2016 جىلعى 28 قاڭتار الماتى قالاسى
قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتىن iسكە اسىرۋ
شەڭبەرىندە اۋكتسيوندار وتكىزۋ قاعيدالارىن بەكىتۋ تۋرالى
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكىنشى دەڭگەيدەگى بانكتەردىڭ جۇمىس ىستەمەيتىن كرەديتتەرى مەن اكتيۆتەرى, قارجىلىق قىزمەتتەر كورسەتۋ جانە قارجى ۇيىمدارى مەن قازاقستان رەسپۋبليكاسى ۇلتتىق بانكىنىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2015 جىلعى 24 قاراشاداعى قازاقستان رەسپۋبليكاسىنىڭ زاڭىن ىسكە اسىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتىن iسكە اسىرۋ شەڭبەرىندە اۋكتسيوندار وتكىزۋ قاعيدالارى بەكىتىلسىن.
2. وسى قاۋلىعا قوسىمشاعا سايكەس تىزبە بويىنشا قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ كۇشى جويىلدى دەپ تانىلسىن.
3. مونەتارلىق وپەراتسيالار جانە اكتيۆتەردى باسقارۋ دەپارتامەنتى (مولدابەكوۆا ءا.م.) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) قۇقىقتىق قامتاماسىز ەتۋ دەپارتامەنتىمەن (سارسەنوۆا ن.ۆ.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى قاۋلىنى «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا:
قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا;
قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ونى قازاقستان رەسپۋبليكاسىنىڭ ۇلتتىق بانكى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىنە, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋگە جىبەرۋدى;
3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن.
4. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن.
5. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى ع.و. پىرماتوۆقا جۇكتەلسىن.
6. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى جانە 2016 جىلعى 1 اقپاننان باستاپ تۋىنداعان قاتىناستارعا قولدانىلادى.
ۇلتتىق بانك توراعاسى د.اقىشەۆ
قازاقستان رەسپۋبليكاسى ۇلتتىق بانكى باسقارماسىنىڭ 2016 جىلعى 28 قاڭتارداعى
№ 21 قاۋلىسىنا قوسىمشا
تىزبە
1. «قازاقستان رەسپۋبليكاسى ۇلتتىق بانكىنىڭ قىسقامەرزىمدى نوتتارىن شىعارۋ, ورنالاستىرۋ, اينالىسقا شىعارۋ جانە وتەۋ قاعيدالارى مەن تالاپتارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2005 جىلعى 15 قىركۇيەكتەگى № 108 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 3894 تىركەلگەن).
2. «قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق بانكىنىڭ قىسقا مەرزىمدى نوتالارىن شىعارۋ, ورنالاستىرۋ, اينالىسقا شىعارۋ جانە وتەۋ ەرەجەسىن بەكىتۋ تۋرالى» 2005 جىلعى 15 قىركۇيەكتەگى № 108 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2008 جىلعى 22 قىركۇيەكتەگى № 73 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5349 تىركەلگەن).
3. «قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق بانكىنىڭ قىسقا مەرزىمدى نوتالارىن شىعارۋ, ورنالاستىرۋ, اينالىسقا شىعارۋ جانە وتەۋ ەرەجەسىن بەكىتۋ تۋرالى» 2005 جىلعى 15 قىركۇيەكتەگى № 108 قاۋلىسىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2010 جىلعى 29 جەلتوقسانداعى № 117 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6036 تىركەلگەن).
4. «قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق بانكىنىڭ قىسقا مەرزىمدى نوتالارىن شىعارۋ, ورنالاستىرۋ, اينالىسقا شىعارۋ جانە وتەۋ ەرەجەسىن بەكىتۋ تۋرالى» 2005 جىلعى 15 قىركۇيەكتەگى № 108 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2012 جىلعى 24 تامىزداعى № 243 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7981 تىركەلگەن, 2012 جىلعى 14 قاراشادا «ەگەمەن قازاقستان» گازەتىندە № 746-751 جاريالانعان).
5. «قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق بانكىنىڭ قىسقا مەرزىمدى نوتالارىن شىعارۋ, ورنالاستىرۋ, اينالىسقا شىعارۋ جانە وتەۋ ەرەجەسىن بەكىتۋ تۋرالى» 2005 جىلعى 15 قىركۇيەكتەگى № 108 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 24 جەلتوقسانداعى № 252 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10220 تىركەلگەن, 2015 جىلعى 15 ساۋىردە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە جاريالانعان).
قازاقستان رەسپۋبليكاسى ۇلتتىق بانكى باسقارماسىنىڭ 2016 جىلعى 28 قاڭتارداعى
№ 21 قاۋلىسىمەن بەكىتىلگەن
قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتىن iسكە اسىرۋ
شەڭبەرىندە اۋكتسيوندار وتكىزۋ قاعيدالارى
1. جالپى ەرەجەلەر
1. وسى قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتىن ىسكە اسىرۋ شەڭبەرىندە اۋكتسيوندار وتكىزۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا (بۇدان ءارى – ۇلتتىق بانك تۋرالى زاڭ) سايكەس ازىرلەندى جانە قازاقستان رەسپۋبليكاسى ۇلتتىق بانكىنىڭ (بۇدان ءارى – ۇلتتىق بانك) قازاقستان رەسپۋبليكاسىنىڭ مەملەكەتتىك اقشا-كرەديت ساياساتىن (بۇدان ءارى – اقشا-كرەديت ساياساتى) ىسكە اسىرۋ شەڭبەرىندە اۋكتسيوندار وتكىزۋ ءتارتىبىن ايقىندايدى.
2. اقشا-كرەديت ساياساتىنىڭ ماقساتتارىنا سايكەس وتىمدىلىكتى بەرۋ جانە الۋ ءۇشىن ۇلتتىق بانك مىناداي اۋكتسيون تۇرلەرىن وتكىزەدى:
1) باعالى قاعازداردى كەرى ساتا وتىرىپ ساتىپ الۋ اۋكتسيونى;
2) باعالى قاعازداردى كەرى ساتىپ الا وتىرىپ ساتۋ اۋكتسيونى;
3) ۇلتتىق بانكتىڭ قىسقامەرزىمدى نوتتارىنىڭ اۋكتسيونى;
4) دەپوزيتتىك اۋكتسيون.
