قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ بۇيرىعى  №35

  2016 جىلعى 16 اقپان, استانا قالاسى مەملەكەتتiك قىزمەتتەر كورسەتۋ ساپاسىن مەملەكەتتىك باقىلاۋ قاعيدالارىن بەكىتۋ تۋرالى قازاقستان رەسپۋبليكاسىنىڭ 2013 جىلعى 15 ساۋىردەگى «مەملەكەتتىك كورسەتىلەتىن قىزمەتتەر تۋرالى» زاڭى 7-بابىنىڭ 3) تارماقشاسىنا, قازاقستان رەسپۋبليكاسىنىڭ 2010 جىلعى 19 ناۋرىزداعى «مەملەكەتتىك ستاتيستيكا تۋرالى» زاڭىنىڭ 16-بابى 3-تارماعىنىڭ 2) تارماقشاسىنا سايكەس, بۇيىرامىن: 1. مەملەكەتتىك قىزمەتتەر كورسەتۋ ساپاسىن مەملەكەتتىك باقىلاۋ قاعيدالارى بەكىتىلسىن. 2. «مەملەكەتتىك قىزمەتتەر كورسەتۋ ساپاسىن باقىلاۋ قاعيدالارىن بەكىتۋ تۋرالى» قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ 2015 جىلعى 28 ساۋىردەگى № 146 بۇيرىعىنىڭ (نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىندە № 11253 بولىپ تىركەلگەن, «ادىلەت» اقپاراتتىق-قۇقىقتىق جۇيەسىندە 2015 جىلعى 8 شىلدەدە جاريالانعان) كۇشى جويىلدى دەپ تانىلسىن. 3. قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ مەملەكەتتىك قىزمەتتەر دەپارتامەنتى ء(ا.ق. مۇقاشەۆ): 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەلۋىن; 2) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جولدانۋىن; 3) وسى بۇيرىقتىڭ قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ ينتەرنەت-رەسۋرسىندا ورنالاستىرىلۋىن; 4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك بەس كۇن ىشىندە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولدانۋىن قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ مەملەكەتتىك قىزمەتتەر كورسەتۋ ساپاسىن باقىلاۋ جانە باعالاۋ ماسەلەلەرىنە جەتەكشىلىك ەتەتىن قازاقستان رەسپۋبليكاسىنىڭ مەملەكەتتىك قىزمەت ىستەرى ۆيتسە-مينيسترىنە جۇكتەلسىن. 5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ مەملەكەتتىك قىزمەت ىستەرى ءمينيسترى ت.دوناقوۆ «كەلىسىلدى» قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا كوميتەتى توراعاسىنىڭ مىندەتىن اتقارۋشى ب.ز. يماناليەۆ _______________ 2016 جىلعى 18 اقپان قازاقستان رەسپۋبليكاسى مەملەكەتتىك قىزمەت ىستەرى ءمينيسترىنىڭ 2016 جىلعى 16 اقپانداعى № 35 بۇيرىعىمەن بەكىتىلگەن مەملەكەتتىك قىزمەتتەر كورسەتۋ ساپاسىن مەملەكەتتىك باقىلاۋ قاعيدالارى 1. جالپى ەرەجەلەر 1. وسى مەملەكەتتىك قىزمەتتەر كورسەتۋ ساپاسىن مەملەكەتتىك باقىلاۋ قاعيدالارى ورتالىق مەملەكەتتىك ورگانداردىڭ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنىڭ, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرىنىڭ, ورتالىق مەملەكەتتىك ورگانداردىڭ نەمەسە جەرگىلىكتى اتقارۋشى ورگانداردىڭ ۆەدومستۆولىق باعىنىستى ۇيىمدارىنىڭ, قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەردى كورسەتەتىن جەكە جانە زاڭدى تۇلعالاردىڭ (بۇدان ءارى – تەكسەرىلەتىن سۋبەكتىلەر) مەملەكەتتىك قىزمەتتەر كورسەتۋى ساپاسىنا مەملەكەتتىك باقىلاۋ جۇرگىزۋ ءتارتىبىن ايقىندايدى. 2. قازاقستان رەسپۋبليكاسىنىڭ 2015 جىلعى 29 قازانداعى كاسىپكەرلىك كودەكسىنىڭ (بۇدان ءارى – كاسىپكەرلىك كودەكس) 134-بابىنا سايكەس مەملەكەتتىك باقىلاۋ سىرتقى جانە iشكi بولىپ بولiنەدi. 3. مەملەكەتتىك باقىلاۋ مىناداي قاعيداتتارعا نەگىزدەلەدى: 1) زاڭدىلىق; 3) بەيتاراپتىق; 5) جان-جاقتىلىق; 7) انىقتىق. 2) وبەكتيۆتىلىك; 4) اشىقتىق; 6) تاۋەلسىزدىك; 2. سىرتقى باقىلاۋ جۇرگىزۋدىڭ ءتارتىبى 4. مەملەكەتتىك قىزمەتتەر كورسەتۋ ساپاسىن سىرتقى باقىلاۋدى (بۇدان ءارى – سىرتقى باقىلاۋ) قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگى (بۇدان ءارى – مينيسترلىك) جانە ونىڭ اۋماقتىق ورگاندارى تەكسەرىلەتىن سۋبەكتىلەردىڭ قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىن ساقتاۋىن تەكسەرۋ جانە مونيتورينگتەۋ نىسانىندا جۇزەگە اسىرادى. 5. سىرتقى باقىلاۋ جۇرگىزۋ كەزىندە مينيسترلىك جانە ونىڭ اۋماقتىق ورگاندارى: 1) تەكسەرىلەتىن سۋبەكتىلەردەن جانە (نەمەسە) لاۋازىمدى ادامداردان تەكسەرۋ نىساناسىنا ءتيىستى قاعاز جانە (نەمەسە) ەلەكتروندىق جەتكiزگiشتەردەگi قۇجاتتاردى (مالiمەتتەردi) نە ولاردىڭ كوشiرمەلەرiن تەكسەرۋ ناتيجەلەرi تۋرالى اكتىگە قوسۋ ءۇشiن, سونداي-اق تەكسەرۋدiڭ مiندەتتەرi مەن نىساناسىنا سايكەس اۆتوماتتاندىرىلعان دەرەكتەر قورىنا (اقپاراتتىق جۇيەلەرگە) قول جەتكiزۋدى سۇراتادى جانە الادى; 2) ىشكى باقىلاۋ ناتيجەلەرى تۋرالى اقپاراتتى سۇراتادى; 3) مەملەكەتتىك قىزمەتتەر كورسەتۋ ساپاسىنىڭ قوعامدىق مونيتورينگىنىڭ ناتيجەلەرى بويىنشا جەكە تۇلعالار, كوممەرتسيالىق ەمەس ۇيىمدار ۇسىنعان اقپاراتتى قولدانادى; 4) تەكسەرىلەتىن سۋبەكتىلەرگە مەملەكەتتىك قىزمەتتەر كورسەتۋ ساپاسىن ارتتىرۋ, ونىڭ ىشىندە انىقتالعان بۇزۋشىلىقتاردى جويۋ, سونداي-اق قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسى تالاپتارىنىڭ ورىنداماعانى نەمەسە ءتيىستى تۇردە ورىنداماعانى ءۇشىن كىنالى ادامداردى جاۋاپكەرشىلىككە تارتۋ جونىندە ۇسىنىستار ەنگىزەدى. 