2015 جىلعى 29 مامىر , استانا قالاسى
دارىلىك زاتتاردى جانە مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىقتى جاساۋ جانە رەسىمدەۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 75-بابىنىڭ 2-تارماعىنا سايكەس بۇيىرامىن:
1. وسى بۇيرىققا قوسىمشاعا سايكەس دارىلىك زاتتاردى جانە مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىقتى جاساۋ جانە رەسىمدەۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) زاڭنامامەن بەلگىلەنگەن تارتىپپەن وسى بۇيرىقتى رەسمي جاريالاۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن 10 جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى بۇيرىقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ.تسويعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەننەن كەيىن قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە
الەۋمەتتىك دامۋ ءمينيسترى ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
29 مامىرداعى 2015 جىلعى № 414 بۇيرىعىمەن بەكىتىلگەن
دارىلىك زاتتار مەن مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى
نۇسقاۋلىقتى جاساۋ جانە رەسىمدەۋ قاعيدالارى
1. جالپى ەرەجەلەر
1. وسى دارىلىك زاتتار مەن مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىقتى جاساۋ جانە رەسىمدەۋ قاعيدالارى (بۇدان ءارى – قاعيدالار) دارىلىك زاتتار مەن مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىقتى جاساۋ جانە رەسىمدەۋ ءتارتىبىن ايقىندايدى.
2. دارىلىك زاتتار مەن مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىق دارىلىك پرەپارات پەن مەديتسينالىق ماقساتتاعى بۇيىم تۋرالى دۇرىس جانە تولىق اقپارات ۇسىنۋعا, ونىڭ قاۋىپسىز جانە ۇتىمدى قولدانىلۋىن جانە تاعايىندالۋىن قامتاماسىز ەتۋگە, سونداي-اق دۇرىس قولدانباۋ ناتيجەسىندە ورىن الۋى مۇمكىن جاعىمسىز سالدارلاردان تۇتىنۋشىلاردى قورعاۋعا ارنالعان.
3. تۇتىنۋشىعا ارنالعان دارىلىك زاتتار مەن مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىقتا اقپاراتتى ءبىر مەزگىلدە باسقا تىلدەردە دە ورنالاستىرعان كەزدە اقپاراتتىڭ بارلىق تىلدەردەگى تۇپنۇسقالىعى قامتاماسىز ەتىلەدى.
4. دارىلىك زاتتار مەن مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىق جارنامالىق سيپاتتاعى اقپاراتتى قامتىمايدى.
2. دارىلىك زاتتاردى مەديتسينالىق قولدانۋ جونىندەگى نۇسقاۋلىقتى جاساۋ جانە رەسىمدەۋ ءتارتىبى
5. دارىلىك زاتتى مەديتسينالىق قولدانۋ جونىندەگى نۇسقاۋلىق (بۇدان ءارى – دز نۇسقاۋلىعى) قاپتاماعا قوسىمشا رەتىندە رەسىمدەلەدى نە ونىڭ ءماتىنى قىسقارتۋسىز قاپتامادا ورنالاستىرىلدى.
6. دز نۇسقاۋلىعى ءاربىر دارىلىك نىسانعا ازىرلەنەدى.