3. قاعيدالاردا 1999 جىلعى 1 شىلدەدەگى قازاقستان رەسپۋبليكاسىنىڭ ازاماتتىق كودەكسىندە (ەرەكشە ءبولىم) كوزدەلگەن ۇعىمدار, سونداي-اق مىناداي ۇعىمدار پايدالانىلادى:
1) اۋكتسيونعا قاتىسۋشى – ورتالىق دەپوزيتاريدىڭ دەپونەنتى بولىپ تابىلاتىن, باعالى قاعازداردى كەرى ساتا وتىرىپ ساتىپ الۋ اۋكتسيونى (بۇدان ءارى – اۋكتسيون) جانە باعالى قاعازداردى كەرى ساتىپ الا وتىرىپ ساتۋ اۋكتسيونى نىسانىنداعى ساۋدا-ساتتىققا قاتىسۋشى بولىپ تابىلاتىن ەكىنشى دەڭگەيدەگى بانك;
2) باعالى قاعازداردى ساتۋ مامىلەسىنىڭ ورىندالعان كۇنى – ۇلتتىق بانكتىڭ اۋكتسيونعا قاتىسۋشىعا باعالى قاعازداردى ساتقان كۇنى;
3) باعالى قاعازداردى ساتىپ الۋ مامىلەسىنىڭ ورىندالعان كۇنى – ۇلتتىق بانكتىڭ اۋكتسيونعا قاتىسۋشىدان باعالى قاعازداردى ساتىپ الاتىن كۇنى;
4) باستاپقى اگەنت – ەكىنشى دەڭگەيدەگى بانك, بىرىڭعاي جيناقتاۋشى زەينەتاقى قورى, قازاقستان رەسپۋبليكاسى پوشتا بايلانىسىنىڭ ۇلتتىق وپەراتورى, دەپوزيتتەرگە مىندەتتى كەپىلدىك بەرۋدى جۇزەگە اسىراتىن ۇيىم, مەملەكەتتىك الەۋمەتتىك ساقتاندىرۋ قورى, ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا ماماندانعان ۇيىم جانە ۇلتتىق بانكتىڭ رەزەرۆتىك ورتالىعىنىڭ عيماراتىن سالۋعا باعىتتالعان ءىس-شارالاردى جۇزەگە اسىراتىن ۇيىم;
5) باسەكەلەس ۇسىنىسى بار ءوتىنىم – اۋكتسيونعا قاتىسۋشىنىڭ باعا كورسەتىلگەن ءوتىنىمى;
6) باسەكەلەس ۇسىنىسى جوق ءوتىنىم – اۋكتسيونعا قاتىسۋشىنىڭ باعا كورسەتىلمەگەن ءوتىنىمى;
7) دەپوزيتتىك پايىزدىق مولشەرلەمە – ۇلتتىق بانكتە بانك سالىمىن ورنالاستىرعان قارسى ارىپتەسكە ۇلتتىق بانك تولەيتىن پايىز;
8) دەرەكتەردى بەرۋدىڭ ەلەكتروندىق جۇيەسى – قارجىلىق اۆتوماتتاندىرىلعان اقپارات تاسىمالداۋ جۇيەسى (قااتج) نەمەسە SWIFT – اقپارات بەرۋدىڭ جانە تولەمدەر جاساۋدىڭ حالىقارالىق بانكارالىق جۇيەسى;
9) ديسكونتتالعان باعا – ديسكونتتاۋ مولشەرلەمەسىن ەسەپتەگەندە نومينالدىق قۇننان تومەن باعا;
10) ديسكونتتاۋ مولشەرلەمەسى – ۇلتتىق بانك وتكىزەتىن اۋكتسيوندا باعالى قاعازدىڭ باعاسىن جانە كولەمىن ەسەپتەۋ ءۇشىن پايدالانىلاتىن پايىزدىق مولشەرلەمە;
11) ينۆەستور – باستاپقى اگەنتتىڭ كليەنتى;
12) كەسىمدى باعا – باستاپقى اگەنتتەردىڭ وتىنىمدەرىن قاناعاتتاندىرۋ اياقتالاتىن باعا;
13) كەسىمدى مولشەرلەمە – وتىنىمدەردى قاناعاتتاندىرۋ اياقتالاتىن ەڭ تومەنگى (باعالى قاعازداردى كەرى ساتا وتىرىپ ساتىپ الۋ اۋكتسيونى ءۇشىن) نە ەڭ جوعارعى (باعالى قاعازداردى كەرى ساتىپ الا وتىرىپ ساتۋ اۋكتسيونى ءۇشىن) پايىزدىق مولشەرلەمە;
14) كىرىستىلىك مولشەرلەمەسى – كەرى ساتۋ/ساتىپ الۋ باعاسىن (ەكىنشى مامىلە باعاسىن) جانە كەرى ساتۋ/ساتىپ الۋ ءمامىلەسىنىڭ سوماسىن ەسەپتەۋ ءۇشىن پايدالىناتىن, جاسالاتىن ساتىپ الۋ/ساتۋ جانە كەرى ساتۋ/ساتىپ الۋ مامىلەلەرىنىڭ ولشەمى;
15) قارسى ارىپتەس – دەپوزيتتىك اۋكتسيوننىڭ قاتىسۋشىسى بولىپ تابىلاتىن ەكىنشى دەڭگەيدەگى بانك;
16) لومباردتىق ءتىزىم – ۇلتتىق بانكتىڭ باعالى قاعازداردى كەرى ساتا وتىرىپ ساتىپ الۋ اۋكتسيونىندا جانە باعالى قاعازداردى كەرى ساتىپ الا وتىرىپ ساتۋ اۋكتسيونىندا ساتىپ الۋىنا/ساتۋىنا رۇقسات ەتىلگەن, ۇلتتىق سايكەستەندىرۋ نومىرلەرى كورسەتىلگەن باعالى قاعازداردىڭ تىزبەسى. لومباردتىق تىزىمگە ەنگىزىلگەن باعالى قاعازدار مىناداي تالاپتارعا سايكەس كەلەدى:
شىعارىلىم قازاقستان رەسپۋبليكاسى قور بيرجاسىنىڭ ساۋدا-ساتتىعىندا اينالىسقا جىبەرىلگەن;
ۇلتتىق بانكتىڭ باعالى قاعازداردى كەرى ساتقان/ساتىپ العان كۇنىنەن باستاپ شىعارىلىم وتەلگەنگە دەيىن كەمىندە 7 (جەتى) جۇمىس كۇنى قالعان;
وسى باعالى قاعازداردىڭ مەنشىك يەسى مەن ءۇشىنشى تۇلعا اراسىندا قۇقىقتىق قاتىناستاردىڭ بولۋىنا بايلانىستى باعالى قاعازدارعا مەنشىك قۇقىعىن شەكتەۋ سالىنباعان.
لومباردتىق ءتىزىم ۇلتتىق بانكتىڭ كونسۋلتاتيۆتىك-كەڭەسشى ورگانى – ۇلتتىق بانكتىڭ اقشا-كرەديت ساياساتى جونىندەگى تەحنيكالىق كوميتەتتىڭ ۇسىنىمدارى نەگىزىندە ۇلتتىق بانك توراعاسىنىڭ بۇيرىعىنا سايكەس بەكىتىلەدى;
17) ورتاشا الىنعان ديسكونتتالعان باعا – كەسىمدى باعا بويىنشا اۋكتسيوندا قالىپتاسقان ۇلتتىق بانكتىڭ قىسقامەرزىمدى نوتتارىنىڭ جالپى كولەمىنە قاراي الىنعان ورتاشا ديسكونتتالعان باعا;
18) ورتاشا الىنعان مولشەرلەمە – كەسىمدى مولشەرلەمە بويىنشا اۋكتسيوندا قالىپتاسقان, اۋكتسيونعا قاتىسۋشىلاردىڭ/باستاپقى اگەنتتەردىڭ/قارسى ارىپتەستەردىڭ قاناعاتتاندىرىلعان/ىشىنارا قاناعاتتاندىرىلعان وتىنىمدەرىنىڭ جالپى كولەمىنە قاراي ورتاشا الىنعان پايىزدىق مولشەرلەمە;
19) پايىزدىق مولشەرلەمە – اۋكتسيونعا قاتىسۋشىعا تولەنەتىن, پايىزدىق كورسەتكىشپەن كورسەتىلگەن سوما;
20) ۋاكىلەتتى بولىمشە – ۇلتتىق بانكتىڭ اۋكتسيونداردى وتكىزۋگە جاۋاپتى بولىمشەسى;
21) ۇلتتىق بانكتىڭ قىسقامەرزىمدى نوتتارىن مەرزىمىنەن بۇرىن وتەۋ – ۇلتتىق بانكتىڭ باعالى قاعازداردىڭ قايتالاما نارىعىندا قىسقامەرزىمدى نوتتاردى وتەۋ مەرزىمى اياقتالعانعا دەيىن باستاپقى اگەنتپەن وتەۋ كۇنى, سانى جانە باعاسى بويىنشا الدىن الا كەلىسىلگەن تولىق نەمەسە ءىشىنارا اينالىستان شىعارۋى;
22) ۇلتتىق بانكتىڭ قىسقامەرزىمدى نوتتارىن ساتىپ الۋ – ۇلتتىق بانكتىڭ باعالى قاعازداردىڭ قايتالاما نارىعىندا ۇلتتىق بانكتىڭ قىسقامەرزىمدى نوتتارىن وتەۋ مەرزىمى وتكەنگە دەيىن باستاپقى اگەنتپەن ۇلتتىق بانكتىڭ قىسقامەرزىمدى نوتتارىن ساتىپ الۋ كۇنى, سانى جانە باعاسى بويىنشا ولاردىڭ ودان ءارى اينالىستا بولۋ مۇمكىندىگىمەن الدىن الا كەلىسىلگەن ساتىپ الۋى;
23) ۇلتتىق بانكتىڭ قىسقامەرزىمدى نوتتارىن ۇستەمە ورنالاستىرۋعا ءوتىنىم – ۇلتتىق بانكتىڭ بۇرىن شىعارىلعان اينالىستاعى قىسقامەرزىمدى نوتتارىنا قوسىمشا ورنالاستىرىلعان اۋكتسيونداعى ۇلتتىق بانكتىڭ قىسقامەرزىمدى نوتتارى ەميسسياسىنىڭ كەزەڭى;
24) ۇلتتىق بانكتىڭ قىسقامەرزىمدى نوتتارىن ۇستەمە ورنالاستىرۋ تالاپتارى – ۇلتتىق بانكتىڭ قىسقامەرزىمدى نوتتارىن ۇستەمە ورنالاستىرۋدىڭ, اقشا-كرەديت ساياساتىنىڭ ماقساتتارىنا سايكەس ۇلتتىق بانك ايقىندايتىن جانە جاريالايتىن جانە ۇستەمە ورنالاستىرۋ كۇنىنەن, اينالىستا بولۋ مەرزىمىنەن, وتەۋ كۇنىنەن, ۇستەمە ورنالاستىرۋ كولەمىنەن, ءوتىنىمدى قاناعاتتاندىرۋ تالاپتارىنان, اقى تولەۋ كۇنىنەن, ۇستەمە ورنالاستىرۋ نىسانىنان تۇراتىن تالاپتار;
25) ۇلتتىق بانكتىڭ قىسقامەرزىمدى نوتتارىن شىعارۋ جانە ورنالاستىرۋ تالاپتارى – اقشا-كرەديت ساياساتىنىڭ ماقساتتارىنا سايكەس ۇلتتىق بانك ايقىندايتىن جانە جاريالايتىن جانە ورنالاستىرۋ كۇنى, اينالىسقا شىعارۋ مەرزىمى, وتەۋ كۇنى, ورنالاستىرۋ كولەمى, وتىنىمدەردى قاناعاتتاندىرۋ تالاپتارى, تولەم جاساۋ كۇنى, ورنالاستىرۋ نىسانى كىرەتىن ۇلتتىق بانكتىڭ قىسقامەرزىمدى نوتتارىن شىعارۋدىڭ جانە ورنالاستىرۋدىڭ تالاپتارى;
26) Bloomberg, Thomson Reuters جۇيەلەرى – مامىلەلەر جاساۋ ماقساتتارى ءۇشىن پايدالانۋشىلارى اراسىندا بايلانىس جۇزەگە اسىرىلاتىن مامانداندىرىلعان باعدارلامالىق قامتاماسىز ەتۋلەر مەن جابدىقتار كەشەندەرى.
