كۇزگى جارمەڭكە كوڭىلدى جادىراتتى

كوكشەتاۋدىڭ «تاۋەلسىزدىك» الاڭى مەن ورتالىق ۋنيۆەرماگ الاڭىن­دا ءداستۇرلى كۇزگى ءجار­مەڭكە اشىلدى. ونىڭ جۇمى­سىنا بۋراباي, زەرەندى, سان­دىق­تاۋ, شورتاندى اۋدان­دارى مەن ارشالى اۋدانىن­داعى «يجەۆ­سكي» وندىرىستىك كوو­پەرا­تي­ۆى, اق­كول اۋدانىنداعى «ءۇش بۇ­لاق», ەڭبەكشىلدەر اۋدا­نىن­دا­عى «قازگەرقۇس», تسەلينوگراد اۋدا­نىنداعى «CapitalProjectLtd» جاۋاپ­كەر­شىلىگى شەكتەۋلى سەرىك­تەس­­تىك­تەرىنىڭ اۋىل شارۋاشىلىعى تاۋار ءون­دىرۋشىلەرى قاتىستى. قالا تۇرعىندارىن اقمولا وبلىسىنىڭ اكىمى سەرگەي كۋلا­گين قۇتتىقتاپ, ەل-جۇرتقا داس­تارقان بايلىعىن تىلەدى. وبلىستىق اۋىل شارۋا­شىلىعى باسقارماسىنىڭ ءمالى­مەتى بويىنشا, جارمەڭكەدە 114 ميلليون تەڭگەنىڭ 57 ءتۇرلى جەرگىلىكتى ازىق-ت ۇلىك تاۋارى قولجەتىمدى باعامەن ساتىلعان. ساۋدا الاڭدارىنا 66 توننا ەت جانە شۇجىق ونىمدەرى, 13 توننا بالىق, 250 مىڭ دانادان استام جۇمىرتقا, 21 مىڭ توننا ءسۇت پەن ءسۇت ونىمدەرى, 22 توننا ۇن, 80 توننا كارتوپ 73 توننا كوكونىس, 10 تونناعا جۋىق جارما, 5 توننا قانت پەن 10 مىڭ ليتر وسىمدىك مايى جەتكىزىلدى. مەرەكەلىك سيپاتتاعى ءجار­مەڭكەدە اۋدان كوركەمونەر­پاز­دارىنىڭ كونتسەرتتەرى قويىلىپ, مادەني-كوپشىلىك شارالار ۇيىم­داستىرىلدى. باقبەرگەن امالبەك, «ەگەمەن قازاقستان» اقمولا وبلىسى