قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №85

  2016 جىلعى 3 اقپان, استانا قالاسى قازاقستان رەسپۋبليكاسىندا العاشقى مەديتسينالىق-سانيتاريالىق كومەك كورسەتۋدى ۇيىمداستىرۋ ستاندارتىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 6) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىندا العاشقى مەديتسينالىق-سانيتاريالىق كومەك كورسەتۋدى ۇيىمداستىرۋ ستاندارتى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدىك ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنىنىڭ ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت. دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2016 جىلعى 3 اقپانداعى №85 بۇيرىعىمەن بەكىتىلگەن قازاقستان رەسپۋبليكاسىندا العاشقى مەديتسينالىق-سانيتاريالىق كومەك كورسەتۋدى ۇيىمداستىرۋ ستاندارتى 1. جالپى ەرەجەلەر 1. قازاقستان رەسپۋبليكاسىندا العاشقى مەديتسينالىق-سانيتاريالىق كومەك كورسەتۋدى ۇيىمداستىرۋ ستاندارتى (بۇدان ءارى – ستاندارت) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 6) تارماقشاسىنا (بۇدان ءارى – كودەكس) سايكەس ازىرلەندى. 2. وسى ستاندارت حالىققا العاشقى مەديتسينالىق-سانيتاريالىق كومەك كورسەتۋدى ۇيىمداستىرۋعا قويىلاتىن تالاپتاردى بەلگىلەيدى. 3. العاشقى مەديتسينالىق-سانيتاريالىق كومەك كورسەتەتىن ۇيىمداردىڭ شتاتتارى قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 7 ساۋىردەگى № 238 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6173 بولىپ تىركەلگەن) بەكىتىلگەن شتات نورماتيۆتەرىنە سايكەس بەلگىلەنەدى. 4. وسى ستاندارتتا مىناداي تەرميندەر مەن انىقتامالار پايدالانىلادى: 1) العاشقى مەديتسينالىق-سانيتاريالىق كومەك (بۇدان ءارى – مساك) – ادام, وتباسى جانە قوعام دەڭگەيىندە كورسەتىلەتىن, قولجەتىمدى مەديتسينالىق قىزمەتتەر كورسەتۋ كەشەنىن قامتيتىن, تاۋلىك بويى مەديتسينالىق باقىلاۋى بولمايتىن, دارىگەرگە دەيىنگى نەمەسە بىلىكتى مەديتسينالىق كومەك; 2) دارىگەرگە دەيىنگى مەديتسينالىق كومەك – اۋرۋلاردىڭ پروفيلاكتيكاسى ماقساتىندا, سونداي-اق دياگنوستيكا, ەمدەۋ مەن مەديتسينالىق وڭالتۋ ادىستەرىن دارىگەردىڭ قاتىسۋىمەن پايدالانۋدى تالاپ ەتپەيتىن اۋرۋلار كەزىندە ورتا مەديتسينالىق ءبىلىمى بار مەديتسينا قىزمەتكەرلەرى كورسەتەتىن مەديتسينالىق كومەك; 3) مامانداندىرىلعان مەديتسينالىق كومەك – دياگنوستيكانىڭ, ەمدەۋدىڭ جانە مەديتسينالىق وڭالتۋدىڭ ارنايى ادىستەرىن تالاپ ەتەتىن اۋرۋلار كەزىندە بەيىندى ماماندار كورسەتەتىن, ونىڭ ىشىندە تەلەمەديتسينا قۇرالدارىن پايدالانا وتىرىپ كورسەتەتىن مەديتسينالىق كومەك; 4) تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى – تمككك) – قازاقستان رەسپۋبليكاسىنىڭ ازاماتتارىنا جانە ورالماندارعا كورسەتىلەتىن مەديتسينالىق قىزمەتتەر كورسەتۋدىڭ قازاقستان رەسپۋبليكاسىنىڭ ۇكىمەتى ايقىندايتىن تىزبەسى بويىنشا بىرىڭعاي مەديتسينالىق كومەكتىڭ كولەمى. 5. مەديتسينالىق قىزمەتتەردىڭ ەڭ تومەنگى كولەمدەرى مەن فۋنكتسيالارى قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 5 قاڭتارداعى № 7 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №6774 بولىپ تىركەلگەن) بەكىتىلگەن امبۋلاتوريالىق-ەمحانالىق كومەك كورسەتەتىن مەديتسينالىق ۇيىمداردىڭ قىزمەتى تۋرالى ەرەجەدە ايقىندالعان. 2. قازاقستان رەسپۋبليكاسىندا العاشقى مەديتسينالىق-سانيتاريالىق كومەك كورسەتۋدى ۇيىمداستىرۋ 6. مساك پاتسيەنتتەرگە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 ساۋىردەگى № 281 بۇيرىعىمەن بەكىتىلگەن العاشقى مەديتسينالىق-سانيتاريالىق كومەك كورسەتۋ قاعيدالارىن جانە ازاماتتاردى العاشقى مەديتسينالىق-سانيتاريالىق كومەك ۇيىمدارىنا بەكىتۋ قاعيدالارىنا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11268 بولىپ تىركەلگەن) كورسەتىلەدى. 