2. باعالى قاعازداردى كەرى ساتا وتىرىپ ساتىپ الۋ اۋكتسيونىن وتكىزۋ ءتارتىبى
4. اۋكتسيونعا قاتىسۋشى قاعيدالارعا 1-قوسىمشاعا سايكەس نىسان بويىنشا اۋكتسيون ناتيجەلەرى بويىنشا باعالى قاعازداردى كەرى ساتا/ساتىپ الا وتىرىپ ساتىپ الۋ/ساتۋ جونىندە مامىلەلەر جاساۋ ءتارتىبى تۋرالى كەلىسىم (بۇدان ءارى – كەلىسىم) جاسايدى. تاراپتاردىڭ كەلىسىمى بويىنشا كەلىسىمگە قاعيدالارعا قايشى كەلمەيتىن قوسىمشا تالاپتار ەنگىزىلەدى.
5. كەلىسىم جاساۋ ءۇشىن اۋكتسيونعا الەۋەتتى قاتىسۋشى ۇلتتىق بانكپەن باعالى قاعازداردى كەرى ساتا/ساتىپ الا وتىرىپ ساتىپ الۋ/ساتۋ جونىندە مامىلەلەر جاساۋ نيەتى تۋرالى ۇلتتىق بانككە جازباشا سۇراتۋ (بۇدان ءارى – جازباشا سۇراتۋ) (ەركىن نىساندا) جىبەرەدى.
6. ۇلتتىق بانك جازباشا سۇراتۋدى قارايدى جانە ۇلتتىق بانككە ۇسىنىلعان كۇنىنەن باستاپ 14 (ون ءتورت) جۇمىس كۇنىنەن اسپايتىن مەرزىمدە ول بويىنشا شەشىم قابىلدايدى. اۋكتسيونعا قاتىسۋشىنىڭ جازباشا سۇراتۋىن قاناعاتتاندىرۋ جانە ونىمەن كەلىسىم جاساۋ تۋرالى شەشىمدى ۋاكىلەتتى بولىمشەنىڭ باسشىسى نە ول بولماعان جاعدايدا, ونىڭ مىندەتىن اتقاراتىن ادام قابىلدايدى.
7. باعالى قاعازداردى كەرى ساتا وتىرىپ ساتىپ الۋ اۋكتسيونىنا مىناداي تالاپتارعا سايكەس كەلەتىن اۋكتسيونعا قاتىسۋشىنىڭ قاتىسۋىنا جول بەرىلەدى:
1) ەڭ تومەنگى رەزەرۆتىك تالاپتار نورماتيۆتەرىنىڭ ورىندالۋى تۋرالى اقپارات ۇلتتىق بانككە ۇسىنىلعان كۇنى قاتارىنان كۇنتىزبەلىك ءۇش اي ىشىندە ەكى جانە ودان دا كوپ رەت ەڭ تومەنگى رەزەرۆتىك تالاپتار بويىنشا ۇلتتىق بانك الدىندا ورىندالماعان مىندەتتەمەلەردىڭ بولماۋى. بۇل شەكتەۋ اكىمشىلىك قۇقىق بۇزۋشىلىق تۋرالى ءىس بويىنشا قاۋلىعا سايكەس اكىمشىلىك قۇقىق بۇزىلعانى ءۇشىن سالىناتىن اكىمشىلىك ايىپپۇل تولەنگەن كۇنگە دەيىن قولدانىلادى;
2) باعالى قاعازدار نارىعىندا بروكەرلىك جانە/نەمەسە ديلەرلىك قىزمەتتى جۇزەگە اسىرۋعا ليتسەنزيانىڭ بولۋى;
3) باعالى قاعازداردى كەرى ساتا وتىرىپ ساتىپ الۋ اۋكتسيونىنا قاتىسۋ كۇنى پرۋدەنتسيالىق نورماتيۆتەردىڭ بۇزىلۋىنىڭ بولماۋى;
4) ۇلتتىق بانكتە اشىلعان كوررەسپوندەنتتىك شوت شارتىندا (شارتتارىندا) اۋكتسيونعا قاتىسۋشى ۇلتتىق بانكپەن وپەراتسيالار بويىنشا
مىندەتتەمەلەرىن ورىنداماعان جاعدايدا ونىڭ كوررەسپوندەنتتىك شوتىنان ۇلتتىق بانكتىڭ اكتسەپتسىز اقشا الۋ قۇقىعىن كوزدەيتىن تالاپتىڭ بولۋى;
5) ۇلتتىق بانكپەن جاسالعان كەلىسىمنىڭ بولۋى;
6) ورتالىق دەپوزيتاريدە جەكە شوتىنىڭ بولۋى.
8. باعالى قاعازداردى كەرى ساتا وتىرىپ ساتىپ الۋ اۋكتسيونىنىڭ قورىتىندىلارى بويىنشا ۇلتتىق بانك پەن اۋكتسيونعا قاتىسۋشىنىڭ اراسىندا جۇپ مامىلەلەر جاسالادى:
1) ۇلتتىق بانكتىڭ باعالى قاعازداردى ساتىپ الۋى بويىنشا ء(بىرىنشى مامىلە, ساتىپ الۋ مامىلەسى);
2) ۇلتتىق بانكتىڭ سول باعالى قاعازداردى ساتىپ الۋ مامىلەسىنەن كەيىن بەلگىلى ءبىر مەرزىمدە كەرى ساتۋى بويىنشا (ەكىنشى مامىلە, كەرى ساتۋ مامىلەسى).
9. باعالى قاعازداردى كەرى ساتا وتىرىپ ساتىپ الۋ اۋكتسيونىنىڭ وبەكتىسى قاعيدالارعا 2-قوسىمشاعا سايكەس باعالى قاعازداردى كەرى ساتۋ باعاسىن ەسەپتەۋگە ارنالعان فورمۋلا بويىنشا كەرى ساتۋ مامىلەسىنىڭ باعاسىن ايقىندايتىن كىرىستىلىك مولشەرلەمەسى بولىپ تابىلادى.
10. ۋاكىلەتتى بولىمشەگە اۋكتسيونعا قاتىسۋشىنىڭ قاعيدالاردىڭ 7-تارماعىندا كوزدەلگەن تالاپتارعا سايكەس كەلەتىنى تۋرالى اقپارات ۇسىنۋدى ۇلتتىق بانكتىڭ مىناداي بولىمشەلەرى جۇزەگە اسىرادى:
1) ۇلتتىق بانكتىڭ تولەم بالانسى, ۆاليۋتالىق رەتتەۋ جانە ستاتيستيكا بولىمشەسى جانە ۇلتتىق بانكتىڭ بانكتىك قاداعالاۋ بولىمشەسى (قاعيدالاردىڭ 7-تارماعىنىڭ 1) جانە 3) تارماقشالارى بويىنشا);
2) ۇلتتىق بانكتىڭ باعالى قاعازدار نارىعىنىڭ سۋبەكتىلەرىن قاداعالاۋ بولىمشەسى (قاعيدالاردىڭ 7-تارماعىنىڭ 2) تارماقشاسى بويىنشا);
3) ۇلتتىق بانكتىڭ قارجىلىق وپەراتسيالاردى قارجىلىق ەسەپكە الۋ جانە مونيتورينگى بولىمشەسى (قاعيدالاردىڭ 7-تارماعىنىڭ 4) تارماقشاسى بويىنشا);
4) ۇلتتىق بانكتىڭ قارجىلىق تۇراقتىلىق جانە تاۋەكەلدەردى باسقارۋ بولىمشەسى اۋكتسيونعا قاتىسۋشىنىڭ مولشەرلەمەلەردىڭ (ايىرباستاۋ باعامدارىنىڭ) اعىمداعى جاعدايعا نەگىزدەلمەگەن قۇبىلمالىعىن ارتتىرۋعا اكەپ سوعاتىن وپەراتسيالارىن تالداۋ بولىگىندە.
