كاسىبي ءبىلىم ورداسى

قازىرگى زامان تالابىنا تەز بەيىمدەلدى قازتۇتىنۋوداعى ساۋدا-ەكونوميكالىق كوللەدجىنىڭ ديرەك­تورى, ەكونوميكا عى­لىمدارىنىڭ كانديداتى مىرزابەك كۇجىموۆپەن اڭگىمە  – مىرزابەك تورەبەك ۇلى, ال­دىمەن ءوزىڭىز باسقاراتىن وقۋ ور­نىنىڭ مامان-كادرلار داي­­ىن­داۋداعى نەگىزگى باعىت-باعدارىنا توق­تالىپ وتسەڭىز. – قازتۇتىنۋوداعى ساۋدا-ەكونوميكالىق كوللەدجىنىڭ ءبىلىم بەرۋ قىزمەتى مەملەكەتتىك ءبىلىم بەرۋدى 2016-2019 جىلدارعا ارنال­عان دامىتۋ باعدارلاماسىندا قويىلعان ماقسات-مىندەتتەر – تەح­نيكالىق جانە كاسىپتىك ءبىلىم بەرۋ (تجكب) جۇيەسىنىڭ بەدەلىن ارتتىرۋعا, تجكب قولجەتىمدىلىگىن جانە كادرلاردى دايارلاۋ ساپاسىن قامتاماسىز ەتۋگە, ەلدىڭ ين­دۋستريالىق-يننوۆاتسيالىق دامۋ سۇرانىستارىن ەسكەرە وتىرىپ, تجكب مازمۇنىن جاڭارتۋعا, «ءماڭ­گىلىك ەل» جالپىۇلتتىق پاتريوتتىق يدەياسىنىڭ رۋحاني-ادامگەرشىلىك قۇندىلىقتارىن جانە سالاماتتى ءومىر سالتى مادەنيەتىن نىعايتۋعا, سونداي-اق تجكب مەنەدجمەنتىن جانە دامۋ مونيتورينگىن جەتىلدىرىپ, باسەكەگە قابىلەتتى كادرلاردى ساپالى دايارلاۋدى قامتاماسىز ەتۋدى جۇزەگە اسىرۋعا باعىتتالعان. ال تەحنيكالىق جانە كاسىپتىك ءبىلىم بەرۋ جۇيەسىندەگى وقۋ مەكەمەسى قىزمەتىنىڭ نەگىزگى باعىتى – ەكونوميكا جانە IT سالاسىندا بىلىكتى مامانداردى دايىنداۋ. سونىمەن قاتار, وقۋ ورنىندا باستى نازار الەۋمەتتىك سەرىكتەستىكتەر مەن جۇمىس بەرۋشىلەرگە دە اۋدارىلعان. ايتا كەتۋ كەرەك, بۇل ءوزارا ارە­كەت­تەستىكتىڭ وزىندىك ساپالىق باعىت­تىلىعى بار. سول سەبەپتەن دە كوللەدج ۇجىمى بۇعان بار كۇش-جىگەرىن جۇمساپ كەلەدى. قازاقستان رەسپۋبليكاسى تاۋەل­سىزدىگىنىڭ 25 جىلدىعى قارساڭىندا ءبىزدىڭ كوللەدجگە 60 جىل تولادى. ونىڭ ىرگەتاسى سول جىلدارى قارقىندى دامىپ تۇرعان تۇتىنۋشى كووپەراتسيا سالالارىن ماماندارمەن قامتاماسىز ەتۋ ماقساتىندا 1956 جىلى اقمولا كووپەراتيۆ تەحنيكۋمى رەتىندە قالانعان بولاتىن. العاشقى جىلدارى كوللەدجدە «بۋحگالتەرلىك ەسەپ» جانە «تاۋارتانۋ» ماماندىقتارى بويىن­شا بارلىعى 120 ادام ءبىلىم العان. وسى ۋاقىتقا دەيىن كوللەدج تەك قازاقستاننىڭ عانا ەمەس, تمد ەلدەرىنىڭ بىرقاتار كاسىپ­ورىندارىندا دا ەڭبەك ەتىپ ءجۇر­گەن مىڭداعان تۇلەكتەر دايىن­داپ شىعاردى. تۇلەكتەر اراسىندا مينيسترلىكتەر مەن ءتۇرلى ۆە­دومستۆولاردىڭ جەتەكشىلەرى, كاسىپ­­كەرلەر مەن جوو-نىڭ وقى­تۋ­شىلارى كوپتەپ كەزدەسەدى. وقۋ ورنىنىڭ قانات جايۋىنا اق­مولا كوو­­پەراتيۆ تەحنيكۋمىنا ءار جىلدارى باسشىلىق ەتكەن ا.