7. قازاقستان رەسپۋبليكاسىندا مساك قازاقستان رەسپۋبليكاسى ۇكىمەتىنىڭ 2009 جىلعى 15 جەلتوقسانداعى № 2136 قاۋلىسىمەن بەكىتىلگەن تمككك شەڭبەرىندە كورسەتىلەدى. 8. مساك مىنالاردى: 1) نەعۇرلىم كەڭ تارالعان اۋرۋلاردى, سونداي-اق جاراقاتتانۋلاردى, ۋلانۋلاردى جانە باسقا دا كەيىنگە قالدىرۋعا بولمايتىن جاي-كۇيلەردى دياگنوستيكالاۋ مەن ەمدەۋدى; 2) ينفەكتسيالىق اۋرۋلار وشاقتارىندا سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق iس-شارالاردى; 3) حالىقتى گيگيەنالىق وقىتۋدى, وتباسىن, انانى, اكەنى جانە بالانى قورعاۋدى; 4) حالىقتى قاۋىپسىز سۋمەن جابدىقتاۋ جانە ونىڭ كەنەۋلى تاماقتانۋى جونىندەگى ءتۇسىندىرۋ جۇمىستارىن قامتيتيدى. 9. مساك: 1) بەكىتۋ فاكتىسىنە قاراماستان شۇعىل جانە كەزەك كۇتتىرمەيتىن مەديتسينالىق كومەك كورسەتكەن جاعدايدا; 2) جوسپارلى تۇردە – بەكىتىلۋى, الدىن الا جازىلۋى نەمەسە جۇگىنۋى بويىنشا كورسەتىلەدى. 10. العاشقى مەديتسينالىق-سانيتاريالىق كومەكتى ۋچاسكەلىك تەراپەۆتەر, پەدياترلار, جالپى پراكتيكا دارىگەر­لەرى, فەلدشەرلەر, اكۋشەرلەر, دەنساۋلىق ساقتاۋ سالاسىنداعى الەۋمەتتىك قىزمەتكەرلەر جانە مەيىگەرلەر كورسەتەدى. 11. مساك ماماندارىنىڭ فۋنكتسيونالدىق مىندەتتەرى № 7 بۇيرىققا سايكەس جۇزەگە اسىرىلادى. 12. تمككك شەڭبەرىندە مەديتسينالىق كومەكتى قامتاماسىز ەتەتىن مساك كورسەتەتىن مەديتسينا ۇيىمىنىڭ جۇمىس رەجىمى, دەمالىس جانە مەرەكەلىك كۇندەرى مساك كەزەكشى دارىگەرلەرىنىڭ جۇمىسىن قامتاماسىز ەتۋ ارقىلى بارلىق ماماندار جانە قۇرىلىمدىق بولىمشەلەر ءۇشىن جىلجىمالى كەستە بويىنشا ساعات 08.00.-دەن ساعات 20.00.-گە دەيىن بەلگىلەنەدى. 13. مساك ماماندارىنىڭ ءىس-قيمىل الگوريتمى وسى ستاندارتقا قوسىمشاعا سايكەس جۇزەگە اسىرىلادى. 14. مساك ۇيىمىنا العاشقى جۇگىنگەن كەزدە مساك ۇيىمىنىڭ تىركەۋ ورنىندا باستاپقى مەديتسينالىق ەسەپ قۇجاتتارى بولىپ تابىلاتىن امبۋلاتوريالىق ناۋقاستىڭ مەديتسينالىق كارتاسى نەمەسە بالانىڭ دامۋ سىرقاتناماسى رەسىمدەلەدى. 15. مساك ۇيىمدارىندا پايدالاناتىن باستاپقى مەديتسينالىق ەسەپكە الۋ قۇجاتتاماسى «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىنا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن) (بۇدان ءارى - № 907 بۇيرىق) جۇرگىزىلەدى. 16. پاتسيەنتتەرگە كونسۋلتاتسيالىق-دياگنوستيكالىق كومەك قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2015 جىلعى 28 شىلدەدەگى № 626 بۇيرىعىمەن بەكىتىلگەن كونسۋلتاتسيالىق-دياگنوستيكالىق كومەك كورسەتۋ قاعيدالارىنا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11958 بولىپ تىركەلگەن) جۇزەگە اسىرىلادى. 17. شاقىرتۋلاردى قابىلداۋ مساك ۇيىمى جۇمىسىنىڭ اياقتالۋىنا 2 ساعات قالعاندا اياقتالادى. 18. ۇيگە شاقىرتۋلارعا قىزمەت كورسەتۋ ءۇشىن مىنالار كورسەتىلىمدەر بولىپ تابىلادى: 1) پاتسيەنتكە ءوز بەتىنشە مساك ۇيىمدارىنا بارۋعا مۇمكىندىك بەرمەيتىن ءجىتى اۋىرسىنۋ جاعدايلارى: دەنە قىزۋىنىڭ 38 گرادۋس س-دەن اسۋى; جاي-كۇيىنىڭ ايقىن بۇزىلۋى بار ارتەريالىق قىسىمنىڭ كوتەرىلۋى; قايتا-قايتا ءىشتىڭ ءوتۋى; ءجۇرۋدى تەجەيتىن ومىرتقانىڭ جانە اياق بۋىندارىنىڭ قاتتى اۋىرسىنۋلارى; باستىڭ اينالۋى, جۇرەكتىڭ قاتتى اينۋى, قۇسۋ; 2) پاتسيەنتتىڭ ءوز بەتىنشە ەمحاناعا بارۋىنا مۇمكىندىك بەرمەيتىن سوزىلمالى اۋىرسىنۋ جاعدايلارى (ونكولوگيالىق اۋرۋلاردىڭ اۋىر اعىمى, ء(ى - II توپتاعى) مۇگەدەكتىك, سال اۋرۋى, اياق-قولداردىڭ شالا سالدانۋى); 3) اينالاسىنداعىلارعا قاۋىپ توندىرەتىن ءجىتى ينفەكتسيالىق اۋرۋلار; 4) پاتسيەنتتىڭ تاسىمالدانباۋى; 5) مساك ۇيىمدارىنىڭ جۇمىس ۋاقىتىندا جەدەل مەديتسينالىق جاردەم ستانتسياسىنان بەرىلگەن شاقىرتۋلارعا قىزمەت كورسەتۋ. 