىڭ پوزيتسيالارى بويىنشا قالدىقتار سوماسىنا تەڭ بولۋىن جۇيەلى سالىستىرىپ تەكسەرۋدى جۇزەگە اسىرادى. سومالار تەڭ بولماعان كەزدە ورتالىق ۇلتتىق بانككە حابارلايدى, اقشا اۋدارىمدارىن توقتاتادى جانە سايكەس بولماۋ سەبەپتەرىن انىقتايدى. ورتالىق پايدالانۋشىلاردىڭ پوزيتسيالارى بويىنشا سومالاردىڭ سايكەس بولماۋلارى جويىلعاننان كەيىن جۇيەدەگى وپەراتسيالاردى جاڭارتادى, بۇدان كەيىن وپەراتسيالاردى جاڭارتۋ تۋرالى ۇلتتىق بانككە حابارلايدى. 46. جۇيەدە كليرينگ ناتيجەلەرى بويىنشا: 1) تولەم كارتوچكالارىن پايدالانا وتىرىپ بانكارالىق وپەراتسيالار; 2) بانكارالىق كليرينگ جۇيەسىندەگى; 3) جاپپاي ەلەكتروندىق تولەمدەر جۇيەسىندەگى اقشا اۋدارىمدارى جۇرگىزىلەدى. 47. قارجى قۇرالدارىمەن وپەراتسيالار بويىنشا اقشا اۋدارىمدارى نەمەسە رەپو وپەراتسيالارى بويىنشا وتەماقى تولەمىن جۇزەگە اسىرۋ كەزىندە ورتالىق دەپوزيتاري دەپوزيتارلىق قىزمەت كورسەتۋ شارتى نەگىزىندە ولار قابىلداعان پايدالانۋشىلاردىڭ بۇيرىقتارىنا سايكەس پايدالانۋشى-اقشا جونەلتۋشىنىڭ پوزيتسياسىنان جۇيەدەگى ورتالىق دەپوزيتاريدىڭ پوزيتسياسىنا دەبەتتىك اقشا اۋدارىمدارىن ورىندايدى. دەپوزيتارلىق قىزمەت كورسەتۋ شارتىنا سايكەس پايدالانۋشى ورتالىق دەپوزيتاريگە جۇيەدەگى پايدالانۋشىنىڭ پوزيتسياسىنان اقشا اۋدارۋعا تولەم حابارىن جاساۋدى تاپسىرادى. وسى تارماقتا كوزدەلگەن ماقساتتار ءۇشىن پايدالانۋشى ورتالىققا ورتالىق دەپوزيتاريدىڭ دەپوزيتارلىق قىزمەت كورسەتۋ شارتىنا سايكەس جۇيەدەگى پايدالانۋشىنىڭ پوزيتسياسىنان اقشا اۋدارۋعا تولەم حابارىن جاساۋعا پايدالانۋشىنىڭ ۇسىنىلعان الدىن الا كەلىسىمى تۋرالى راستاما حاتتى ۇسىنادى. پايدالانۋشى راستاما حاتتىڭ كوشىرمەسىن ورتالىق دەپوزيتاريگە ۇسىنادى. 48. ورتالىق دەپوزيتاريدىڭ قاعيدالار جيىنتىعىندا باعالى قاعازداردى ساتۋشى مەن ساتىپ الۋشىنىڭ ورتالىق دەپوزيتاريدە اشىلعان شوتتارى بويىنشا باعالى قاعازداردى اۋدارۋدى جۇزەگە اسىرۋ كوزدەلگەن جاعدايلاردا, جۇيەدەگى اقشا پايدالانۋشى-اقشا جونەلتۋشىنىڭ پوزيتسياسىنان ورتالىق دەپوزيتاريدىڭ پوزيتسياسىنا اۋدارىلعاننان كەيىن ورتالىق دەپوزيتاري باعالى قاعازداردى ورتالىق دەپوزيتاريدە اشىلعان باعالى قاعازداردى ساتىپ الۋشىنىڭ شوتىنا اۋدارۋدى جانە ورتالىق دەپوزيتاريدىڭ پوزيتسياسىنان باعالى قاعازداردى ساتۋشى بولىپ تابىلاتىن پايدالانۋشى-بەنەفيتسياردىڭ پوزيتسياسىنا كرەديتتىك اقشا اۋدارىمىن جۇزەگە اسىرادى. ورتالىق دەپوزيتاريدىڭ قاعيدالار جيىنتىعىندا باعالى قاعازداردى اۋدارۋ جۇزەگە اسىرىلمايتىنى كوزدەلگەن جاعدايلاردا, جۇيەدەگى اقشا پايدالانۋشى-اقشا جونەلتۋشىنىڭ پوزيتسياسىنان ورتالىق دەپوزيتاريدىڭ پوزيتسياسىنا اۋدارىلعاننان كەيىن ورتالىق دەپوزيتاري ورتالىق دەپوزيتاريدىڭ پوزيتسياسىنان پايدالانۋشى-بەنەفيتسياردىڭ پوزيتسياسىنا كرەديتتىك اقشا اۋدارىمىن جۇزەگە اسىرادى. 