1-پاراگراف. قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ ساقتالۋىنا تەكسەرۋ جۇرگىزۋدىڭ ءتارتىبى 6. تەكسەرۋ كەلەسى تۇرلەرگە بولىنەدى: 1) ءىشىنارا; 2) جوسپاردان تىس. 7. مينيسترلىك جانە ونىڭ اۋماقتىق ورگاندارى قىزمەتكەرلەرىنىڭ ءىشىنارا تەكسەرۋ جۇرگىزۋىنىڭ نەگىزدەمەلەرى مينيسترلىكتىڭ نەمەسە ونىڭ اۋماقتىق ورگانىنىڭ ءبىرىنشى باسشىسىنىڭ نەمەسە ولاردىڭ مىندەتتەرىن اتقارۋشى ادامداردىڭ بۇيرىعىمەن جىل سايىن بەكىتىلەتىن ءىشىنارا تەكسەرۋ ءتىزىمى بولىپ تابىلادى. ءىشىنارا تەكسەرۋ ءتىزىمى كاسىپكەرلىك كودەكستىڭ 141-بابىنا سايكەس بەكىتىلگەن تاۋەكەل دارەجەسىن باعالاۋ نەگىزىندە جاسالادى جانە ەسەپتىلىكتى جانە باقىلاۋدىڭ وزگە دە نىساندارىنىڭ ناتيجەلەرىن تالداۋ ناتيجەلەرى بويىنشا قالىپتاستىرىلادى. 8. جوسپاردان تىس تەكسەرۋلەردى جۇرگىزۋدىڭ نەگىزدەمەلەرى: 1) قۇقىقتارى, بوستاندىقتارى مەن زاڭدى مۇددەلەرى بۇزىلعان جەكە جانە زاڭدى تۇلعالاردىڭ (كورسەتىلەتىن قىزمەتتى الۋشىلاردىڭ) وتىنىشتەرى; 2) مەملەكەتتىك كورسەتىلەتىن قىزمەتتەر سالاسىنداعى زاڭنامانىڭ بۇزىلۋىنىڭ ناقتى فاكتىلەرى بويىنشا پروكۋراتۋرا ورگاندارىنىڭ تاپسىرمالارى; 3) تەكسەرۋدi جۇزەگە اسىرۋ ءۇشiن قاجەتتi اقپارات الۋ ماقساتىندا تەكسەرiلەتiن سۋبەكتiمەن ازاماتتىق-قۇقىقتىق قاتىناستاردا بولعان ءۇشiنشi تۇلعالارعا قاتىستى قارسى تەكسەرۋ; 4) قىلمىستىق قۋدالاۋ ورگانىنىڭ قازاقستان رەسپۋبليكاسىنىڭ قىلمىستىق-پروتسەستىك كودەكسiندە كوزدەلگەن نەگىزدەر بويىنشا تاپسىرماسى; 5) مەملەكەتتىك كورسەتىلەتىن قىزمەتتەر سالاسىنداعى زاڭنامانىڭ بۇزىلۋىنىڭ ناقتى فاكتىلەرى بويىنشا مەملەكەتتىك ورگانداردىڭ وتىنىشتەرى. 9. مينيسترلىكتىڭ: قىزمەتكەرلەرى ورتالىق مەملەكەتتىك ورگانداردىڭ, ولاردىڭ ۆەدومستۆولارىنىڭ جانە ولارعا ۆەدومستۆولىق باعىنىستى ۇيىمداردىڭ قىزمەتىن; اۋماقتىق ورگاندارىنىڭ قىزمەتكەرلەرى قۇزىرەت شەگىندە, سونداي-اق مينيسترلىك باسشىلىعىنىڭ تاپسىرماسى بويىنشا مينيسترلىكتىڭ قىزمەتكەرلەرى ورتالىق مەملەكەتتىك ورگانداردىڭ جانە ولاردىڭ ۆەدومستۆولارىنىڭ اۋماقتىق بولىمشەلەرىنىڭ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنىڭ, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرىنىڭ جانە ولارعا ۆەدومستۆولىق باعىنىستى ۇيىمداردىڭ قىزمەتىن تەكسەرۋدى جۇرگىزەدى. 10. وسى قاعيدالاردىڭ 9-تارماعىندا كورسەتىلگەن تەكسەرىلەتىن سۋبەكتىلەردى قوسپاعاندا, جەكە جانە زاڭدى تۇلعالاردىڭ (كورسەتىلەتىن قىزمەتتى بەرۋشىلەردىڭ) قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىن بۇزعانى تۋرالى اقپارات كەلىپ تۇسكەن جاعدايدا, مۇنداي اقپارات كاسىپكەرلىك كودەكستە كوزدەلگەن باقىلاۋدىڭ ءتيىستى شارالارىن قابىلداۋ ءۇشىن وسى مەملەكەتتىك قىزمەتتەر كورسەتىلگەن سالادا باقىلاۋدى جۇزەگە اسىراتىن ۋاكىلەتتى ورگاندارعا جولدانادى. 11. قاجەت بولعان جاعدايدا تەكسەرۋ جۇرگىزۋگە تەكسەرىلەتىن سۋبەكتىلەرمەن ازاماتتىق-قۇقىقتىق جانە ەڭبەك قاتىناستارىندا تۇرمايتىن ساراپشىلار, ساراپتاما ۇيىمدارى جانە ماماندار تارتىلادى. 12. تەكسەرۋ مينيسترلىكتىڭ نەمەسە ونىڭ اۋماقتىق ورگانىنىڭ ءبىرىنشى باسشىسى نەمەسە ولاردىڭ مىندەتىن اتقارۋشى ادامدار قازاقستان رەسپۋبليكاسى باس پروكۋرورىنىڭ «تەكسەرۋدi تاعايىنداۋ تۋرالى اكتiلەردi, تەكسەرۋدى توقتاتا تۇرۋ, قايتا باستاۋ, ونىڭ مەرزىمدەرىن ۇزارتۋ تۋرالى, قاتىسۋشىلار قۇرامىن وزگەرتۋ جانە تەكسەرۋ مەن ونىڭ ناتيجەلەرi تۋرالى اقپاراتتىق ەسەپكە الۋ قۇجاتتارىن ۇسىنۋ تۋرالى حابارلامالاردى تىركەۋ قاعيدالارىن بەكىتۋ تۋرالى» 2016 جىلعى 26 قاڭتارداعى № 13 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 13171 بولىپ تىركەلدى) (بۇدان ءارى – باس پروكۋروردىڭ № 13 بۇيرىعى) بەكىتىلگەن نىسان بويىنشا شىعارعان تەكسەرۋدى تاعايىنداۋ تۋرالى اكت نەگىزىندە جۇرگىزىلەدى. 13. تەكسەرۋ جۇرگىزۋدىڭ مەرزىمى الداعى جۇمىستاردىڭ كولەمى, قويىلعان مىندەتتەر ەسكەرىلە وتىرىپ بەلگىلەنەدى جانە قۇقىقتىق ستاتيستيكا جانە ارنايى ەسەپتەر جونىندەگى ۋاكىلەتتى ورگاندا تىركەي وتىرىپ, وتىز جۇمىس كۇنىنەن اسپاۋعا ءتيىس. كورسەتىلەتىن قىزمەتتى الۋشىلاردىڭ شاعىمى بويىنشا جوسپاردان تىس تەكسەرۋ جۇرگىزۋدىڭ مەرزىمى شاعىمدا قوزعالعان ماسەلەلەر, الداعى جۇمىستىڭ كولەمى ەسكەرىلە وتىرىپ بەلگىلەنەدى جانە مەملەكەتتىك كورسەتىلەتىن قىزمەتتەر سالاسىنداعى زاڭنامادا بەلگىلەنگەن كورسەتىلەتىن قىزمەتتى الۋشىلاردىڭ شاعىمىن قاراۋدىڭ مەرزىمىنەن اسپاۋعا ءتيىس. 14. تەكسەرۋ كولەمىنىڭ اۋقىمدى بولۋىنا بايلانىستى, مينيسترلىكتىڭ نەمەسە ونىڭ اۋماقتىق ورگاندارىنىڭ ءبىرىنشى باسشىلارى نەمەسە ولاردىڭ مىندەتىن اتقارۋشى ادامدار تەكسەرۋ جۇرگىزۋدىڭ مەرزىمىن وتىز جۇمىس كۇنىنەن اسپايتىن مەرزىمگە ءبىر رەت قانا ۇزارتادى. تەكسەرۋ مەرزىمدەرى ۇزارتىلعان جاعدايدا, قۇقىقتىق ستاتيستيكا جانە ارنايى ەسەپكە الۋ جونىندەگى ۋاكىلەتتى ورگاندا تىركەي وتىرىپ, تەكسەرۋدى ۇزارتۋ تۋرالى قوسىمشا اكت رەسىمدەلەدى, وندا تەكسەرۋدى تاعايىنداۋ تۋرالى الدىڭعى اكتىنىڭ ءنومىرى مەن تىركەلگەن كۇنى جانە ۇزارتۋدىڭ سەبەبى كورسەتىلەدى. 