19. مساك ۇيىمدارىنىڭ مەديتسينا قىزمەتكەرىنىڭ پاتسيەنتتىڭ ۇيىنە, ونىڭ ىشىندە اۋلا (پاتەر) ارالاۋ ارقىلى بەلسەندى بارۋى: 1) ءجىتى اۋرۋلار, سوزىلمالى اۋرۋلاردىڭ اسقىنۋى كەزىندە ونىڭ جاعدايىن, اۋرۋ اعىمىن قاداعالاۋ جانە قاجەتتى زەرتتەپ-قاراۋلاردى جانە (نەمەسە) ەمدەۋدى ۋاقىتىلى تاعايىنداۋ (تۇزەتۋ) ماقساتىندا; 2) ينفەكتسيالىق اۋرۋ ىندەتىنىڭ پايدا بولۋ قاۋپى ورىن العاندا نەمەسە ينفەكتسيالىق اۋرۋمەن اۋىراتىن ناۋقاستار ايقىندالعان جاعدايدا حالىقتىڭ جەكە توبىنىڭ, ولارمەن بايلانىس جاساعان نەمەسە ينفەكتسيالىق اۋرۋدى جۇقتىرۋ كۇدىگى بار ادامداردىڭ پاتروناجى كەزىندە جۇزەگە اسىرىلادى. 20. قازاقستان رەسپۋبليكاسىنىڭ حالقىنا مساك كولەمىندە ۇسىنىلاتىن مەديتسينالىق كومەكتىڭ ساپاسىن باقىلاۋ «مەديتسينالىق قىزمەتتەر كورسەتۋ ساپاسىنا ىشكى جانە سىرتقى ساراپتامالاردى ۇيىمداستىرۋ مەن جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 27 ناۋرىزداعى №173 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №10880 بولىپ تىركەلگەن) نەگىزگى ينديكاتورلارعا مونيتورينگ جۇرگىزۋ ارقىلى جۇزەگە اسىرىلادى. قازاقستان رەسپۋبليكاسىندا العاشقى مەديتسينالىق-سانيتاريالىق كومەك كورسەتۋدى ۇيىمداستىرۋ ستاندارتىنا قوسىمشا العاشقى مەديتسينالىق-سانيتاريالىق كومەك ماماندارىنىڭ ءىس-قيمىل الگوريتمى 1. پاتسيەنتتى قابىلداۋ جۇرگىزگەن كەزدە جالپى پراكتيكا دارىگەرى, ۋچاسكەلىك تەراپەۆت, پەدياتر مىناداي ءىس-قيمىلداردى جۇزەگە اسىرادى: 1) پاتسيەنتپەن ىزگى نيەتپەن امانداسادى; 2) پاتسيەنتپەن سەنىمدى قارىم-قاتىناس ورناتادى. پاتسيەنتتى سايكەستەندىرەدى; 3) پاتسيەنتتى تىكەلەي ءاربىر قابىلداۋ مەن تەكسەرىپ-قاراۋ الدىندا قولىن جۋادى, قاجەت بولسا ماسكا كيەدى; 4) شاعىمداردى جيناقتاۋدى جۇرگىزەدى; 5) انامنەزدى جيناقتايدى; 6) پاتسيەنتتى وبەكتيۆتى تەكسەرىپ-قاراۋدى جۇرگىزەدى; 7) ءاربىر تەكسەرۋدەن كەيىن قولىن جۋادى; 8) الدىن الا دياگنوز قويادى; 9) سوڭعى دياگنوز قويۋ ءۇشىن اۋرۋدى دياگنوستيكالاۋ مەن ەمدەۋ حاتتاماسىنا سايكەس قاجەتتى شارالاردى انىقتاپ, زەرتتەپ-تەكسەرىلۋگە جولداما بەرەدى; 10) دياگنوستيكالاۋ مەن ەمدەۋ حاتتاماسىنا سايكەس ەم تاعايىندايدى, كورسەتىلىمدەرى بويىنشا شۇعىل ستاتسيونارعا جىبەرەدى (جەدەل مەديتسينالىق جاردەم بريگاداسىن «وزىنە» شاقىرادى, ەمدەۋگە جاتقىزۋ ءۇشىن ونىڭ كەلگەنىن كۇتەدى), ۇيدەگى ستاتسيوناردى ۇيىمداستىرادى, زەرتتەپ-تەكسەرۋدىڭ قاجەتتى كولەمىن جۇرگىزگەننەن كەيىن پاتسيەنتتى كۇندىزگى ستاتسيونارعا نەمەسە تاۋلىك بويعى ستاتسيونارعا جىبەرۋدى جوسپارلايدى, كورسەتىلىمدەرى بويىنشا پسيحولوگتىڭ, الەۋمەتتىك قىزمەتكەردىڭ كونسۋلتاتسياسىنا جىبەرەدى; 11) پروفيلاكتيكالىق ۇسىنىمدار بەرەدى (پروفيلاكتيكالىق تەكسەرىپ-قاراۋ, پروفيلاكتيكالىق ەكپەلەر, سالاۋاتتى ءومىر سالتىن ساقتاۋ, وتباسىن جوسپارلاۋ, كونتراتسەپتسيا); 12) قاجەت بولعان جاعدايدا ديسپانسەرلىك ەسەپكە الادى, دياگنوزعا سايكەس كەيىننەن ديسپانسەرلىك باقىلايدى; 13) پاتسيەنتتى ديسپانسەرلىك باقىلاۋدى رەسىمدەيدى; 14) «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىندا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن) (بۇدان ءارى – № 907 بۇيرىق) بەكىتىلگەن № 025/ە نىسانى بويىنشا امبۋلاتوريالىق پاتسيەنتتىڭ مەديتسينالىق كارتاسىنا تەكسەرىپ-قاراۋ جازباسىن تۇسىرەدى; 15) سىپايى قوشتاسادى. 