11. باعالى قاعازداردى كەرى ساتا وتىرىپ ساتىپ الۋ اۋكتسيونىنا ۆاليۋتا كودى, اۋكتسيوندى وتكىزۋ كۇنى جانە وتىمدىلىك بەرۋ مەرزىمى كورسەتىلە وتىرىپ بىرەگەي سايكەستەندىرۋ ءنومىرى (بۇدان ءارى – اۋكتسيون ءنومىر) بەرىلەدى.
12. باعالى قاعازداردى كەرى ساتا وتىرىپ ساتىپ الۋ اۋكتسيونىن وتكىزۋگە بايلانىستى, اۋكتسيونعا قاتىسۋشىعا ۇلتتىق بانك ايقىندايتىن ەلەكتروندىق دەرەكتەر بەرۋ جۇيەسى ارقىلى بەرىلەتىن اقپاراتتا (بۇدان ءارى – ەلەكتروندىق حابار) مىناداي ولشەمدەر بولادى:
1) اۋكتسيوننىڭ ءنومىرى;
2) لومباردتىق ءتىزىم;
3) لومباردتىق تىزىمگە ەنگىزىلگەن باعالى قاعازداردى ساتىپ الۋ باعاسى ء(بىرىنشى مامىلەنىڭ باعاسى). ساتىپ الۋ باعاسى ءبىر باعالى قاعازدىڭ ۇتىردەن كەيىن ءتورت بەلگى قويىلعان تازا قۇنى رەتىندە (ەسەپتەلگەن سىياقى قوسىلماعان) ايقىندالادى;
4) وتىمدىلىك بەرۋ مەرزىمى ء(بىرىنشى مامىلەنى جانە ەكىنشى مامىلەنى ورىنداۋ كۇنى اراسىنداعى كۇنتىزبەلىك كۇندەردەگى ايىرما);
5) ورنالاستىرىلاتىن وتىمدىلىكتىڭ جاريالانعان كولەمى;
6) كىرىستىلىكتىڭ ەڭ تومەنگى مولشەرلەمەسى (اۋكتسيونعا قاتىسۋشى سۇراتاتىن كىرىستىلىك مولشەرلەمەسىنىڭ ەڭ تومەنگى رۇقسات ەتىلگەن مولشەرى).
باعالى قاعازداردى كەرى ساتا وتىرىپ ساتىپ الۋ اۋكتسيونىن وتكىزۋگە بايلانىستى, ەلەكتروندىق دەرەكتەر بەرۋ جۇيەسى ارقىلى بەرىلەتىن اقپارات ۇلتتىق بانك پايدالاناتىن باعدارلامالىق-كريپتوگرافيالىق قورعاۋ جۇيەسىنىڭ كومەگىمەن شيفرلانادى.
13. تەحنيكالىق سەبەپتەرگە بايلانىستى باعالى قاعازداردى كەرى ساتا وتىرىپ ساتىپ الۋ اۋكتسيونىن وتكىزۋگە بايلانىستى اقپاراتتى ەلەكتروندىق دەرەكتەر بەرۋ جۇيەسى ارقىلى بەرۋ مۇمكىن بولماعان جاعدايدا وسى حابارلاردى قاعاز تاسىمالداعىشپەن بەرۋگە رۇقسات ەتىلەدى.
14. ۇلتتىق بانك باعالى قاعازداردى كەرى ساتا وتىرىپ ساتىپ الۋ اۋكتسيونىن وتكىزۋگە دەيىن كەمىندە ءبىر جۇمىس كۇنىنەن كەشىكتىرمەي اۋكتسيونعا قاتىسۋشىعا جانە ورتالىق دەپوزيتاريگە لومباردتىق ءتىزىمدى جانە باعالى قاعازداردى كەرى ساتا وتىرىپ ساتىپ الۋ اۋكتسيونىن وتكىزۋ تۋرالى اقپاراتتى حابارلايدى.
15. لومباردتىق تىزىمگە ەنگىزىلگەن باعالى قاعازداردىڭ نارىقتىق قۇنى قور بيرجاسىنىڭ ىشكى قۇجاتتارىندا ايقىندالعان ديسكونتقا سايكەس ەسەپتەلەدى.
16. اۋكتسيونعا قاتىسۋشى باعالى قاعازداردى كەرى ساتا وتىرىپ ساتىپ الۋ اۋكتسيونىن وتكىزۋ كۇنى الماتى قالاسىنىڭ ۋاقىتى بويىنشا ساعات 09.00 –11.30 ارالىعىندا ۋاكىلەتتى بولىمشەگە قاعيدالارعا 3-قوسىمشاعا سايكەس باعالى قاعازداردى كەرى ساتا وتىرىپ ساتىپ الۋ اۋكتسيونعا قاتىسۋعا ءوتىنىم بەرەدى.
17. اۋكتسيونعا قاتىسۋشى باعالى قاعازداردى كەرى ساتا وتىرىپ ساتىپ الۋ اۋكتسيونىنا قاتىسۋ ءۇشىن باسەكەلەس جانە باسەكەلەس ەمەس ۇسىنىستارى بار ءوتىنىم بەرەدى.
باسەكەلەس نەمەسە باسەكەلەس ەمەس ۇسىنىستارى بار ءبىر ءوتىنىمنىڭ ەڭ تومەنگى كولەمى كەمىندە 50 000 000 (ەلۋ ميلليون) تەڭگە بولادى.
باعالى قاعازداردى كەرى ساتا وتىرىپ ساتىپ الۋ اۋكتسيونى كەمىندە ەكى ءارتۇرلى اۋكتسيونعا قاتىسۋشىدان باسەكەلەس ۇسىنىسى بار ەكى جانە ودان كوپ ءوتىنىم بولعان كەزدە وتكىزىلەدى.
18. باسەكەلەس ۇسىنىستارى بار وتىنىمدە باعالى قاعازدىڭ شىعارىلىمى, نومينالدىق قۇنى جانە پايىزدىق مولشەرلەمە كورسەتىلەدى.
19. باسەكەلەس ەمەس ۇسىنىستارى بار وتىنىمدە باعالى قاعازدىڭ شىعارىلىمى جانە نومينالدىق قۇنى كورسەتىلەدى.
20. اۋكتسيونعا قاتىسۋشىنىڭ باعالى قاعازداردى كەرى ساتا وتىرىپ ساتىپ الۋ اۋكتسيونىنا قابىلدانعان باسەكەلەس ۇسىنىستارى بار وتىنىمدەرى ەڭ جوعارعىسىنان باستاپ, بىراق كەسىمدى مولشەرلەمەدەن تومەن ەمەس ۇسىنىلعان پايىزدىق مولشەرلەمەنىڭ دەڭگەيى بويىنشا رەتكە كەلتىرىلەدى جانە قاناعاتتاندىرىلادى.
21. اۋكتسيونعا قاتىسۋشىنىڭ اۋكتسيونعا قابىلدانعان باسەكەلەس ەمەس ۇسىنىستارى بار ءوتىنىمى باعالى قاعازداردى كەرى ساتا وتىرىپ ساتىپ الۋ اۋكتسيونىن وتكىزۋ قورىتىندىسى بويىنشا قالىپتاسقان ورتاشا الىنعان مولشەرلەمە بويىنشا قاناعاتتاندىرىلدى.
ورتاشا الىنعان مولشەرلەمەنى ەسەپتەۋدى ۇلتتىق بانك باعالى قاعازداردى كەرى ساتا وتىرىپ ساتىپ الۋ اۋكتسيونىن وتكىزۋ قورىتىندىسى بويىنشا اۋكتسيونعا قاتىسۋشىلاردىڭ باسەكەلەس ۇسىنىسى بار قاناعاتتاندىرىلعان/ىشىنارا قاناعاتتاندىرىلعان وتىنىمدەرى بويىنشا جۇزەگە اسىرادى.
22. ۋاكىلەتتى بولىمشە الماتى قالاسىنىڭ ۋاقىتى بويىنشا ساعات 12.00 قاراي باعالى قاعازداردى كەرى ساتا وتىرىپ ساتىپ الۋ اۋكتسيونعا قاتىسۋعا وتىنىمدەردى قاعيدالارعا 4-قوسىمشاعا سايكەس نىسان بويىنشا كەلىپ تۇسكەن وتىنىمدەردىڭ تىزىمىنە جيناقتايدى.