7. دز نۇسقاۋلىعىنىڭ ءماتىنى انىق جانە تۇتىنۋشى ءۇشىن تۇسىنىكتى, قاجەتتى مەديتسينالىق جانە عىلىمي دەرەكتەردى كورسەتەتىن تەرميندەردى قولدانا وتىرىپ ازىرلەنەدى جانە دارىلىك پرەپاراتتىڭ قىسقاشا سيپاتتاماسىنا سايكەس كەلەدى جانە دارىلىك زات تۋرالى مىناداي مالىمەتتەردى قامتيدى:
1) ساۋدالىق اتاۋى;
2) حالىقارالىق پاتەنتتەلمەگەن اتاۋى;
3) دارىلىك نىسانى;
4) مىنالار كورسەتىلگەن قۇرامى:
بەلسەندى زاتتار جانە ولاردىڭ دوزالاۋ بىرلىگىنە ارنالعان نەمەسە دارىلىك نىسانىنا بايلانىستى كولەم نەمەسە سالماق بىرلىگىنە ارنالعان ساندىق قۇرامى;
بوياعىشتاردى, كونسەرۆانتتاردى, اديۋۆانتتاردى, تۇراقتاندىرعىشتاردى, قويۋلاتقىشتاردى, ەمۋلگاتورلاردى, كورريگەنتتەردى جانە دارىلىك پرەپارات قابىقشاسىنىڭ قۇرامىنا كىرەتىن باسقا زاتتاردى قوسا العاندا, ولاردىڭ شىعۋ تەگى مەن پايدالانىلاتىن مولشەرىنە بايلانىستى ەمەس قوسالقى زاتتار;
5) سىرتقى ءتۇرىنىڭ, ءيىسىنىڭ, ءدامىنىڭ سيپاتتاماسى;
6) دۇنيەجۇزىلىك دەنساۋلىق ساقتاۋ ۇيىمى (ددسۇ) ۇسىنعان دارىلىك پرەپاراتتاردىڭ اناتوميالىق-تەراپيالىق-حيميالىق سىنىپتاۋىشىنا (اتح كودى) سايكەس فارماكوتەراپيالىق توبى;
7) فارماكولوگيالىق قاسيەتتەرى:
فارماكوكينەتيكا - پرەپاراتتىڭ ءسىڭۋى, تارالۋى, مەتابوليزمى جانە اعزادان شىعارىلۋى تۋرالى مالىمەتتەر كورسەتىلەدى;
فارماكوديناميكا - پەراپاراتتىڭ اسەر ەتۋ مەحانيزمى, نەگىزگى فارماكولوگيالىق, حيميوتەراپيالىق جانە باسقا بيولوگيالىق قاسيەتتەرى (جانۋارلار مەن ادامدارعا جۇرگىزىلگەن زەرتتەۋلەر ناتيجەلەرىنىڭ سيپاتتاماسىن ۇسىنباي);
8) قولدانىلۋى, مۇندا:
پرەپاراتتىڭ تاعايىندالۋى - پروفيلاكتيكالىق, دياگنوستيكالىق, ەمدىك;
پرەپارات مەديتسينالىق قولدانۋ ءۇشىن ۇسىنىلعان اۋرۋلار مەن سيندرومداردىڭ تىزبەسى, جاسى كورسەتىلە وتىرىپ بالالارعا قولدانۋ مۇمكىندىگى;
پرەپاراتتى پاتسيەنتتىڭ ءوز بەتىنشە پايدالانىلۋىن بولدىرمايتىن جاعدايلاردا «قاتاڭ تۇردە دارىگەردىڭ تاعايىنداۋى بويىنشا عانا قولدانۋ» دەپ كورسەتىلەدى;
9) قولدانۋ ءتاسىلى جانە دوزالارى, مۇندا:
ءبىر رەتتىك جانە تاۋلىكتىك دوزالارى, قولدانۋ ءتاسىلى, ەنگىزۋ جولدارى, قابىلداۋ جيىلىگى مەن ۋاقىتى, تاماقپەن بىرگە قابىلداۋ اراقاتىناسى, ۇسىنىلاتىن ەمدام, ەمدەۋ كۋرسىنىڭ ۇزاقتىعى, ەمدەۋ كۋرستارىنىڭ قايتالانۋ مۇمكىندىگى مەن ورىندىلىعى, كۋرستار ارالىعىنداعى ۇزىلىستەردىڭ ۇزاقتىعى جانە باسقالارى;
