قىتايدا قازاق كۇرەسى قانات جايدى

قىتايدىڭ ىلە-قازاق اۆتونوميالى وبلى­سى­نىڭ مۇڭعىل­كۇرە اۋدانىندا قازاق كۇرەسى­نەن الەم چەمپيوناتى ءوتتى. وسى سىندا بەس سالماق دارەجەسى بويىنشا تۇگەلدەي قازاق بالۋان­­دارى توپ جارىپ, تۇعىر بيىگىنە كوتەرىلدى. دوداعا الەمنىڭ 25 ەلىنەن 80-نەن استام كىلەم شەبەرلەرى قاتىسىپ, بەس كۇن بويى بوز كىلەم­دە باق سىناستى. الدىمەن ەگىز بالۋاندار عۇس­­مان جانە عۇمار قىرعىز­باەۆ­­تار جان­كۇيەر­لەرىن ءتانتى ەتىپ, ال­عاش­قى ەكى سالماقتا ۇزدىك شىق­تى. اتاپ ايتقاندا, عۇسمان 60 كيلو سال­­­ماقتا كۇرەسىپ, فينال­دا وزبەك­ستا­ن­­دىق سانجار وسما­ناليەۆتىڭ جاۋى­رى­نىن جەر ءيىس­كەت­تى. كورشى ەلدىڭ اتىنان سىنعا تۇسكەن  عۇمار بولسا, 70 كيلو سال­ماق­تا شىڭ­جاڭ ولكەسىنىڭ بالۋانى مادە­نيەت جالىن­­بايدى ۇتتى. قولا مەدالدى ءتۇر­كيا اتى­نان جار­ىسقا قاتىسقان قىر­عىز مير­لان ەراليەۆ پەن وزبەك باح­روم ينوياتوۆ يەلەندى. كەلەسى 80 كيلوعا دەيىنگى سال­ماقتا داۋلەت پاح­ريددينوۆ ءتورت بەلدەسۋ وتكىزىپ, سونىڭ ءبارىن­دە قارسىلاستارىن ايقىن باسىم­دىقپەن جەڭسە, 90 كيلودا ايبول ايتبەككە چەمپيوندىق اتاق ءۇشىن كۇرەسۋ وڭاي بولمادى. ونىڭ سالماعىندا كۇرەستىڭ باس­قا ءتۇر­لەرىنەن دە جۇلدە الىپ ءجۇر­گەن ەستو­نيالىق الەكساندر مار­لەليۋك پەن وزبەك شۋكيرجون ارس­لانوۆ كۇرەستى. ولار بەلدەسۋ با­رى­سىندا ءبىزدىڭ بالۋانعا كادىمگىدەي قارسىلىق كورسەتتى. دەگەنمەن, ايبولدىڭ دەسى باسىم ءتۇسىپ, فينالدا وزبەكستاندىق باسە­كەلەسىن تىزە بۇكتىردى. بۇدان كەيىن 90 كيلودان استام سالماقتاعىلار كىلەمگە شىقتى. مۇندا بەلدەسۋلەر دە تارتىس­قا تولى بولدى. ناتيجەسىندە, ايبەك نۇعىماروۆ قارسىلاستارىنىڭ ءبارىن ۇتىپ, چەمپيوندىق ءۇشىن گرۋ­زيا­­لىق الىپ كۇش يەسى لەۆا­ني ما­تيا­شۆيليمەن تىرەستى. كەز­دەسۋ­دە ءبىزدىڭ وتانداسىمىز ايلاسىن اسى­رىپ, جەڭىسكە جەت­تى. بەل­دەسۋ اياق­­تال­عاننان كەيىن ايبەك: «مە­نىڭ توبىما ءتۇس­كەن­دەردىڭ ءبارى ەڭ مىقتى بول­دى. ال گرۋزينمەن كۇرە­سۋ ماعان اۋىرلاۋ ءتيدى», دەگەن­دى ايت­­تى. ولارمەن ءبىر توپقا