بۇۇ-نىڭ جاڭا باس حاتشىسى بەكىتىلدى

بۇۇ باس اسسامبلەياسى پورتۋگاليانىڭ بۇرىڭعى پرەمەر-ءمينيسترى انتونيۋ گۋتتەريشتى 2017 جىلدىڭ 1 قاڭتارىنان باستاپ اتالمىش ۇيىمنىڭ باس حاتشىسى لاۋازىمىنا بەكىتتى, دەپ حابارلايدى  Reuters اگەنتتىگىنە سىلتەمە جاساپ "ەگەمەن اقپارات". جاڭا باس حاتشى ەكىنشى مەرزىمگە قايتا ۇسىنىلۋ قۇقىعىمەن 5 جىلعا سايلاندى. بۇۇ باسشىسىن تاڭداۋ پروتسەسى شىلدە ايىنىڭ سوڭىندا باستالدى. اۋەلدە اتالمىش لاۋازىمعا 13 ادام باق تالاستىردى, ونىڭ جەتەۋى - ايەلدەر. جابىق تۇردەگى داۋىس بەرۋدىڭ بارلىعى 7 كەزەڭى ءوتتى. ولاردىڭ بارىسىندا گۋتتەريش جالعىز ۇمىتكەر بولىپ قالدى. 67 جاستاعى گۋتتەريش بۇل قىزمەتتە بىرىككەن ۇلتتار ۇيىمىن قاتارىنان ەكى مەرزىم باسقارىپ كەلگەن 72 جاستاعى پان گي مۋندى الماستىرادى. انتونيو گۋتتەريش 1949 جىلى ليسسابوندا دۇنيەگە كەلدى. ول پورتۋگاليا ۇكىمەتىن 1995-2002 جىلدار ارالىعىندا باسقاردى. 2005-2016 جىلدار كەزەڭىندە گۋتتەريش بۇۇ-نىڭ بوسقىندار جونىندەگى جوعارعى كوميسسارى قىزمەتىن اتقاردى.