بالالار ءۇشىن ەڭ جوعارعى ءبىر رەتتىك جانە تاۋلىكتىك دوزاسى جاسى, سالماعى جانە (نەمەسە) دەنەنىڭ ءۇستى ەسكەرىلە وتىرىپ كورسەتىلەدى;
پرەپاراتتى كەزەكتى قابىلداۋدى وتكىزىپ العانداعى ارەكەتتەر كورسەتىلەدى;
10) جاناما اسەرلەرى, مۇندا:
ناۋقاستا ەمدەۋ پروتسەسىندە پايدا بولۋى مۇمكىن, سونداي-اق پرەپاراتتىڭ فارماكولوگيالىق قاسيەتتەرىنىڭ ەرەكشەلىگىمەن, ۇسىنىلعان ەنگىزۋ ادىستەرىنەن اۋىتقۋمەن بايلانىستى جاعىمسىز قۇبىلىستار مەن اسقىنۋلار;
قابىلداۋدى توقتاتۋ قاۋپىنىڭ تۋىنداۋى;
جاناما اسەرلەردىڭ الدىن الۋ جانە ەمدەۋ جونىندەگى نەگىزگى ءىس-شارالار كورسەتىلەدى;
11) قارسى كورسەتىلىمدەر - پرەپاراتتى تاعايىنداۋعا قارسى كورسەتىلىمدەر بولعان كەزدەگى (پرەپاراتتى ادامنىڭ جەكە قابىلداماۋى, جوعارى سەزىمتالدىق), ونىڭ ىشىندە جۇكتىلىك پەن لاكتاتسيا كەزىندە, بالالارعا (جاسىن كورسەتە وتىرىپ) اۋرۋلار مەن جاي-كۇيلەردىڭ تىزبەسى كەلتىرىلەدى;
12) دارىلەرمەن ءوزارا ارەكەتتەسۋى:
فارماتسەۆتيكالىق - فيزيكالىق جانە حيميالىق ۇيلەسىمسىز كومبيناتسيالار كورسەتىلەدى;
فارماكوكينەتيكالىق - اعزادا ءدارى فارماكوكينەتيكاسىنىڭ وزگەرۋى كورسەتىلەدى ء(سىڭۋى, تارالۋى, اقۋىزدارمەن بايلانىسۋى, مەتابوليزمى, شىعارىلۋى);
فارماكوديناميكالىق - ءبىر نەمەسە بىرنەشە پرەپاراتتى ءبىر مەزگىلدە قولدانعان كەزدە ولاردىڭ فارماكولوگيالىق اسەرىنىڭ سينەرگيزم نەمەسە انتاگونيزم تۇرىندە پايدا بولاتىن وزگەرىسى كورسەتىلەدى;
پرەپاراتتىڭ ءوزارا ارەكەتتەسۋىنىڭ باسقا تۇرلەرىنىڭ پايدا بولۋ مۇمكىندىگى اتاپ كورسەتىلەدى (مىسالى, تەمەكىمەن, الكوگولمەن, تاعام ونىمدەرىمەن);
13) ەرەكشە نۇسقاۋلار:
قارسى كورسەتىلىمدەر بولماعان كەزدە پرەپاراتتى ءتۇرلى جاستاعى پاتسيەنتتەردە (بالالار (جاسى كورسەتىلە وتىرىپ) جانە ەگدە جاستاعى ادامدار), اۋرۋلاردىڭ بەلگىلى ءبىر ساناتى بار پاتسيەنتتەرگە قولدانۋمەن بايلانىستى ىقتيمال قاۋىپ كورسەتىلەدى;
جۇكتىلىك نەمەسە لاكتاتسيا كەزىندە;
پرەپاراتتىڭ كولىك قۇرالدارىن نەمەسە قاۋىپتى مەحانيزمدەردى باسقارۋ قابىلەتىنە اسەر ەتۋ ەرەكشەلىكتەرى;
پرەپاراتتى قولدانۋ كەزىندەگى ارنايى ەسكەرتۋلەر مەن ەسكەرتۋ شارالارى كورسەتىلەدى;