ءتۇس­كەن رە­سەي­لىك ماكسيم شيرياەۆ پەن بەلو­رۋس الەكساندر ۆاحاۆياك تە كەرە­مەت كۇرەستى. ەكەۋىنىڭ چەمپيون اتان­ۋ­عا مۇمكىندىگى بولعان ەدى. الاي­دا, ولارعا ءسال عانا ساتتىلىك جەتىسپەدى. چەمپيوناتتاعى ەڭ قىزىقتى بەلدەسۋلەر تۇيە بالۋاندار اراسىندا ءوتتى. وعان سالماعى 80 كيلودان اساتىن ۇزدىكتەر قاتىستى. بۇل سى­ناقتا قازاقستاننىڭ نامىسىن مۇحيت تۇرسىنوۆ پەن ايبەك نۇعىماروۆ قورعادى. ناتيجەسىندە اي­بەك جارىستى ىرىكتەۋ كەزەڭىندە اياق­تاسا, مۇحيت قولا جۇلدەگە قول جەت­كىزدى. ال «تۇيە بالۋان» اتاعىن گرۋ­زين گۋرام تۋشيشۆيلي جەڭىپ ال­دى. سالماعى 130 كيلودان اۋىر 21 جاستاعى بۇل الىپ جىگىتتىڭ دزيۋ­دو­­­دان ەۋروپا چەمپيونى دەگەن اتاعى بار. ەندى قازاق كۇرەسىن دە مەڭ­­­گەرىپ الىپتى. بىلتىر ول شىم­­­كەنت­تە وتكەن حالىقارالىق تۋر­­نير­دە ءبىزدىڭ جىگىتتەردىڭ بارىنە سان سوق­­تىرىپ كەتىپ ەدى. سونىڭ سو­ڭى الەم چەم­پيون­دىعىنا دا جەتكىزدى. چەمپيوناتتىڭ جابىلۋ سالتا­نا­تىندا ءجۇل­دەگەر­لەرگە سىيلىق­تار تاپسىرىلدى. جارىس باستالار الدىندا «قازاق كۇرەسىنىڭ دامۋى: بۇگىنى مەن كەلە­شەگى» دەگەن تاقى­رىپتا حالىقارالىق عىلىمي كونفەرەنتسيا ءوتىپ, ءتول كۇرەسىمىزدىڭ قازىرگى دامۋ دەڭگەيى تالقىلاندى. باسقوسۋدا قانداستارىمىز قىتايدىڭ 3 قالا, 13 اۋدان جانە 3 وبلىسىندا ۇلت­تىق كۇرە­سىمىز فەدەراتسيالارى اشىل­عا­نىن, ال ىلە-قازاق وبلىسىنىڭ كۇنەس اۋدانىنداعى تۇرگەن اۋىلىن­دا قازاق كۇرەسى مەكتەپ باع­دا­ر­لاماسىنا ارناۋلى ءپان رەتىندە ەنگىزىلگەنىن ايتتى.  دۇنيە­جۇزى­­لىك قازاق كۇرەسى فەدەراتسيا­سى اقپارات ءبولىمىنىڭ باسشىسى اقىن ورداباي ۇلى «قازاق كۇرە­سى» اتتى جاڭا جۋرنالدى تانىس­تىرىپ, بايانداما جاسادى. سوڭى­نان قازاق كۇرەسىنەن ازيا فەدە­را­تسياسىنىڭ پرەزيدەنتى بولىپ سەرىك كەنەنباي سايلاندى. جيىندا دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكەەۆ كەلەسى VII الەم چەم­پيو­نا­تى­نىڭ 2017 جىلى تامىزدا اس­تا­نا قالاسىندا وتەتىنىن حابارلادى. داستان كەنجالين, «ەگەمەن قازاقستان» استانا – مۇڭعىلكۇرە (قىتاي) – استانا