مىڭجىلدىق مەرەيتوي

الماتى مەن ءپاريجدى قاۋىشتىردى كۇنى كەشە 1000 جىلدىعىن اتاپ وتكەن الماتى شاھارى مەرەيتوي سالتاناتىن پاريجدە جالعاستىردى. ەل استاناسىندا وتكەن مەرەيتويلىق تۇساۋكەسەردە قازاقستاننىڭ فرانتسياداعى ەلشىسى نۇرلان دانەنوۆ, يۋنەسكو باس ديرەكتورىنىڭ ورىنباسارى گەتتاچۋ ەنگيدا جانە الماتى قالاسىنىڭ اكىمى باۋىرجان بايبەك ءسوز سويلەدى.  – وتكەن جىلى پاريجدە يۋنەسكو باس اسسامبلەيا­سىنا مۇشە 195 ەلدىڭ ءبىر­اۋىزدى شەشىمىمەن الما­تىنىڭ 1000 جىلدىعى حا­لىق­ارالىق مەرەيتوي ءتى­زىمىنە ەندى, – دەدى باۋىرجان بايبەك. – سول كەزدەن بەرى ءبىز ەلىمىزدە 200-دەن استام ءما­دەني شارا وتكىزدىك. پا­ريج­دەگى بۇل قاۋىشۋ – قازاق حالقىنىڭ مادەنيەتى مەن ۇلتتىق ءداستۇرلى جالعاسى دەپ ۇعىڭىزدار. ءوز كەزەگىندە ءسوز ال­عان يۋنەسكو باس ديرەك­تورىنىڭ ورىنباسارى گەت­تاچۋ ەنگيدا مىڭجىلدىق قالادان كەلگەن دەلەگاتسيا قۇرامىن شىن جۇرەكتەن قۇتتىقتاپ: – قازاقستان يۋنەسكو ۇيىمىنا مۇشە بولعان كەزەڭ­نەن باستاپ ارقاشاندا سترا­تەگيالىق سەرىكتەس بولىپ كەلەدى. بۇگىنگى سالتانات­تى شارا سول رۋحاني-مادەني ارىپتەستىك پەن تۇسىنىستىكتىڭ جەمىسى, دەدى. پاريج كوشەلەرىندە الماتى­نىڭ ايرىقشا اپور­تىنىڭ جۇپار ءيسى اڭقى­دى. جەزتاڭداي ءانشى­لەرى­مىز­دىڭ شىرقاي سالعان اندە­رى پاريج اسپانىندا شالقى­دى. سالتاناتقا قالا تۇرعىن­­دارىمەن بىرگە, يۋنەسكو ۇيى­مى­نا مۇشە ەلدەر­دىڭ وكىلدەرى, ەۋ­رو­پانى جاي­لاعان كۇللى قازاق قاۋىمى دياسپوراسى قاتىستى. تالعات ءسۇيىنباي, «ەگەمەن قازاقستان»