14) پرەپاراتتىڭ ارتىق دوزالانۋى (ۋلانۋ) - بەلگىلەرى (سيمپتومداردىڭ قىسقاشا كلينيكالىق سيپاتتاماسى) مەن بۇل رەتتە قولدانىلاتىن, ونىڭ ىشىندە اۋرۋحاناعا دەيىنگى كەزەڭدەگى كومەكتىڭ كەزەك كۇتتىرمەيتىن شارالارى كورسەتىلەدى;
15) شىعارىلۋ نىسانى مەن قاپتاماسى:
دارىلىك نىسانى كورسەتىلەدى (مىسالى, تابلەتكا, ەرىتىندى, جاقپاماي);
قاپتاماسىنداعى دارىلىك نىسان بىرلىكتەرىنىڭ سانى;
16) ساقتاۋ شارتتارى – بەلگىلەنگەن جارامدىلىق مەرزىمى ىشىندە پرەپاراتتىڭ ساقتالۋىن قامتاماسىز ەتەتىن شارتتار (تەمپەراتۋرا, جارىقتان قورعاۋ, ءورت قاۋىپسىزدىگى, قاپتاماسى العاشقى اشىلعاننان كەيىن ساقتاۋ شارتتارى مەن باسقالارى) كورسەتىلەدى;
17) «بالالاردىڭ قولى جەتپەيتىن جەردە ساقتاۋ كەرەك!» دەپ كورسەتۋ;
18) ساقتاۋ مەرزىمى, قاجەت بولعان كەزدە قاپتاما العاشقى اشىلعاننان كەيىنگى ساقتاۋ مەرزىمى;
پرەپاراتتىڭ جارامسىزدىعىنىڭ كوزبەن كورۋگە بولاتىن بەلگىلەرى تۋرالى ەسكەرتۋلەر;
«جارامدىلىق مەرزىمى وتكەننەن كەيىن قولدانۋعا بولمايدى» دەپ كورسەتىلۋى;
19) ءدارىحانالاردان بوساتىلۋ شارتتارى (رەتسەپت ارقىلى, رەتسەپتىسىز);
20) ءوندىرۋشى ۇيىم: ءوندىرۋشى ۇيىمنىڭ اتاۋى مەن ورنالاسقان مەكەنجايى (زاڭدى مەكەنجايى);
قازاقستان رەسپۋبليكاسىنىڭ اۋماعىندا:
تۇتىنۋشىلاردان دارىلىك زاتتاردىڭ ساپاسى جونىندە شاعىمدار (ۇسىنىستار) قابىلدايتىن;
دارىلىك زاتتىڭ قاۋىپسىزدىگىن تىركەۋدەن كەيىنگى باقىلاۋ ءۇشىن جاۋاپتى ۇيىمنىڭ اتاۋى, مەكەنجايى جانە بايلانىس دەرەكتەرى (تەلەفون, فاكس, ەلەكتروندىق پوشتا).
مەديتسينالىق قولدانۋ جونىندەگى نۇسقاۋلىقتا تۇتىنۋشىلاردان شاعىمداردى قابىلدايتىن ۇيىمنىڭ زاڭدى مەكەنجايىنىڭ بولماۋى ءوندىرۋشى ۇيىم قازاقستان رەسپۋبليكاسىنىڭ اۋماعىندا ورنالاسقان جاعدايدا شاعىمداردىڭ ءوندىرۋشى ۇيىمنىڭ زاڭدى مەكەنجايى بويىنشا قابىلداناتىنىن بىلدىرەدى.
3. مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىقتى
جاساۋعا جانە رەسىمدەۋگە قويىلاتىن تالاپتار
8. مەديتسينالىق ماقساتتاعى بۇيىمدى مەديتسينالىق قولدانۋ جونىندەگى نۇسقاۋلىق (بۇدان ءارى – ممب نۇسقاۋلىعى) ءماتىنى باستاپقى نەمەسە قايتالاما تۇتىنۋشى قاپتاماسىندا بەكىتىلگەن ءماتىنى قىسقارتىلماي ورنالاستىرىلادى.