15. تەكسەرىلەتىن سۋبەكتىنىڭ قىزمەتىنە (دەربەس دەرەك بويىنشا دارا نەمەسە جالپى بەلگىلەنگەن كەزەڭدە) مەملەكەتتىك قىزمەتتەر كورسەتۋ ساپاسىنىڭ ماسەلەسى بويىنشا تەكسەرۋدىڭ الدىندا ونىڭ قىزمەتىن رەتتەيتىن جانە سيپاتتايتىن نورماتيۆتىك قۇقىقتىق اكتىلەر, ماتەريالدار زەردەلەنەدى. 16. مينيسترلىكتىڭ نەمەسە ونىڭ اۋماقتىق ورگانىنىڭ قىزمەتكەرى (بۇدان ءارى – تەكسەرۋشى ادام) تەكسەرۋ الدىندا تەكسەرۋ جۇرگىزۋدىڭ باستالاتىنى تۋرالى كاسىپكەرلىك كودەكستە بەلگىلەنگەن مەرزىمدە تەكسەرىلەتىن سۋبەكتىنى جازباشا تۇردە حاباردار ەتەدى. 17. تەكسەرىلەتىن سۋبەكتىگە تەكسەرۋدى تاعايىنداۋ تۋرالى اكتىنى بەرگەن كۇننەن باستاپ تەكسەرۋ باستالعان بولىپ ەسەپتەلەدى. 18. تەكسەرۋدى تاعايىنداۋ تۋرالى اكتىمەن تانىسۋدان باس تارتقان نەمەسە تەكسەرۋشى ادامنىڭ (ادامداردىڭ) تەكسەرۋ جۇرگىزۋگە قاجەتتى ماتەريالدارعا قول جەتكىزۋىنە كەدەرگى كەلتىرىلگەن جاعدايدا, ەركىن نىساندا ءتيىستى حاتتاما جاسالادى. حاتتاماعا مينيسترلىكتىڭ نەمەسە ونىڭ اۋماقتىق ورگانىنىڭ تەكسەرۋ جۇرگىزەتىن لاۋازىمدى ادامى (ادامدارى) جانە تەكسەرىلەتىن سۋبەكتىنىڭ ۋاكىلەتتى ادامى قول قويادى. تەكسەرىلەتىن سۋبەكتىنىڭ ۋاكىلەتتى ادامى حاتتاماعا قول قويۋدان باس تارتقان جاعدايدا, ول باس تارتۋ سەبەبى تۋرالى جازباشا تۇسىنىكتەمەنى بىردەن بەرەدى نە حاتتامادا باس تارتقانى تۋرالى بەلگى جاسايدى. تەكسەرۋدى تاعايىنداۋ تۋرالى اكتىنى الۋدان باس تارتۋ تەكسەرۋدى جۇرگىزبەۋگە نەگىز بولىپ تابىلمايدى. 19. تەكسەرۋ ءبىر ايدان اسپايتىن مەرزىمگە ءبىر رەت توقتاتىلادى. 20. تەكسەرۋ جۇرگىزۋ شەڭبەرىندە شەت مەملەكەتتەردەن ەلەۋلi ءمانi بار مالiمەتتەر مەن قۇجاتتاردى الۋ, ءبىر ايدان كوپ مەرزiمدەردە ارنايى زەرتتەۋلەر, سىناقتار, ساراپتامالار جۇرگiزۋ قاجەت بولعان جاعدايلاردا, تەكسەرۋ جۇرگiزۋ مەرزiمi ولاردى العانعا نە ورىنداعانعا دەيiن توقتاتىلا تۇرادى. 21. تەكسەرiلەتiن سۋبەكتiنi تەكسەرۋدi توقتاتا تۇرۋ نە قايتا باستاۋ تۋرالى حاباردار ەتۋ كاسىپكەرلىك كودەكستىڭ 148-بابىنا سايكەس جۇرگiزiلەدi. تەكسەرۋدى توقتاتا تۇرۋ نەمەسە قايتا باستاۋ كەزىندە تەكسەرۋدى توقتاتا تۇرۋ نە قايتا باستاۋ تۋرالى اكت باس پروكۋروردىڭ № 13 بۇيرىعىمەن بەكىتىلگەن نىسان بويىنشا شىعارىلادى. توقتاتىلا تۇرعان تەكسەرۋدى جۇرگىزۋ مەرزىمىن ەسەپتەۋ ول قايتا باستالعان كۇننەن باستاپ جالعاسادى. 22. تەكسەرۋدىڭ اياقتالۋى بويىنشا تەكسەرۋشى ادام تەكسەرۋدىڭ ناتيجەلەرى تۋرالى اكتىنى ەكى دانادا جاسايدى. تەكسەرۋدىڭ ناتيجەلەرى تۋرالى اكتىدە: 1) اكتىنىڭ جاسالعان كۇنى, ۋاقىتى جانە ورنى; 2) تەكسەرۋ جۇرگىزگەن ورگاننىڭ اتاۋى; 3) ونىڭ نەگىزىندە تەكسەرۋ جۇرگىزىلگەن, تەكسەرۋدى تاعايىنداۋ تۋرالى اكتىنىڭ كۇنى مەن ءنومىرى; 4) تەكسەرۋ جۇرگىزگەن ادامنىڭ (ادامداردىڭ) تەگى, اتى جانە اكەسىنىڭ اتى (ول بولعان جاعدايدا) جانە لاۋازىمى; 5) تەكسەرىلەتىن سۋبەكتىنىڭ اتاۋى, تەكسەرىلەتىن سۋبەكتىنىڭ تەكسەرۋدى جۇرگىزۋ كەزىندە بولعان وكىلىنىڭ (وكىلدەرىنىڭ) تەگى, اتى, اكەسىنىڭ اتى (ول بولعان جاعدايدا) جانە لاۋازىمى; 6) تەكسەرۋدىڭ جۇرگىزىلگەن كۇنى, ورنى جانە كەزەڭى; 7) تەكسەرىلەتىن سۋبەكتىنىڭ قىزمەتىن تالداۋ; 8) تەكسەرۋدىڭ ناتيجەلەرى تۋرالى, انىقتالعان بۇزۋشىلىقتار تۋرالى فاكتىلەر بولسا, ولاردىڭ سيپاتى تۋرالى مالىمەتتەر; 9) مەملەكەتتىك قىزمەتتەردى ساپاسىز كورسەتۋدىڭ, قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ تالاپتارى ورىندالماۋىنىڭ سەبەپتەرىن تالداۋ; 10) تەكسەرۋ پاراعىنىڭ اتاۋى جانە بۇزۋشىلىقتار تابىلعان تالاپتاردىڭ تارماقتارى; 11) تەكسەرىلەتىن سۋبەكت وكىلىنىڭ, سونداي-اق تەكسەرۋ جۇرگىزۋ كەزىندە بولعان ادامداردىڭ اكتىمەن تانىسقانى تۋرالى نەمەسە تانىسۋدان باس تارتقانى تۋرالى مالىمەتتەر, ولاردىڭ قولى نەمەسە قول قويۋدان باس تارتقانى; 12) تەكسەرۋدى جۇرگىزگەن لاۋازىمدى ادامنىڭ (ادامداردىڭ) قولى كورسەتىلەدى. 23. تەكسەرۋدى تاعايىنداۋ تۋرالى اكتىدە كورسەتىلگەن تەكسەرۋدى اياقتاۋ مەرزىمىنەن كەشىكتىرمەي, تەكسەرىلەتىن سۋبەكتىگە تەكسەرۋدىڭ ناتيجەلەرى تۋرالى اكتىنىڭ تاپسىرىلعان كۇنى تەكسەرۋ مەرزىمىنىڭ اياقتالعانى بولىپ ەسەپتەلەدى. 24. تەكسەرىلەتىن سۋبەكت تەكسەرۋدىڭ ناتيجەلەرى تۋرالى اكتىگە قول قويۋدان باس تارتقان جاعدايدا, تەكسەرۋشى ادام (ادامدار) ەركىن نىساندا تيiستi حاتتاما جاساپ, ول اكتىنىڭ بiر داناسىمەن قوسا تەكسەرىلەتىن سۋبەكتىنىڭ كەڭسەسiنە بەرىپ, اكتىنىڭ ەكiنشi داناسىنا ۇسىنىلعان ماتەريالداردى تiركەۋ تۋرالى حات-حابارلاردىڭ كiرiس جۋرنالىندا نەمەسە مەملەكەتتىك ورگانداردىڭ ەلەكتروندىق قۇجات اينالىمىنىڭ بىرىڭعاي جۇيەسىندە بەلگi سوقتىرىپ الادى. تەكسەرىلەتىن سۋبەكت تەكسەرۋدىڭ ناتيجەلەرى تۋرالى اكتىنى الۋدان باس تارتقان جاعدايدا, تەكسەرۋدىڭ ناتيجەلەرى تۋرالى اكتىنى مينيسترلىك نەمەسە ونىڭ اۋماقتىق ورگانى تەكسەرىلەتىن سۋبەكتىنىڭ اتىنا قىزمەت بابىنداعى حات-حابار رەتiندە پوشتا بايلانىسى نەمەسە مەملەكەتتىك ورگانداردىڭ ەلەكتروندىق قۇجات اينالىمىنىڭ بىرىڭعاي جۇيەسى ارقىلى جولدايدى. 