كەن الىبى جاڭا ءونىم ءتۇرىن شىعارا باستادى

ەۋرازيالىق توپ (ERG) قۇرامىنا كىرەتىن «سوكولوۆ-سارىباي كەن-بايىتۋ وندىرىستىك بىرلەستىگى» اق-تىڭ جوندەۋ-مەحانيكالىق زاۋىتىندا جاساپ شىعارىلعان جاڭا ءونىمنىڭ ءتۇرى «قۇيما قالاق» دەپ اتالادى. تەحنولوگيالىق ىدىس توپ قۇرامىنا كىرەتىن «قازحروم تۇق» اق اقتوبە فەرروقورىتپا زاۋىتىنىڭ كادەسىنە جارايدى. ەۋرازيالىق توپتىڭ جوندەۋ قۋاتىن دامىتىپ, توپىشىلىك اينالىمدى ارتتىرۋ جوباسىن جۇزەگە اسىرۋ اياسىندا سسكوب-تە شىعارىلاتىن ءونىم تۇرلەرىن ۇلعايتۋعا مۇمكىندىك تۋىپ وتىر. وعان ERG-ءدىڭ جوندەۋ ديرەكتوراتى مەن «ERG Service» سەرۆيستىك كومپانياسى جانە توپتىڭ باسقا دا كاسىپورىندارىمەن بىرلەسە كوتەرىلگەن باستاما مۇرىندىق بولدى. «قۇيما قالاق» – ءتورت جاعىندا ءىل­مەك ءتارىزدى ەلەمەنتتەرى بار مەتالدان قۇيىلىپ جاسالعان بۇيىم. «قا­لاق» اقتوبە زاۋىتىنداعى فەرروحروم داي­ىنداۋدىڭ تەحنولوگيالىق ۇدەرى­سىنىڭ اجىراماس بولشەگىنە اينالادى. سال­ماعى 3 توننا بولاتىن وسىنداي تەحنو­لوگيالىق ىدىستىڭ العاشقىسى سو­كولوۆ-سارىباي كەن ءوندىرۋ بىرلەس­­تىگىنىڭ جوندەۋ-مەحانيكالىق زاۋىتىن­دا ءوندىرىلدى. بۇل ءوندىرىستى ىسكە قوسۋ بىرلەستىك ماماندارىنىڭ جان-جاقتى ىزدەنىسىنىڭ ناتيجەسى دەسە بولادى. – ءبىرىنشى كەزەكتە تەحنولوگيالىق جانە كونسترۋكتورلىق قۇجاتتامالار جاسالىپ, قالىپقا ارنالعان جۇمىس پەن قۇراستىرۋ سىزبالارى ازىرلەندى, – دەپ ءتۇسىندىردى زاۋىتتىڭ قۇيۋ تسەحىنىڭ تەحنولوگى تاتيانا سادچيكوۆا. – مەحانيكالىق وڭدەۋ تسەحىنىڭ مەتالل قۇراستىرۋ ۋچاسكەسىندە قالىپ پەن قوسالقى بولشەكتەر – قامىت, ىلمەك, بۇراندا, گايكا, شايبا جاسالدى. قۇيۋ تسەحىنىڭ قولدان قالىپتاۋ ۋچاسكەسىندە «قالاقتى» قالىپتاۋ مەن قۇيۋ جۇزەگە اسىرىلدى. سۋىعان سوڭ 18 ساعات ىشىندە قۇيما قالىپتان الىنىپ گاز پەشكە قىزدىرىلىپ وڭدەلەدى. تەك سودان كەيىن عانا قامىتتى بەكىتۋ ءۇشىن جوندەۋ-مەحانيكالىق زاۋىتىنىڭ ىلمەك پەن قۇتى جاساۋ ۋچاسكەسىنە جىبەرىلەدى. تەحنولوگيالىق ىدىس ارنايى جا­سالعان كەستەگە وراي اقتوبەگە جونەل­تىلەتىن بولادى. – اقتوبە فەرروقورىتپا زاۋىتىندا تەحنولوگيالىق ىدىستاردى جا­ڭارتۋ ماسەلەسىنە ەرەكشە نازار اۋ­دارىلادى. سەبەبى, مۇنىڭ تەحنو­لوگيالىق پروتسەستەر مەن ادامداردىڭ قاۋىپ­سىزدىگىنە تىكەلەي اسەرى بار, – دەيدى «قازحروم» تۇق» اق اقتوبە فەرروقورىتپا زاۋىتىنىڭ تەحنولوگيا ءجو­نىندەگى وندىرىستىك-تەح­نيكالىق ءبولىم باسشىسىنىڭ ورىنباسارى دار­حان ايداروۆ. – سوندىقتان ءبىزدىڭ كاسىپ­ورىندا ىستىق فەرروحروم قۇيما­لارىن ساقتاۋعا ارنالعان قۇيما قا­لاقتار پاركىن جاڭارتۋ قاجەتتىلىگى تۋىنداعاندا ءبىز تەك ەكونوميكالىق كورسەتكىشتەردى عانا ەمەس, تەحنيكالىق جاعى مەن ساپاسىنا كوڭىل بولدىك. بۇرىن وسى تەحنولوگيالىق ىدىس شەتەلدەن ساتىپ الىناتىن. سوندىقتان يمپورتتى وتاندىق ونىممەن اۋىس­تىرۋ ماقساتىندا ەۋرازيالىق توپ كاسىپورىندارى اراسىنان وسى ءونىمدى جاساۋعا قاي كاسىپورىننىڭ مۇمكىندىگى بار ەكەنىن زەرتتەدىك. وسى تۇستا ساپاسى ەشكىمنەن كەم تۇسپەيتىن ءونىمدى بىزگە سوكولوۆ-سارىباي كەن-بايىتۋ وندىرىستىك بىرلەستىگىنىڭ ماماندارى ۇسىندى. اقتوبە فەرروقورىتپا زاۋىتى جىلىنا 29 قۇيما قالاققا سۇرانىس جاسايدى. – ERG كاسىپورىندارى وسىمەن بىرنەشە رەت ءبىر-بىرىنە ناقتى قولداۋ كورسەتىپ كەلەدى. جۋىردا ءبىز قازاقستان ەلەكتروليز زاۋىتى ءۇشىن بليۋمستار شىعارا باستادىق. ال بۇگىن ەۋرازيالىق توپتىڭ باسقا دا كومپانيالارىمەن بايلانىستى نىعايتۋعا تىرىسىپ وتىرمىز. بولاشاقتا اقتوبە فەرروقورىتپا زاۋىتى ءۇشىن تاعى دا باسقا ەكى ءتۇرلى قۇرال – 2,83 تەكشە مەترلىك قوججيناعىش پەن 3 تەكشە مەترلىك ءشومىش شىعارۋ جوس­­پاردا بار. قازىردىڭ وزىندە وسى بۇيىمداردى جاساۋعا دايىندىق جۇمىستارى باستالىپ كەتتى. وسى قادام­داردىڭ بارلىعى ءوندىرىس كولەمى تومەن­دەگەن قيىن كەزەڭدە زور مانگە يە. سەبەبى, بۇلار نارىقتا وتاندىق تاۋار­لاردىڭ ۇلەسىن ارتتىرۋعا باعىت­تالعان, – دەيدى «سسكوب» اق پرەزي­دەنتى بەرەكە مۇحامەتقاليەۆ. ىزدەنىستەر وسىلاي ىشكى نارىقتىڭ اينالىمىن قامتاماسىز ەتۋدە. ءنازيرا جارىمبەتوۆا, «ەگەمەن قازاقستان» رۋدنىي