استانانىڭ قالتا ۇرىلارى كوبىنە "كەرۋەن" مەن "حان شاتىردى" تورۋىلدايدى

«ەسىل» اۋدانىنىڭ پروكۋراتۋراسى ەلوردانىڭ سول جاعالاۋىنداعى ساۋدا, ويىن-ساۋىق ورتالىقتارىندا بيىلعى جىلدىڭ 8 ايىندا جاسالعان ۇرلىقتارعا ساراپتاما جاسادى, دەپ حابارلايدى ۆەدومستۆونىڭ ءباسپاسوز قىزمەتى. ايتا كەتەيىك, «ەسىل» اۋدانىنىڭ اۋماعىندا 5 ءىرى ساۋدا, ويىن-ساۋىق ورتالىعى ورنالاسقان. ولار: «حان شاتىر», «ازيا پارك», «كەرۋەن», «مەگا استانا», «سارىارقا». ادامدار وتە كوپ باراتىن مۇنداي ورىندار قىلمىستىق قوعامداستىق وكىلدەرى ءۇشىن وڭاي ولجا بولىپ تابىلادى. وسى 5 ورتالىقتا بيىلعى جىلدىڭ 8 ايىندا 320 قىلمىس جاسالعان (2015 جىلى - 411). ولاردىڭ اراسىندا «حان شاتىر» سوو-دا 137 (2015ج -147), ولاردىڭ 32-ءسى اياقتالعان. «مەگا» سسو -دا 52 ۇرلىق جاسالعان (2015 ج 71) ونىڭ 8-ءى اياقتالعان. «سارىارقا» - 24 ۇرلىق (2015ج -23) ونىڭ 3-ءۋى اياقتالعان, «ازيا پارك» - 37 ۇرلىق (2015ج - 34) ونىڭ 4-ءۋى اياقتالعان. «كەرۋەن» سوو-دا 70 ۇرلىق جاسالدى (2015 ج -109) ونىڭ 4-ءۋى اياقتالدى. تىزىمدە قالتا ۇرىلارى ەڭ كوپ جۇرەتىن ورىن - «حان شاتىر» مەن «كەرۋەن» ەكەندىگىن كورۋگە بولادى. ونىڭ سەبەبىن پروكۋراتۋرا وكىلدەرى ورتالىقتارعا ادامداردىڭ وتە كوپ كەلۋىمەن بايلانىستىرادى.