2. پاتسيەنتتى ۇيدە تەكسەرىپ-قاراۋ (ۇيگە شاقىرتۋ) كەزىندەگى جالپى پراكتيكا دارىگەرى, ۋچاسكەلىك تەراپەۆت, پەدياتر مىناداي ءىس-قيمىلداردى جۇزەگە اسىرادى: 1) پاتسيەنتپەن ىزگى نيەتپەن امانداسادى; 2) پاتسيەنتپەن سەنىمدى قارىم-قاتىناس ورناتادى. پاتسيەنتتى سايكەستەندىرەدى; 3) پاتسيەنتتى تىكەلەي ءاربىر قابىلداۋ مەن تەكسەرىپ-قاراۋ الدىندا قولىن جۋادى, قاجەت بولسا ماسكا كيەدى; 4) شاعىمداردى جيناقتاۋدى جۇرگىزەدى; 5) انامنەزدى جينايدى ء(ومىر ءسۇرۋ انامنەزى, اۋرۋدىڭ انامنەزى, ينفەكتسيالىق اۋرۋلار كەزىندە – ەپيدەمولوگيالىق انامنەز, تۇقىم قۋالاۋشىلىق, اللەرگولوگيالىق انامنەز, ايەلدەردىڭ گينەكولوگيالىق انامنەزى); 6) جالپى جاي-كۇيدى باعالايدى, پاتسيەنتتىڭ حال-جاعدايىن انىقتايدى; 7) پاتسيەنتتى وبەكتيۆتى تەكسەرىپ-قاراۋدى جۇرگىزەدى; 8) ءاربىر تەكسەرۋدەن كەيىن قولىن جۋادى; 9) الدىن الا دياگنوز قويادى; 10) سوڭعى دياگنوز قويۋ ءۇشىن اۋرۋدى دياگنوستيكالاۋ مەن ەمدەۋ حاتتاماسىنا سايكەس قاجەتتى زەرتتەپ-تەكسەرۋ ادىستەرىن انىقتايدى, كورسەتىلىمدەر بويىنشا مامانداردىڭ كونسۋلتاتسياسىنا جىبەرەدى; 11) دياگنوستيكالاۋ مەن ەمدەۋ حاتتاماسىنا سايكەس ەم تاعايىندايدى, كورسەتىلىمدەر بويىنشا شۇعىل ستاتسيونارعا جىبەرەدى (جەدەل مەديتسينالىق جاردەم بريگاداسىن «وزىنە» شاقىرادى, ەمدەۋگە جاتقىزۋ ءۇشىن ونىڭ كەلگەنىن كۇتەدى), ۇيدەگى ستاتسيوناردى ۇيىمداستىرادى, زەرتتەپ-تەكسەرۋدىڭ قاجەتتى كولەمىن جۇرگىزگەننەن كەيىن ەمدەۋگە جاتقىزۋ بيۋروسى پورتالى ارقىلى پاتسيەنتتى كۇندىزگى ستاتسيونارعا نەمەسە تاۋلىك بويعى ستاتسيونارعا جىبەرۋدى جوسپارلايدى, كورسەتىلىمدەرى بويىنشا پسيحولوگتىڭ, الەۋمەتتىك قىزمەتكەردىڭ كونسۋلتاتسياسىنا جىبەرەدى; 12) ۇسىنىمدار, سونىڭ ىشىندە پروفيلاكتيكالىق ۇسىنىمدار بەرەدى (سالاۋاتتى ءومىر سالتىن ساقتاۋ, دۇرىس تاماقتانۋ, ەڭبەك جانە دەمالىس رەجىمىن ساقتاۋ, تاسىمالدانبايتىن ناۋقاستاردىڭ ۇزاق جاتۋىنان بولاتىن ويىلۋ­لارىنىڭ پروفيلاكتيكاسى), قاجەت بولعان جاعدايدا ەڭبەككە ۋاقىتشا جارامسىزدىقتى ساراپتاۋ ماسەلەلەرىن شەشەدى; 13) №907 بۇيرىقپەن بەكىتىلگەن (№ 025/ە نىسانى) امبۋلاتوريالىق پاتسيەنتتىڭ مەديتسينالىق كارتاسىنا تەكسەرىپ-قاراۋ جازباسىن تۇسىرەدى, پاتسيەنتتى قاراۋ ءتاسىلىن انىقتايدى; 14) سىپايى قوشتاسادى. 3. مەيىرگەر دارىگەرمەن قابىلداۋدا مىناداي ءىس-قيمىلداردى جۇزەگە اسىرادى: 1) قابىلداۋ باستالعانعا دەيىن 30 مينۋت قالعاندا قابىلداۋعا كەلەدى; 2) دارىگەردىڭ قابىلداۋىنا دەيىن كابينەتتى جۇمىسقا دايىندايدى; 3) ۋچاستكەلىك تەراپەۆت پەن جالپى پراكتيكا دارىگەرىنىڭ قابىلداۋ كابينەتىن دايىندايدى; 4) پاتسيەنتپەن ىزگى نيەتپەن امانداسادى; 5) پاتسيەنتپەن سەنىمدى قارىم-قاتىناس ورناتادى; 6) پاتسيەنتتى تىكەلەي ءاربىر قابىلداۋ جانە تەكسەرىپ-قاراۋ الدىندا قولىن جۋادى, قاجەت بولسا ماسكا كيەدى; 7) دەنساۋلىق جاعدايى بويىنشا پاتسيەنتتەردى سارالايدى: پاتسيەنتتەردىڭ جاي-كۇيىن باعالايدى, كورسەتىلىمدەر بويىنشا كەزەكتەن تىس دارىگەرگە جىبەرەدى; 8) ءاربىر تەكسەرۋدەن كەيىن قولىن جۋادى; 9) پاتسيەنتتەردىڭ جەكە باس كۋالىگىندەگى مالىمەتتەردى بەكىتىلگەن حالىق تىركەلىمىندەگىلەرمەن (بۇدان ءارى – بحت) سالىستىرادى. ەمحانانىڭ قىزمەت كورسەتۋ اۋماعىنداعى مەكەنجايدا تۇراتىن پاتسيەنت بحت بويىنشا تىركەلمەگەن بولسا, ولارعا دا/ودو-عا, ەمحاناعا تىركەلۋ ەرەجەسىن تۇسىندىرەدى; 10) پاتسيەنتتىڭ مالىمەتتەرىن ۋچاسكەنىڭ پاسپورتى بويىنشا سالىستىرادى; 11) پاتسيەنتتى امبۋلاتوريالىق ناۋقاستاردى تىركەۋ جۋرنالىنا جازادى; 12) قاجەتتىلىگىنە قاراي مەديتسينالىق قىزمەتتەردى ورىنداۋعا ارنالعان اقپاراتتى ەرىكتى كەلىسىمەن پاتسيەنتتى تانىستىرادى جانە 2 داناسىن تولتىرۋعا بەرەدى, ءبىر داناسىن پاتسيەنتتىڭ امبۋلاتوريالىق كارتاسىنا جاپسىرادى, ەكىنشى داناسىن پاتسيەنتتىڭ قولىنا بەرەدى; 13) جالپى جاي-كۇيدى باعالايدى, پاتسيەنتتىڭ حال-جاعدايىن انىقتايدى; 14) پاتسيەنتتى قارايتىن بولمەگە, دارىگەرگە دەيىنگى كابينەتكە, فليۋوروگرافيالىق زەرتتەۋگە, سكرينينگ كابينەتىنە جىبەرەدى; 15) پروفيلاكتيكالىق ۇسىنىمدار بەرەدى (پروفيلاكتيكالىق تەكسەرىپ-قاراۋ, پروفيلاكتيكالىق ەكپەلەر, سالاۋاتتى ءومىر سالتىن ساقتاۋ, وتباسىن جوسپارلاۋ, كونتراتسەپتسيا, دەنساۋلىق