قاسىم-جومارت توقاەۆتىڭ توراعالىق ەتۋىمەن وتكەن پارلامەنت سەناتىنىڭ بيۋرو وتىرىسىندا پالاتانىڭ 27 قازاندا بولاتىن كەزەكتى وتىرىسىنىڭ كۇن ءتارتىبى تالقىلاندى, دەپ حابارلادى پارلامەنت سەناتىنىڭ ءباسپاسوز قىزمەتى.
سەناتورلار «پاريج كەلىسىمىن راتيفيكاتسيالاۋ تۋرالى» جانە قازاقستان مەن رەسەي ۇكىمەتتەرىنىڭ اراسىنداعى قوسارلانعان سالىق سالۋدى بولدىرماۋ جانە تابىس پەن كاپيتالعا سالىق تولەۋدەن جالتارۋعا جول بەرمەۋ تۋرالى كونۆەنتسيا شەڭبەرىندە قازاقستان جانە رەسەيدىڭ ۋاكىلەتتى ورگاندارى بەرگەن رەزيدەنتتىكتى راستايتىن رەسمي قۇجاتتاردى تانۋ ءتارتىبى تۋرالى نوتالار الماسۋ نىسانىنداعى كەلىسىمدى راتيفيكاتسيالاۋ تۋرالى زاڭ جوبالارىن قارايدى.
سەنات بيۋروسى قارجى جانە بيۋدجەت كوميتەتىن «1995 جىلعى 23 جەلتوقسانداعى قازاقستان رەسپۋبليكاسى مەن رەسەي فەدەراتسياسى اراسىنداعى بايقوڭىر قالاسىنىڭ مارتەبەسى جانە ونداعى اتقارۋشى وكىمەت ورگاندارىن قۇرۋدىڭ ءتارتىبى مەن ولاردىڭ مارتەبەسى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى بويىنشا باس كوميتەت ەتىپ بەلگىلەدى.
بيۋرو مۇشەلەرى, سونداي-اق سەناتتىڭ 2016 جىلعا ارنالعان نەگىزگى ءىس-شارالارىنىڭ جوسپارىنا وزگەرىس پەن تولىقتىرۋلار ەنگىزدى.
پالاتا توراعاسى قاسىم-جومارت توقاەۆ وتكەن اپتادا جۇمىسپەن قامتۋعا ارنالعان دوڭگەلەك ۇستەلدىڭ جانە جول قوزعالىسى سالاسىن قۇقىقتىق رەتتەۋ تۋرالى پارلامەنتتىك تىڭداۋدىڭ جوعارى دەڭگەيىن اتاپ ءوتتى. توراعا تۇراقتى كوميتەتتەردىڭ باسشىلارىنا شارالاردىڭ قورىتىندىلارى بويىنشا قابىلدانعان ۇسىنىمداردى ءتيىستى مەملەكەتتىك ورگانداردىڭ ىسكە اسىرۋىن باقىلاۋدى تاپسىردى.
ق.توقاەۆ, سونداي-اق سەنات دەپۋتاتتارىنىڭ سوزدەرى مەن كوتەرگەن وزەكتى ماسەلەلەرىن بۇقارالىق اقپارات قۇرالدارىندا كەڭىنەن جاريا ەتۋ قاجەتتىگىن اتاپ كورسەتتى.
سوڭعى جاڭالىقتار
استانادا مەكتەپ اۋماعىندا جانجالداسقاندار جاۋاپكەرشىلىككە تارتىلدى
زاڭ مەن ءتارتىپ • كەشە
تاەكۆوندودان الەم چەمپيوناتى: قازاق قىزى توپ جاردى
سپورت • كەشە
قۇس ساڭعىرىعىنان «جاسىل» ەنەرگيا ءوندىرىلدى
شارۋاشىلىق • كەشە
الماتىدا تۇرعىن ءۇي ورتىنەن ءتورت ادام قۇتقارىلدى
وقيعا • كەشە
