تەاتر مەرەيتويىنا – ىزگى تىلەك

مەملەكەتتىك حاتشى گۇلشارا ابدىقالىقوۆا ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنا قۇتتىقتاۋ حات جولدادى, دەپ حابارلادى پرەزيدەنتتىڭ ءباسپاسوز قىزمەتى. وندا بىلاي دەلىنگەن: «قۇرمەتتى تەاتر ۇجىمى! سىزدەردى قازاق ساحنا ونەرىندە وزىندىك باي تاريحى قالىپتاسقان ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ قۇرىلعانىنا 70 جىل تولعان مەرەيتويىمەن شىن جۇرەكتەن قۇتتىقتايمىن! ەلىمىزدىڭ ىرگەلى رۋحاني ورتالىقتارىنىڭ ءبىرى رەتىندە جاسامپاز حالقىمىزدىڭ جانە جاس ۇرپاقتىڭ بويىنا ۇلتتىق قۇندى­لىق­تاردى ءسىڭىرىپ, تاريحي سانانى جاڭعىرتىپ, ونەردى ورگە سۇيرەپ كەلە جاتقان بۇل تەاتردىڭ وتاندىق مادەنيەتتىڭ ماۋە جايۋىنا قوسقان ۇلەسى قوماقتى دەپ بىلەمىن. ءوزىنىڭ 70 جىلدىق بەلەسىندە با­لالار مەن جاسوسپىرىمدەر تەاترى ءدارىپتى ءداستۇرىن قالىپتاستىرىپ, تالانتتى قالامگەرلەردىڭ كورنەك­تى شىعارمالارىن ساحنالاپ, جۇرت­شى­لىقتىڭ ىقىلاسى مەن قۇرمەتىنە بولەنگەن نەبىر ءدۇلدۇل دارىندار مەن دارابوز ساڭلاقتاردىڭ كيەلى شاڭىراعىنا اينالدى. ۇجىمدىق ونەر سانالاتىن تەاتردا بۇگىندە شىعارماشىلىق قۇ­رامنان باستاپ تەحنيكالىق قىز­مەت­كەرلەرگە دەيىنگى 200-دەن استام ادام ءبىر قولدىڭ سالاسىنداي بىرلە­سە قىزمەت ەتىپ, ۇلتتىق ساحنانى مازمۇندىق جاعىنان جاڭا جەتىس­تىك­تەرگە جەتەلەۋدە. الداعى ۋاقىتتا دا مارتە­بە­لەرىڭىز بيىك, مەرەيلەرىڭىز ۇستەم بولىپ, ەلباسىمىز نۇرسۇلتان ءابىش­ ۇلى نازارباەۆ بەلگىلەپ بەرگەن «ءماڭ­گىلىك ەل» جالپىۇلتتىق پاتريوتتىق يدەياسىنىڭ قۇندىلىعىن ساحنا ونەرى ارقىلى حالىقتىڭ ساناسىنا سىڭىرۋگە قولتاڭبالارىڭىزدى قالدىرا بەرەتىندەرىڭىزگە سەنىمدىمىن». مەملەكەتتىك حاتشى قۇتتىق­تاۋىنىڭ سوڭىندا بالالار مەن جاس­وسپىرىمدەر تەاترىن قازاق­ستان­نىڭ مادەني ومىرىندەگى جارقىن جاڭا­لىق, ەلەۋلى بەلەس – بۇگىنگى مەرەي­توي­لارىمەن قۇتتىقتاي وتىرىپ, ۇجىم مۇشەلەرىنە زور دەنساۋ­لىق, وتباسىلارىنا باقىت, شىعار­ماشىلىق تابىس تىلەيدى.