كو­رولچەنكو, م.حارجەۆسكي, ۆ.ماس­لوۆ سياقتى تۇلعالاردىڭ سىڭىرگەن ەڭ­بەكتەرى زور. كوللەدج نارىقتىق ەكونوميكا تالاپتارىنا سايكەس باسەكەگە قابىلەتتى 6 باعىتتا, ياعني «ەسەپ جانە اۋديت», «تۋريزم», «ماركەتينگ», «قۇقىقتانۋ», «ەسەپتەۋ تەحني­كاسى جانە باعدارلامامەن قامتا­ماسىز ەتۋ», «اۋدارما ءىسى» مامان­دىقتارى بويىنشا ماماندار دا­يىنداۋدى جالعاستىرۋدا. ال وقۋ ۇدەرىسى زاماناۋي قۇرال-جاب­دىقتارمەن قامتاماسىز ەتىلگەن. كوللەدجدە دەربەس كومپيۋتەرلەرمەن جابدىقتالعان 8 كومپيۋتەرلىك سىنىپ جانە 24 وقۋ اۋديتوريا­سى وقۋدىڭ قازىرگى زامانعى اق­پا­راتتىق-كوممۋنيكاتيۆتىك تەح­نولوگياسىنىڭ باستى قۇرالى – ين­تەراكتيۆتى تاقتالارمەن جاب­دىقتالعان. سونىمەن قاتار, ءبىلىم بەرۋ ساپاسىن ارتتىرۋ ماقساتىندا اقپاراتتىق ءبىلىم بەرۋ ورتالىعى اشىلعان, وندا ستۋدەنتتەر مەن وقىتۋشىلار ينتەرنەتتى ەركىن پايدالانا الادى. – وقۋ ۇدەرىسىندە جاڭا وقى­تۋ تەحنولوگيالارىن پاي­دالا­نۋدىڭ جايى قانداي دەڭ­گەيدە؟ – كوللەدجدە بۇل ماسەلە ويدا­عىداي شەشىلگەن دەپ ايتۋىمىزعا بولادى. بۇگىندە جاڭا وقۋ تەحنولوگيالارىندا ءتيىمدى پايدالانىلاتىن مۋلتيمەديالىق تەحنيكا جانە باسقا دا ءادىس-تاسىلدەر كەڭىنەن قولدانىلىپ كەلەدى. ساباق كەزىندە وقىتۋشىلار ستۋدەنتتىڭ ءوز بەتىنشە وقۋ داعدىسىن قالىپتاستىرۋعا بەيىمدەلگەن ءداستۇرلى وقىتۋ ءادىس­تەرىمەن ۇشتاستىرىلعان مودۋلدىك تەحنولوگيالاردى, دامىتۋ ويىندارىن, سىندارلى وقىتۋ تەورياسى تۇرعىسىنان ويلاۋ تەحنولوگيالارىن دا پايدالانادى. «تەحنيكالىق جانە كاسىپتىك ءبىلىمدى جاڭعىرتۋ» جوباسى بويىن­شا كوللەدج وقىتۋشىلارى «Arta Software» جشس, «Kazakhstan Prime Innovation» جشس الەۋمەتتىك سە­رىكتەستەرمەن بىرىگىپ 1304000 «ەسە­پ­تەۋ تەحنيكاسى جانە باع­دار­لامامەن قامتاماسىز ەتۋ» ماماندىعى بويىنشا مودۋلدىك وقىتۋ باعدارلاماسىن