25. تەكسەرۋ ناتيجەسى بويىنشا ەسكەرتۋلەر جانە (نەمەسە) قارسىلىقتار بولعان جاعدايدا, ولاردى تەكسەرىلەتىن سۋبەكتىنىڭ باسشىسى نەمەسە ولاردىڭ وكىلدەرى ەركىن نىساندا جازباشا تۇردە باياندايدى. ەسكەرتۋلەر جانە (نەمەسە) قارسىلىقتار تەكسەرۋ جۇرگiزۋدiڭ ناتيجەلەرi تۋرالى اكتiگە قوسا بەرiلەدi, اكتىگە بۇل تۋرالى تيiستi بەلگi قويىلادى. 26. ءاربiر تەكسەرۋ اياقتالعاننان كەيiن تەكسەرۋشى ادامدار تەكسەرۋدىڭ ناتيجەلەرى تۋرالى اكتىنى ماتەريالدارىمەن قوسا مينيسترلىكتىڭ نەمەسە ونىڭ اۋماقتىق ورگانىنىڭ باسشىلىعىنا ءۇش جۇمىس كۇنى ىشىندە بەرەدi. 27. مينيسترلىكتىڭ نەمەسە ونىڭ اۋماقتىق ورگانىنىڭ باسشىلىعى تەكسەرۋدiڭ ناتيجەلەرى تۋرالى اكت پەن ماتەريالداردى قاراۋ ناتيجەسi بويىنشا مىناداي: 1) تەكسەرىلەتىن سۋبەكت باسشىسىنىڭ (نەمەسە ونىڭ جوعارى ورگانى) اتىنا انىقتالعان بۇزۋشىلىقتاردى, ولارعا ىقپال ەتەتىن سەبەپتەر مەن جاعدايلاردى جويۋ, مەملەكەتتىك كورسەتىلەتىن قىزمەتتەردىڭ ستاندارتتارى مەن رەگلامەنتتەرىنە ءتيىستى وزگەرىستەر مەن (نەمەسە) تولىقتىرۋلار ەنگىزۋ, مەملەكەتتىك قىزمەتتەر كورسەتۋ پروتسەستەرىن وڭتايلاندىرۋ, كىنالى ادامداردى جاۋاپكەرشىلىككە تارتۋ, كورسەتىلەتىن قىزمەتتى الۋشىنىڭ بۇزىلعان قۇقىقتارىن, بوستاندىقتارى مەن زاڭدى مۇددەلەرىن قالپىنا كەلتىرۋ بويىنشا شارالار قابىلداۋ جانە تيiستi مەرزiمگە قاراۋدىڭ ناتيجەلەرi تۋرالى مينيسترلىككە نەمەسە ونىڭ اۋماقتىق ورگانىنا حاباردار ەتۋ تۋرالى ۇسىنىمدار بار حات (بۇدان ءارى – ۇسىنىمدار بار حات) جولداۋ تۋرالى; 2) اكتىدە جانە ۇسىنىلعان ماتەريالداردا باياندالعان اقپاراتتى نازارعا الۋ تۋرالى شەشiم قابىلدايدى. تەكسەرىلەتىن سۋبەكتىلەردىڭ لاۋازىمدى ادامدارىنىڭ ارەكەتتەرىندە قىلمىستىق نەمەسە اكىمشىلىك قۇقىق بۇزۋشىلىق بەلگىلەرى نەمەسە مەملەكەتتىك قىزمەتكە كىر كەلتiرەتىن تارتىپتىك تەرىس قىلىقتاردىڭ بەلگىلەرى تابىلعان جاعدايدا, مينيسترلىكتىڭ نەمەسە ونىڭ اۋماقتىق ورگانىنىڭ باسشىلىعى تەكسەرۋ ماتەريالدارىن ءتيىستى ورگاندارعا جولداۋ بويىنشا شارالاردى قابىلدايدى. 28. مىندەتتى تۇردە قارالۋعا ءتيىس ۇسىنىمدار بار حات تەكسەرىلەتىن سۋبەكتىنىڭ باسشىسىنا مينيسترلىك باسشىلىعىنىڭ نەمەسە ونىڭ اۋماقتىق ورگاندارىنىڭ باسشىلارىنىڭ نەمەسە ولاردى الماستىراتىن ادامداردىڭ قولدارىمەن مينيسترلىك باسشىلىعى نەمەسە ونىڭ اۋماقتىق ورگاندارىنىڭ باسشىلارى تەكسەرۋ ناتيجەلەرى تۋرالى اكتىنى جانە ماتەريالداردى قاراعان كۇننەن باستاپ ءۇش جۇمىس كۇنى ىشىندە جولدانادى. 29. تەكسەرۋشى ادام (ادامدار) قازاقستان رەسپۋبليكاسىنىڭ زاڭدارىندا كوزدەلگەن جاعدايلاردى قوسپاعاندا, تەكسەرۋ جۇرگىزۋ ناتيجەسىندە الىنعان جانە كوممەرتسيالىق, سالىقتىق نەمەسە زاڭمەن قورعالاتىن وزگە دە قۇپيا بولىپ تابىلاتىن اقپاراتتى جاريا ەتپەۋدى قامتاماسىز ەتەدى. 30. تەكسەرۋ ناتيجەسىندە انىقتالعان بۇزۋشىلىقتار بويىنشا تەكسەرىلەتىن سۋبەكت ەسكەرتۋلەر جانە (نەمەسە) قارسىلىقتار بولماعان جاعدايدا, ءۇش جۇمىس كۇنىنەن كەشىكتىرمەي, مينيسترلىكتىڭ نەمەسە ونىڭ تەكسەرۋ جۇرگىزگەن اۋماقتىق ورگانىنىڭ باسشىلىعىنا انىقتالعان بۇزۋشىلىقتاردى جويۋ جانە ۇسىنىمداردى ورىنداۋ جونىندەگى ءىس-شارالار جوسپارىن (بۇدان ءارى – ءىس-شارالار جوسپارى) كەلىسۋگە ۇسىنادى. 31. ءىس-شارالار جوسپارى تەكسەرىلەتىن سۋبەكتىنىڭ جاۋاپتى ادامداردى, ورىندالۋ مەرزىمىن جانە اياقتالۋ نىسانىن كورسەتە وتىرىپ, انىقتالعان بۇزۋشىلىقتاردى جويۋ جانە ۇسىنىمداردى ورىنداۋ بويىنشا شارالارىنىڭ تىزبەسىن قامتيدى. 32. تەكسەرىلەتىن سۋبەكت ۇسىنىمدار بار حاتتا كورسەتىلگەن مەرزىمدەردە مينيسترلىككە نەمەسە ونىڭ تەكسەرۋ جۇرگىزگەن اۋماقتىق ورگانىنا ءىس-شارالار جوسپارىن ورىنداۋ بويىنشا اقپاراتتى جانە كىنالى ادامداردى جاۋاپكەرشىلىككە تارتۋ تۋرالى راستايتىن قۇجاتتاردىڭ كوشىرمەلەرىن ۇسىنادى. 33. ەگەر تەكسەرۋ ناتيجەسىندە انىقتالعان بۇزۋشىلىقتار بويىنشا تەكسەرىلەتىن سۋبەكت ولاردى جويۋ بويىنشا شارالار قابىلداماعان جاعدايدا, مينيسترلىك نەمەسە ونىڭ تەكسەرۋ جۇرگىزگەن اۋماقتىق ورگانى قازاقستان رەسپۋبليكاسىنىڭ زاڭناماسىندا كوزدەلگەن وكىلەتتىلىكتەر شەگىندە جوعارىدا تۇرعان مەملەكەتتىك ورگان نەمەسە لاۋازىمدى ادامعا تەكسەرۋ ناتيجەلەرى تۋرالى اكتىنى, ءتيىستى شارالاردى قابىلداماعان ادامداردىڭ جاۋاپكەرشىلىگىن قاراۋ تۋرالى ۇسىنىم ەنگىزەدى جانە وسىنداي فاكتىلەر تۋرالى پروكۋراتۋرا ورگاندارىن جانە قازاقستان رەسپۋبليكاسىنىڭ وزگە دە مەملەكەتتiك ورگاندارىن حاباردار ەتەدى, سونداي-اق قازاقستان رەسپۋبليكاسىنىڭ سوتتارىنا تالاپ قويۋ ارىزىمەن جۇگىنەدى. 