قازاقستاندا ۇلەسكەرلىك قۇرىلىس تالاپتارى كۇشەيەدى

«پارلامەنت «تۇرعىن ءۇي قۇرىلىسىنا ۇلەستiك قاتىسۋ تۋرالى» قر جاڭا زاڭىن قابىلدادى. ول 2016 جىلدىڭ 10 قازانىنان باستاپ ەنگىزىلەتىن بولادى دەپ حابارلايدى ەگەمەن -اقپارات primeminister.kz سايتىنا سىلتەمە جاساپ. جاڭا زاڭناماعا سايكەس, ۇلەسكەرلەردىڭ قاراجاتىن تارتۋدىڭ ءۇش ءتاسىلى قاراستىرىلعان. ءبىرىنشى ءتاسىل – قور كەپىلدىگىن الۋ ارقىلى ۇلەسكەرلەردىڭ قاراجاتىن ۇلعايتۋ مۇمكىندىگى. ەكىنشىسى – جەرگىلىكتى اتقارۋشى ورگاننىڭ رۇقساتىمەن, ەكىنشى دەڭگەيلى بانكتىڭ قاتىسۋىمەن, جانە ءۇشىنشىسى - جەرگىلىكتى اتقارۋشى ورگاننىڭ رۇقسات بەرۋىمەن, تۇرعىن ءۇيدىڭ قاڭقاسى تۇرعىزىلعاننان كەيىن», -  دەپ حابارلادى استانا قالاسى مەملەكەتتىك ساۋلەت-قۇرىلىس باقىلاۋى باسقارماسى باسشىسىنىڭ ورىنباسارى داۋلەت دوسقۇلوۆ استانا اكىمدىگىندەگى ءباسپاسوز كونفەرەنتسياسىندا. ونىڭ ايتۋىنشا, قۇرىلىس سالۋشىلار كەلەسى تالاپتار ورىندالعان كەزدە عانا ۇلەسكەرلەردىڭ قاراجاتىن تارتا الادى. ول - جەر ۋچاسكەسىنىڭ بولۋى, تۇرعىن ءۇي نىساندارى قۇرىلىسىنىڭ شىعىندارى سمەتاسىنان تۇراتىن مەملەكەتتىك ساراپتاۋدان وتكەن جوبالىق-سمەتالىق قۇجاتتاما, سونداي-اق, ءتيىستى ينجەنەرلىك كوممۋنيكاتسيالاردى قوسۋ جۇمىستارى. «كەپىلدىك بەرۋ قورىمەن شارتقا قول قويىپ, كەپىلدىككە يە بولعان جاعدايدا, قۇرىلىس سالۋشى قاراجاتتاردى تارتۋعا قۇقىلى بولادى. قالعان ەكى ءتاسىل بويىنشا تەك جەرگىلىكتى اتقارۋشى ورگاننان ۇلەسكەرلەردىڭ قاراجاتىن تارتۋ بويىنشا رۇقساتىن العان كەزدە عانا جۇزەگە اسىرىلادى. بۇل قىزمەتتى جەرگىلىكتى اتقارۋشى ورگاندا, ياعني استانا قالاسىنىڭ اكىمدىگىندە قالا ساۋلەتى باسقارماسى ورىندايتىن بولادى. مۇندا قۇجاتتاردى قابىلداۋ مەن قاراستىرۋ جۇمىستارى جانە ۇلەسكەرلەردىڭ قاراجاتىن تارتۋعا رۇقساتتاما دايىندالاتىن بولادى», - دەپ ءسوزىن تۇيىندەدى د. دوسقۇلوۆ. ەسكە سالا كەتەيىك, الەۋەتتى ۇلەسكەرلەر مەن قۇرىلىس سالۋشىلار كەز-كەلگەن تۋىنداعان سۇراق بويىنشا استانا قالاسى اكىمدىگىنىڭ call-ورتالىقتارىنا 1414 تەلەفونى بويىنشا حابارلاسۋى كەرەك.