ۋاكىلەتتى بولىمشەنىڭ باسشىسى نە ول بولماعان كەزدە ونىڭ ورنىنداعى ادام الماتى قالاسىنىڭ ۋاقىتى بويىنشا ساعات 12.00 – 15.00 ارالىعىندا باعالى قاعازداردى كەرى ساتا وتىرىپ ساتىپ الۋ اۋكتسيونى تۋرالى الىنعان دەرەكتەر نەگىزىندە كەسىمدى مولشەرلەمە, وتىنىمدەردى قاناعاتتاندىرۋ كولەمى تۋرالى جەدەل شەشىم قابىلدايدى, ودان كەيىن قاعيدالارعا 5-قوسىمشاعا سايكەس نىسان بويىنشا كەلىپ تۇسكەن وتىنىمدەردىڭ جيىنتىق ۆەدوموسىنا قول قويادى.
23. ۋاكىلەتتى بولىمشە كەسىمدى مولشەرلەمە جانە قاناعاتتاندىرىلعان وتىنىمدەر كولەمى تۋرالى اقپارات نەگىزىندە باعالى قاعازداردى ساتىپ الۋ جانە كەرى ساتۋ مامىلەسىن جاسايدى جانە اۋكتسيونعا قاتىسۋشىعا قاعيدالارعا 6-قوسىمشاعا سايكەس نىسان بويىنشا باعالى قاعازداردى كەرى ساتا وتىرىپ ساتىپ الۋ اۋكتسيونىنىڭ ناتيجەلەرى تۋرالى حابارلاما بەرەدى.
24. ۇلتتىق بانك ول جۇرگىزىپ وتىرعان اقشا-كرەديت ساياساتىنىڭ باعىتتارى جانە قارجى نارىعىنىڭ كونيۋنكتۋراسىنا سايكەس اۋكتسيوننىڭ تالاپتارىن جەدەل وزگەرتەدى (جاريالانعان ورنالاستىرۋ كولەمىن ۇلعايتادى, جاريالانعان ورنالاستىرۋ كولەمىن ازايتادى, اۋكتسيوندى وتكىزبەيدى).
25. اۋكتسيونعا قاتىسۋشىعا قاعيدالارعا 6-قوسىمشاعا سايكەس نىسان بويىنشا باعالى قاعازداردى كەرى ساتا وتىرىپ ساتىپ الۋ اۋكتسيونىنىڭ ناتيجەلەرى تۋرالى حابارلامانى ۇلتتىق بانك اۋكتسيون تولىق اياقتالعاننان كەيىن, بىراق الماتى قالاسىنىڭ ۋاقىتى بويىنشا ساعات 16.00 كەشىكتىرمەي ورتالىق دەپوزيتاريگە جانە اۋكتسيونعا قاتىسۋشىعا جىبەرەدى.
26. ۇلتتىق بانك اۋكتسيوننىڭ اقشا-كرەديت ساياساتىنىڭ مىندەتتەرىن ورىنداۋ ءۇشىن جەتكىلىكسىز ناتيجەلەرىن العان جاعدايدا اۋكتسيوندى وتپەگەن دەپ جاريالايدى.
اۋكتسيوندى وتپەگەن دەپ جاريالاۋ ۋاكىلەتتى بولىمشەنىڭ باسشىسىنىڭ نە ول بولماعان كەزدە ونىڭ مىندەتىن اتقاراتىن ادامنىڭ وكىمىمەن بەكىتىلەدى.
27. ۋاكىلەتتى بولىمشە باعالى قاعازداردى كەرى ساتا وتىرىپ ساتىپ الۋ اۋكتسيونى وتكىزىلگەن كۇنى الماتى قالاسىنىڭ ۋاقىتى بويىنشا ساعات 18.00 كەشىكتىرمەي ۇلتتىق بانكتىڭ رەسمي ينتەرنەت-رەسۋرسىنا وتكىزىلگەن باعالى قاعازداردى كەرى ساتا وتىرىپ ساتىپ الۋ اۋكتسيونىنىڭ قورىتىندىسى تۋرالى اقپاراتتى ورنالاستىرادى.
28. باعالى قاعازداردى كەرى ساتا وتىرىپ ساتىپ الۋ اۋكتسيونىنىڭ قورىتىندىسى بويىنشا باعالى قاعازداردى ساتىپ الۋ جانە كەرى ساتۋ مامىلەلەرى بويىنشا ەسەپ ايىرىسۋ ورتالىق دەپوزيتاريدىڭ ىشكى قۇجاتتارىنا سايكەس جۇزەگە اسىرىلادى.
29. باعالى قاعازداردى ەسەپكە الۋدى جەڭىلدەتۋ ماقساتىندا باعالى قاعازدار بويىنشا ەسەپ ايىرىسۋ جيناقتالعان سىياقىلار ەسەپكە الىنباعان باعا بويىنشا جۇرگىزىلەدى. باعالى قاعازدار بويىنشا سىياقىنى وسى باعالى قاعازداردى ساتقان اۋكتسيونعا قاتىسۋشى الادى.
30. ورتالىق دەپوزيتاري, قاتىسۋشى جانە ۇلتتىق بانك اراسىندا بۇيرىقتارمەن الماسۋ ورتالىق دەپوزيتاريدىڭ ىشكى قۇجاتتارىنا سايكەس جۇزەگە اسىرىلادى.
31. باعالى قاعازداردى كەرى ساتا وتىرىپ ساتىپ الۋ اۋكتسيونىنىڭ قورىتىندىسى بويىنشا جاسالعان مامىلەلەر بويىنشا مىندەتتەمەلەر ورىندالماعان جاعدايدا, باعالى قاعازداردى كەرى ساتۋ مامىلەسى جاسالعان كۇنى بەلگىلەنگەن تالاپتارمەن, اۋكتسيونعا قاتىسۋشى مىندەتتەمەلەردى ورىنداماعان كۇننەن كەيىنگى كەلەسى جۇمىس كۇنى ۇلتتىق بانك ورتالىق دەپوزيتاريدىڭ ىشكى قۇجاتتارىنا سايكەس ورتالىق دەپوزيتاريگە باعالى قاعازداردى ەسەپتەن شىعارۋعا جانە ۇلتتىق بانكتىڭ پايداسىنا ەسەپكە جازۋعا ارنالعان بۇيرىقتى جىبەرەدى. مامىلە بويىنشا مىندەتتەمەلەر ورىندالماعان كۇنگە دەيىن ەسەپتەلگەن باعالى قاعاز بويىنشا جيناقتالعان كۋپوندىق سىياقىنىڭ سوماسى اۋكتسيونعا قاتىسۋشىنىڭ پايداسىنا اۋدارىلادى.
ۇلتتىق بانكتىڭ باعالى قاعازداردى ساتىپ الۋ جانە كەرى ساتۋ وپەراتسيالارىن ەسەپكە الۋدى جانە تىركەۋدى ورتالىق دەپوزيتاري ورتالىق دەپوزيتاريدىڭ ىشكى قۇجاتتارىنا سايكەس ۇلتتىق بانكتىڭ ءتيىستى قوسالقى شوتىندا جۇرگىزەدى.
ەگەر باعالى قاعازداردى كەرى ساتۋ مامىلەسىن جۇرگىزۋ كۇنى جۇمىس ىستەمەيتىن (مەرەكە نەمەسە دەمالىس) كۇنگە سايكەس كەلسە, باعالى قاعازداردى كەرى ساتۋ مامىلەسىن ورىنداۋ كەرى ساتۋ كۇنىنەن كەيىنگى ءبىرىنشى جۇمىس كۇنى مامىلە تالاپتارىنا سايكەس جۇرگىزىلەدى.
3. باعالى قاعازداردى كەرى ساتىپ الا وتىرىپ ساتۋ اۋكتسيونىن وتكىزۋ ءتارتىبى
32. باعالى قاعازداردى كەرى ساتىپ الا وتىرىپ ساتۋ اۋكتسيونىنىڭ قاتىسۋشىسى ۇلتتىق بانكپەن قاعيدالارعا 1-قوسىمشاعا سايكەس نىسان بويىنشا كەلىسىم جاسايدى.
33. باعالى قاعازداردى كەرى ساتىپ الا وتىرىپ ساتۋ اۋكتسيونىنىڭ قاتىسۋشىسى كەلىسىم جاساۋ ءۇشىن ۇلتتىق بانككە ۇلتتىق بانكپەن باعالى قاعازداردى كەرى ساتىپ الا وتىرىپ ساتۋ مامىلەلەرىن جاساۋ نيەتى تۋرالى جازباشا سۇراتۋ جىبەرەدى.
34. ۇلتتىق بانك جازباشا سۇراتۋدى قارايدى جانە ۇلتتىق بانككە ۇسىنعان كۇننەن باستاپ 14 (ون ءتورت) جۇمىس كۇنىنەن اسپايتىن مەرزىمدە ول بويىنشا شەشىم قابىلدايدى. اۋكتسيونعا قاتىسۋشىنىڭ جازباشا سۇراتۋىن قاناعاتتاندىرۋ جانە ونىمەن كەلىسىم جاساۋ تۋرالى شەشىمدى ۋاكىلەتتى بولىمشەنىڭ باسشىسى نە ول بولماعان جاعدايدا ونىڭ مىندەتىن اتقارۋشى ادام قابىلدايدى.
