اۋەزوۆ الەمىنە cاياحات

دىڭ «جيدەباي-ءبورىلى» مەم­لە­كەتتىك تاريحي-مادەني جانە ادەبي-مە­مو­ريالدىق قورىق-مۇراجايىندا قازاق ادەبيەتىنىڭ كلاسسيگى م.اۋە­زوۆتىڭ شىعارماشىلىعىنا ارنالعان «مۇحتار مۇراسى – ادامزات قازىناسى» اتتى ايماقتىق ءبىلىم سايىسى وتكىزىلدى. داستۇرگە اينالعان اتالمىش سايىستى وتكىزۋدەگى باستى ماقسات مۇحتار اۋەزوۆتىڭ ءومىرى مەن شىعارماشىلىق الەمىن كەلەشەك جاس بۋىننىڭ ساناسىنا ءسىڭىرىپ, ءار قىرىن تەرەڭ بىلۋگە ىنتالاندىرۋ جانە كەڭىنەن ناسيحاتتاۋ بولاتىن. سايىسقا جالپى سانى 80 ۇمىتكەر قا­تىستى. ولاردىڭ قاتارىندا  قالا جانە قالا ماڭىنداعى مەكتەپتەردىڭ 9-11 سىنىپ وقۋشىلارى, كوللەدج ستۋدەنتتەرى جانە جاس ىزدەنۋشىلەر بار. بايقاۋ ءۇش اينالىمنان تۇردى: مۇحتار اۋەزوۆتىڭ شىعارمالارىنان ءۇزىندىنى مانەرلەپ وقۋ, اقىندار ءمۇشايراسى جانە قولونەر تۋىندىلارىن جاساپ كورسەتۋ. مىنە, وسى تالاپتارعا ساي بايقاۋدى رەس­پۋب­ليكامىزعا بەلگىلى اقىن, «اباي» جۋر­­نالىنىڭ رەداكتورى م.وسپانوۆ, م.تولەباەۆ اتىنداعى مۋزىكا ۋچيليششەسىنىڭ وقىتۋشىسى م.الەپاروۆا, اباي تەاترىنىڭ ادەبي جەتەكشىسى م.قارتوۆ, «داريعا-اي» جاس­تار تەاترى ادەبي ءبولىمىنىڭ مەڭگەرۋشىسى ب.يگىلىك پەن اكتەر ر.بەيسەن ۇلى, شاكارىم ۋنيۆەرسيتەتىنىڭ وقىتۋشىلارى م.تاتيەۆا مەن ب.نىسانعاليەۆا جانە اباي قورىق-مۇراجايىنىڭ قىزمەتكەرلەرى باعالادى. مانەرلەپ وقۋ بويىنشا I ورىن م.اۋەزوۆ اتىنداعى پەداگوگيكالىق كوللەدجىنەن س.مەيرامبەكوۆكە, II ورىن №11 مەكتەپتەن ا.جاناحمەتوۆا, ج.سەمباەۆاعا, №22 مەكتەپتەن ك.اباەۆاعا بەرىلدى.  اقىندار ءمۇشاي­راسىندا I ورىن م.اۋەزوۆ اتىنداعى پەداگوگيكالىق كوللەدجىنەن ق.ەركىن ۇلىنا, II ورىن وسى كوللەدجدەن ح.سامەتوۆاعا, III ورىن №47 مەكتەپتەن ە.كەنجەبەك ۇلىنا بەرىلدى.  قولونەر بايقاۋىنان №22 مەكتەپ-ليتسەيدەن م.اسقاربەك I ورىنعا, ءشۇلبى ورتا مەكتەبىنەن ر.اسەت ۇلى II ورىنعا, وزەركا مەكتەبىنەن ا.جاقانوۆا III ورىنعا يە بولدى. بارلىعى دا باعالى سىيلىقتارمەن ماراپاتتالدى. «مۇحتار مۇراسى – ادامزات قازىناسى» سايىسى جىل سايىن ءوز جالعاسىن تابا بەرمەك.  راۋشان نۇعمانبەكوۆا  سەمەي سۋرەتتى تۇسىرگەن اۆتور