سەنىمگە سەرپىن قوسقان سەرىكتەستىك

*رەسەي پرەزيدەنتى ۆلاديمير پۋتين جاقىندا سايلانعان 7-ءشى مەملەكەتتىك دۋمانىڭ (پارلامەنت) توراعاسى رەتىندە ۆياچەسلاۆ ۆو­لوديننىڭ كانديداتۋراسىن قولداۋعا شاقىردى. الدىڭعى مەملەكەتتىك دۋما توراعاسى سەرگەي نارىشكيننىڭ رەسەيدىڭ سىرتقى بارلاۋ قىزمەتىنىڭ باسشىسى بولىپ تاعايىندالعانى بەلگىلى. *بىشكەككە رەسمي ساپارى بارىسىندا تاجىكستان پرەمەر-ءمينيسترىنىڭ ورىنباسارى ازيم يبروحيم مەن قىرعىزستاننىڭ ۆيتسە-پرەمەر-مي­نيسترى جەنيش رازاقوۆ ەكىجاقتى قارىم-قاتى­ناستاردى نى­عايتۋ قاجەتتىگىن اتاپ ءوتىپ, مەملەكەتتىك شەكارانى دەليميتاتسيالاۋ جانە دەماركاتسيالاۋ تۋرالى ماسەلەنى تالقىلادى. *ازەربايجانعا رەسمي ساپارى بارىسىندا بەلارۋس قاۋىپسىزدىك كەڭەسىنىڭ مەملەكەتتىك حاتشىسى ستانيسلاۆ زاس جانە ازەربايجان ىشكى ىستەر ءمينيسترى راميل ۋسۋبوۆ حالىقارالىق تەرروريزم, زاڭسىز كوشى-قون, زاڭسىز ەسىرتكى ساۋداسى مەن كيبەرقىلمىسقا قارسى بىرلەسكەن كۇرەستى نىعايتۋ قاجەتتىگىن تالقىلادى. *استانادا وتكەن ازەربايجان-قا­زاقستان ۇكىمەتارالىق ەكونوميكالىق ىنتىماقتاستىق جونىندەگى كوميس­سيانىڭ 13-ءشى وتىرىسىندا قازاق­ستاننىڭ ەنەرگەتيكا ءمينيسترى قانات بوزىمباەۆ ازەربايجاننىڭ SOCAR مەملەكەتتىك مۇناي كومپانياسىنا كاسپي باسسەينىندە كومىرسۋتەگى كەن ورىندارىن ىزدەۋگە ارنالعان حالىقارالىق ەۋرازيا جوباسىنا قاتىسۋ مۇمكىندىگىن قاراستىرۋدى ۇسىندى. لۋكويل, روسنەفت, شەلل, شەۆرون جانە قىتايدىڭ CNPC كومپانياسى شامامەن 523 ملن دوللارعا باعالانىپ وتىرعان جوباعا ءوز قىزىعۋشىلىقتارىن ءبىلدىردى. *قىرعىزستان ۇلتتىق ەنەر­گە­­تي­كالىق حولدينگىنىڭ ايتۋىنشا, قازاقستان قىرعىزستانمەن جاساسقان ەلەكتر ەنەرگياسى كەلىسىمى شەڭبەرىندە قىرعىزستانعا ەلەكتر ەنەرگياسىن بەرە باستادى. تامىز ايىندا قىرعىزستان قازاقستاننان 197,5 ملن كيلوۆاتت-ساعات (كۆت) ەلەكتر ەنەرگياسىن ساتىپ الدى. قىركۇيەك ايىندا قازاقستاننىڭ 62,8 ملن كۆت ەلەكتر ەنەرگياسى جىبەرىلدى. *وزبەكستاننىڭ ءبىرىنشى ۆيتسە-پرەمەرى رۋستام ازيموۆ وزبەك جەمىس­تەرى مەن كوكونىستەرى ءۇشىن كەدەن ءتارتىبى مەن فيتوسانيتارلىق تازارتۋعا قاتىستى كەدەن قۇجات­تا­رىن جەڭىلدەتىپ, جاسىل ءدالىز قۇرۋدى ۇسىندى. *استانا حالىقارالىق قارجى ورتالىعىنىڭ ء(اىFس) باسشىسى قايرات كەلىمبەتوۆ گونكونگ ساۋدا دامىتۋ كەڭەسىنىڭ «ءبىر بەلدەۋ – ءبىر جول» باستاماسى اياسىندا قازاقستاندا ينۆەستيتسيالىق جوبالاردى ىلگەرىلەتۋ ماقساتىندا ءاىFس-مەن كەلىسىمگە قول قويىلعانىن حابارلادى. *رەسەي-ۆەتنام ۇكىمەتارالىق كو­­ميس­سياسىنىڭ كەزدەسۋى بارىسىندا رەسەيدىڭ ءبىرىنشى ۆيتسە-پرەمەرى يگور شۋۆالوۆ ەۋرازيالىق ەكونوميكالىق وداق (ەاەو) پەن ۆەتنام اراسىنداعى ەركىن ساۋدا ايماعى تۋرالى كەلىسىم 2016 جىلدىڭ 5 قازانىندا كۇشىنە ەنەدى دەپ حابارلادى. سونداي-اق, ەاەو-عا مۇشە بولعان مەملەكەتتەر مەن ۆەتنامدا مەملەكەتىشىلىك راسىمدەر اياقتالدى دەپ اتاپ ءوتىلدى.