2-پاراگراف. قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ ساقتالۋىنا مونيتورينگ جۇرگىزۋدىڭ ءتارتىبى 34. قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ ساقتالۋىنىڭ مونيتورينگى مينيسترلىك جانە ونىڭ اۋماقتىق ورگاندارى: 1) كورسەتىلەتىن قىزمەتتى بەرۋشىلەر جانە مەملەكەتتىك كورسەتىلەتىن قىزمەتتەر بويىنشا, ونىڭ ىشىندە مەملەكەتتىك قىزمەتتەر كورسەتۋ مەرزىمىنىڭ بۇزىلۋى بويىنشا «مونيتورينگ» اج-دە كورسەتىلگەن مالىمەتتەردى; 2) توقسان سايىن ەسەپتىك كەزەڭنەن كەيىنگى ايدىڭ 7-ءنشى كۇنىنە دەيىن ىشكى باقىلاۋ شەڭبەرىندە تەكسەرىلەتىن سۋبەكتىلەر ۇسىناتىن اقپاراتتى تالداۋ ارقىلى جۇزەگە اسىرادى. 35. مينيسترلىكتىڭ نەمەسە ونىڭ اۋماقتىق ورگانىنىڭ باسشىلىعى قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ ساقتالۋىنىڭ مونيتورينگى ناتيجەلەرi بويىنشا مىناداي: 1) تەكسەرىلەتىن سۋبەكت باسشىسىنىڭ (نەمەسە ونىڭ جوعارى ورگانىنىڭ) اتىنا قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ ساقتالۋىنىڭ مونيتورينگى قورىتىندىلارى بويىنشا انىقتالعان بۇزۋشىلىقتاردى, ولارعا ىقپال ەتەتىن سەبەپتەر مەن جاعدايلاردى جويۋ, كىنالى ادامداردى جاۋاپكەرشىلىككە تارتۋ, كورسەتىلەتىن قىزمەتتى الۋشىنىڭ بۇزىلعان قۇقىقتارىن, بوستاندىقتارى مەن زاڭدى مۇددەلەرىن قالپىنا كەلتىرۋ بويىنشا شارالار قابىلداۋ تۋرالى ۇسىنىمدار بار حات جولداۋ جانە تيiستi مەرزiمگە قاراۋ ناتيجەلەرi تۋرالى مينيسترلىكتى نەمەسە ونىڭ اۋماقتىق ورگانىن حاباردار ەتۋ تۋرالى; 2) ىشكى باقىلاۋ ناتيجەلەرىندەگى اقپاراتتى نازارعا الۋ تۋرالى شەشiم قابىلدايدى. تەكسەرىلەتىن سۋبەكتىلەردىڭ لاۋازىمدى ادامدارىنىڭ ارەكەتتەرىندە قىلمىستىق نەمەسە اكىمشىلىك قۇقىق بۇزۋشىلىق بەلگىلەرى نەمەسە مەملەكەتتىك قىزمەتكە كىر كەلتiرەتىن تارتىپتىك تەرىس قىلىقتاردىڭ بەلگىلەرى تابىلعان جاعدايدا, مينيسترلىكتىڭ نەمەسە ونىڭ اۋماقتىق ورگانىنىڭ باسشىلىعى تەكسەرۋ ماتەريالدارىن ءتيىستى ورگاندارعا جولدايدى. 3. ىشكى باقىلاۋ جۇرگىزۋدىڭ ءتارتىبى 36. مەملەكەتتىك قىزمەتتەر كورسەتۋ ساپاسىن ىشكى باقىلاۋدى (بۇدان ءارى – ىشكى باقىلاۋ) ورتالىق مەملەكەتتىك جانە جەرگىلىكتى اتقارۋشى ورگانداردىڭ مەملەكەتتىك كورسەتىلەتىن قىزمەتتەر ماسەلەلەرىن ۇيلەستىرەتىن ءتيىستى قۇرىلىمدىق بولىمشەلەرى باقىلاۋ ءىس-شاراسى جانە مەملەكەتتىك قىزمەتتەر كورسەتۋ ساپاسىنىڭ مونيتورينگى نىسانىندا جۇزەگە اسىرادى. 37. ورتالىق مەملەكەتتىك ورگاننىڭ مەملەكەتتىك كورسەتىلەتىن قىزمەتتەر ماسەلەلەرىن ۇيلەستىرەتىن قۇرىلىمدىق بولىمشەسى ورتالىق مەملەكەتتىك ورگان, ونىڭ ۆەدومستۆولارى, ۆەدومستۆولىق باعىنىستى ۇيىمدارى, سونداي-اق قىزمەتىن ۇيلەستىرۋدى ورتالىق مەملەكەتتىك ورگان جۇزەگە اسىراتىن جەكە جانە زاڭدى تۇلعالار كورسەتەتىن مەملەكەتتىك قىزمەتتەردىڭ ساپاسىنا ىشكى باقىلاۋ جۇرگىزەدى. 38. جەرگىلىكتى اتقارۋشى ورگاننىڭ مەملەكەتتىك كورسەتىلەتىن قىزمەتتەر ماسەلەسىن ۇيلەستىرەتىن قۇرىلىمدىق بولىمشەسى ءتيىستى اكىمشىلىك-اۋماقتىق بىرلىكتىڭ جەرگىلىكتى اتقارۋشى ورگاندارى, ۆەدومستۆولىق باعىنىستى ۇيىمدارى, سونداي-اق قىزمەتىن ۇيلەستىرۋدى جەرگىلىكتى اتقارۋشى ورگان جۇزەگە اسىراتىن جەكە جانە زاڭدى تۇلعالار كورسەتەتىن مەملەكەتتىك قىزمەتتەردىڭ ساپاسىنا ىشكى باقىلاۋ جۇرگىزەدى. 1-پاراگراف. باقىلاۋ ءىس-شاراسىن جۇرگىزۋدىڭ ءتارتىبى 39. باقىلاۋ ءىس-شاراسى باقىلاۋ وبەكتىلەرىنىڭ بۇزۋشىلىقتارىن انىقتاۋ, جويۋ جانە ولارعا جول بەرمەۋ ماقساتىندا ورتالىق مەملەكەتتىك جانە جەرگىلىكتى اتقارۋشى ورگانداردىڭ قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ جانە قازاقستان رەسپۋبليكاسىنىڭ وزگە زاڭناماسىنىڭ ساقتالۋ بويىنشا ىشكى باقىلاۋ جۇرگىزۋگە جاۋاپتى قۇرىلىمدىق بولىمشەسى جۇزەگە اسىراتىن ءوزارا بايلانىستى باقىلاۋ ءىس-قيمىلدارىنىڭ كەشەنى بولىپ تابىلادى. 40. باقىلاۋ ءىس-شارالارىن جۇرگىزۋگە نەگىز بولىپ تابىلاتىن قۇجاتتار: جوسپارلاناتىن جىلدان الدىڭعى جىلدىڭ 25 جەلتوقسانىنان كەشىكتىرمەي, ورتالىق مەملەكەتتىك جانە (نەمەسە) جەرگىلىكتى اتقارۋشى ورگان باسشىلىعىنىڭ بۇيرىعىمەن ءبىر جىلعا بەكىتىلەتىن باقىلاۋ ءىس-شارالارىنىڭ جوسپارى; مەملەكەتتىك قىزمەتتەر كورسەتۋ ساپاسىنىڭ مونيتورينگى ناتيجەلەرى بويىنشا ورتالىق مەملەكەتتىك جانە (نەمەسە) جەرگىلىكتى اتقارۋشى ورگان باسشىلىعىنىڭ باقىلاۋ ءىس-شاراسىن تاعايىنداۋ تۋرالى بۇيرىعى. 41. باقىلاۋ ءىس-شارالارى جوسپارىندا باقىلاۋعا جاتاتىن ماسەلەلەر مەن وبەكتىلەردىڭ تىزبەسى, جۇرگىزۋ مەرزىمدەرى, اياقتاۋ نىساندارى جانە باقىلاۋ ءىس-شارالارىنا جاۋاپتى ورىنداۋشىلار كورسەتىلەدى. 42. باقىلاۋ ءىس-شاراسىن جۇرگىزۋدىڭ مەرزىمى الداعى جۇمىستاردىڭ كولەمى, قويىلعان مىندەتتەر مەن وبەكتىلەر سانى ەسكەرىلە وتىرىپ بەلگىلەنەدى جانە كۇنتىزبەلىك وتىز كۇننەن اسپاۋعا ءتيىس. 