8-تاراۋ. كەزەك 49. كەزەكتە تۇرعان تولەم حابارلارى باسىمدىق كودتارىنا سايكەس وڭدەلەدى. باسىمدىق كودتارى شەڭبەرىندە كەزەكتەگى تولەم حابارلارى ولاردىڭ جۇيەگە ءتۇسۋ ءتارتىبى بويىنشا ورىندالادى. 50. باسىمدىق كودتارىن ورتالىق ۇلتتىق بانكپەن كەلىسىم بويىنشا پايدالانۋشىلاردىڭ الەۋمەتتىك باعىتتاعى تولەمدەردى جۇرگىزۋىن, پايدالانۋشىلاردىڭ قازاقستان رەسپۋبليكاسىنىڭ باعالى قاعازدار نارىعىنداعى جانە ۆاليۋتا نارىعىنداعى ەسەپ ايىرىسۋلارعا قاتىسۋىن, تولەم كارتوچكالارىن پايدالانا وتىرىپ جاسالعان بانكتەر اراسىنداعى جانە بانكارالىق كليرينگ جۇيەسىندەگى جانە جاپپاي ەلەكتروندىق تولەمدەر جۇيەسىندەگى وپەراتسيالاردىڭ كليرينگ ناتيجەلەرى بويىنشا اقشا اۋدارىمدارىنىڭ اياقتالۋىن قامتاماسىز ەتۋدى ەسكەرە وتىرىپ ازىرلەيدى. 51. پايدالانۋشىلار تولەم حابارلارىنىڭ ورىندالۋ كەزەكتىلىگىن باسىمدىق كودتارىنا سايكەس دەربەس بەلگىلەيدى. 52. كەزەكتە تۇرعان تولەم حابارىنىڭ باسىمدىعىن وزگەرتۋدى پايدالانۋشى-باستاما جاساۋشى تولەم قۇجاتىن قايتارماي باسىمدىقتى وزگەرتۋ تۋرالى اقپاراتتىق حاباردى جۇيەگە جىبەرۋ ارقىلى جۇزەگە اسىرادى. 53. ورتالىق پايدالانۋشىنىڭ پوزيتسياسى بويىنشا ءاربىر كرەديتتىك جازبادان كەيىن كەزەكتە تۇرعان تولەم حابارلارىن ورىنداۋ ءۇشىن پايدالانۋشىنىڭ پوزيتسياسىنا تۇسكەن اقشا سوماسىنىڭ جەتكىلىكتىلىگىن تەكسەرەدى. 54. پايدالانۋشى-باستاما جاساۋشىنىڭ كەزەكتە تۇرعان تولەم حابارلارىن قايتارۋدى پايدالانۋشى-باستاما جاساۋشى ورتالىققا تولەم حابارىن جويۋعا اقپاراتتىق حابار جىبەرۋ ارقىلى جۇزەگە اسىرادى. ورتالىق تولەم حابارىن جويۋعا الىنعان اقپاراتتىق حاباردى وڭدەۋ ناتيجەسى وڭ بولعان جاعدايدا تولەمنىڭ جۇرگىزىلمەگەنى تۋرالى اقپاراتتىق حاباردى پايدالانۋشى-باستاما جاساۋشىعا جىبەرەدى. 55. ورتالىق وپەراتسيالىق كۇندى جابۋ كەزىندە جۇيەدە كەزەكتە تۇرعان پايدالانۋشىنىڭ شىعىس تولەم حابارلارى بويىنشا پايدالانۋشىنىڭ جۇيەدە قارسى تولەم حابارلارى بولعان كەزدە ءوزارا ەسەپ ايىرىسۋدى (كليرينگتى) جۇزەگە اسىرادى. 