مەكتەپتەرىنە, پسيحولوگقا بارۋ); 16) كورسەتىلىمدەر بويىنشا بەيىندى مامانداردىڭ تەكسەرىپ-قاراۋلارىنا جىبەرەدى; 17) دارىگەردىڭ تاعايىنداۋلارى بويىنشا دياگنوستيكالىق زەرتتەپ-تەكسەرۋگە پاتسيەنتكە جولداما جازىپ بەرەدى, دارىگەردىڭ تاعايىنداۋى بويىنشا امبۋلاتوريالىق-ەمحانالىق كومەك كورسەتۋ باعدارلاماسى ارقىلى ىشكى جانە سىرتقى مامانداردىڭ كونسۋلتاتسياسىنا جولداما بەرەدى; 18) پاتسيەنتكە دياگنوستيكالىق راسىمدەر جۇرگىزۋگە دايىندالۋ جونىندەگى ەرەجەلەر مەن تالاپتاردى تۇسىندىرەدى; 19) ستاتيستيكالىق تالونداردى تولتىرادى جانە ولاردى ستاتيستيكالىق كابينەتكە اپارادى; 20) العاش رەت ديسپانسەرلىك ەسەپكە الىنعان پاتسيەنتتى رەسىمدەگەن كەزدە № 907 بۇيرىقپەن بەكىتىلگەن ديسپانسەرلىك قاداعالاۋدىڭ باقىلاۋ كارتاسىن (№ 030/ە نىسانى) تولتىرادى; 21) دارىگەردىڭ تاعايىنداۋلارىن قالاي دۇرىس ورىنداۋ كەرەكتىگىن پاتسيەنتكە تۇسىندىرەدى; 22) ايەلدەردىڭ ءسۇت بەزدەرىن تەكسەرەدى, ءسۇتتىڭ شىعۋىن باعالايدى;. 23) ديناميكالىق باقىلاۋ توبىنا سايكەس فەرتيلدىك جاستاعى ايەلدەردىڭ (بۇدان ءارى – ءفجا) امبۋلاتوريالىق كارتاسىن تاڭبالاۋدى جۇرگىزەدى- امبۋلاتوريالىق كارتانىڭ نەگىزگى بەتىنە ءفجا ديناميكالىق باقىلاۋ توبىن كورسەتەدى; 24) كەيىننەن قارالۋ ءۇشىن ۋچاسكەلىك تەراپەۆتىڭ جانە جالپى پراكتيكا دارىگەرىنىڭ جۇمىس كەستەسىمەن پاتسيەنتتى تانىستىرادى; 25) باقىلاۋ جوسپارىنا سايكەس كەلەسى باقىلاۋدى جۇرگىزەدى; 26) №907 بۇيرىقپەن بەكىتىلگەن امبۋلاتوريالىق پاتسيەنتتىڭ مەديتسينالىق كارتاسىن (№ 025/ە نىسانى) ەڭبەككە ۋاقىتشا جارامسىزدىق پاراعىن جازىپ بەرۋ كابينەتىنە/بەيىندى مامانداردىڭ كابينەتىنە/تىركەۋ بولىمىنە اپارادى; 27) دارىگەردىڭ تاعايىنداۋى بويىنشا ءدارىنى ءدارىحانادان الۋ ءۇشىن دارىلىك قامتاماسىز ەتۋ اقپاراتتىق جۇيەسىنىڭ باعدارلاماسى ارقىلى دارىلىك زاتتارعا تەگىن رەتسەپت جازىپ بەرەدى; 28) سىپايى قوشتاسادى. 4. مەيىرگەر جانە فەلدشەر ءوز بەتىنشە قابىلداۋ كەزىندە مىناداي ءىس-قيمىلداردى جۇزەگە اسىرادى: 1) قابىلداۋ باستالعانعا دەيىن 30 مينۋت قالعاندا قابىلداۋعا كەلەدى; 2) دارىگەردىڭ قابىلداۋىنا دەيىن كابينەتتى جۇمىسقا دايىندايدى: بولمەنى جەلدەتەدى; № 907 بۇيرىعىمەن بەكىتىلگەن بالانىڭ دامۋ سىرقاتناماسىن (№ 112/ە نىسانى), تالداۋ ناتيجەلەرىن اكەلەدى; تالداۋ ناتيجەلەرىن № 907 بۇيرىعىمەن بەكىتىلگەن بالانىڭ دامۋ سىرقاتناماسىنا (№ 112/ە نىسانى), امبۋلاتوريالىق پاتسيەنتتىڭ كارتاسىنا (№ 025/ە نىسانى) جاپسىرادى; جۇمىس ۇستەلىن, تارازىنى, بوي ولشەۋىشتى دەزينفەكتسيالىق ەرىتىندىمەن وڭدەيدى; قالاقشالاردى, تەرمومەترلەردى, تونومەتردى دايىندايدى; كابينەتتى كەستەگە سايكەس كۆارتستايدى; 3) قابىلداۋ جۇرگىزۋ ءۇشىن مەديتسينالىق قۇجاتتامانى دايىندايدى; 4) پاتسيەنتپەن ىزگى نيەتپەن امانداسادى; 5) پاتسيەنتپەن سەنىمدى قارىم-قاتىناس ورناتادى; 6) پاتسيەنتتى تىكەلەي ءاربىر تەكسەرىپ-قاراۋ الدىندا قولىن جۋادى, قاجەت بولسا ماسكا كيەدى; 7) دەنساۋلىق جاعدايى بويىنشا پاتسيەنتتەردى سارالايدى; 8) بالاداعى پروبلەمالاردى – قاۋىپتى بەلگىلەردى (بالانىڭ ءىشۋ مەن ەمۋ مۇمكىندىگى, كەز كەلگەن تاماقتانۋدان نەمەسە ىشۋدەن كەيىن قۇسا ما, بالادا قۇرىسۋلار بولدى ما, بالا لەتارگيادا ما الدە ەسسىز بە), نەگىزگى بەلگىلەردى (جەرگىلىكتى باكتەريالىق ينفەكتسيا, ءىشتىڭ ءوتۋى, تاماقتاندىرۋ پروبلەمالارى نەمەسە سالماقتىڭ تومەن بولۋى, سارى اۋرۋ, كوزدىڭ ينفەكتسياسى) انىقتايدى; 9) بالانىڭ ەكپە مارتەبەسىن ايقىنداي, سايكەسىنشە دامىتۋ ماقساتىندا بالانىڭ تاماقتاندىرىلۋى مەن كۇتىمىن باعالايدى. قاۋىپتى بەلگىلەر بولسا, بىردەن اناسى مەن بالاسىن دارىگەرگە اپارادى; 10) پاتسيەنتتەردىڭ دەنە تەمپەراتۋراسىن ولشەيدى, تىنىس الۋ جيىلىگىن, جۇرەكتىڭ جيىرىلۋ جيىلىگىن ەسەپتەيدى جانە كورسەتىلىمدەر