«التىن ارماننان» قۇتتى قونىستارىن تاپتى

سوڭعى جىلدارى قوستاناي قالاسىنىڭ ءار شالعايىندا جاڭا تۇرعىن اۋداندار جىلدام ءوسىپ كەلەدى. قالا سىرتىنداعى بۇرىن نەگىزىنەن ءوندىرىس ورىندارى ورنالاسقان اۋماق قازىر اسەم قالاعا اينالدى. وندا تۇ­تاس تۇرعىن اۋدانمەن بىرگە سوڭ­عى جىلدارى نازارباەۆ زياتكەر­لىك مەكتەبى, تاعى ءبىر قازاق ور­تا مەكتەبى بالالارعا ەسىگىن اي­قارا اشتى. Toyota, Sang Yong سە­كىلدى الەمدىك برەندتەر قۇراس­تى­رى­لاتىن «اگروماشحولدينگ» جانە «سارىارقااۆتوپروم» ءىرى زاۋىتتارى ورنالاسقان اۋماقتا «التىن ارمان» شاعىن تۇرعىن اۋدانى بوي كوتەردى. ونداعى جاڭا جوبامەن سالىنعان اسەم ۇيلەر قوستانايلىقتاردىڭ ارمان مەكەنى دەسە بولادى. تاياۋدا عانا وپەراتورى «ءباي­تە­رەك» حولدينگى يپوتەكالىق كومپانياسى بولىپ تابىلاتىن «نۇرلى جول» الەۋمەتتىك ارەندالىق تۇر­عىن ءۇي باعدارلاماسى بويىنشا 94 وتباسى باسپانالى بولدى. ولار­دىڭ قاتارىندا بيۋدجەت قىز­مەتكەرلەرى, كوپ بالالى وتباسى­لار, ورالماندار, ۇستازدار, مەديتسينا قىزمەتكەرلەرى سەكىلدى باسپانانى ارمانداپ, ءبىرازدان بەرى كەزەكتە تۇرعاندار از ەمەس. پاتەر كىلتىن تاپسىرۋ كەزىندە وبلىس اكىمى ارحيمەد مۇحامبەتوۆ «ءباي­تەرەك» حولدينگىنىڭ ەن­شى­لەس كاسىپورىندارى تۇرىن ءۇي باع­دار­لاماسىنا بەلسەندى قاتىسىپ, وبلىس اكىمدىگى قۇرىلىستىڭ ىرعاق­تى جۇرۋىنە كەشەندى شارالار جاساپ وتىرعانىن ايتتى. – قازىر «بايتەرەك دەۆەلوپ­مەنت» جانە قازاقستان يپوتەكالىق كومپانياسىمەن ىنتىماقتاسا جۇمىس ىستەۋ ارقاسىندا قوستاناي قالاسىنداعى تۇرعىن اۋدانداردا 9 تۇرعىن ءۇي قۇرىلىسى قارقىندى جۇرگىزىلۋدە. «يۋبيلەينىي» جا­ڭا تۇرعىن اۋدانىنىڭ ينفرا­قۇرىلىمىن جاساۋ ءۇشىن 6 ميل­ليارد تەڭگەدەن استام قارجى ءبولۋدى ويلاستىرىپ وتىرمىز, – دەدى ءوڭىر باسشىسى. تۇرعىنداردى باسپانامەن قامتاماسىز ەتۋ ءۇشىن وبلىس ورتالىعىنداعى 5 تۇرعىن اۋداندا قۇرىلىس جۇمىستارىنا باسىمدىق بەرىلدى. «اەروپورت», «سولتۇستىك» تۇرعىن اۋداندارىن­دا قۇرىلىس جۇمىستارى قار­قىن الا تۇسسە, «قوناي» جانە قا­لا ىرگەسىندە ورنالاسقان مي­­چۋ­رين سەلوسىنداعى «يۋبي­لەي­نىي» تۇرعىن اۋدانىندا ينفرا­قۇرى­لىم تارتۋ جۇمىستارى ءجۇر­گىزىلىپ, وندا 400 مىڭ شارشى مەتر جەكە ءۇي سالۋعا جەر تەلىمدەرى بەرى­لەدى. ءنازيرا جارىمبەتوۆا, «ەگەمەن قازاقستان» قوستاناي