100 جاسقا دەيىن ورازا ۇستاعان قاريا

شىمكەنتتە جاسى 102-گە تولعان توتى يۋلداشەۆا اتتى كەيۋانا بار. وب­لىستا وزبەك تىلىندە شىعاتىن گازەت­تىڭ ءتىلشىسى نارگيزا ماۆلونوۆانىڭ باس­تاۋىمەن سالەم بەرە باردىق. ءبىر عاسىردى ارت­قا تاستاسا دا قاريا تىڭ. قۇلاعى اۋىر­لاۋ ەستىگەنىمەن اڭگىمەدەن قالا قويماپتى. بۇل كىسىلەردىڭ زامانىندا ەشكىمنىڭ شەكەسى قىزا قويماعان عوي. اكە-شەشەدەن جاستاي قالعان توتى قىز 16 جاسىندا وزىنەن ەكى جاس ۇلكەن قوشقاربەك اتتى جىگىتكە تۇرمىسقا شىعادى. قوشقاربەك كوكە 1981 جىلى 69 جاسقا قاراعان شاعىندا دۇنيەدەن ءوتىپتى. ەكەۋىنەن وربىگەن ءتورت پەرەزەنتتەن بۇگىندە 18 نەمەرە, 41 شوبەرە, 13 شوپشەك كورگەن. ءبارى ءدىن امان, قاريانىڭ كوز قۋانىشى. توتى انامىز جيىرما ەكى جاسىندا نامازعا جىعىلىپ, ءجۇز جاسقا كەلگەنگە دەيىن ورازا تۇتقان ەكەن. اۋرۋحاناعا جاتىپ ەم الىپ كورمەگەن كەيۋانا مۇنىڭ سىرىن ەڭبەكپەن بايلانىستىرادى. كولحوزدىڭ ءومىرى بىتپەيتىن قارا شارۋاسىنا زەينەت جاسىنا دەيىن ارالاسقان. ۇنەمى جاياۋ جۇرەدى ەكەن. بۇگىندە عالىمدار جاياۋ ءجۇرۋ مەن سۋعا ءجۇزۋدىڭ ادام دەنساۋلىعىنا قانشا­لىق­تى پايدالىلىعىن اۋىز تولتىرا ايتىپ ءجۇر. سونىڭ راستىعىن وسى ۋاقىتقا دەيىن توسەك تارتىپ جاتىپ قالۋ بىلاي تۇرسىن, اۋرۋحاناعا جاتپاعان, ءدارى-دارمەك ىشپەگەن, قۇدايعا قۇلشىلىق قىلىپ, نامازىن قازا ەتپەگەن توتى اپاي­دىڭ ونەگەلى ومىرىنەن كورەسىز. – «ەڭبەكتىڭ نانى ءتاتتى, جالقاۋدىڭ جانى ءتاتتى». ءبىز وسى قاعيدامەن ءومىر ءسۇر­دىك, – دەيدى قاريا. – بارعا قاناعات ەت­تىك. قانداي اۋىر جۇمىس بولسا دا قاش­پا­دىق. بۇگىنگى ساۋ-سالامات جۇرگەنىمىز سول ەڭبەكتىڭ ارقاسى. ءبىز بۇرىن ەسەبى جوق كولحوز, سوۆحوز جۇمىسىن جاساساق, بۇگىندە جەكە شارۋاعا ۇكىمەت ۇلكەن مۇمكىندىك بەرىپ وتىر. قانداي شارۋا­مەن اينالىسام دەسەڭ دە جاردەم بولادى. ەلىڭنىڭ, بالا-شاعاڭنىڭ اماندىعى­نان, وتانىڭنىڭ ىرگەسى بۇتىندىگىنەن ارتىق باقىت جوق. اق تىلەۋلى قاريانىڭ ايتارى وسى. عاسىردان ۇزاق جاساعان كەيۋانا جاسىندا تارتقان بەينەتىنىڭ قازىر زەينەتىن كورىپ وتىر. باقتيار تايجان, «ەگەمەن قازاقستان» وڭتۇستىك قازاقستان وبلىسى