بويىنشا كەزەكتەن تىس دارىگەرگە جىبەرەدى; 11) ءاربىر تەكسەرۋدەن كەيىن قولىن جۋادى; 12) پاتسيەنتتىڭ, بالانىڭ تۋ تۋرالى كۋالىگىندەگى مالىمەتتەردى بەكىتىلگەن حالىق تىركەلىمىمەن (بۇدان ءارى – بحت) سالىستىرادى; 13) پاتسيەنتتىڭ مالىمەتتەرىن ۋچاسكەنىڭ پاسپورتىمەن سالىستىرادى. بحت بويىنشا وسى مەكەنجاي بويىنشا تۇرىپ جاتقان پاتسيەنت, بالا تىركەلمەگەن بولسا, اتا-اناسىنا دا/ودو, ەمحاناعا بەكىتۋ ەرەجەسىن تۇسىندىرەدى; 14) ساۋ بالالارعا انتروپومەتريكالىق زەرتتەۋلەر جۇرگىزەدى, دەنەنىڭ دامۋىن باعالاۋ كارتاسىنا سايكەس دەنەسىنىڭ دامۋىن باعالايدى; 15) ەرەسەكتەر مەن بالالارعا مەديتسينالىق قىزمەت كورسەتۋگە ارنالعان ۇلگىلىك شارتتى اتا-اناسىنا نەمەسە قامقورشىسىنا تانىستىرادى, تولتىرۋعا جانە قول قويۋعا بەرەدى; 16) بالانىڭ دەنساۋلىعى جاعدايىنا جاۋاپتىلىق تۋرالى ەسكەرتپەمەن تانىستىرادى, اتا-اناسىنا تولتىرۋعا جانە قول قويۋعا بەرەدى; 17) امبۋلاتوريالىق ناۋقاستاردى تىركەۋ جۋرنالىنا پاتسيەنتتى تىركەيدى; 18) دارىگەردىڭ تاعايىنداۋى بويىنشا پاتسيەنتكە, بالاعا دياگنوستيكالىق زەرتتەپ-تەكسەرۋگە جولداما جازىپ بەرەدى, دارىگەردىڭ تاعايىنداۋى بويىنشا امبۋلاتوريالىق-ەمحانالىق كومەك كورسەتۋ باعدارلاماسى ارقىلى ىشكى جانە سىرتقى مامانداردىڭ كونسۋلتاتسياسىنا جولداما بەرەدى; 19) اتا-انالارعا دياگنوستيكالىق راسىمدەر مەن پروفيلاكتيكالىق ەكپەلەر جۇرگىزۋگە دايىندىق جونىندەگى ەرەجەلەر مەن تالاپتاردى تۇسىندىرەدى; 20) پروفيلاكتيكالىق ەكپەلەر جۇرگىزۋگە اقپاراتتىق كەلىسىممەن تانىستىرادى, اتا-اناسىنا تولتىرۋعا جانە قول قويۋعا بەرەدى. اناسىنا پروفيلاكتيكالىق ەكپەلەردى جۇرگىزۋدىڭ قاجەتتىلىگى تۋرالى تۇسىندىرەدى, پروفيلاكتيكالىق ەكپە الۋ ءۇشىن قابىلداۋعا كەلۋ كۇنى تۋرالى ەسكەرتەدى, ونىڭ بالاسىنا قانداي ەكپە جاسالاتىندىعىن, قانداي رەاكتسيالاردىڭ بولاتىندىعىن, رەاكتسيالار تۋىنداعان جاعدايدا بالاعا قانداي كومەك كورسەتۋى قاجەت ەكەندىگىن تۇسىندىرەدى, مەيىرگەر ەكپە العاننان كەيىن قاي كۇنى ەكپەدەن كەيىنگى پاتروناج جاسايتىندىعىن جانە قانداي جاعدايدا دارىگەرگە بىردەن كەلۋ قاجەتتىگىن ەسكەرتەدى; 21) №907 بۇيرىقپەن بەكىتىلگەن بالانىڭ دامۋ سىرقاتناماسىنا (№ 112/ە نىسانى) جازادى; 22) بەيىندى ماماندارعا پروفيلاكتيكالىق تەكسەرىپ-قارالۋدى ۇسىنادى; 23) بالانىڭ سايكەس دامۋىن قامتاماسىز ەتۋ ماقساتىندا ونى كۇتۋ داعدىلارىنا (ماسساج, گيمناستيكا, شىنىقتىرۋ, اڭگىمەلەسۋ) ۇيرەتەدى جانە ۇسىنىستار بەرەدى; 24) ستاتيستيكالىق تالونداردى تولتىرادى جانە ولاردى ستاتيستيكالىق كابينەتكە اپارادى; 25) ناۋقاس بالالاردى ديسپانسەرلىك ەسەپكە العاندا ديسپانسەرلىك ناۋقاستاردى تىركەۋ جۋرنالىن № 907 بۇيرىقپەن بەكىتىلگەن ديسپانسەرلىك قاداعالاۋ كارتاسىن (№ 030/ە نىسانى) تولتىرادى; 26) دارىگەردىڭ تاعايىنداۋلارىن قالاي دۇرىس ورىنداۋ كەرەكتىگىن اناسىنا تۇسىندىرەدى; 27) اناسىنىڭ ءسۇت بەزدەرىن تەكسەرەدى, ءسۇتتىڭ شىعۋىن باعالايدى; 28) اناعا بالانى ەمىزۋ تەحنيكاسىنا ۇيرەتەدى, بالانى دۇرىس ەمىزۋىن, ەمۋدىڭ تيىمدىلىگىن قاداعالايدى; 29) پروفيلاكتيكالىق ۇسىنىمدار بەرەدى (ەمىزۋدىڭ ارتىقشىلىقتارى مەن پراكتيكاسى, تەك ەمشەكپەن ەمىزۋدى قامتاماسىز ەتۋ, ەمشەك ءسۇتىن ساۋىپ تاستاۋ تەحنيكاسى, دۇرىس ەمىزۋ تەحنيكاسى, بولمەگە قويىلاتىن تالاپتار); 30) جاڭا تۋعان نارەستەنىڭ كۇتىمى بويىنشا اناسىنا تاسىلدەر جۇرگىزۋدى كورسەتەدى جانە ۇيرەتەدى; 31) انانىڭ سۇراقتارىنا جاۋاپ بەرەدى, بالانى ەمىزۋ, جاڭا تۋعان نارەستەنى كۇتۋ داعدىلارىن يگەرۋىن قاداعالايدى, اناسىنا ماقتاۋ ايتادى; 32) اتا-انالاردى وزدەرىنىڭ ۋچاسكەلىك پەدياترىنىڭ جۇمىس كەستەسىمەن تانىستىرادى, دا/ودو, ەمحانانىڭ, ورنالاسقان جەرى تۋرالى اقپارات, بايلانىس تەلەفوندارىن بەرەدى; 33) باقىلاۋ جوسپارىنا سايكەس