جۇمىستار جوسپارعا سايكەس جۇرۋدە

«قازاقستان تەمىر جولى» ۇك» اق پرەزيدەنتى قانات الپىسباەۆ «قورعاس – شىعىس قاقپاسى» اەا-نىڭ «نۇرلى جول» مەملەكەتتىك باعدارلاماسى شەڭبەرىندە تۇرعىزىلىپ جاتقان نىساندارىندا بولدى, دەپ حابارلادى وسى اكتسيونەرلىك قوعامنىڭ ءباسپاسوز قىزمەتى. قازىرگى ۋاقىتتا «قۇرعاق پورتتىڭ», لوگيستيكالىق جانە يندۋستريالىق ايماقتىڭ ينفراقۇرىلىمدارىنىڭ بارلىق نىساندارى پايدالانۋعا بەرىلدى. «قۇرعاق پورت» ىسكە قوسىلعان ساتتەن بەرى 43 مىڭنان استام دفە كونتەينەرلەرى وڭدەۋدەن وتكىزىلدى. قۇرىلىسقا قاتىسۋشىلارمەن ءوت­كەن كەڭەستە بۇگىندە ەستافەتانىڭ قۇ­رى­لى­سشىلاردان باسقارۋشى كوم­پانياعا بەرىلگەنى اتاپ ءوتىلدى. «قورعاس-شىعىس قاقپاسى» اەا» بك» اق-تىڭ باس ديرەكتورىنىڭ لوگيستيكا بويىنشا ورىنباسارى ب.ۇدەربەكوۆ وسىعان بايلانىستى قازىرگى ۋاقىتتا اەا-عا الەۋەتتى قازاقستاندىق جانە شەتەلدىك قاتىسۋشىلارمەن بەلسەندى جۇمىس جۇرگىزىلىپ جاتقانىن حابارلادى. جىل اياعىنا دەيىن 4 نىساندى, سونىڭ ىشىندە اگروونەركاسىپتىك, يندۋستريالىق, كولىك-لوگيستيكالىق سەكتورداعى نىسانداردى جۇزەگە اسىرۋ باستالادى. ق.الپىسباەۆ مونيتورينگ ورتا­لى­عىندا بولىپ, وندا وعان ءبوپ-1-ءدىڭ اۆتوماتتاندىرىلعان جۇيەسىنىڭ, اۆتو­كولىكتىڭ اۋماق بويىنشا ناقتى رەجىمدە ءجۇرىپ ءوتۋىن باقىلاۋعا مۇمكىندىك بەرەتىن 3D ۆيرتۋالدى تۋرىنىڭ جۇمىستارىن كورسەتتى. جەلتوقساننىڭ باسىندا وسى جۇيەنى كەدەندىك, كارانتيندىك, شەكارا قىزمەتتەرى باعدارلامالارىمەن ءوزارا بايلانىستىرۋ جوسپارلانىپ وتىر. سونداي-اق, ق.الپىسباەۆ «قورعاس» شقحو ينفراقۇرىلىمدارى نى­سان­دا­رىنىڭ تاسقىنعا قارسى قاۋىپسىزدىگىن قامتاماسىز ەتۋ, قورعانىش عيماراتتارى قۇرىلىسى بويىنشا كەڭەس وتكىزدى. ىشكى ىستەر مينيسترلىگى توتەنشە جاعدايلار كوميتەتى «قازسەلدەنقورعاۋ» مم باسشىسىنىڭ ورىنباسارى ا.باباي­كين ق.الپىسباەۆقا قورعاس وزەنى­ن­دە­گى قورعانىش عيماراتتارىنىڭ, «قور­عاس» شقحو ۋچاسكەسىندەگى ارنا قا­لى­پ­- ­تاستىراتىن جانە قورعانىش ءبو­گەت­تەرىنىڭ   قۇرىلىسى تۋرالى مالىمدەدى. ينفراقۇرىلىمدىق نىسانداردى قورعاۋ ءۇشىن  كارىزدىك ارنا سالىنىپ, جاعالاۋلار نىعايتىلدى. نۇركەنت كەنتىندە ق.الپىسباەۆ التىنكول ستانساسى مەن اەا قىز­مەت­كەر­لەرى ءۇشىن سالىنىپ جاتقان تۇرعىن ءۇي قۇرىلىسى بارىسىمەن تانىستى. قازىرگى ۋاقىتتا كەنتتە ەكى مىڭنان استام ادام تۇرادى. مەكتەپ, بالاباقشا, امبۋلاتوريا سالىندى. ۇستىمىزدەگى جىلدىڭ قاراشاسىندا قۇرىلىسشىلار شاعىن وتباسىلىق ۇلگىدەگى ەكى جاتاقحانانى پايدالانۋعا بەرەدى. وسى جىلدىڭ سوڭىنا دەيىن تاعى دا 60 پاتەرلى ەكى ءۇيدىڭ قۇرىلىسىن اياقتاۋ جوسپارلانىپ وتىر.