ەلىمىزدە العاش رەت 3D لاپاروسكوپيالىق وپەراتسيا جاسالدى

ەلىمىزدە العاش رەت جاسالعان 3D لاپاروسكوپيالىق وپەراتسيا ءساتتى وتكەنىن «اقتوبە اقپارات» ورتالىعى حابارلادى. كۇردەلى وپەراتسيانى اقتوبەدە ءوتىپ جاتقان ەندوسكوپيا حيرۋرگتەرىنىڭ قۇرىلتايىنا قاتىسقان بىرنەشە ەلدىڭ مامانى بىرلەسىپ جاساعان. 45 جاستاعى ەر ادامنىڭ باۋىرى جاڭا لاپاروسكوپيالىق ادىسپەن الماستىرىلدى. سىرقاتقا ءوز بالاسى باۋىرىنىڭ جارتىسىن ءبولىپ بەرگەن. وڭتۇستىك كورەيا, گرۋزيا, رەسەي, ۋكراينا مەن لاتۆيادان كەلگەن بىلىكتى حيرۋرگ-ماماندار 3 كۇن بويى شەبەرلىك ساعاتىن وتكىزەدى. جەرگىلىكتى دارىگەرلەرمەن بىرىگىپ, جاڭا ادىسپەن كۇردەلى وپەراتسيالار جاسايدى. وبلىستىق بالالار كلينيكالىق اۋرۋحاناسىندا مۇنداي شارانىڭ بىرنەشەۋى جوسپاردا تۇر. اقتوبەدە جىل باسىنان بەرى 4 رەت باۋىر الماستىرۋدىڭ اشىق وپەراتسياسى ءساتتى جاسالدى. «جالپى, كەشەدەن باستاپ اقتوبە قالاسىنا 100-دەن استام حيرۋرگ كەلدى. 8 شەبەرلىك ساعاتى ءوتتى, ءوڭىر تۇرعىندارىنا 35 اسا كۇردەلى وپەراتسيا جاسالادى», دەيدى وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ. ايگەرىم توقسانبەك