كەلەسى باقىلاۋلاردى جۇرگىزەدى; 34) پاتسيەنتتى بەيىندى جۋرنالعا تىركەيدى, بەكىتۋ تالونىن تولتىرادى, بالانىڭ مالىمەتتەرىن بحت ەنگىزەدى; 35) پاتسيەنتتى دارىگەردىڭ كابينەتىنە جەتكىزەدى, №907 بۇيرىقپەن بەكىتىلگەن بالانىڭ دامۋ سىرقاتناماسىن (№ 112/ە نىسانى) اپارادى; 36) العاش رەت ديسپانسەرلىك ەسەپكە الىنعان بالانى, پاتسيەنتتى رەسىمدەگەن كەزدە №907 بۇيرىقپەن بەكىتىلگەن № 030/ە نىسانى بويىنشا ديسپانسەرلىك قاداعالاۋدىڭ باقىلاۋ كارتاسىن تولتىرادى; 37) اناعا پروفيلاكتيكالىق تەكسەرۋدەن, تەراپەۆتىڭ, اكۋشەر-گينەكولوگتىڭ تەكسەرۋىنەن ۋاقىتىلى ءوتۋدى ۇسىنادى, كونتراتسەپتسيا, وتباسىن جوسپارلاۋ ماسەلەسىن شەشەدى, كورسەتىلىمدەر بويىنشا بەيىندى مامانعا قارالۋىن ۇسىنادى. سوڭعى ەتەككىردىڭ قاشان كەلگەندىگىن, جۇكتىلىكتىڭ بولۋىن, ەگەر جۇكتىلىك بولسا ەسەپكە تۇرۋى تۋرالى سۇرايدى; 38) №907 بۇيرىقپەن بەكىتىلگەن ۋچاسكەلiك مەيiرگەرىنiڭ ۇيلەرگە بارىپ جۇمىس iستەۋiن ەسەپكە الۋ جۋرنالىنا (№ 116/ە نىسانى) جازادى; 39) سىپايى قوشتاسادى. 5. بوسانۋعا دەيىنگى العاشقى پاتروناج جۇرگىزگەن كەزدە اكۋشەر مىناداي ءىس-قيمىلداردى جۇزەگە اسىرادى: 1) جۇكتى ايەلدى ىزگى نيەتپەن قارسى الادى; 2) پاتسيەنتپەن سەنىمدى قارىم-قاتىناس ورناتادى; 3) جۇكتى ايەلدىڭ دەنساۋلىق جاعدايى تۋرالى كەڭەس جۇرگىزەدى, شاعىمدارى بار ما, ايەلدىڭ حال-جاعدايىن ناقتىلاۋ, كاسىبي ەڭبەك جاعدايىن جانە زياندى ادەتتەرى تۋرالى سۇرايدى; 4) جۇكتى ايەلگە جانە ونىڭ وتباسى مۇشەلەرىنە «قاۋىپتى بەلگىلەردى» ايقىنداۋعا ۇيرەتەدى, جۇكتىلىك پەن بوسانۋ قالىپتى ءوتىپ جاتقان كەزدە دە, سونداي-اق اكۋشەر قاۋىرت ارالاساتىن جاعداي تۋىنداعان نەمەسە تولعاق قىسقان كەزدەگى ءىس-قيمىل الگوريتمىمەن تانىستىرادى; 5) مىناداي: كۇننىڭ, دەمالۋدىڭ, ۇيىقتاۋدىڭ, دەنە بەلسەندىلىگىنىڭ وڭتايلى رەجيمىن ساقتاۋ بويىنشا; وڭتايلى تاماقتانۋدى ۇستانۋ بويىنشا; پرەپاراتتاردى (قۇرامىندا يود, تەمىر-فولي قىشقىلى بار) پروفيلاكتيكالىق قابىلداۋ بويىنشا; جىنىس جولىمەن بەرىلەتىن جۇقپالاردىڭ, ونىڭ ىشىندە ايتۆ ينفەكتسياسىنىڭ پروفيلاكتيكاسى بويىنشا; جەكە باس گيگيەناسىن ساقتاۋ جانە تۇراتىن جەردىڭ جايلى بولۋى تۋرالى; تەمەكى شەگۋدىڭ, ىشىمدىك ءىشۋ مەن ەسىرتكى پايدالانۋدىڭ ۇرىقتىڭ دامۋىنا تيگىزەتىن اسەرى تۋرالى ۇسىنىمدار بەرەدى; 6) بوسانۋعا دايىندالۋ مەكتەپتەرىنە بارۋدى ۇسىنادى; 7) ايەل تۇرىپ جۇرگەن جەردە جوق بولسا, ايەلدىڭ ناقتى تۇراتىن ورنىن ايقىنداۋ ءۇشىن ۋچاسكەلىك مەيىرگەرگە, دارىگەرگە اقپارات جىبەرەدى. ەگەر ايەل باسقا مەكەنجايدا تۇراتىن بولسا, تۇراتىن جەرى بويىنشا ۋچاسكەلىك دارىگەرگە, دارىگەرلىك امبۋلاتوريانىڭ مەڭگەرۋشىسىنە/وتباسى دەنساۋلىعى ورتالىعىنا, اكۋشەرلىك-گينەكولوگيالىق بولىمشەنىڭ مەڭگەرۋشىسىنە اقپارات جىبەرەدى; 8) سىپايى قوشتاسادى. 6. بوسانعانعا دەيىنگى ەكىنشى پاتروناج جۇرگىزگەن كەزدە اكۋشەر مىناداي ءىس-قيمىلداردى جۇزەگە اسىرادى: 1) جۇكتى ايەلدى ىزگى نيەتپەن قارسى الادى; 2) پاتسيەنتپەن سەنىمدى قارىم-قاتىناس ورناتادى; 3) جۇكتى ايەلدىڭ دەنساۋلىق جاعدايى تۋرالى كەڭەس جۇرگىزەدى, شاعىمداردىڭ بولۋى تۋرالى سۇرايدى, ءسۇت بەزدەرىنىڭ جاي-كۇيىن قاراپ شىعادى; 4) جۇكتى ايەلگە جانە ونىڭ وتباسى مۇشەلەرىنە «قاۋىپتى بەلگىلەردى» ايقىنداۋعا ۇيرەتەدى, جۇكتىلىك پەن بوسانۋ قالىپتى ءوتىپ جاتقان كەزدە دە, سونداي-اق اكۋشەرلىك قاۋىرت ارالاساتىن جاعداي تۋىنداعان نەمەسە تولعاق قىسقان كەزدەگى ءىس-قيمىل الگوريتمىمەن تانىستىرادى; 5) مىناداي: كۇننىڭ, دەمالۋدىڭ, ۇيىقتاۋدىڭ, دەنە بەلسەندىلىگىنىڭ وڭتايلى رەجيمىن ساقتاۋ بويىنشا; وڭتايلى تاماقتانۋدى ۇستانۋ بويىنشا; جىنىس جولىمەن بەرىلەتىن جۇقپالاردىڭ, ونىڭ ىشىندە ايتۆ ينفەكتسياسىنىڭ پروفيلاكتيكاسى بويىنشا; جەكە باسىنىڭ گيگيەناسىن ساقتايدى جانە تۇراتىن جەردىڭ جايلى بولۋى تۋرالى; تەمەكى شەگۋدىڭ, ىشىمدىك ءىشۋ مەن ەسىرتكى پايدالانۋدىڭ ۇرىقتىڭ دامۋىنا تيگىزەتىن اسەرى تۋرالى ۇسىنىمدار بەرەدى; جاڭا تۋعان نارەستەگە ارنالعان بۇرىشتاماورنىن دايىنداۋ بويىنشا ۇسىنىمدار بەرەدى. 