43. وبەكتيۆتى سەبەپتەر بولعان جاعدايدا, باقىلاۋ ءىس-شاراسىنىڭ مەرزىمى ىشكى باقىلاۋ جۇرگىزۋگە جاۋاپتى قۇرىلىمدىق بولىمشەنىڭ دالەلدى ۇسىنىسى بويىنشا ورتالىق مەملەكەتتىك جانە (نەمەسە) جەرگىلىكتى اتقارۋشى ورگان باسشىلىعىنىڭ بۇيرىعى نەگىزىندە كۇنتىزبەلىك وتىز كۇننەن اسپايتىن مەرزىمگە ۇزارتىلادى. 44. باقىلاۋ ءىس-شاراسىن جۇرگىزۋدەن بۇرىن ىشكى باقىلاۋدى جۇرگىزۋگە جاۋاپتى قۇرىلىمدىق بولىمشەنىڭ قىزمەتكەرى (بۇدان ءارى – جاۋاپتى ورىنداۋشى) باقىلاۋ ءىس-شاراسىن جۇرگىزۋ باستالعانعا دەيىن ءۇش جۇمىس كۇنىنەن كەشىكتىرمەي باقىلاۋ وبەكتىسىن جازباشا تۇردە حاباردار ەتەدى. 45. باقىلاۋ ءىس-شاراسىنىڭ باستالۋ مەرزىمى باقىلاۋ وبەكتىسىنە باقىلاۋ ءىس-شاراسىن تاعايىنداۋ تۋرالى بۇيرىقتى بەرۋ كۇنى بولىپ ەسەپتەلەدى. 46. باقىلاۋ ءىس-شاراسىن جۇرگىزۋ كەزىندە جاۋاپتى ورىنداۋشىلار: 1) ولار بەلگىلەگەن مەرزىمدە باقىلاۋ وبەكتىلەرىنەن باقىلاۋ ءىس-شاراسىن جۇرگىزۋگە بايلانىستى ماسەلەلەر بويىنشا قاجەتتى قۇجاتتاردى, انىقتامالاردى, اۋىزشا جانە جازباشا تۇسىنىكتەمەلەردى سۇراتادى جانە الادى; 2) مەملەكەتتىك قۇپيا تۋرالى زاڭنامانى جانە زاڭمەن قورعالاتىن وزگە دە قۇپيالاردى ساقتاۋدى ەسكەرە وتىرىپ, باقىلاۋ وبەكتىسىنىڭ باقىلاۋ ءىس-شاراسىنىڭ ماسەلەلەرىنە قاتىستى قۇجاتتاماسىمەن كەدەرگىسىز تانىسادى; 3) ەلەكتروندىق نۇسقادا كورسەتىلگەن مەملەكەتتىك قىزمەتتەر تۋرالى, «مونيتورينگ» اج-دە كورسەتىلگەن مەملەكەتتىك قىزمەتتەر كورسەتۋ مەرزىمدەرىنىڭ بۇزىلۋى تۋرالى, مەملەكەتتىك كورسەتىلەتىن قىزمەتتەر ماسەلەسى بويىنشا كەلىپ تۇسكەن شاعىمدار جانە ولاردى قاراۋ ناتيجەلەرى تۋرالى مالىمەتتەردى پايدالانادى; 4) ىشكى باقىلاۋ جۇرگىزۋگە جاۋاپتى قۇرىلىمدىق بولىمشەنىڭ قۇزىرەتىنە كىرەتىن وزگە دە ارەكەتتەردى جۇزەگە اسىرادى. 47. قاجەت بولعان جاعدايدا, باقىلاۋ ءىس-شاراسىن جۇرگىزۋگە باقىلاۋ وبەكتىسىمەن ازاماتتىق-قۇقىقتىق جانە ەڭبەك قاتىناستارىندا تۇرمايتىن ساراپشىلار, ساراپتاما ۇيىمدارى جانە ماماندار تارتىلادى. 48. باقىلاۋ ءىس-شاراسى اياقتالعان سوڭ جاۋاپتى ورىنداۋشىلار باقىلاۋ ءىس-شاراسىنىڭ اكتىسىن ەكى دانادا جاسايدى جانە وعان قول قويادى. باقىلاۋ ءىس-شاراسى اكتىسىنىڭ ءبىر داناسى باقىلاۋ ءىس-شاراسىن تاعايىنداۋ تۋرالى بۇيرىقتا كورسەتىلگەن اياقتالۋ مەرزىمىنەن كەشىكتىرمەي, باقىلاۋ وبەكتىسىنىڭ باسشىسىنا تانىستىرۋ ءۇشىن ۇسىنىلادى. تانىسۋدان باس تارتقان جاعدايدا, باقىلاۋ ءىس-شاراسىنىڭ اكتىسىندە باس تارتقانى تۋرالى بەلگى قويىلادى. تانىسۋدان باس تارتۋ باقىلاۋ ءىس-شاراسىنىڭ ماتەريالدارىن ودان ءارى ىسكە اسىرۋ ءۇشىن كەدەرگى بولىپ تابىلمايدى. 49. باقىلاۋ ناتيجەلەرى تۋرالى اكتىدە: 1) اكتىنىڭ جاسالعان كۇنى, ۋاقىتى جانە ورنى; 2) باقىلاۋ ءىس-شاراسى جۇرگىزىلگەن باقىلاۋ وبەكتىسىنىڭ اتاۋى, باقىلاۋ وبەكتىسىنىڭ باقىلاۋ ءىس-شاراسىن جۇرگىزۋ كەزىندە بولعان وكىلىنىڭ (وكىلدەرىنىڭ) تەگى, اتى, اكەسىنىڭ اتى (ول بولعان جاعدايدا) جانە لاۋازىمى; 3) ونىڭ نەگىزىندە باقىلاۋ ءىس-شاراسى جۇرگىزىلگەن, باقىلاۋ ءىس-شاراسىن تاعايىنداۋ تۋرالى بۇيرىقتىڭ جاسالعان كۇنى مەن ءنومىرى; 4) باقىلاۋ ءىس-شاراسىن جۇرگىزگەن جاۋاپتى ورىنداۋشىلاردىڭ تەگى, اتى جانە اكەسىنىڭ اتى (ول بولعان جاعدايدا) جانە لاۋازىمى; 5) باقىلاۋ ءىس-شاراسىنىڭ جۇرگىزىلگەن كۇنى, ورنى جانە كەزەڭى; 6) باقىلاۋ وبەكتىسىنىڭ قىزمەتىن تالداۋ; 7) باقىلاۋ ءىس-شاراسىنىڭ ناتيجەلەرى تۋرالى, انىقتالعان بۇزۋشىلىقتار فاكتىلەرى بولسا, ولار تۋرالى مالىمەتتەر; 8) مەملەكەتتىك قىزمەتتەردى ساپاسىز كورسەتۋدىڭ, قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسى تالاپتارىنىڭ ورىندالماۋىنىڭ سەبەپتەرىن تالداۋ; 9) ورىنداۋ مەرزىمدەرىن كورسەتە وتىرىپ, انىقتالعان بۇزۋشىلىقتاردى, ولارعا ىقپال ەتەتىن سەبەپتەر مەن جاعدايلاردى جويۋ بويىنشا, سونداي-اق مەملەكەتتىك قىزمەتتەر كورسەتۋ ساپاسىن ارتتىرۋ ماقساتىندا ىشكى رەسىمدەردى جاقسارتۋ بويىنشا ۇسىنىمدار; 10) قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ بۇزىلۋ فاكتىلەرى انىقتالعان جاعدايدا بۇزۋشىلىقتى جاساعان كىنالى ادامداردى جاۋاپكەرشىلىككە تارتۋ بويىنشا ۇسىنىمدار; 11) باقىلاۋ وبەكتىسى باسشىسىنىڭ اكتىمەن تانىسقانى نەمەسە تانىسۋدان باس تارتقانى, سونداي-اق باقىلاۋ ءىس-شاراسىن جۇرگىزۋ كەزىندە بولعان ادامداردىڭ قولدارى نەمەسە قول قويۋدان باس تارتقانى تۋرالى مالىمەتتەر; 12) باقىلاۋ ءىس-شاراسىن جۇرگىزگەن جاۋاپتى ادامداردىڭ قولدارى كورسەتىلەدى. قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ بۇزىلۋ فاكتىلەرى انىقتالعان جاعدايدا, باقىلاۋ ءىس-شاراسى ماتەريالدارىنا ولاردىڭ قۇجاتتارى, انىقتامالارى, قۇجاتتاردىڭ ءتيىستى تۇردە راستالعان كوشىرمەلەرى, سونداي-اق ولارعا قاتىسى بار لاۋازىمدى ادامداردىڭ فۋنكتسيونالدىق مىندەتتەرىنە بايلانىستى ولاردىڭ جازباشا تۇسىنىكتەمەلەرى قوسا تىركەلەدى. 