ازىرلەدى. ناتيجەسىندە كوللەدج استانا قالاسى ءبىلىم باسقارماسىنىڭ بۇيرىعىمەن مودۋلدىك وقىتۋ باعدارلاماسىن ەنگىزۋ بويىنشا سىناق الاڭى بولىپ ەسەپتەلىندى. كوللەدجدە ساپالى ءبىلىم الۋ, كاسىبي داعدىنى قالىپتاستىرۋ جانە بولاشاق ماماننىڭ پسيحولوگياسىن دامىتۋ ءۇشىن دۋالدى وقىتۋ ەلەمەنتتەرى ەنگىزىلۋدە. ەلىمىزدىڭ زاڭناماسى اياسىندا ناقتى جۇمىس ىستەيتىن «ستۋدەنت» وقۋ-زەرتحانالىق ورتالىعى اشىلعان. بۇل ورتالىق «ەسەپ جانە اۋديت», «ماركەتينگ» ماماندىعى بويىنشا قۇزىرەتتى ماماندار دايىنداۋ ءۇشىن قاجەتتى ءبىلىم مەن داعدىنى قالىپتاستىرۋعا ىقپال ەتەدى. ستۋدەنتتەردىڭ ماماندىققا دەگەن قىزىعۋشىلىعىن ارتتىرۋ ماقساتىندا كوللەدجدە الەۋ­مەتتىك سەرىكتەستەردىڭ بىلىكتى قىز­مەتكەرلەرى تاجىريبەلىك ساباقتار جۇرگىزەدى. مىسالى, «ەسەپتەۋ تەح­نيكاسى جانە باعدارلامامەن قام­تاماسىز ەتۋ» ماماندىعى بويىنشا «ارۋس پرو» جشس ديرەكتورى ۆ.ارەشين, «Arta Software» جشس باعدارلامالاۋ بويىنشا زەرتحانا جەتەكشىلەرى س.كوروبيتسين مەن ر.ەگەمبەرديەۆ ءارتۇرلى باعدار­لامالاۋ تىلدەرىن ۇيرەتۋدە. كول­لەدجدىڭ الەۋمەتتىك سەرىكتەستەرى ساباق بەرىپ قانا قويماي, سونىمەن بىرگە, تاجىريبەدەن ءوتۋ كەزىندە ءوزى­نىڭ ءبىلىمى مەن بىلىكتىلىگىن دالەلدەگەن تۇلەكتەردى جۇمىسقا دا الادى. – بۇگىندە وقۋ باعدارلامالارى ءبىراز وزگەرىسكە ۇشىرادى, وقى­تۋ­شىلارعا دەگەن تالاپ تا كۇ­شەيتىلدى... – جاڭا جۇمىس تالاپتارىنا سايكەس وقىتۋشى ءرولى وزگەرگەن, ءبىلىمدى تاراتۋشى جانە تاسىمال­داۋشىنىڭ ورنىنا, ول جوعارى قۇزىرەتتىلىكتى كەڭەسشىگە, باعىت بەرۋشى ءارى ستۋدەنتتىڭ كومەكشىسىنە اينالعان. ال ستۋدەنتتەر وقۋ ۇدەرىسىنىڭ باستى تۇلعاسى بولىپ تابىلادى. ءبىلىم بەرۋ 42 شتاتتىق وقىتۋشىلار ارقىلى جۇرگىزىلەدى, ولاردىڭ 14-ءى جوعارى جانە ءبىرىنشى ساناتتى ماماندار. كوللەدجدە بىلىكتى جانە ءبىلىمدى مامانداردى دايىنداۋ جولىندا جىلدار بويى ەرىنبەي ەڭبەك ەتىپ جۇرگەن وقىتۋشىلار – ا.ۇستەنبەكوۆ, س.قۇندىزبەكوۆا, گ.ءتىل­داباەۆا, گ.ءمۇسىلىموۆا, ە.پەتكو, ل.ىبراە­ۆا, ا.دامەتوۆا, ن.ءجۇ­سىپوۆا, ۋ.