ساۋدياعا ساپار: قۇنى 60 ملرد تەڭگەدەن اساتىن كەلىسىمدەر جاسالدى

  قازاقستان پرەزيدەنتىنىڭ ساۋد ارابياسىنا جاساعان رەسمي ساپارى جوعارى دەڭگەيدە ءوتتى. بۇل ساپاردىڭ ەل ەكونوميكاسىنا, حالقىمىزدىڭ تۇرمىس-تىرشىلىگىن جاقسارتا تۇسۋگە سەپتىگىن تيگىزەرى ءسوزسىز.  ماسەلەن, ساپار اياسىندا ەنەرگەتيكا, تاۋ-كەن سالاسى, اۋىل شارۋاشىلىعى, ساۋدا-ساتتىققا قاتىستى جالپى قۇنى 60 ملرد تەڭگەدەن اساتىن 10 كەلىسىمگە قول قويىلدى. اتاپ ايتقاندا, ولاردىڭ اراسىندا وڭتۇستىك قازاقستان وبلىسىنداعى قۇس فابريكاسى, اقمولا وبلىسىنداعى ازىق-ت ۇلىك ءوندىرىسى جونىندەگى كەلىسىمدەر بار. سونىمەن قاتار, ەكى مەملەكەتتىڭ اراسىندا مىناداي ەكىجاقتى قۇجاتتارعا دا قول قويىلدى: - قازاقستان رەسپۋبليكاسى مەن ساۋد ارابياسى كورولدىگى اراسىنداعى سوتتالعان ادامداردى بەرۋ تۋرالى شارت; - قازاقستان رەسپۋبليكاسى مەن ساۋد ارابياسى كورولدىگى اراسىنداعى ۇستاپ بەرۋ  تۋرالى شارت; - قازاقستان رەسپۋبليكاسىنىڭ ۇكىمەتى مەن ساۋد ارابياسى كورولدىگىنىڭ ۇكىمەتى اراسىنداعى اتوم ەنەرگياسىن بەيبىت ماقساتتا پايدالانۋ سالاسىنداعى ىنتىماقتاستىق تۋرالى كەلىسىم; - قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەن ساۋد ارابياسى كورولدىگىنىڭ اۋىل شارۋاشىلىعى مينيسترلىگى اراسىنداعى اۋىل شارۋاشىلىعى سالاسىنداعى ىنتىماقتاستىق بويىنشا ءوزارا تۇسىنىستىك تۋرالى مەموراندۋم. جولدىباي بازار, «ەگەمەن قازاقستان».