50. باقىلاۋ وبەكتىسىنىڭ باسشىسى باقىلاۋ ءىس-شاراسىنىڭ اكتىسى تانىستىرىلۋعا ۇسىنىلعان كۇننەن باستاپ ءۇش جۇمىس كۇنى ىشىندە: باقىلاۋ ءىس-شاراسىنىڭ ناتيجەسىمەن كەلىسكەن جاعدايدا – باقىلاۋ ءىس-شاراسى اكتىسىنىڭ ەكى داناسىنا دا قول قويادى; باقىلاۋ ءىس-شاراسىنىڭ ناتيجەسىمەن كەلىسپەگەن جاعدايدا – ىشكى باقىلاۋ جۇرگىزۋگە جاۋاپتى قۇرىلىمدىق بولىمشەگە باقىلاۋ ءىس-شاراسىنىڭ اكتىسىنە ەركىن تۇردە قارسىلىقتارىن جولدايدى. قارسىلىقتار باقىلاۋ ءىس-شاراسىنىڭ اكتىسىنە قوسا تىركەلەدى, ول تۋرالى اكتىدە ءتيىستى بەلگى قويىلادى. 51. ىشكى باقىلاۋ جۇرگىزۋگە جاۋاپتى قۇرىلىمدىق بولىمشە باقىلاۋ ءىس-شاراسى اياقتالعاننان كەيىن 7 جۇمىس كۇنى ىشىندە مەملەكەتتىك ورگاننىڭ باسشىسىنا باقىلاۋ ءىس-شاراسىنىڭ ماتەريالدارى مەن اكتىسىن ۇسىنادى. 52. باقىلاۋ ءىس-شاراسىنىڭ ماتەريالدارى مەن اكتىسىن قاراۋ ناتيجەسى بويىنشا كەلەسى شەشىمدەردىڭ ءبىرى: 1) باقىلاۋ وبەكتىسى باسشىسىنىڭ اتىنا انىقتالعان بۇزۋشىلىقتاردى, ولارعا ىقپال ەتەتىن سەبەپتەر مەن جاعدايلاردى جويۋ, مەملەكەتتىك قىزمەتتەر كورسەتۋدىڭ ىشكى رەسىمدەرىن جاقسارتۋ, مەملەكەتتىك كورسەتىلەتىن قىزمەتتەردىڭ ستاندارتتارى مەن رەگلامەنتتەرىنە ءتيىستى وزگەرىستەر جانە (نەمەسە) تولىقتىرۋلار ەنگىزۋ, مەملەكەتتىك قىزمەتتەردى كورسەتۋ پروتسەستەرىن وڭتايلاندىرۋ, قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ بۇزىلۋىنا كىنالى ادامداردى جاۋاپكەرشىلىككە تارتۋ تۋرالى ۇسىنىمدار بار حات (بۇدان ءارى – ۇسىنىمدار بار حات) جولداۋ تۋرالى; 2) ۇسىنىمدار بولماعان جاعدايدا, باقىلاۋ ءىس-شاراسىنىڭ ماتەريالدارى مەن اكتىسىندەگى اقپاراتتى نازارعا الۋ تۋرالى شەشىم قابىلدانادى. 53. وسى قاعيدالار 52-تارماعىنىڭ 1) تارماقشاسىندا كوزدەلگەن جاعدايدا, باقىلاۋ وبەكتىسى ۇسىنىمدار بار حاتتى العاننان كەيىن ءۇش جۇمىس كۇنىنەن كەشىكتىرمەي, ىشكى باقىلاۋ جۇرگىزۋگە جاۋاپتى قۇرىلىمدىق بولىمشەنىڭ باسشىلىعىنا انىقتالعان بۇزۋشىلىقتاردى جويۋ جانە ۇسىنىمداردى ورىنداۋ جونىندەگى ءىس-شارالار جوسپارىن (بۇدان ءارى – ءىس-شارالار جوسپارى) قاراۋعا ۇسىنادى. 54. ءىس-شارالار جوسپارى باقىلاۋ وبەكتىسىنىڭ جاۋاپتى ورىنداۋشىلاردى, ورىندالۋ مەرزىمدەرىن جانە اياقتالۋ نىساندارىن كورسەتە وتىرىپ, انىقتالعان بۇزۋشىلىقتاردى جويۋ جانە ۇسىنىمداردى ورىنداۋ بويىنشا شارالار تىزبەسىن قامتيدى. 55. باقىلاۋ وبەكتىسى ۇسىنىمدار بار حاتتا كورسەتىلگەن مەرزىمدەردە ىشكى باقىلاۋ جۇرگىزۋگە جاۋاپتى قۇرىلىمدىق بولىمشەگە ءىس-شارالار جوسپارىن ورىنداۋ بويىنشا اقپاراتتى جانە قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ بۇزىلۋىنا كىنالى ادامداردىڭ جاۋاپكەرشىلىككە تارتىلعانى تۋرالى قۇجاتتاردىڭ راستالعان كوشىرمەلەرىن ۇسىنادى. 2-پاراگراف. مەملەكەتتىك قىزمەتتەر كورسەتۋ ساپاسىنىڭ مونيتورينگى 56. مەملەكەتتىك قىزمەتتەر كورسەتۋ ساپاسىنىڭ مونيتورينگىن ورتالىق مەملەكەتتىك جانە جەرگىلىكتى اتقارۋشى ورگانداردىڭ ىشكى باقىلاۋ جۇرگىزۋگە جاۋاپتى قۇرىلىمدىق بولىمشەلەرى توقسان سايىن جۇرگىزەدى جانە مىنالاردى: 1) مەملەكەتتىك كورسەتىلەتىن قىزمەتتەر ستاندارتتارىنىڭ جوبالارىن جاريا تالقىلاۋ ءۇشىن ورنالاستىرۋدى, جاريا تالقىلاۋدىڭ اياقتالۋى تۋرالى ەسەپتەردى (ورتالىق مەملەكەتتىك ورگاندار ءۇشىن), مەملەكەتتىك قىزمەتتەردى «ەلەكتروندىق ۇكىمەت» ۆەب-پورتالىندا, مەملەكەتتىك ورگاننىڭ رەسمي ينتەرنەت-رەسۋرسىندا كورسەتۋ ماسەلەلەرى بويىنشا قىزمەت تۋرالى ەسەپتەردى تالداۋدى; 2) مەملەكەتتىك كورسەتىلەتىن قىزمەتتەردىڭ بەكىتىلگەن ستاندارتتارىنىڭ (ورتالىق مەملەكەتتىك ورگاندار ءۇشىن) جانە رەگلامەنتتەرىنىڭ بولۋى, ولاردى بەكىتۋ مەرزىمدەرىنىڭ ساقتالۋىن, ولاردى «ەلەكتروندىق ۇكىمەت» ۆەب-پورتالىندا, مەملەكەتتىك ورگاننىڭ رەسمي ينتەرنەت-رەسۋرسىندا ورنالاسۋىن تالداۋدى; 3) مەملەكەتتىك كورسەتىلەتىن قىزمەتتەر ستاندارتتارىنىڭ جانە رەگلامەنتتەرىنىڭ وزەكتەندىرۋ قاجەتتىگىن تالداۋدى; 4) مەملەكەتتىك كورسەتىلەتىن قىزمەتتەردى تابۋ جانە/نەمەسە جويۋ بويىنشا زاڭنامانى تالداۋدى; 5) مەملەكەتتىك كورسەتىلەتىن قىزمەتتەر ماسەلەلەرى بويىنشا بىرىڭعاي بايلانىس-ورتالىعىندا, مەملەكەتتىك قىزمەتتەر كورسەتىلەتىن ورىنداردا, «ەلەكتروندىق ۇكىمەت» ۆەب-پورتالىندا, مەملەكەتتىك ورگاننىڭ رەسمي ينتەرنەت-رەسۋرسىندا مەملەكەتتىك قىزمەتتەردى كورسەتۋدىڭ ءتارتىبى تۋرالى اقپاراتتىڭ وزەكتىلىگىن تالداۋدى; 6) مەملەكەتتىك كورسەتىلەتىن قىزمەتتەردىڭ بيزنەس-پروتسەسىن تالداۋدى; 7) قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسى تالاپتارىنىڭ ساقتالۋىن تالداۋدى; 8) قازاقستان رەسپۋبليكاسى زاڭدارىندا, سونداي-اق ەكىنشى ساناتتاعى رۇقساتتى بەرۋ كەزىندە نورماتيۆتىك قۇقىقتىق اكتىلەردە كوزدەلمەگەن نەگىزدەر بويىنشا مەملەكەتتىك قىزمەتتى كورسەتۋدەن باس تارتۋ, كورسەتىلەتىن قىزمەتتى الۋشىلاردان اقپاراتتىق جۇيەلەردەن الىنۋى مۇمكىن قۇجاتتاردى نە مەملەكەتتىك