9. ممب نۇسقاۋلىعىندا تاڭبالانۋ كەزىندە پايدالانىلعان بارلىق سيمۆولدار مەن بەلگىلەر تولىق جازىلادى.
10. ممب نۇسقاۋلىعى مىناداي دەرەكتەردى قامتيدى:
1) مەديتسينالىق ماقساتتاعى بۇيىمنىڭ اتاۋى;
2) بۇيىمنىڭ قۇرامى مەن سيپاتتاماسى;
3) ءوندىرۋشى ۇيىمنىڭ اتاۋى جانە (نەمەسە) تاۋارلىق بەلگىسى;
4) قولدانۋ اياسى;
5) قولدانۋ ءتاسىلى (قاجەت بولعان كەزدە قولدانۋ جونىندەگى ەرەكشە نۇسقاۋلار);
6) مەديتسينالىق ماقساتتاعى بۇيىمدى سايكەستەندىرۋ ءۇشىن پايدالانۋشىعا قاجەتتى مالىمەتتەر: مۇمكىندىگىنشە — نورماتيۆتىك قۇجاتتارعا سايكەس سكانەرلەيتىن قۇرىلعىمەن وقۋ ءۇشىن قولايلى ورىندا ورنالاستىرىلاتىن, مەديتسينالىق ماقساتتاعى بۇيىمدى سايكەستەندىرەتىن شتريح كود;
7) مەديتسينالىق ماقساتتاعى بۇيىمدار جيناعىنىڭ تىزبەسى ءبىر بولشەكتەن تۇراتىن مەديتسينالىق ماقساتتاعى بۇيىمدى قوسپاعاندا, مەديتسينالىق ماقساتتاعى بۇيىمداردىڭ بارلىق تۇرلەرى ءۇشىن كەلتىرىلەدى. جيناعىن سانامالاۋ ءۇشىن الدىندا «جيناعى» دەگەن تاقىرىبى تۇرۋى ءتيىس, ودان كەيىن مەديتسينالىق ماقساتتاعى بۇيىمدى ءوندىرۋ كەزىندە ولاردىڭ تىزبەسى ۇسىنىلۋى ءتيىس.
ەسكەرتپە: ەگەر مەديتسينالىق ماقساتتاعى بۇيىمنىڭ جيناعىن تۇتىنۋشىلارعا وتكىزۋ ءۇشىن دايىن مەديتسينالىق ماقساتتاعى بۇيىمدى جيناۋدى جۇزەگە اسىراتىن ۇيىمعا بىرنەشە ءوندىرۋشى جەتكىزسە جانە سونىڭ سالدارىنان ءاربىر ناقتى پارتيانىڭ ءوندىرۋشىسىن كورسەتۋ مۇمكىن بولماسا, وندا مۇنداي مەديتسينالىق ماقساتتاعى بۇيىمدى ءوندىرۋشى جانە قاپتاۋشى مەديتسينالىق ماقساتتاعى بۇيىمدى جيناۋدى جۇزەگە اسىرعان ۇيىم بولىپ سانالادى.