9-تاراۋ. جۇيەدە تولەمدەردىڭ جانە (نەمەسە) اقشا اۋدارىمدارىنىڭ اياقتالۋى (تۇپكىلىكتى بولۋى) 56. تولەمدەردىڭ جانە (نەمەسە) اقشا اۋدارىمدارىنىڭ اياقتالۋى (تۇپكىلىكتى بولۋى) تولەمدەر جانە تولەم جۇيەلەرى تۋرالى زاڭنىڭ 7-بابىندا رەتتەلگەن. 57. پايدالانۋشى-بەنەفيتسيار راستامامەن تولەم حابارىن جانە ونىڭ پوزيتسياسىن كرەديتتەۋ تۋرالى اقپاراتتىق حاباردى العان كەزدە اقشا سوماسىن وپەراتسيالىق كۇن ىشىندە, بىراق ءوزىنىڭ كەلەسى وپەراتسيالىق كۇنىنەن كەشىكتىرمەي ماقساتى بويىنشا ءتيىستى شوتقا قابىلدايدى (ەسەپكە الادى). 58. تۇسكەن تولەم حابارىن (نۇسقاۋ) ورىنداۋدان تولەمدەر جانە تولەم جۇيەلەرى تۋرالى زاڭدا كوزدەلگەن نەگىزدەر بويىنشا باس تارتقان كەزدە پايدالانۋشى-بەنەفيتسيار تۇسكەن اقشا سوماسىن كەلەسى وپەراتسيالىق كۇننەن كەشىكتىرمەي پايدالانۋشى-جونەلتۋشىگە قايتارادى. پايدالانۋشى-بەنەفيتسياردىڭ اقشانى پايدالانۋشى-جونەلتۋشىنىڭ پايداسىنا قايتارۋ سەبەبىن كورسەتە وتىرىپ, تولەم حابارىن جاساۋى ارقىلى اقشا سوماسى قايتارىلادى. 10-تاراۋ. اقشانى جۇيەگە قابىلداۋ جانە ونى وپەراتسيالىق كۇن ىشىندە جۇيەدەن الىپ الۋ 59. ۇلتتىق بانك وپەراتسيالىق كۇن ىشىندە پايدالانۋشى ۇسىنعان تولەم نۇسقاۋى نەگىزىندە پايدالانۋشىنىڭ كوررەسپوندەنتتىك شوتىنان ول بويىنشا قولدا بار اقشا قالدىعى شەگىندە اقشا اۋدارىمىن ۇلتتىق بانكتەگى جۇيە شوتىنا جۇزەگە اسىرادى, سونداي-اق ورتالىق وسى سومانى پايدالانۋشىنىڭ پوزيتسياسىندا ودان ءارى كورسەتۋى ءۇشىن ورتالىققا ءتيىستى اقپاراتتىق حابارلاما جىبەرەدى. 60. پايدالانۋشىدا وپەراتسيالىق كۇننىڭ سوڭىندا (وپەراتسيالىق كۇن جابىلعانعا دەيىنگى وتىز مينۋت ىشىندە) تولەم قۇجاتتارىنىڭ كەزەگى پايدا بولعان جانە پايدالانۋشىنىڭ كوررەسپوندەنتتىك شوتىندا جەتكىلىكتى اقشا سوماسى بولعان كەزدە ۇلتتىق بانك كوررەسپوندەنتتىك شوتتىڭ شارتى نەگىزىندە پايدالانۋشىنىڭ ۇلتتىق بانكىندەگى كوررەسپوندەنتتىك شوتىنان ورتالىقتاعى پايدالانۋشىنىڭ پوزيتسياسىنا اقشانى اكتسەپتسىز الىپ الۋدى جۇزەگە اسىرادى. 61. ۇلتتىق بانك پايدالانۋشىنىڭ اقشاسىن كوررەسپوندەنتتىك شوتىنان ۇلتتىق بانكتەگى جۇيە شوتىنا اۋدارعاننان كەيىن ورتالىققا پايدالانۋشىنىڭ اۋدارىلعان اقشا سوماسى جانە ونىڭ بانكتىك سايكەستەندىرۋ كودى تۋرالى اقپاراتى بار اقپاراتتىق حاباردى بەرەدى. 62. ورتالىق ۇلتتىق بانكتەن اقپاراتتىق حاباردى العاننان كەيىن ورتالىقتاعى پايدالانۋشىنىڭ جانە جۇيەنىڭ پوزيتسيالارى بويىنشا جازبا جاسايدى. 