جىل باسىنان بەرى رەسپۋبليكالىق بيۋدجەتتەن ترانسفەرت ەسەبىندە 69,1 ملرد. تەڭگە تۇسسە, سونىڭ 29,5 ملرد. تەڭگەسى - سۋبۆەنتسيالار. ەل قازىناسىنان بەرىلگەن ماقساتتى ترانسفەرتتەر 39,6 ملرد. تەڭگەنى قۇراسا, سونىڭ 35,5 ملرد. تەڭگەسى - اعىمداعى, 4,1 ملرد. تەڭگەسى - دامۋعا ارنالعان قارجىلار.
سالىقتىق تۇسىمدەردىڭ 80,2 پايىزىن (23,9 ملرد. تەڭگە) جەكە تابىس جانە الەۋمەتتىك سالىقتار قۇرايدى.
رەسپۋبليكالىق بيۋدجەتتەن زايىمدىق قارجى ەسەبىندە 3,9 ملرد. تەڭگە ءبولىنىپ, سونىڭ ىشىندە 900,4 ملن. تەڭگە «ديپلوممەن اۋىلعا» جوباسىنا سايكەس اۋىلعا بارعان مامانداردى قولداۋعا, 919,0 ملن. تەڭگە «جۇمىسپەن قامتۋدىڭ جول كارتاسى - 2020» باعدارلاماسى اياسىندا كاسىپكەرلىكتى دامىتۋعا, 1905,8 ملن. تەڭگە جىلۋ, سۋمەن قامتۋ جۇيەلەرىن قايتا قۇرۋ مەن سالۋعا, 152,1 ملن. مونوقالاداعى (اقساي) كاسىپكەرلىكتى ورىستەتۋگە باعىتتالدى. بۇدان باسقا تۇرعىن ءۇي قۇرىلىسىنا قارجى تارتۋ ءۇشىن 1,6 ملرد. تەڭگەگە مەملەكەتتىك باعالى قاعازدار (وبليگاتسيالار) شىعارىلدى.
وبلىستىق بيۋدجەتتىڭ شىعىس بولىگى 1 قازانعا 99,6 پايىزعا (97,1 ملرد. تەڭگە) ورىندالدى. سونىڭ ىشىندە دەنساۋلىق ساقتاۋ سالاسىنا 19,9 ملرد. تەڭگە جۇمسالدى, بۇل - جالپى شىعىستىڭ 20,5 پايىزى. وسى مەرزىمدە تۇرعىندارعا تەگىن مەديتسينالىق كومەكتىڭ كەپىلدەندىرىلگەن كولەمىندە 9,0 ملرد. تەڭگە جاردەم بەرىلدى. سول سەكىلدى تۋبەركۋلەز, جۇقپالى جانە پسيحيكالىق اۋرۋلارمەن ناۋقاستاناتىندارعا 3,0 ملرد. تەڭگە, ونكولوگيالىق اۋرۋلارعا 1,3 ملرد. تەڭگە كەتتى. دەنساۋلىق ساقتاۋ نىساندارىن سالۋ مەن قايتا قۇرۋعا 1,0 ملرد. تەڭگە قارالدى.
تۇرعىن ءۇي-كوممۋنالدىق شارۋاشىلىق سالاسىنا توعىز ايدا 9,7 ملرد. تەڭگە (10,0 پايىز) قاراستىرىلىپ, سونىڭ ىشىندە ەلدى مەكەندەردى گازداندىرۋعا 1,2 ملرد. تەڭگە بەرىلدى.
ءبىلىم بەرۋ سالاسىنا 8,8 ملرد. تەڭگە (9,1 پايىز) شىقسا, سونىڭ 4,0 ملرد. تەڭگەسى تەحنيكالىق جانە كاسىبي ءبىلىم بەرۋ, مەكتەپتەن كەيىنگى ءبىلىم بەرۋ ۇيىمدارىندا ماماندار دايارلاۋعا ءبولىندى.
كولىك جانە كوممۋنيكاتسيا سالاسىنا جىل باسىنان بەرى 6,0 ملرد. تەڭگە (6,2 پايىز) جۇمسالدى. وبلىستىق ماڭىزى بار جولداردى كۇردەلى جانە ورتا جوندەۋگە 5,1 ملرد. تەڭگە, اۆتوجولداردى كۇتىپ ۇستاۋعا 227,9 ملن. تەڭگە باعىتتالدى.
قوعامدىق ءتارتىپتى ساقتاۋ مەن قاۋىپسىزدىك سالاسىنا 4,1 ملرد. تەڭگە (4,2 پايىز) جۇمسالسا, سونىڭ ىشىندە ىشكى ىستەر ورگاندارىنىڭ نىساندارىن سالۋ مەن جوندەۋگە 1,0 ملرد. تەڭگە قارالدى.
الەۋمەتتىك كومەك جانە الەۋمەتتىك قامتاماسىز ەتۋ شارالارىنا 2,9 ملرد. تەڭگە (3,0 پايىز) بولىنسە, سونىڭ ىشىندە قارتتار مەن مۇگەدەكتەرگە ارنالعان مەديتسينالىق-الەۋمەتتىك مەكەمەلەرگە 543,7 ملن. تەڭگە كەتتى.
«وڭىردە باسقا دا سالالار مەن باعدارلامالار بويىنشا قاجەتتى قارجى ءبولىنىپ, ونىڭ ورىندالۋى ۇنەمى نازاردا ۇستالۋدا», - دەدى ايگۇل باقىتجانقىزى.