كورسەتىلەتىن قىزمەت ستاندارتىندا رەتتەلمەگەن قۇجاتتاردى تالاپ ەتۋ فاكتىلەرىن انىقتاۋدى; 9) مۇمكىندىكتەرى شەكتەۋلى ادامداردىڭ مەملەكەتتىك كورسەتىلەتىن قىزمەتتەردى الۋى كەزىندە ولارعا قاجەتتى جاعدايدىڭ بولۋىن تالداۋدى; 10) «مونيتورينگ» اج-گە مەملەكەتتىك قىزمەتتى كورسەتۋ كەزەڭى تۋرالى دەرەكتەردى ەنگىزۋدى تالداۋدى; 11) مەملەكەتتىك قىزمەتتەر كورسەتۋ ساپاسىنىڭ قوعامدىق مونيتورينگىنىڭ قورىتىندىلارىن تالداۋدى; 12) مەملەكەتتىك قىزمەتتەر كورسەتۋ ساپاسىنا قوعامدىق مونيتورينگ جۇرگىزۋ ءۇشىن قاجەتتى قوسىمشا اقپارات الۋ ءۇشىن مەملەكەتتىك ورگانعا ءوتىنىشتى; 13) كورسەتىلەتىن قىزمەتتى الۋشىلاردىڭ مەملەكەتتىك كورسەتىلەتىن قىزمەتتەر ماسەلەلەرى بويىنشا شاعىمدارى مەن ارىزدارىن قاراۋدى جانە ولارعا تالداۋ جۇرگىزۋدى قامتيدى. 57. مەملەكەتتىك قىزمەتتەر كورسەتۋ ساپاسىنىڭ قوعامدىق مونيتورينگىنىڭ قورىتىندىسى بويىنشا ىشكى باقىلاۋعا جاۋاپتى قۇرىلىمدىق بولىمشە: 1) مەملەكەتتىك كورسەتىلەتىن قىزمەتتەردىڭ بيزنەس-پروتسەستەرىن جەتىلدىرۋ, ونىڭ ىشىندە ولاردى اۆتوماتتاندىرۋ, وڭتايلاندىرۋ جانە مەملەكەتتىك كورپوراتسيا ارقىلى ولاردى كورسەتۋگە كوشىرۋ; 2) مەملەكەتتىك كورسەتىلەتىن قىزمەتتەر تىزىلىمىنە, مەملەكەتتىك كورسەتىلەتىن قىزمەتتەردىڭ ستاندارتتارى مەن رەگلامەنتتەرىنە وزگەرىستەر جانە (نەمەسە) تولىقتىرۋلار ەنگىزۋ; 3) قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسى ساقتالماۋىنىڭ انىقتالعان فاكتىلەرىن جويۋ; 4) قازاقستان رەسپۋبليكاسىنىڭ مەملەكەتتىك كورسەتىلەتىن قىزمەتتەر سالاسىنداعى زاڭناماسىنىڭ بۇزىلۋ فاكتىلەرى بويىنشا باقىلاۋ ءىس-شارالارىن جۇرگىزۋ; 5) مەملەكەتتىك كورسەتىلەتىن قىزمەتتەر ماسەلەلەرى بويىنشا بىرىڭعاي بايلانىس-ورتالىعىندا, مەملەكەتتىك قىزمەتتەر كورسەتىلەتىن ورىنداردا, «ەلەكتروندىق ۇكىمەت» ۆەب-پورتالىندا, مەملەكەتتىك ورگاننىڭ رەسمي ينتەرنەت-رەسۋرسىندا مەملەكەتتىك قىزمەتتەردى كورسەتۋدىڭ ءتارتىبى تۋرالى اقپاراتتىڭ وزەكتىلىگى; 6) كورسەتىلەتىن قىزمەتتى الۋشىلاردى مەملەكەتتىك قىزمەتتەردى كورسەتۋدىڭ ءتارتىبى تۋرالى اقپاراتتاندىرۋ بويىنشا تۇسىندىرمە ءىس-شارالارىن جۇرگىزۋ; 7) قىزمەتكەرلەردىڭ مەملەكەتتىك قىزمەتتەر كورسەتۋ بويىنشا بىلىكتىلىگىن ارتتىرۋدى قامتاماسىز ەتۋ بويىنشا ۇسىنىمداردى ازىرلەيدى. 58. مەملەكەتتىك قىزمەتتەر كورسەتۋ ساپاسىنىڭ قوعامدىق مونيتورينگىنىڭ قورىتىندىسى بويىنشا ۇسىنىمدار ولاردى ورىنداۋ بويىنشا شارالاردى قابىلداۋ تۋرالى اقپاراتتاندىرۋ مەرزىمىن كورسەتە وتىرىپ, كورسەتىلەتىن قىزمەتتى الۋشىلارعا جىبەرۋ ءۇشىن مەملەكەتتىك ورگاننىڭ باسشىلىعىنا كەلىسۋگە جانە ماقۇلداۋعا ەنگىزىلەدى. 3-پاراگراف. مينيسترلىككە جانە ونىڭ اۋماقتىق ورگاندارىنا ىشكى باقىلاۋ بويىنشا جۇمىس تۋرالى ەسەپتەردى ۇسىنۋدىڭ ءتارتىبى 59. وسى قاعيدالارعا 1-قوسىمشاعا سايكەس نىسان بويىنشا توقسان سايىن ەسەپتىك كەزەڭنەن كەيىنگى ايدىڭ 7-ءنشى كۇنىنە دەيىن تالدامالىق انىقتامانى قوسا وتىرىپ, ىشكى باقىلاۋ بويىنشا جۇمىس تۋرالى ەسەپتى: ورتالىق مەملەكەتتىك ورگاندار مينيسترلىككە; ورتالىق مەملەكەتتىك ورگانداردىڭ جانە ولاردىڭ ۆەدومستۆولارىنىڭ اۋماقتىق بولىمشەلەرى مينيسترلىكتىڭ اۋماقتى ورگاندارىنا ۇسىنادى. ەسەپ ورتالىق مەملەكەتتىك ورگان, ونىڭ ۆەدومستۆولارى, ۆەدومستۆولىق باعىنىستى ۇيىمدارى, سونداي-اق قىزمەتىن ۇيلەستىرۋدى ورتالىق مەملەكەكتتىك ورگان جۇزەگە اسىراتىن جەكە جانە زاڭدى تۇلعالار كورسەتەتىن مەملەكەتتىك قىزمەتتەر ساپاسىن ىشكى باقىلاۋدىڭ قورىتىندىسىن قامتيدى. 60. جەرگىلىكتى اتقارۋشى ورگاندار وسى قاعيدالارعا 2-قوسىمشاعا سايكەس نىسان بويىنشا ىشكى باقىلاۋ بويىنشا جۇمىس تۋرالى ەسەپتى تالدامالىق انىقتامانى قوسا وتىرىپ, مينيسترلىككە جانە ونىڭ اۋماقتىق ورگاندارىنا توقسان سايىن ەسەپتىك كەزەڭنەن كەيىنگى ايدىڭ 7-ءنشى كۇنىنە دەيىن ۇسىنادى. ەسەپ وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ جەرگىلىكتى اتقارۋشى ورگاندارى, ۆەدومستۆولىق باعىنىستى ۇيىمداردىڭ, سونداي-اق قىزمەتىن ۇيلەستىرۋدى جەرگىلىكتى اتقارۋشى ورگاندار جۇزەگە اسىراتىن جەكە جانە زاڭدى تۇلعالار كورسەتەتىن مەملەكەتتىك قىزمەتتەر ساپاسىن ىشكى باقىلاۋدىڭ قورىتىندىسىن قامتيدى. 61. ىشكى باقىلاۋ بويىنشا جۇمىس تۋرالى ۇسىنىلعان ەسەپ ورتالىق مەملەكەتتىك نەمەسە جەرگىلىكتى اتقارۋشى ورگاندار تۇزەتۋ قاجەتتىگى تۋرالى راستايتىن ماتەريالداردى ۇسىنعان جاعدايدا عانا ەسەپتىك جىلدىڭ ءتورتىنشى توقسانىنىڭ قورىتىندىسى بويىنشا مينيسترلىكتىڭ جانە ونىڭ اۋماقتىق ورگاندارىنىڭ تۇزەتۋىنە جاتادى. 62. ەسەپ مىندەتتى تۇردە تولىق تولتىرىلادى, نىساندا قالدىرىپ كەتكەن, تولتىرىلماعان كەستە ۇياشىعىنىڭ بولۋىنا جول بەرىلمەيدى. مالىمەتتەر بولماعان جاعدايدا ءتيىستى كەستە ۇياشىعىندا «-» بەلگىسى قويىلادى. 63. ەسەپكە تالدامالىق انىقتاماعا ىشكى باقىلاۋ بويىنشا جۇمىس تۋرالى ەسەپتىك نىساندا كورسەتىلگەن مالىمەتتە