63. پايدالانۋشىنىڭ كوررەسپوندەنتتىك شوتىندا وعان قولما-قول اقشانى بەرۋ, ينكاسسولىق وكىمدەردى ورىنداۋ, سونداي-اق كوررەسپوندەنتتىك شوت شارتىنىڭ تالاپتارىنا سايكەس باسقا دا ماقساتتار ءۇشىن قاجەتتى اقشا سوماسى بولماعانى نەمەسە جەتىسپەيتىندىگى انىقتالعان كەزدە, ۇلتتىق بانك پايدالانۋشىنىڭ تولەم نۇسقاۋى نەگىزىندە نەمەسە وزدىگىنشە ورتالىققا جونەلتۋشىنىڭ نۇسقاۋىن ورىنداۋ ءۇشىن قاجەتتى سومادا جۇيەدەن پايدالانۋشىنىڭ اقشاسىن الىپ الۋ جونىندەگى اقپاراتتىق حاباردى جىبەرەدى, حاباردىڭ نەگىزىندە ورتالىق پايدالانۋشىنىڭ پوزيتسياسىنداعى سومانى ازايتادى. 64. ورتالىق ۇلتتىق بانكتەن الىنعان اقپاراتتىق حاباردىڭ نەگىزىندە اقشانىڭ قاجەتتى سوماسىنا پايدالانۋشىنىڭ جانە جۇيەنىڭ ورتالىقتاعى پوزيتسيالارى بويىنشا جازبا جاسايدى, بۇدان كەيىن ۇلتتىق بانككە اۋدارىلعان اقشا سوماسىن كورسەتە وتىرىپ ورىندالعان وپەراتسيا تۋرالى راستامامەن اقپاراتتىق حاباردى جىبەرەدى. ورتالىق پايدالانۋشىنىڭ پوزيتسياسىندا سۇراتىلعان اقشا سوماسى بولماعان كەزدە ۇلتتىق بانككە پايدالانۋشىنىڭ پوزيتسياسىندا بار اقشا سوماسىن كورسەتە وتىرىپ ورىندالعان وپەراتسيا تۋرالى راستامامەن اقپاراتتىق حاباردى جىبەرە وتىرىپ, پايدالانۋشىنىڭ پوزيتسياسى بويىنشا بار سوماعا ورتالىقتاعى پايدالانۋشىنىڭ جانە جۇيەنىڭ پوزيتسيالارى بويىنشا جازبا جاسايدى. ورتالىق پايدالانۋشىنىڭ پوزيتسياسىندا اقشا بولماعان كەزدە ۇلتتىق بانككە پايدالانۋشىنىڭ پوزيتسياسىندا اقشا جوقتىعى جونىندەگى اقپاراتتىق حاباردى بەرەدى. 65. ۇلتتىق بانك ورتالىقتىڭ راستاماسى نەگىزىندە جونەلتۋشىنىڭ نۇسقاۋىنا سايكەس كەيىننەن اقشا اۋدارۋ ءۇشىن ۇلتتىق بانكتەگى جۇيەنىڭ شوتىنان پايدالانۋشىنىڭ كوررەسپوندەنتتىك شوتىنا اقشا اۋدارادى. 11-تاراۋ. جۇيە ارقىلى ترانسشەكارالىق تولەمدەردى جانە (نەمەسە) اقشا اۋدارىمدارىن جۇزەگە اسىرۋ 66. جۇيە ارقىلى ترانسشەكارالىق تولەمدەر جانە (نەمەسە) اقشا اۋدارىمدارى پايدالانۋشى-دەلدالدار ارقىلى جۇرگىزىلەدى. 67. جۇيە ارقىلى ترانسشەكارالىق تولەمدەر جانە (نەمەسە) اقشا اۋدارىمدارى پايدالانۋشى-دەلدالدىڭ تولەم سوماسىن تولەم جانە (نەمەسە) اقشا اۋدارىمىنىڭ باستاماشىسى كورسەتكەن تولەم ۆاليۋتاسىنا ودان ءارى ايىرباستاۋمەن راسىمدەردى پايدالانا وتىرىپ تەڭگەمەن جۇرگىزىلەدى. 68. پايدالانۋشى-دەلدالدار ورتالىقپەن شارتتىق قاتىناستار شەگىندە ترانسشەكارالىق تولەمدەردى جانە (نەمەسە) اقشا اۋدارىمدارىن قابىلداۋعا جانە وڭدەۋگە كەلىسىمدەرىن بەرەدى. 