6) بوسانۋعا دايىندالۋ مەكتەپتەرىنە جانە ساۋ بالا كابينەتىنە بارۋدى ۇسىنادى; 7) سىپايى قوشتاسادى. 7. بوسانۋدان كەيىن پاتروناج جۇرگىزۋ كەزدە اكۋشەر مىناداي ءىس-قيمىلداردى جۇزەگە اسىرادى: 1) پاتسيەنتپەن ىزگى نيەتپەن امانداسادى; 2) پاتسيەنتپەن سەنىمدى قارىم-قاتىناس ورناتادى; 3) شاعىمداردىڭ بولۋىن سۇرايدى; 4) جالپى جاي-كۇيىن باعالايدى; 5) پاتسيەنتتى تىكەلەي ءاربىر تەكسەرىپ-قاراۋ الدىندا قولىن جۋادى, قاجەت بولسا ماسكا كيەدى; 6) تەرى جابىنىن قاراپ شىعادى, ارتەريالىق قىسىمدى, تامىر سوعىسىن, دەنە تەمپەراتۋراسىن ولشەيدى; 7) ءاربىر تەكسەرۋدەن كەيىن قولىن جۋادى; 8) شاعىمدار, بوسانۋدان كەيىن اسقىنۋ بەلگىلەرى بولسا, ستاتسيونارعا ەمدەۋگە جاتقىزۋ ءۇشىن جەدەل جاردەم شاقىرادى; 9) قولدانىستاعى ەمىزۋ پروبلەمالارىن انىقتايدى; 10) كونتراتسەپتسيانىڭ جانە كونتراتسەپتسيا ءادىسىن تاڭداۋ قاجەتتىگى تۋرالى كونسۋلتاتسيا جۇرگىزەدى; 11) اكۋشەر-گينەكولوگ دارىگەردىڭ قابىلداۋىنا شاقىرادى; 12) سىپايى قوشتاسادى. 8. الەۋمەتتىك قىزمەتكەر ارناۋلى الەۋمەتتىك-مەديتسينالىق كومەك كورسەتكەندە مىناداي ءىس-قيمىلداردى جۇزەگە اسىرادى: قىزمەت الۋشىلاردىڭ دەنساۋلىعىن قولداۋعا جانە جاقسارتۋعا باعىتتالعان ارناۋلى الەۋمەتتىك قىزمەت مىنالاردى قامتيدى: مەديتسينالىق-الەۋمەتتىك تەكسەرۋدى ۇيىمداستىرۋ جانە جۇرگىزۋ; دارىگەرگە دەيىن كومەك كورسەتۋ; مەديتسينالىق-الەۋمەتتىك ساراپتاما جۇرگىزۋگە جاردەمدەسۋ; تەگىن مەديتسينالىق كومەكتىڭ كەپىلدىك بەرىلگەن كولەمىن الۋعا جاردەمدەسۋ; مۇگەدەكتەردى وڭالتۋدىڭ جەكە باعدارلاماسىنا سايكەس ساناتورلىق-كۋرورتتىق ەمدەۋمەن, تەحنيكالىق قوسالقى (ورنىن تولتىرۋشى) قۇرالدارمەن, مىندەتتى گيگيەنالىق قۇرالدارمەن قامتاماسىز ەتۋگە جاردەمدەسۋ; قىزمەت الۋشىلارعا تەحنيكالىق قوسالقى (ورنىن تولتىرۋشى) قۇرالداردى جانە مىندەتتى گيگيەنالىق قۇرالداردى پايدالانۋدى ۇيرەتۋ; مۇگەدەكتەردىڭ جەكە وڭالتۋ باعدارلامالارىنا سايكەس پروتەزدىك-ورتوپەديالىق جانە ەستۋ-پروتەزدىك كومەك الۋىنا جاردەمدەسۋ; الەۋمەتتىك-مەديتسينالىق ماسەلەلەر بويىنشا, ونىڭ ىشىندە جاسىنا قاراي بەيىمدەلۋ ماسەلەلەرى بويىنشا كونسۋلتاتسيا بەرۋ; دەنساۋلىققا بايلانىستى راسىمدەردى جۇرگىزۋ; العاشقى مەديتسينالىق تەكسەرۋ جانە العاشقى سانيتارلىق تازالاۋ جۇرگىزۋ; دەنساۋلىق جاعدايىنا بايلانىستى قىزمەت الۋشىلاردىڭ كۇتىمىن قامتاماسىز ەتۋ; العاشقى مەديتسينالىق-سانيتارلىق كومەك كورسەتۋ; سانيتارلىق-گيگيەنالىق قىزمەتتەردى كورسەتۋ; ەمدەۋ-ساۋىقتىرۋ ءىس-شارالارىن, ونىڭ ىشىندە دەنساۋلىق ساقتاۋ ۇيىمدارىندا ۇيىمداستىرۋ; الەۋمەتتىك-مەديتسينالىق سيپاتتاعى وڭالتۋ ءىس-شارالارىن جۇرگىزۋ; ەمدەۋشى دارىگەردىڭ تاعايىنداۋىنا سايكەس مەديتسينالىق راسىمدەردى جۇرگىزۋ (تەرى استى جانە بۇلشىق ەتكە دارىلىك پرەپاراتتاردى جىبەرۋ, كومپرەسس قويۋ, قايتا وراۋ, ويىلعان جەرلەردى, جاراقات بەتىن تازالاۋ; تازالاۋ كليزمالارىن ورىنداۋ, زەرتحانالىق تەكسەرۋ جۇرگىزۋگە قاجەتتى ماتەريالداردى الۋ, كاتەتەردى جانە باسقا دا مەديتسينالىق بۇيىمداردى پايدالانۋعا كومەك كورسەتۋ); پاللياتيۆتىك كومەك قىزمەتتەرىن كورسەتۋ; ۇيگە دارىگەر شاقىرتۋ جانە دەنساۋلىق ۇيىمدارىندا دەيىن قىزمەت الۋشىلارعا ىلەسىپ ءجۇرۋ; بالالاردى, تىرەك-قىمىل اپاراتى بۇزىلعان بالالاردى پاتروناجدىق باقىلاۋ; وتباسى مۇشەلەرىنە ءۇي جاعدايىندا مەديتسينالىق كۇتىم نەگىزدەرىن ۇيرەتۋ. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 4 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13392 بولىپ ەنگىزىلدى.