35. مىناداي تالاپتارعا سايكەس كەلەتىن اۋكتسيونعا قاتىسۋشىعا باعالى قاعازداردى كەرى ساتىپ الا وتىرىپ ساتۋ اۋكتسيونىنا قاتىسۋعا رۇقسات ەتىلەدى:
1) اۋكتسيونعا قاتىسۋشى ۇلتتىق بانككە ەڭ تومەنگى رەزەرۆتىك تالاپتار نورماتيۆتەرىنىڭ ورىندالعانى تۋرالى اقپارات ۇسىنعان كۇنى قاتارىنان كۇنتىزبەلىك ءۇش اي ىشىندە ەڭ تومەنگى رەزەرۆتىك تالاپتار بويىنشا ۇلتتىق بانك الدىندا ەكى جانە ودان كوپ ورىندالماعان مىندەتتەمەلەردىڭ بولماۋى. وسى شەكتەۋ اكىمشىلىك قۇقىق بۇزۋشىلىق تۋرالى ءىس بويىنشا قاۋلىعا سايكەس اكىمشىلىك قۇقىق بۇزۋشىلىق ءۇشىن سالىنعان اكىمشىلىك ايىپپۇل تولەگەن كۇنگە دەيىن قولدانىلادى;
2) باعالى قاعازدار نارىعىندا بروكەرلىك جانە/نەمەسە ديلەرلىك قىزمەتتى جۇزەگە اسىرۋعا ليتسەنزيانىڭ بولۋى;
3) پرۋدەنتسيالىق نورماتيۆتەردىڭ بۇزىلماۋى;
4) ۇلتتىق بانكتە اشىلعان كوررەسپوندەنتتىك شوت شارتىندا (شارتتارىندا) اۋكتسيونعا قاتىسۋشى ۇلتتىق بانكپەن وپەراتسيالار بويىنشا مىندەتتەمەلەردى ورىنداماعان جاعدايدا ونىڭ كوررەسپوندەنتتىك شوتىنان اقشانى اكتسەپتەمەي الۋعا ۇلتتىق بانكتىڭ قۇقىعى كوزدەلەتىن تالاپتىڭ بولۋى;
5) كەلىسىمنىڭ بولۋى;
6) ورتالىق دەپوزيتاريدە جەكە شوتتىڭ بولۋى.
36. باعالى قاعازداردى كەرى ساتىپ الا وتىرىپ ساتۋ اۋكتسيونىنىڭ قورىتىندىسى بويىنشا ۇلتتىق بانك پەن اۋكتسيونعا قاتىسۋشى اراسىندا:
1) ۇلتتىق بانكتىڭ باعالى قاعازدار ساتۋى جونىندەگى ء(بىرىنشى مامىلە, ساتۋ مامىلەسى);
2) ۇلتتىق بانكتىڭ ساتۋ مامىلەسىنەن (ەكىنشى مامىلە, كەرى ساتىپ الۋ مامىلەسى) كەيىن سول باعالى قاعازداردى كەرى ساتىپ الۋى جونىندەگى ءبىر نەمەسە بىرنەشە جۇپ مامىلە جاسالادى.
37. باعالى قاعازداردى كەرى ساتىپ الا وتىرىپ ساتۋ اۋكتسيونىنىڭ وبەكتىسى قاعيدالارعا 7-قوسىمشاعا سايكەس باعالى قاعازداردى كەرى ساتىپ الۋ باعاسىن ەسەپتەۋگە ارنالعان فورمۋلا بويىنشا كەرى ساتىپ الۋ مامىلەسىنىڭ باعاسىن ايقىندايتىن كىرىستىلىك مولشەرلەمەسى بولىپ تابىلادى.
38. ۇلتتىق بانكتىڭ مىناداي بولىمشەلەرى ۋاكىلەتتى بولىمشەگە اۋكتسيونعا قاتىسۋشىنىڭ قاعيدالاردىڭ 35-تارماعىندا كوزدەلگەن تالاپتارعا سايكەس كەلەتىنى تۋرالى اقپارات ۇسىنۋ ءۇشىن جاۋاپتى بولىپ تابىلادى:
1) ۇلتتىق بانكتىڭ تولەم بالانسى, ۆاليۋتالىق رەتتەۋ جانە ستاتيستيكا بولىمشەسى جانە ۇلتتىق بانكتىڭ بانكتىك قاداعالاۋ بولىمشەسى (قاعيدالاردىڭ 35-تارماعىنىڭ 1) جانە 3) تارماقشالارى بويىنشا);
2) ۇلتتىق بانكتىڭ باعالى قاعازدار نارىعىنىڭ سۋبەكتىلەرىن قاداعالاۋ بولىمشەسى (قاعيدالاردىڭ 35-تارماعىنىڭ 2) تارماقشاسى بويىنشا);
3) ۇلتتىق بانكتىڭ قارجىلىق وپەراتسيالاردى قارجىلىق ەسەپكە الۋ جانە مونيتورينگى بولىمشەسى (قاعيدالاردىڭ 35-تارماعىنىڭ 4) تارماقشاسى بويىنشا);
4) ۇلتتىق بانكتىڭ قارجىلىق تۇراقتىلىق جانە تاۋەكەلدەردى باسقارۋ بولىمشەسى اۋكتسيونعا قاتىسۋشىنىڭ مولشەرلەمەلەردىڭ (ايىرباستاۋ باعامدارىنىڭ) اعىمداعى جاعدايعا نەگىزدەلمەگەن قۇبىلمالىعىن ارتتىرۋعا اكەپ سوعاتىن وپەراتسيالارىن تالداۋ بولىگىندە.
39. باعالى قاعازداردى كەرى ساتىپ الا وتىرىپ ساتۋ جونىندەگى ءاربىر اۋكتسيونعا ۆاليۋتا كودىن, اۋكتسيون وتكىزۋ كۇنىن جانە وتىمدىلىكتى الۋ مەرزىمىن كورسەتە وتىرىپ بىرەگەي سايكەستەندىرۋ ءنومىرى (بۇدان ءارى – اۋكتسيوننىڭ ءنومىرى) بەرىلەدى.
40. باعالى قاعازداردى كەرى ساتىپ الا وتىرىپ ساتۋ اۋكتسيونىن وتكىزۋگە بايلانىستى جانە اۋكتسيونعا قاتىسۋشىعا ۇلتتىق بانك ايقىندايتىن دەرەكتەردى بەرۋدىڭ ەلەكتروندىق جۇيەسى ارقىلى بەرىلەتىن اقپارات (بۇدان ءارى − ەلەكتروندىق حابار) مىناداي ولشەمدەردى قامتيدى:
1) اۋكتسيوننىڭ ءنومىرى;
2) الىناتىن وتىمدىلىكتى الۋ مەرزىمى ء(بىرىنشى مامىلەنى جانە ەكىنشى مامىلەنى ورىنداۋ كۇنى اراسىنداعى كۇنتىزبەلىك كۇندەردەگى ايىرما);
3) الىناتىن وتىمدىلىكتىڭ جاريالانعان كولەمى;
4) كىرىستىلىكتىڭ ەڭ كوپ مولشەرلەمەسى (اۋكتسيونعا قاتىسۋشىسى سۇراتاتىن كىرىستىلىك مولشەرلەمەسىنىڭ ەڭ كوپ قولجەتىمدى مولشەرى);
5) كەپىل ءتۇرى.
دەرەكتەردى بەرۋدىڭ ەلەكتروندىق جۇيەسى بويىنشا بەرىلەتىن باعالى قاعازداردى كەرى ساتىپ الا وتىرىپ ساتۋ اۋكتسيونىن جۇرگىزۋگە بايلانىستى اقپارات ۇلتتىق بانك پايدالاناتىن باعدارلامالىق-كريپتوگرافيالىق قورعاۋ جۇيەسىنىڭ كومەگىمەن شيفرلانادى.
41. باعالى قاعازداردى كەرى ساتىپ الا وتىرىپ ساتۋ اۋكتسيونىن جۇرگىزۋگە بايلانىستى اقپاراتتى تەحنيكالىق سەبەپتەر بويىنشا دەرەكتەردى بەرۋدىڭ ەلەكتروندىق جۇيەسى ارقىلى حابارلار بەرۋ مۇمكىن بولماعان جاعدايدا وسى حابارلاردى قاعاز تاسىمالداعىشپەن بەرۋگە رۇقسات ەتىلەدى.
42. ۇلتتىق بانك باعالى قاعازداردى كەرى ساتىپ الا وتىرىپ ساتۋ اۋكتسيونىن وتكىزەردەن بۇرىن ءبىر جۇمىس كۇنىنەن كەشىكتىرمەي باستاپقى اگەنتتەرگە جانە ورتالىق دەپوزيتاريگە باعالى قاعازداردى كەرى ساتىپ الا وتىرىپ ساتۋ اۋكتسيونىن وتكىزۋ شارتتارىن حابارلايدى.