8) ساقتاۋ شارتتارى;
9) «جارامدىلىق مەرزىمى وتكەننەن كەيىن قولدانۋعا بولمايدى» دەپ مىندەتتى تۇردە كورسەتىلگەن جارامدىلىق مەرزىمى;
10) تاپسىرىس بويىنشا دايىندالعان مەديتسينالىق ماقساتتاعى بۇيىم بولسا ول تۋرالى كورسەتىلۋى ءتيىس («تاپسىرىس بويىنشا دايىندالعان مەديتسينالىق ماقساتتاعى بۇيىم»);
11) كلينيكالىق زەرتتەۋلەرگە ارنالعان مەديتسينالىق ماقساتتاعى بۇيىمدار بولسا ول تۋرالى كورسەتىلۋى ءتيىس («كلينيكالىق زەرتتەۋلەرگە عانا ارنالعان»);
12) ستەريلدىلىگى تۋرالى كورسەتۋ (ستەريلدى ەمەس بۇيىمداردا كورسەتىلمەيدى);
13) الدىندا «پارتيا» ءسوزى نەمەسە سەريالىق ءنومىرى بار پارتيا كودى;
14) ەگەر مەديتسينالىق ماقساتتاعى بۇيىم ءبىر رەت قولدانۋعا ارنالعان بولسا - مەديتسينالىق ماقساتتاعى بۇيىمنىڭ ءبىر رەت پايدالانۋعا ارنالعانى تۋرالى مالىمەت;
15) ەگەر مەديتسينالىق ماقساتتاعى بۇيىم كوپ رەت قولدانۋعا ارنالعان بولسا - تازالاۋدى, ستەريلدەۋدى, قاپتامانى قوسا العاندا, مەديتسينالىق ماقساتتاعى بۇيىمنىڭ ەكىنشى رەت قولدانىلۋىن قامتاماسىز ەتەتىن ءتيىستى پروتسەستەر تۋرالى اقپارات;
16) ءوندىرۋشى ۇيىم:
ءوندىرۋشى ۇيىمنىڭ نەمەسە ونىڭ وكىلدىگىنىڭ اتاۋى, ەلى, سونداي-اق زاڭدى مەكەنجايى;
قازاقستان رەسپۋبليكاسىنىڭ اۋماعىندا:
تۇتىنۋشىلاردان دارىلىك زاتتاردىڭ ساپاسى جونىندە شاعىمدار (ۇسىنىستار) قابىلدايتىن;
دارىلىك زاتتىڭ قاۋىپسىزدىگىن تىركەۋدەن كەيىنگى باقىلاۋ ءۇشىن جاۋاپتى ۇيىمنىڭ اتاۋى, مەكەنجايى جانە بايلانىس دەرەكتەرى (تەلەفون, فاكس, ەلەكتروندىق پوشتا).
مەديتسينالىق قولدانۋ جونىندەگى نۇسقاۋلىقتا تۇتىنۋشىلاردان شاعىمداردى قابىلدايتىن ۇيىمنىڭ زاڭدى مەكەنجايىنىڭ بولماۋى ءوندىرۋشى ۇيىم قازاقستان رەسپۋبليكاسىنىڭ اۋماعىندا ورنالاسقان جاعدايدا شاعىمداردىڭ ءوندىرۋشى ۇيىمنىڭ زاڭدى مەكەنجايى بويىنشا قابىلداناتىنىن بىلدىرەدى.
17) سوعان سايكەس مەديتسينالىق ماقساتتاعى بۇيىم وندىرىلگەن نورماتيۆتىك قۇجاتتىڭ اتاۋى (بەلگىلەنۋى) كورسەتىلەدى.
11. قاجەت بولعان كەزدە قوسىمشا اقپارات كورسەتىلەدى:
1) جاناما اسەرى (اسەر ەتۋى, پرەپاراتتى ادامنىڭ جەكە قابىلداماۋى),
2) قولدانۋعا قارسى كورسەتىلىمدەر;
3) ساقتاندىرۋ (قاۋىپسىزدىك) شارالارى;
4) ستەريلدەۋ ادىستەرى بويىنشا نۇسقاۋلار; ستەريلدى قاپتاماسى ب ۇلىنگەن جاعدايدا ءتيىستى نۇسقاۋلىقتار جانە ەكىنشى رەت ستەريلدەۋدىڭ ءتيىستى ءتاسىلى تۋرالى دەرەكتەر;
5) دۇرىس قولدانباۋ نەمەسە جاناما اسەرى كەزىندە العاشقى كومەك كورسەتۋ شارالارى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 11495 بولىپ ەنگىزىلدى.
• 06 قازان, 2016
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №414
سوڭعى جاڭالىقتار
قوعام • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
ەينشتەين ءوزىن «الاياق» سەزىنگەن بە؟
قوعام • كەشە
