استانادا جاڭادان 3 كوپىر سالىنادى

ەلوردادا كولىك كەپتەلىسىن رەتتەۋگە سەپتىگىن تيگىزەتىن 3 جاڭا كوپىر سالىنادى. ول ەسىل وزەنى مەن نۇرا ەسىل كانالىنىڭ بويىندا - تاۋەلسىزدىك جانە حۋسەين بەن تالال كوشەلەرىندە ورنالاسادى. ال جول 8 جولاقتى بولادى, دەپ جازادى egemen.kz "حابار 24" - كە سىلتەمە جاساپ. بۇل ءوز كەزەگىندە جاڭا تەمىرجول ۆوكزالىنان اۋەجايعا دەيىنگى جولدى قىسقارتۋعا مۇمكىندىك بەرەدى. ياعني تۇرعىندار قالانىڭ ورتالىق بولىگىن اينالىپ وتەدى. قالالىق اۆتوكولىك جولدارى باسقارماسى ماماندارىنىڭ ايتۋىنشا, جاڭا كوپىر 2,5-3 جىلدان كەيىن قولدانىسقا بەرىلەدى. قۇرىلىسقا 20 ملرد تەڭگە بولىنگەن. سالا ماماندارى سونداي-اق سىرت كوزگە ەشقانداي كەم-كەتىگى بايقالمايتىن كوشەلەردى نەگە جاماي بەرەتىنىن ءتۇسىندىردى. «كەيبىر كولىك جۇرگىزۋشىلەرى كوشەدەگى شۇرق تەسىكتەردى بايقامايدى. كەيىننەن ول ۇلكەن شۇڭقىرعا اينالادى. ەگەر تەسىك بولسا, جاڭبىردان كەيىن ول مىندەتتى تۇردە كوكتەمدە شۇڭقىرعا اينالادى. مۇنداي جاعدايدىڭ الدىن الۋ ءۇشىن مەن سول كوشەلەرمەن ءجۇرىپ ءوتىپ, بايقاپ قارايمىن. تەپ-تەگىس اسفالتقا ەشكىم تيىسپەيدى», - دەيدى  قالالىق اۆتوكولىك جولدارى باسقارماسىنىڭ جەتەكشىسى  اسحات قاراعويشين.