سوڭعى 10-15 جىلدا قازاقستاننان 100 ملرد تەڭگە شىعارىلعان

سوڭعى 10-15 جىلدا قازاقستاننان شەتەلگە 100 ملرد تەڭگە شىعارىلعان. بۇل تۋرالى قر باس پروكۋرورىنىڭ ورىنباسارى اندرەي كراۆچەنكو ءمالىم ەتتى, دەپ xابارلايدى ەگەمەن-اقپارات  قازاقپاراتقا سىلتەمە جاساپ. «ءبىز ءىرى قىلمىستىق ىستەردى ساناپ شىقتىق. سوڭعى 10 جىلدا مۇنداي ىستەردىڭ 200-ءى بولىپتى. شەتەلگە قانشاما قاراجات شىعارىلعان. قازىر ءبىزدىڭ ەسەبىمىزشە, قىلمىستىق ىستەر بويىنشا, 100 ملرد. تەڭگە شىعارىلعان. ونىڭ 30% قازاقستانعا قايتارىلدى» - دەدى كراۆچەنكو شەتەلگە زاڭسىز شىعارىلعان قاراجات ماسەلەسىنە ارنالعان سەميناردا. ونىڭ ايتۋىنشا, بۇل سوما شامامەن 10-15 جىلدا شىعارىلعان قاراجاتتار. «قىلمىس بويىنشا ايىپتالىپ وتىرعان جانە وسى قاراجاتتاردى شىعارعان تۇلعالارعا قاتىستى قىلمىستىق قۋدالاۋ ءالى اياقتالماعاندىقتان, بۇل قارجى ەلگە ءالى قايتارىلادى دەپ سەنەمىز. ءبىز قازىر الەمنىڭ بارلىق مەملەكەتتەرىمەن بايلانىس ورناتتىق. بۇگىنگى شارا بۇل ءىستى ساپالى ءارى كاسىبي تۇردە اياعىنا دەيىن جەتكىزۋگە دەگەن ىنتا-جىگەرىمىزدى كورسەتىپ وتىر», - دەدى ول. باس پروكۋراتۋرادا اتاپ وتكەنىندەي, قازاقستان ەكستراديتسيالاۋ تۋرالى xالىقارالىق كەلىسىمدى ۆەنگريامەن, يسپانيامەن, يتاليامەن, رۋمىنيامەن, سەربيامەن جاساسقان. قىلمىستىق ءىس بويىنشا كەڭەس بەرۋ تۋرالى كەلىسىم ۇلىبريتانيا, موناكو جانە چەxيا ەلدەرىمەن بەكىتىلىپ وتىر. وسى باعىتتا ماكەدونيا, پورتۋگاليا, حورۆاتيا, يسلانديا, يرلانديا قۇزىرلى ورگاندارىمەن كەلىسسوزدەر جۇرگىزىلۋدە. «مەملەكەت باسشىسىنىڭ ءىس-ساپارى اياسىندا مۇنداي كەلىسىمدەردى ساۋد ارابياسى جانە يوردانيا مەملەكەتتەرىمەن جاساۋ جوسپارلانۋدا. سوڭعى 5 جىلدىڭ ىشىندە ءبىز 27 xالىقارالىق كەلىسىمگە قول قويدىق. سونىمەن قاتار 2 امەريكاارالىق كونۆەنتسيالارعا قوسىلدىق. جالپى ءبىز قىلمىستىق ىستەر بويىنشا, قىلمىسكەرلەردى بەرۋ, شەتەلدە تۇرمەگە قاماۋ جانە وزگە دە ماسەلەلەر باعىتىندا 50 كەلىسىمنەن تۇراتىن بازامىز بار», - دەپ اتاپ ءوتتى كراۆچەنكو.