ادىر­بەكوۆانى اتاپ وتكەن ءجون. ءبىلىمدى رەفورمالاۋ تالاپتارىنا سايكەس وقىتۋشىلاردىڭ بىلىكتىلىكتەرىن ارتتىرۋ ماسەلەسىنە كوپ كوڭىل بولىنەدى. وقىتۋشىلار استانا قالاسى ءبىلىم بەرۋ جۇيە­سىندەگى كادرلاردىڭ بىلىكتىلىگىن ارتتىرۋ كۋرستارىنان ۇدايى ءوتىپ تۇرادى. كوللەدج وقىتۋشىلارى فرانتسيانىڭ سەۆر قالاسىنداعى, رەسەي فەدەراتسياسىنىڭ ماسكەۋ جانە توم قالالارىنداعى, بە­لا­رۋس رەسپۋبليكاسىنىڭ مينسك قالاسىنداعى ورتالىقتاردا, سونىمەن قاتار, الەۋمەتتىك سەرىكتەستەردىڭ بازالارىندا بىلىكتىلىكتى ارتتىرۋ كۋرستارىنان ءوتتى. بيىلعى وقۋ جىلىندا «كاسىپقور» حولدينگ ۇاق ۇيىمداستىرعان بىلىكتىلىكتى ارتتىرۋ كۋرسىنا 12 وقىتۋشى قاتىستى. ونىڭ ىشىندە ەكى وقىتۋشى «كاسىپقور» حولدينگ ۇاق-تىڭ شتاتتان تىس جاتتىقتىرۋشىسى مارتەبەسىن الدى. – مىرزابەك تورەبەك ۇلى, كوللەدجدە «ەسەپتەۋ تەحنيكاسى جانە باعدارلامامەن قامتاماسىز ەتۋ» ماماندىعى بويىنشا «تەحنيكالىق جانە كاسىپتىك ءبىلىم­دى جاڭعىرتۋ» حالىقارالىق جوباسى قولعا الىنىپ جاتقان ەكەن. ەندى سول جايىندا ايتىپ بەرسەڭىز. – قازتۇتىنۋوداعىنىڭ ساۋ­دا-ەكونوميكالىق كوللەدجى «تەح­نيكالىق جانە كاسىپتىك ءبىلىمدى جاڭعىرتۋ» جوباسى بويىنشا 57 ميلليون تەڭگە كولەمىندە گرانت يەسى بولىپ تابىلادى. جوبا حالىق­ارالىق قايتا قۇرۋ جانە دامۋ بانكى ارقىلى قارجىلاندىرىلدى. حالىقارالىق قايتا قۇرۋ جانە دامۋ بانكى ۇسىنعان بۇل زايم مامانداردىڭ دايىندىق دەڭگەيىن جوعارىلاتۋعا, باسەكەگە قابىلەتتى تەحنيكالىق جانە كاسىپتىك ءبىلىم بەرۋ جۇيەسىن قۇرۋعا باعىتتالعان. جوبانىڭ نەگىزگى ماقساتى – تەحني­كالىق ماماندىق بويىنشا وقيتىن ستۋدەنتتەردى دايىنداۋ كەزىندە جاڭا ءبىلىم بەرۋ تەحنولوگيالارىن ەنگىزۋدى كوزدەيدى. جوبانىڭ نەگىزگى شارت­تا­رىنىڭ ءبىرى – مودۋلدىك وقىتۋ باع­­­دارلاماسىن ازىرلەۋ. ءازىر­لەنىپ جاتقان مودۋلدىك وقى­تۋ باع­دارلامالارى دايىندالاتىن ما­مانعا تەك «تەحنيك-باعدار­لاما­شى» بىلىكتىلىگىن بەرىپ قويماي, وعان قوسىم­شا «ەەم وپەراتورى» جانە «ەەم باپتاۋشىسى» بىلىكتىلىكتەرىن دە بەرۋگە باعىتتالعان. جوبامەن جۇمىس ىستەۋ ناتيجەسىندە كوللەدج وقىتۋشىلارى الەۋمەتتىك سەرىكتەستەرمەن بىرلەسىپ, «ەسەپتەۋ تەحنيكاسى جانە باعدارلامامەن قامتاماسىز ەتۋ» ماماندىعى بويىن­شا ينستيتۋتتىق دامۋ جوس­پارىن ازىرلەدى. ينستيتۋتتىق