«ءولىارا» قىسقامەتراجدى ءفيلمى پۋسان كينوفەستيۆالىندە ۇزدىك تانىلدى

قازاق رەجيسسەرى ەلزات ەسكەندىردىڭ ء"ولىارا" ("Off-season") ءفيلمى وڭتۇستىك كورەيانىڭ پۋسان قالاسىندا وتكەن ءداستۇرلى كينوفەستيۆالدە ۇزدىك قىسقامەتراجدى فيلم دەپ تانىلدى. Busan International Film Festival (BIFF) - ازيا كينويندۋسترياسىندا عانا ەمەس, الەمدە شوقتىعى بيىك كينوبايقاۋ. BIFF كينوفەستيۆالىندە ەلىمىزدىڭ جاس كينوگەرى ەلزات ەسكەندىردىڭ ء"ولىارا" ("Off-season") قىسقامەتراجدى ءفيلمى Sonje Award اتالىمىندا ۇزدىك كارتينا دەپ تانىلدى. سونداي-اق رەجيسسەر 10 مىڭ اقش دوللارى كولەمىندە اقشالاي سىياقى الدى. 21 جىلدىق تاريxى بار حالىقارالىق پۋسان كينوفەستيۆالىندە World Premiere-سى (الەمدىك پرەمەراسى) وتكەن ء"ولىارا" ءفيلمىنىڭ قويۋشى رەجيسسەرى ەلزات ەسكەندىر - تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى, يراكلي كۆيريكادزە شەبەرحاناسىندا ءتالىم العان جاس كينوگەر. ستسەناري اۆتورلارى - ەلزات ەسكەندىر جانە ءومىرجان ابدىحالىق ۇلى. باستى رولدەردە - بەلگىلى اكتەرلەر اسىلبولات سماعۇلوۆ, بايان قاجىنابيەۆا, دۋلىعا اقمولدا جانە بالانىڭ ءرولىن ماقسات ءابدىراحمان وينادى. ەلزات ەسكەندىردىڭ ماراپاتتالىپ جاتقان ءساتىن فەيسبۋك الەۋمەتتىك جەلىسىندە ياكۋتيالىق SREDA ستۋدياسىنىڭ قويۋشى وپەراتورى يۆان سەمەنوۆ قۇتتىقتاپ, وسى ءساتتى ماڭگى ەستە ساقتايتىنىن ايتتى.