43. قازاقستان رەسپۋبليكاسى ۇلتتىق بانكىنىڭ باعالى قاعازداردى كەرى ساتىپ الا وتىرىپ ساتۋ اۋكتسيونى شەڭبەرىندە كەپىل رەتىندە بەرەتىن باعالى قاعازداردىڭ نارىقتىق قۇنى قور بيرجاسىنىڭ باعالى قاعازداردى باعالاۋ ادىستەمەسىندە ايقىندالعان ديسكونتپەن ەسەپتەلەدى.
باعالى قاعازداردى ساتۋ قۇنى ءبىر باعالى قاعازداردىڭ تازا قۇنى رەتىندە (ەسەپتەلگەن سىياقىنى قوسپاي) ۇتىردەن كەيىن ءتورت بەلگىمەن انىقتالادى.
44. باعالى قاعازداردى كەرى ساتىپ الا وتىرىپ ساتۋ اۋكتسيونىن وتكىزۋ كۇنى الماتى قالاسىنىڭ ۋاقىتى بويىنشا ساعات 9.00 − 11.30 ارالىعىندا اۋكتسيونعا قاتىسۋشى قاعيدالارعا 8-قوسىمشاعا سايكەس نىسان بويىنشا باعالى قاعازداردى كەرى ساتىپ الا وتىرىپ ساتۋ اۋكتسيونىنا قاتىسۋعا ۋاكىلەتتى بولىمشەگە ءوتىنىم بەرەدى.
45. اۋكتسيونعا قاتىسۋشى قاعيدالارعا 8-قوسىمشاعا سايكەس نىسان بويىنشا باعالى قاعازداردى كەرى ساتىپ الا وتىرىپ ساتۋ اۋكتسيونىنا قاتىسۋعا ارنالعان وتىنىمدەردى باسەكەلەس جانە باسەكەلەس ەمەس ۇسىنىستارمەن بەرە الادى.
باسەكەلەس جانە باسەكەلەس ەمەس ۇسىنىس بار ءبىر ءوتىنىمنىڭ ەڭ از كولەمى كەمىندە 50 000 000 (ەلۋ ميلليون) تەڭگە بولادى.
باعالى قاعازداردى كەرى ساتىپ الا وتىرىپ ساتۋ اۋكتسيونىن كەمىندە ءارتۇرلى ەكى قاتىسۋشىدان تۇسكەن باسەكەلەس ۇسىنىسى بار ەكى جانە ودان كوپ ءوتىنىم بولعان كەزدە وتكىزىلەدى.
46. باسەكەلەس ۇسىنىستارى بار وتىنىمدە باعالى قاعازداردىڭ شىعارىلىمى, نومينالدىق قۇنى جانە پايىزدىق مولشەرلەمە كورسەتىلەدى.
باسەكەلەس ەمەس ۇسىنىستارى بار وتىنىمدە باعالى قاعازداردىڭ شىعارىلىمى جانە نومينالدىق قۇنى كورسەتىلەدى.
47. اۋكتسيونعا قاتىسۋشىلاردىڭ باعالى قاعازداردى كەرى ساتىپ الا وتىرىپ ساتۋ اۋكتسيونىنا قابىلدانعان باسەكەلەس ۇسىنىستارى رەتتەلەدى جانە ەڭ جوعارىدان باستاپ, بىراق كەسىمدى مولشەرلەمەدەن تومەن ەمەس ۇسىنىلعان پايىزدىق مولشەرلەمەنىڭ دەڭگەيى بويىنشا قاناعاتتاندىرىلادى.
48. اۋكتسيونعا قاتىسۋشىنىڭ باعالى قاعازداردى كەرى ساتىپ الا وتىرىپ ساتۋ اۋكتسيونىنا قابىلدانعان باسەكەلەس ەمەس ۇسىنىسى اۋكتسيون وتكىزۋ قورىتىندىلارى بويىنشا قالىپتاسقان ورتاشا الىنعان مولشەرلەمە بويىنشا قاناعاتتاندىرىلدى. ورتاشا الىنعان مولشەرلەمەنى ەسەپتەۋدى ۇلتتىق بانك اۋكتسيونعا قاتىسۋشىلاردىڭ اۋكتسيون وتكىزۋ قورىتىندىسى بويىنشا قاناعاتتاندىرىلعان/ىشىنارا قاناعاتتاندىرىلعان باسەكەلەس ۇسىنىستارى بويىنشا جۇزەگە اسىرادى.
49. ۋاكىلەتتى بولىمشە الماتى قالاسىنىڭ ۋاقىتى بويىنشا 12.00 ساعاتقا قاراي باعالى قاعازداردى ساتىپ الۋعا ارنالعان وتىنىمدەردى قاعيدالارعا 9-قوسىمشاعا سايكەس نىسان بويىنشا كەلىپ تۇسكەن وتىنىمدەردىڭ جيىنتىق ۆەدوموسىنا جيناقتايدى.
ۋاكىلەتتى بولىمشەنىڭ باسشىسى نە ول بولماعان كەزدە ونىڭ ورنىنداعى ادام الماتى قالاسىنىڭ ۋاقىتى بويىنشا 12.00 – 15.00 ساعاتتا اۋكتسيون تۋرالى الىنعان دەرەكتەر نەگىزىندە كەسىمدى مولشەرلەمە, وتىنىمدەردى قاناعاتتاندىرۋ كولەمى تۋرالى جەدەل شەشىم قابىلدايدى, ودان كەيىن قاعيدالارعا 9-قوسىمشاعا سايكەس نىسان بويىنشا كەلىپ تۇسكەن وتىنىمدەردىڭ جيىنتىق ۆەدوموسىنا قول قويادى.
50. ۋاكىلەتتى بولىمشە كەسىمدى مولشەرلەمە جانە قاناعاتتاندىرىلعان وتىنىمدەردىڭ كولەمى تۋرالى اقپارات نەگىزىندە باعالى قاعازداردى ساتىپ الۋ جانە كەرى ساتۋ مامىلەلەرىن جاسايدى جانە اۋكتسيونعا قاتىسۋشىعا قاعيدالارعا 10-قوسىمشاعا سايكەس نىسان بويىنشا ۇلتتىق بانكتىڭ باعالى قاعازداردى كەرى ساتىپ الا وتىرىپ ساتۋ اۋكتسيونى بويىنشا وتىنىمدەردىڭ قاناعاتتاندىرىلعان كولەمى تۋرالى حابارلاما بەرەدى.
51. ۇلتتىق بانك جۇرگىزىلەتىن اقشا-كرەديت ساياساتىنىڭ باعىتتارىنا جانە قارجى نارىعىنىڭ كونيۋنكتۋراسىنا سايكەس باعالى قاعازداردى كەرى ساتىپ الا وتىرىپ ساتۋ اۋكتسيونىنىڭ تالاپتارىن (الىناتىن وتىمدىلىكتىڭ جاريالانعان كولەمىن ۇلعايتادى, الىناتىن وتىمدىلىكتىڭ جاريالانعان كولەمىن ازايتادى, اۋكتسيوندى وتكىزبەيدى) جەدەل وزگەرتەدى.
52. ۇلتتىق بانك قاعيدالارعا 10-قوسىمشاعا سايكەس نىسان بويىنشا ۇلتتىق بانكتىڭ باعالى قاعازداردى كەرى ساتىپ الا وتىرىپ ساتۋ اۋكتسيونى بويىنشا وتىنىمدەردىڭ قاناعاتتاندىرىلعان كولەمى تۋرالى حابارلامانى اۋكتسيون تولىق اياقتالعاننان كەيىن, بىراق الماتى قالاسىنىڭ ۋاقىتى بويىنشا ساعات 16.00-دەن كەشىكتىرمەي ورتالىق دەپوزيتاريگە جانە اۋكتسيون قاتىسۋشىسىنا جىبەرەدى.
53. ۇلتتىق بانك اۋكتسيوننىڭ اقشا-كرەديت ساياساتىنىڭ مىندەتتەرىن ورىنداۋ ءۇشىن جەتكىلىكتى ەمەس ناتيجەلەرىن العان جاعدايدا اۋكتسيوندى وتكىزىلمەگەن دەپ جاريالايدى. اۋكتسيوندى وتكىزىلمەگەن دەپ جاريالاۋ ۋاكىلەتتى بولىمشە باسشىسىنىڭ نە ول بولماعان جاعدايدا ونىڭ مىندەتىن اتقارۋشى ادامنىڭ وكىمىمەن بەكىتىلەدى.