دامۋ جوسپارىندا ايماقتا ەڭبەك نارىعىنىڭ الەۋمەتتىك-ەكونوميكالىق قاجەت­تىلىكتەرى مەن تالاپتارىنا سايكەس ءىت مامان­دارىن دايىنداۋ بويىنشا ۇزدىك كوللەدج مارتەبەسىنە يە بولۋدىڭ ستراتەگيالىق ماقساتى ايقىندالعان. ونىڭ دامۋ باعىتتارى – الەۋمەتتىك سەرىكتەستىكتى, حالىق­ارالىق ىنتىماقتاستىقتى جانە كادرلىق الەۋمەتتى دامىتۋ. سونىمەن قاتار, كوللەدج يميد­جىن جاقسارتۋ, ءبىلىم بەرۋ ۇدەرىسىن جاڭعىرتۋ, ماتەريالدىق-تەحني­كالىق قوردى نىعايتۋ. گرانتقا بولىنگەن قارجى ءبىلىم جانە عىلىم مينيسترلىگى مەن حالىقارالىق قايتا قۇرۋ جانە دامۋ بانكىنىڭ كەلىسىمشارتى بويىن­شا زاماناۋي قۇرال-جابدىقتار مەن باعدارلامالىق ونىمدەر الۋعا, ينتەراكتيۆتى وقىتۋعا, كوللەدجدىڭ پەداگوگيكالىق قىزمەتكەرلەرىنىڭ بىلىكتىلىكتەرىن ارتتىرۋعا, وقۋ-ادىستەمەلىك ماتەريالدار مەن ەلەك­تروندى وقۋلىق قۇرالدارىن ازىرلەۋگە جانە باسقارۋ جۇيەسىن جەتىل­دىرۋگە باعىتتالادى. ساتىپ الىنعان زاماناۋي قۇرال-جاب­دىقتار 5 كومپتەرلىك سىنىپتا, 2 زەرتحانالىق جانە سەرۆەرلىك كابينەتتەردە ورناتىلعان. جوبا اياسىندا كوللەدجگە 79 مونوبلوك, 25 دەربەس كومپيۋتەر, 28 پلانشەتتىك كومپيۋتەر, 13 قىسقا فوكۋستى پروەكتور, 13 ينتەراكتيۆتى جانە كوپ فۋنكتسيالى ينتەراكتيۆتى, سون­داي-اق, ءپورتاتيۆتى ينتەراكتيۆتى تاقتالار, تەلەديدار جانە 3 WI-FI روۋتەر ساتىپ الىندى. بۇعان قوسا, باعدارلامالىق ونىمدەرگە دە قول جەتكىزدىك. – الداعى جىلدارى جۇزەگە اسىرىلۋى ءتيىس قانداي جوبا-جوسپارلارىڭىز بار؟ – وقۋ ۇدەرىسىن زاماناۋي تالاپ­تارعا جاۋاپ بەرەتىن دەڭگەيدە ۇستاپ تۇرۋ ءۇشىن, كوللەدجدىڭ ينجەنەرلىك-پەداگوگيكالىق قۇرامى زامان تالابىنا ساي بىلىكتىلىكتەرىن ارتتىرىپ وتىرۋى ءتيىس. وسىعان وراي, ۇزدىك قازاقستاندىق جانە حالىقارالىق تاجىريبە نەگىزىندە بىلىكتىلىكتى ارتتىرۋ جۇيەسىنىڭ ءتيىمدى مودەلىن ازىرلەۋ, كوللەدجدىڭ جۇمىس بەرۋشىلەرمەن ىنتىماقتاستىعىن نىعايتۋ, ءبىلىم بەرۋ قىزمەتىنىڭ ساپاسىن قامتاماسىز ەتۋ, وقۋ-ادىستەمەلىك قۇرالدارىن ازىرلەۋ جانە ەنگىزۋ, كوللەدجدىڭ ءيميدجىن جوعارىلاتۋ جانە تالاپكەرلەردىڭ سانىن كوبەيتۋ مىندەتى الدىمىزدا تۇر. اڭگىمەلەسكەن ءاليسۇلتان قۇلانباي, «ەگەمەن قازاقستان»