69. ترانسشەكارالىق تولەمدەر جانە (نەمەسە) اقشا اۋدارىمدارى جۇيە ارقىلى: 1) پايدالانۋشىلار قىزمەت كورسەتەتىن اقشا جونەلتۋشىلەردەن بەيرەزيدەنت قارجى ۇيىمدارى قىزمەت كورسەتەتىن بەنەفيتسيارلارعا; 2) بەيرەزيدەنت قارجى ۇيىمدارى قىزمەت كورسەتەتىن اقشا جونەلتۋشىلەردەن پايدالانۋشىلار قىزمەت كورسەتەتىن بەنەفيتسيارلاردىڭ پايداسىنا; 3) بەيرەزيدەنت قارجى ۇيىمدارى قىزمەت كورسەتەتىن اقشا جونەلتۋشىلەردەن بەيرەزيدەنت قارجى ۇيىمدارى قىزمەت كورسەتەتىن بەنەفيتسيارلارعا جۇرگىزىلەدى. 70. پايدالانۋشى-دەلدال ورتالىققا راسىمدەردە بەلگىلەنگەن تارتىپتە ترانسشەكارالىق تولەمدەردى جانە (نەمەسە) اقشا اۋدارىمدارىن جۇرگىزۋ تالاپتارىمەن ۇسىنىسىن بەرەدى (بۇدان ءارى – ۇسىنىس). 71. ورتالىق پايدالانۋشى-دەلدالداردىڭ قولدانىستاعى ۇسىنىستارىن پايدالانۋشىلارعا ولاردىڭ سۇراتۋى بويىنشا جىبەرەدى. 72. پايدالانۋشى-دەلدالدىڭ ۇسىنىسىن جۇيەنىڭ وپەراتسيالىق كۇنى اياقتالعانعا دەيىن وزگەرتۋگە بولمايدى. 73. اقشانى جونەلتۋشى (باستاماشى) ترانسشەكارالىق تولەمدەردى جانە (نەمەسە) اقشا اۋدارىمدارىن جۇرگىزۋ كەزىندە: 1) پايدالانۋشى پايدالانۋشى-دەلدالداردىڭ بارلىق ۇسىنىستارىمەن, اقشا جونەلتۋشىنى كورسەتۋدىڭ ءتيىستى تالاپتارىمەن تانىسۋى ءتيىس جانە ءوزىن قاناعاتتاندىراتىن نۇسقانى تاڭدايدى; 2) بەنەفيتسيارعا اقشا اۋدارىلاتىن تولەم ۆاليۋتاسىن كورسەتە وتىرىپ, اقشا پايدالانۋشى-دەلدالعا بەيرەزيدەنت قارجى ۇيىمدارى قىزمەت كورسەتەتىن بەنەفيتسياردىڭ پايداسىنا اقشانى اۋدارۋعا نۇسقاۋ بەرەدى. 74. پايدالانۋشى-دەلدال اقشا پايدالانۋشى-جونەلتۋشىدەن بەيرەزيدەنت قارجى ۇيىمىنا جىبەرىلگەن ترانسشەكارالىق تولەمدەر جانە (نەمەسە) اقشا اۋدارىمدارى بويىنشا جۇيە ارقىلى تولەم حابارىن قابىلداعاننان جانە وڭدەگەننەن كەيىن: 1) تولەم حابارىنىڭ فورماتىن پايدالانۋشى-دەلدال بەيرەزيدەنت قارجى ۇيىمىمەن حابارلارمەن الماسۋ ءۇشىن پايدالاناتىن فورماتقا قايتا وزگەرتەدى; 2) اقشا پايدالانۋشى-دەلدالدىڭ تولەم حابارىندا كورسەتىلگەن تەڭگەمەن تولەم سوماسىن تولەم حابارىنىڭ جانە ول بەرگەن ۇسىنىستىڭ تالاپتارىنا سايكەس شەتەل ۆاليۋتاسىنداعى تولەم سوماسىنا ايىرباستايدى; 3) ترانسشەكارالىق تولەمدەردى جانە (نەمەسە) اقشا اۋدارىمدارىن بەيرەزيدەنت قارجى ۇيىمىنا جىبەرەدى. 75. بەيرەزيدەنت قارجى ۇيىمىنان پايدالانۋشى-بەنەفيتسيارعا جولدانعان ترانسشەكارالىق تولەم جانە (نەمەسە) اقشا اۋدارىمى بويىنشا پايدالانۋشى-دەلدال تولەم حابارىن الىپ, ونى وڭدەگەن سوڭ: 1) بەيرەزيدەنت قارجى ۇيىمىمەن حابارلار الماسۋ ءۇشىن پايدالانۋشى-دەلدال پايدالاناتىن تولەم حابارىنىڭ فورماتىن جۇيەدە پايدالانىلاتىن فورماتقا وزگەرتەدى; 2) تولەم حابارى