54. ۋاكىلەتتى بولىمشە باعالى قاعازداردى كەرى ساتىپ الا وتىرىپ ساتۋ اۋكتسيونى وتكىزەتىن كۇنى الماتى ۋاقىتى بويىنشا ساعات 18.00-دەن كەشىكتىرمەي باعالى قاعازداردى كەرى ساتىپ الا وتىرىپ ساتۋ اۋكتسيونىنىڭ قورىتىندىلارى تۋرالى اقپاراتتى ۇلتتىق بانكتىڭ ينتەرنەت-رەسۋرسىنا ورنالاستىرادى.
55. باعالى قاعازداردى كەرى ساتىپ الا وتىرىپ ساتۋ اۋكتسيونىنىڭ قورىتىندىلارى بويىنشا باعالى قاعازداردى ساتۋ جانە كەرى ساتىپ الۋ مامىلەلەرى بويىنشا ەسەپ ايىرىسۋلار ورتالىق دەپوزيتاريدىڭ قاعيدالار جيىنتىعىنا سايكەس جۇزەگە اسىرىلادى.
56. باعالى قاعازداردى ەسەپكە الۋدى جەڭىلدەتۋ ماقساتىندا باعالى قاعازدار بويىنشا ەسەپ ايىرىسۋلار جيناقتالعان سىياقىنى ەسەپكە الماعاندا, باعا بويىنشا جۇرگىزىلەدى. باعالى قاعازدار بويىنشا سىياقىنى وسى باعالى قاعازداردى ساتقان ۇلتتىق بانك الادى.
57. ورتالىق دەپوزيتاري, اۋكتسيونعا قاتىسۋشى جانە ۇلتتىق بانك اراسىندا بۇيرىقتار الماسۋ ورتالىق دەپوزيتاريدىڭ ىشكى قۇجاتتارىنا سايكەس جۇرگىزىلەدى.
58. باعالى قاعازداردى كەرى ساتىپ الا وتىرىپ ساتۋ اۋكتسيونىنىڭ قورىتىندىلارى بويىنشا جاسالعان مامىلەلەر بويىنشا مىندەتتەمەلەر ورىندالماعان جاعدايدا, باعالى قاعازداردى كەرى ساتىپ الۋ مامىلەسىن جاساۋ كۇنى بەلگىلەنگەن تالاپتارمەن اۋكتسيونعا قاتىسۋشى مىندەتتەمەلەردى ورىنداماعان كۇننەن كەيىنگى جۇمىس كۇنى ۇلتتىق بانك ورتالىق دەپوزيتاريدىڭ ىشكى قۇجاتتارىنا سايكەس باعالى قاعازداردى ۇلتتىق بانكتىڭ پايداسىنا ەسەپتەن شىعارۋعا جانە اۋدارۋعا ارنالعان بۇيرىقتى ورتالىق دەپوزيتاريگە جىبەرەدى.
مامىلە بويىنشا مىندەتتەمەلەردى ورىنداماۋ كۇنىنە دەيىن ەسەپتەلگەن باعالى قاعازدار بويىنشا جيناقتالعان كۋپوندىق سىياقى سوماسى اۋكتسيون قاتىسۋشىسىنىڭ پايداسىنا اۋدارىلادى.
ۇلتتىق بانكتىڭ باعالى قاعازداردى ساتۋ جانە كەرى ساتىپ الۋ وپەراتسيالارىن ەسەپكە الۋىن جانە تىركەۋىن ورتالىق دەپوزيتاري ۇلتتىق بانكتىڭ ءتيىستى قوسالقى شوتىندا ورتالىق دەپوزيتاريدىڭ ىشكى قۇجاتتارىنا سايكەس جۇرگىزەدى.
ەگەر باعالى قاعازداردى كەرى ساتىپ الۋ مامىلەسىن جۇرگىزۋ كۇنى جۇمىس ىستەمەيتىن (مەرەكە نەمەسە دەمالىس) كۇنگە كەلگەن جاعدايدا, باعالى قاعازداردى كەرى ساتىپ الۋ مامىلەسىن ورىنداۋ مامىلە تالاپتارىنا سايكەس كەرى ساتۋ كۇنىنەن كەيىنگى ءبىرىنشى جۇمىس كۇنى جۇرگىزىلەدى.
4. ۇلتتىق بانكتىڭ قىسقامەرزىمدى نوتتارى اۋكتسيونىن جۇرگىزۋ ءتارتىبى
59. ۇلتتىق بانكتىڭ قىسقامەرزىمدى نوتتارىن مەرزىمىنەن بۇرىن وتەۋ جاعدايلارىن قوسپاعاندا, ۇلتتىق بانك ديسكونتتالعان باعا بويىنشا ورنالاستىرادى, نومينالدىق قۇنى بويىنشا وتەيدى.
60. ۇلتتىق بانكتىڭ قىسقامەرزىمدى نوتتارى قارجى نارىعىندا سىياقى مولشەرلەمەلەرىن رەتتەۋگە ارنالعان اقشا-كرەديت ساياساتىنىڭ قۇرالى بولىپ تابىلادى.
61. ۇلتتىق بانكتىڭ قىسقامەرزىمدى نوتىنىڭ نومينالدىق قۇنى 100 ء(جۇز) تەڭگە بولادى.
62. ۇلتتىق بانكتىڭ باعالى قاعازدار نارىعىنىڭ سۋبەكتىلەرىن قاداعالاۋ بولىمشەسى قىسقامەرزىمدى نوتتاردىڭ ءاربىر شىعارىلىمىنا ۇلتتىق سايكەستەندىرۋ ءنومىرىن بەرەدى.
63. ۇلتتىق بانكتىڭ قىسقامەرزىمدى نوتتارىن ورنالاستىرۋ قاعيدالارعا 11-قوسىمشاعا سايكەس نىسان بويىنشا ۇلتتىق بانكتىڭ قىسقامەرزىمدى نوتتارىمەن وپەراتسيالاردى جاساۋ ءتارتىبى تۋرالى شارتتىڭ نەگىزىندە باستاپقى اگەنتتەر ارقىلى جۇزەگە اسىرىلادى.
64. ۇلتتىق بانكتىڭ قىسقامەرزىمدى نوتتار بويىنشا سىياقى مولشەرلەمەسى ۇلتتىق بانكتىڭ قىسقامەرزىمدى نوتتارىنىڭ ديسكونتتالعان باعاسىن
• 29 قازان, 2016
قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى№21
سوڭعى جاڭالىقتار
ەت قىمباتتادى: ەۋروپا, ازيا جانە تاياۋ شىعىستا بىزدەن ارزان
قوعام • بۇگىن, 18:35
جالپىۇلتتىق كواليتسيا بەلسەندىلەرى ۇگىت-ناسيحات جۇمىستارىن باستادى
اتا زاڭ • بۇگىن, 18:25
جالپىۇلتتىق كواليتسيا: اقمولا وبلىسىندا كەزدەسۋلەر وتكىزدى
اتا زاڭ • بۇگىن, 18:13
انتاركتيكا سۋلارىندا العاش رەت اكۋلا تابىلدى
الەم • بۇگىن, 18:04
دونالد ترامپتىڭ رەزيدەنتسياسىنا جاسىرىن كىرمەك بولعان ادامعا وق اتىلدى
الەم • بۇگىن, 17:58
قازاقستاندا جۇرگىزۋشىسىز تاكسي قىزمەتى پايدا بولۋى مۇمكىن
قازاقستان • بۇگىن, 17:57
قازاقستان قۇراماسىنىڭ قىسقى وليمپياداداعى جولى: جىلدار مەن ناتيجەلەر
قىسقى سپورت • بۇگىن, 17:56
Nomad Academy شاكىرتتەرى ەل بىرىنشىلىگىندە توپ جاردى
تەننيس • بۇگىن, 17:49
اقسۋ جاستارى وبلىس اكىمىمەن جاڭا كونستيتۋتسيا جوباسىن تالقىلادى
اتا زاڭ • بۇگىن, 17:48
داستان ساتپاەۆ الداعى ماۋسىمدا جاڭا نومىرمەن الاڭعا شىعادى
فۋتبول • بۇگىن, 17:39
وتاندىق قۇرىلىس ماتەريالدارى ءوندىرىسى سالاسىن قانداي تاۋەكەل كۇتىپ تۇر؟
ەكونوميكا • بۇگىن, 17:31
2025 جىلى ەل ەكونوميكاسى قالاي دامىدى؟
ەكونوميكا • بۇگىن, 17:25
مەملەكەت باسشىسى گرۋزيا پرەمەر-مينيسترىمەن تەلەفون ارقىلى سويلەستى
پرەزيدەنت • بۇگىن, 17:14
اقتاۋدا «مۋزارت» توبىنىڭ قاتىسۋىمەن جاڭا كونستيتۋتسيانى قولداۋعا ارنالعان فورۋم ءوتتى
اتا زاڭ • بۇگىن, 17:11
ۇلىتاۋ وبلىسىندا ۇلتتىق بانك فيليالىنىڭ جاڭا عيماراتى اشىلدى
ايماقتار • بۇگىن, 17:10
